الخــلـــيجــــيــون لا يدخلون الجنه؟؟؟؟؟؟

[بعثرة محبره]

لفت نظري وانا اتجول بين مواقع الانترنت مقال كتب في احد المنتديات عن الخليجين

وكان عنوانه ( الخليجيون لا يدخلون الجنه)
وصدمت في الواقع لما احتوى عليه الموضوع ..

كاتب الموضوع شاب مصري في اوائل الثلاثينات من عمره

وظيفته هي سائق لسيارة اجره

يقول ان له عشر سنوات يعمل بهذه الوظيفه

وكل المواسم والاجازات الصيفيه والاعياد وغيرها وغيرها

يصادف خليجيين. ولما يسألهم على فين؟؟؟؟ تكون الاجابه. الكباريه الفلاني

او المرقص الفلاني او البار الفلاني

يقول ويقسم انه ولا خليجي ركب سيارته وطلب منه مكان مو شبهه او بعيد عن شغلات الفساد

يقول نفسي مره لو مره وحده يطلب مني خليجي الذهاب الى مكان محترم!!!!!!!!!

يقول الشعب الخليجي شعب مغرقه بالفلوس والملذات وهو مايستاهل
وكل هم الخليجيين البحث عن متعهم الدنيويه

ويتسائل....

هل يدخلون الجنه؟؟؟؟؟؟؟؟؟؟؟؟

ويلح السؤال في نفسه

اليست ريح الجنه محرمه على هؤلاءالخليجين؟؟؟؟؟؟؟

اليس من الظلم ان هؤلاء الخليجين ينعمون بالفساد والفلوس والشرب والزنا
وبعدها يشمون الجنه؟؟؟؟ ..


تعليق شخصي


اعوذبالله العظيم من كل شر عظيم

اجرئكم على الافتاء اجرئكم على جهنم"

كيف له ان يحكم ومن سمح له بذلك

ليس من حق اي مسلم ان يستنكر دخول الجنة للمؤمنين
فهذا لا يسمى إفتاء هذا يسمى إلحاد
لأنه لا يعلم الغيب إلا الله عز وجل
فهو الغفور الرحيم الرازق المنعم
فلا يعلم الغيب غيره
فجميع دول العالم بها الصالح وبها الطالح
فلربما رجع الشخص إلى ربه بتوبةٌ نصوحه
وربما ربي غفر له ذنوبه
ولا يجب أن نتكلم عن أي شعب بالسوء

واسمحولي لقول يكلمة إلحاد
فما قلتها إلا بعد سؤالي للعلاّمة
أحمد الكبيسي

بالطبع جميعا كمسلمين رجال و نساء مسؤولين امام الله
عن الصورة التي نرسمها عن ديننا وبلادنا التي اتينا منها



تبقى هناك عدة تساؤلات

لماذا الخليجي دون غيره هو من تضخم اخطاءه وكأنه هو الوحيد فقط الذي يفعل هذه الامور؟

واجد انه من الظلم ان يحكم

على مجتمع باكمله من خلال تصرفاته
ساقطه لا تمثل الا نفسها!!


وأرجو منكم المشاركة جميعاً

وتقبلو تحياتــــــــــي

 

[عــاشــقــه]

فــعـــلآ مـــؤ مـــن حـــقـــه آلإفـــتـــآء هـــذآ شـــي بــيـــد ربــ آلـــعـــآلـــمـــيـــن
ؤمـــؤ كـــل آلــخــلـــجـــيـــن هـــذي بـــس فـــئـــه مـــن آلـــمـــجــتـــمـــع ؤعــــســـى آلـــلـــه يـــهـــديــ آلـــجـــمــيـع
تــقـــبــلـــي مـــرؤريــ

 

[حبيبته آنا]

صحيح ان وايد شباب الله يستر عليهم يسافرون بهدف الخرابيط لكن مو معناها ان كل شبابنا الخليجيين جذي ويمكن اللي اهو مصادفهم كانت اخلاقهم بهالطريقه لكن انا مستغربه انه حرم على الخليجيين دخول الجنه لكن ما سأل نفسه اذا المصاروه اصحاب الكابريهات والرقاصات واماكن الفساد وغيره وغيره اللي عندهم بدريتهم من نفس جنسيته اذا بيدشون الجنه والا لا؟؟؟؟؟ والا بس بعرف لايكون هالاماكن الوسخه مافيها مصاروه بس خليجيين؟؟؟
من عمر الدنيا ومصر فيها الكابريهات وفيها الدعاره والنصب وكل خراب فيها مثل مافيها الاماكن المحترمه والزينه وكل واحد عقله براسه وعارف عقاب ربه فمو من حقه يتفلسف ويحدد منو اللي بيدخل الجنه وجنه استغفر الله مفاتيح الجنه بايده

