الخفجي شنو فيها بالضبط

[للصبر اخر]

قوه بنات
ريلي صارله شهر يروح الخفجي يوم ويرد يعني يروح الصبح ويرد جذيه 11 الليل كل يومين وطبعا صج يسافر جيكت على جوازه
كلما سألته يقولي شغل شغل شغل انزين شنو الشغل مايتكلم بنات انا مااحب احد يستغفلني ودي اعرف شنو عنده هناك وهل من حقي اعرف اهو شنو يسوي ولا طاف
ودي اطنش السالفه بس احس نفسي غبيه اذا سكت وخليته على راحته شلون اخليه ينطق يتكلم

 

[شيخه_البيض]

الخفجي كل شيء فيها تعتبر مدينه كامله
وفيها مخيمات وجذي يمكن يروح عند ربعه يستانس ويرد
أنا مابي اخوفج ولا ارفع ضغطج بس ترى كاثره الزواجات في الخفجي شكثر اعرف رياييل هالسنه متزوجين من هناك وفي منهم رياييل كبار بعد
انتي كلميه خليه يصارحج وقوليله لاتستغفلني

 

[شندوخه]

يمكن رايح مخيم

 

[! بــدويه وآآيــد !]

،


حبيبتي مابي اغثج ولا اشككج بريلج لكن فيه جم احتمال يا يروح حق البحر < توقعين؟
او حق المطوع الي هناك وهذا الي مشهوره فيه الخفجي < توقعين؟
بس اول مره اعرف معلومة الاخت ان صاروا يتزوجون فيها :/
يمكن من الناس الي شارين ارض بالخفجي ترى هابين باراضيها
او يمكن مخيم او شاليهات او عندكم معارف بالنعيريه لان وراها تقريبا


بس صراحه لو بحط روحي مكانج راح اشك انه يروح البحرين لان منفذها من الكويت الي ع الخفجي وطبعا معرووفه البحرين شنو فيها من خرابيط

وبقول شغله الحين بيدشون بنات وبحرينيات ويقولون احترمي نفسج ومادري شنو
حبايبي ندري ان البحرينيات خليجيات محترمات قاعدين ببيوتهم وخوش بنات والنعم لكن ماننكر ان فنادق البحرين فيها خياس والي هناك كلهم وافدات يبيعون لحمهم والنعم ببنات البحرين وبالبحرين واهلها

والله واعلم بزوجج

 

[أعشقني]

الله يكون بعوضنج واحسني الظن
ان شاالله مافي الا الخير
ومردج بتعرفين لاتعبين قلبج ولاتحرقين اعصابج
الي بالجدر بيطلعه الملاس

 

[ابدا يالغالي مانساك]

لاتحطي بذمتج
احسن شي ساليه ورتاااااحي
ويجوز يكمل دراسته

 

[دلع العتبان]

شفيها الخفجي تراب يذري ماكو الا العافيه عادي فيه رجال تسافر بنفس الحزه وترجع للسعوديه عادي

لايوسوس لج الشيطان خلج بعيالج واتركي الرجال براحته لا تطفشيه والله وياج

 

[مدام فراوله]

الله يكون في عونج

 

[عشقي بناتي]

يمكن فعلا عنده شغل انا قريت فجريدة سعودية ان في شركات كويتية نقلت مقرها للخفجي طبعا الموضوع كان عن الاستثمارات في الخليج احسني الظن يااختي ان شاء الله مافي الا الخير وبالنسبه للبحرين تراها تبعد اقل شي 350كيلو عن الخفجي مو معقولة كل يوم بيروح

 

[سمر شمر]

ههههههه الجايدة لو رايح بانكووك

شوفي انا اروح للخفجي واتحدى اللي ماتمدح بحرهم امبيه عليهم بحر موووصج ينن

مشالله وكورنيش يفتح النفس وترى كلها 10كلم عن الكويت عادي

الله يوفقكم يااارب احسني الظن فيه

 

[ابي ارجع عزابية]

مدينة متكاملة مافيها شي زود

بس افضل تسالينة لو منك ماقوم من عنده الا القا الجواب وانا مثلك ماحب الاستغفال

 

[الأميرة جوري]

حاولي تروحين معاه قولي بتونس وراح يرد عليج وراح تعرفين مشاعره وردت فعله اذا بانفعال او عادي..كل وحده تعرف ريلها ..

