الخطوط الجوبة البريطانية

[Fouz]

السلام عليكم كويتيات

اللي سافرت على البريطانية ياليت تفيدنا بملاحظاتها خصوصا اللي مسافرة و معاها ياهل اقل من سنة و مشكورين

 

[New Mum]

مشاركة: الخطوط الجوبة البريطانية

ما عندي فكره حبيبتي إنشا الله البنات يفيدونج بس البريتش ما يبيلها كلام من التوب اهيا و الامارتيه ..
بس الكويتي أنفع

 

[انا كويتية]

مشاركة: الخطوط الجوبة البريطانية

لاتنسين حبيبتي انه مايزيد وزن جنطتج عن 32 كيلو ممنوع ..... بمعنى ان لو عندج عشر جناط مالهم شغل دام انج بتدفعين الزايد بس لازم كل جنطة ماتزيد عن 32 ك ولا تضطرين بالمطار تفتحين الجنطة وتشيلين الزايد.... وهذا قانون لحماية عمالهم.....بالنسبة للبيبي طلبي الكريكوت وقت الحجز واهم وايد يهتمون بالأم وانشالله ترتاحين ورحلة موفقة

 

[كويتية في لندن]

مشاركة: الخطوط الجوبة البريطانية

انا ما اروح وارد الا على البريطانية .......... خدمة ممتازة وتعامل زين ودقة بالمواعيد لا وكل شي ممكن تسوينه بالنت من تاكيد الحجز وحجز الكرسي لا وتقدرين تسوين check in من النت قبل لا تروحين المطار... بس من تصير سالة الوزن الزايد العن منهم مافي .................لا والاخبار الجديدة عن سالفة الجناط والوزن الزايد اابتداءا من شهر 10 الياي اي جنطة لازم ما يزيد وزنها عن 23 كيلو مو 32 توه اليوم وصلتني رسالة منهم لاني عضوة في نادي المسافرين على البريطانية ..لا والجنطة اللي بتدخلينها وياج الطيارة ما يزيد حجمها عن 65 في 65 سم
اما السفر مع الاطفال احنا جربناه مع اختي وولدها .....طلبي منهم انه يوفرون له baby basenet وطبعا يكون لج الحق بانج تقعدين بالكرسي اللي جدام على السياحية لان معاج طفل بس لازم تطلبين منهم عن طريق سفرياتج هالشي

كراسي البريطانية مريحة مقارنة بالكويتية .....وتقدرين تطلبين اكل حلال اذا ما تبين اكلهم

يعني جربي البريطانية وايد افضل من الكويتية

 

[Dancing^Queen]

مشاركة: الخطوط الجوبة البريطانية

البرتش بيرفكت طيرانهم وايد حلو وسيرفسهم بالرحله وايد حلو
بس ترا غير قابل للتغير او الاسترجااع يعني بتجدمين الرده بتاخيرنها مايصير وان كنسلتي فلوسج ماترد هذي شغله
الوزن ملععععععععععععععععععن نحححححححححححس مثل ماقالت اختي كويتيه في لندن
اهم 23 كيلو مو 32 ومو لو وياج عشر جناط لا اجمالي اللي اييبه الشخص الواحد 23 كيلو وزني جناطج قبل ونصيحه لاتاخذين جناط ثقال تتوهقين انا شاريه جناط يديده مستانسه عليهم علي ابو سيت وحلوين مادريت انهم ثقال جذي ماحطيت شي وطلعلي وزن زايد بالروحه بالرده شبسوي؟


وكويتيه في لندن عندي باد نيوز لج هالقانون تطبق من تاريخ 3-7 علي حجم ووزن الجناط والجنطه اللي تدش الطياره لازم مايكون وزنها اكثر من 10 كيلو

 

[Dancing^Queen]

مشاركة: الخطوط الجوبة البريطانية

ونسيت اقولج تطلبني وجبتج اون لاين حطيها مسلم ميل علشان تكون حلال وافلامهم يديده وحلوه ومترجمه

 

[Fouz]

مشاركة: الخطوط الجوبة البريطانية

يعطيكم ألف عافية

 

[سارا ديور]

مشاركة: الخطوط الجوبة البريطانية

على البريطانيه وإلا فلا

هذا رأيي بكل صراحه

 

[سارا ديور]

مشاركة: الخطوط الجوبة البريطانية

على البريطانيه وإلا فلا

هذا رأيي بكل صراحه

 

[Fouz]

مشاركة: الخطوط الجوبة البريطانية

على البريطانيه وإلا فلا

هذا رأيي بكل صراحه

مشكورة سارا

 

[انا كويتية]

مشاركة: الخطوط الجوبة البريطانية

انا خبري شهر 9 اللي فات 32 يمكن الحين صار 23؟؟؟؟

 

[لازوردي]

مشاركة: الخطوط الجوبة البريطانية

الصراحه على راسي البرتش احلا طيران وصج كراسيهم مريحه وخدمتهم اتينن 24 ساعه يخدمونج ما يمديج تسكرين حلجج الا بعد يابو لج شي تاكلينه او تشربينه بس ياربي ليش قوانينهم صارت جذي صج بايخين

 

[ليالي الكويت]

مشاركة: الخطوط الجوبة البريطانية

أنا رحـت فيهــا شهــر 2 أذكــر ان أحلى ما فيهــا الوقــت ..
يعنـــي تطيرين من الكويــت الفجــر ..
والرجعـه الساعـه 12 بالليل يعني تركبيـن الطيارة يطفون الليــت وكــل من ينــام وأول ما تقوميــن الا انتي بالكويــت ..
بس بنات انا اذكـر بالروحـة كانت طيارتنا حلـوة وكراسينا مريحـة بس بالرجعــه وععععععع ضيقــة الكراسي ومتعبـه وكلهـا هنــود ولا فيها تلفزيون ...

 

[نملة^فاصلة]

اللوفت هانزا بايخه ونفسيه حشاكم .............جنهم مسفرينج على حسابهم ما ادري ليش

 

[أميرة الحلا]

الكويتي انفع

 

[رمانه كويتيه]

انا عندى االكويتيه احسن عاد الواحد ليش اييبله شبهات البريطانيه فيها وسكى وبيره وتعرفون هذا مايجوز حتى الجلوس معاهم