ماقال هالكلام الا من الحقد اللي بقلبه ومادري ليش اغلب كل العرب فيهم حره على الخليجيين مع ان لوما الخليج وافضالهم جان كل من يدري اهم شنو حالهم لكن ناكرين جميل

 

[نبض هبة]

هلا بعثرة محبرة ..
موضوع رائع ..لكن عندي تعليق بسيط على الاخ السائق..
اولا طالما يعرف ان هالاماكن مشبوهة شحقه يوصل الناس لها بغض النظر عن كونهم خليجين أو غيرهم ..
ليش ما يكسب كسب حلال ؟؟!! الغريب انه واعي و راعي مقالات بالانترنت ...يعني معقول ما طرا على باله ان هالشي حرام ؟؟!
الشغلة الثانية ما له أي حق بأنه يعمم و يقول الخليجين ...و اهني بس أحب أذكر صاحبنا إن هالمراقص ببلده اهو
يعني لو واحد مثله جان قال نفس الكلمة اللي اهو قالها عن الخليجين لكن عن المصريين ..
و اللي يقهر أكثر إنه قرر إنهم ما يدشون الجنة شنو الشغلة بيدك ؟؟!!! ....استغفر الله العلي العظيم من كل ذنب عظيم...
اسمحيلي أحس إني تنرفزت..

 

[BaTTy]

صح كلامج مو من حقة و مو من حقة يحكم على مجتمع كامل من الفئة الصغيرة الي شافها
بس خل اقولج شغله في جنسيات معينه احنا هني عندنا انه اهما رايحيييين فيها و ماعندهم احد شريف و كذا مره ايبون طاري هالجنسية بقسم المتزوجات بس هل معناته نظرتنه لهم صح ؟؟؟ لا طبعا احنا ما قعد نشوف الا فئه صغيييييره و حكمنا عليهم بالرغم من انه احنا منفتحين عالعالم و نسافر و نرووح و انيي و شايفين الدنيا و الاغلبيه جذي يطالعون الناس
والله واحد من هالجنسية نصب علي خلاص هالجنسية نصابين
وحده من الجنسية باقت ريلي خلاااص هالجنسية بواقين رياييل
فما بالج هذا السايق المصري الي ما شاف بالدنيا غير مصر و التاكسي ماله و الناس الي يركبون معاه !!
انا ما قعد اقول اهوا مو غلطان ولا قعد ابرر بس قعد اقول انه شلي خلاه يقول هالحجي من وجهة نظري

 

[غلا الهيلا]

لاحول ولاقوه الا بالله

كل هذا حسد للخليجين

وبعدين هذي فئه معينه من الشباب مو كل الخلجين يعني معقوله الكبريهات اللي في مصر مافيهاا الا الخيجين هم فيهاا مصرين

وبعدين هو من يكون عشان يحرم عليهم الجنه هذا الشيء بامر الله يمكن الشباب يتؤبون ويتقبل الله توبتهم

يسلمو علو الموضوع

 

[kly 7ala]

اعوذ بالله منه ما يصير يفتي من عنده الله يكفينا شرهم و شر عيونهم والله احنا دايم محسدوين و المشكله انهم ما يشوفون الا الجانب السئ من مجتمعنا لللاسف في من يعطيهم مثل هالفرص

 

[كندية]

المشكله ان شخص يخرب على الكل..
وشووفي انا بتكلم ان المنطقه اللى انا فيها..بصراحه الشباب مو رافعين الرااس للاسف ومشاكلهم وااايد والمصايبهم اكثر...يعني ناادر ماتلاقين واااحد ماعنده خرابيط ..والمشكله ان يخلون الناس تحقد عليهم وتأذيهم...على شان جذي بتقرين هذا الكلا وزيادة

يعني ابسط الامثل الارهااب الحين الاجانب شاملين كل العرب انهم ارهابين لان جم وااحد سو شيء...الكل انشمل...

والحين انا لما اروح الجامعه يبين شكلي خليجيه ومن الكويت تعاالي شووفي العرب شلوون يخزونج جنه بايقه حلالهم..وهذا انتي ماتعرفينهم ولا يعرفوونج...

بصراحه المقاال مايقدم ولا ياخر والكل يتكلم..والكلام ابلاش...​

 

[!! الواصليّـــــة !!]