 

[$$king moon$$]

لاحبيبتي لازم اتعرفين ليش يروح ويرد كل جم يوم
لو كان مومسوي شي غلط جان تكلم
انا خالي يروح يسوي اسنانه هناك
ساليه وقوليله انت زوجته ولي حق عليك وقولي
بس ابي ارتاح وخايفه عليك طمني الله يطمنك
اشعندك هناك بحر ولا بر ولا رايح عند شيخ ولاعيادة اسنان
جني طولت بالهذره هئ هئ

 

[سعودية احبكم]

حبيبتي ترا الخفجي صغيره ولاتخافين مستحيل يزوجون بدون علم اهله يمكن شغل خاص لكن انتي اعرضي عليه لو مره تروحين معاه قولي ابشوف الخفجي واتحمل اجلس بفندق عادي تراها 10 كيلو

واذا وافق تطمني لو تكنسلين الروحه ..لكن احب انك تجلسين معاه وتعرفين شغله بالضبط ايش

الله يريح بالك ويطمن قلبك ويحفظكم لبعض

 

[المها الابيض]

ليش يعني مو رلضي يقول شنو الشغل اللي عنده هناك ؟؟
سأليه لين يتكلم ويصارحج من حقج تعرفين
ومثل ماقالوا البنات
الخفجي اكثر شي يروحولها حق
بحر او مواعين ( هههه سوالف المطاطير والاستكانات )
او حق عيادات الاسنان لأن حماي اذكر كان يروح حق اسنانه لأن هناك ارخص من الكويت

 

[ღرحت فيهاღ]

اقووول يمكن مسويلج مفاجأة ان بعض الظن اثم حاولي تعرفيين لييش يروح اهناك صيري ملقوفة مثلي لوول لا شدعوة انا مو ملقوفة بس فيني فضول لمن احد يقول لي مفاجأة وااي ما احب المهم خيتو حاااولي

 

[نتوفه]

اخاف زوجج رايح يسوي اسنانه هناك ؟ لان رخيصه
انا كنت مسويه تقويم عندهم
يبا مافيه شي يا رايح يسوي اسنانه يا مخيم يا بحر او يمكن مو الخفجي المناطق اللي يمها
فيها مخيم ولا واحد راعي حلال ( بعارين وغنم ) موديهم السعوديه ويروح له سوالف ووناسه

 

[-فلانة-]

الخفجي مدينة؟؟؟:eh_s(1):
انا حسبالي بسطات سمج و خضرة صوب الحدود:eh_s(22)::eh_s(22)::eh_s(22):
حبيبتي إذا مدينة شنو بيكون فيها زود يعني؟؟
يمكن عنده تجارة هناك وإلا رزقة ومتكتم عالموضوع..​

 

[كـ غلا ــلي]

انا من راي وحده من الخوات اللي قالت روحي معاه قوليله اونسك بالطريج هاذي اذكى من انج

تواجهينه وتقولين له اشعنك هناك عشان لا تصك بينكم هوشه

 

[Moim]

الخفجي انا رايحتلها وايد
فيها مطاعم اللي يحبونها الرياييل سوالف عيوش وجذي
وفي ناس يروحون لها حق دكتور يسوون اسنانهم لان هناك شغلهم اسرع وارخص
وفي مخيمات بر

يعني مافيها شي يخوف
ومدامها بالسعوديه تطمني لا تخافين انتي روحي الخفجي يوم واحر بتقولين ويع شلون الرياييل يستانسون هني مافيها شي حلو كل شي عادي

جان زين ريلي يروح الخفجي ما يروح تايلند !!! :q