اخاف صكوك الغفران عند واحنا ماندري !!!

طيب مقابل السب البذئ هذا للخليجييين ؟ ماسأل نفسه ليش يجون ديرته بالذات ؟

نقدر نصير مثله رديين ونقول ( هذا لأن بنات ديرته غارقات لشوشتهن !! ) ف شي طبيعي بحثهم عن المتعه وبمبلغ أقل واقل واقل !!

أو لأن ديرته تجذب السيّاح بتوسعة طرق الرذيله والفساد !!! وتسهيل أمور المتعه الحرام !!!!

بس لأنّا نخاف الله .. نقول :

الحمدلله الذي عافانا وانعم علينا بنعمة العقل والمال ...

...

 

[*أم*خالد*]

اذا اللي يروح المكان هذا مايشم ريحه الجنه

عيل اللي ساعد هالناس على الروحه هناك شنو يكون ثوابه ؟؟

ثاني شي .. بتكلم عن الكويت والسعوديه الحمدلله ماعندنا هالسوالف ونحاربها بكل طوائفنا سواء كنا اسلاميين او ليبراليين
عكس الشعوب اللي راضية بهالخرابيط وساكته

فـ قبل لا يفتي خل يسأل الفلوس اللي ياخذها ونبت منها لحمه حلال ولا حرام ؟

 

[Mis$ LeO]

المصري هذا اللي كاتب المقال احب اوجهه له سؤال بسيط ..... منو اللي علم الخليجيين سوالف الكباريهات والسينمات والفساد واللعب والرشوه والكذب والنفاق غير اخواننا المصريين؟؟؟؟ يعني اول الخليجيين ومازالوا يسافرون لمصر للفرفشه الرخيصه واللي ما تكلف شي حتى وانت قاعد بالفندق وما لك شغل يدزون للرياييل حريم اجباري
اذا الخليجي ما يدخل الجنه عيل المصري شلوون؟؟؟؟ مع العلم اني اعرف مصريين وبصراحه ما اشلله عليهم قمة الادب والذوق والخلق والتدين

لكن اصابعنا ما هي سوا

 

[جوك احلى جو]

الزين والشين مايصير يحكم علي الشعوب الخليجيه كلها

 

[فقدتك يانور عيني]

الحمدلله الذي عافانا وانعم علينا بنعمة العقل والمال ...

 

[kekat kakaw]

اعوذ بالله منو هذولا اللي يحكمون علينا الله يكافينا الشر و شر عيونهم

 

[MassComm]

لا حول ولا قوة الا بالله ..اهوا شنو يعلم الغيب عشان يقول ان الخليجيين مايدخلون الجنه
وبعض هالخليجيين صج يفشلون يروحون هالاماكن المشبوهة ويسودون ويهنا..الله يهديهم بس

 

[cute-q8cat]

لماذا الخليجي دون غيره هو من تضخم اخطاءه وكأنه هو الوحيد فقط الذي يفعل هذه الامور؟


لأن الخليجي اهوا اللي عنده الفلوس والنفط.. والعالم كلها حاطه عيونهم علينا وحاقدين علينا


لا حول ولا قوة إلا بالله.. ما يجوز هذا يفتي ..
ما سمع قصت الريال اللي ذبح 99 نفس ولما راح حق شيخ قاله أبي استغفر وأتوب وقاله الشيخ انت مالك توبه . وكمل عليه وقتله وصار ذابح 100 نفس
والله دخله الجنه..

المسلمين ما يدخلون الجنه بأعمالهم... يدخلون برحمه رب العالمين

بس هذا إنسان حقود

 

[$ الـسـلـطـانـــــه $]

الاخوات كفوو ووفووا بالردود

والمصري ما قال هالكلام الا من الحقد والحسد يعني انت شريف روما يا المصرررررررري؟؟؟ ليش توصلهم هالاماكن المفروظ ترفظ ولا عشان الفلوووس ؟؟

والمفروظ ما يعمم يخص لان مثل مافيه شباب داجيين فيه شباب صالحيين

 

[غزلان]

هالمصااروه ماكو شغل بس قاعدين ويفتون
دام جذي السالفه نقدر نقول ولا مصري بعد يدش الجنه لان بين كل شارع وشارع تلقين رقاااصه تهز وبين كل مكان وثاني مشروب وكابريه ومصر النبر ون في الرشااوي
اتحدى لو اعطي هالمصري جم جنيه واقوله غير هاالحجى وهالفتوي يغيرها وهو يضحك بعد
عمه بيعنهم قمه القذااره