الخيااااااااط يا بنات

[دلوعة مبارك]

بنات انا خياطي زين و لي 11 يووووم اقدر اتحرك و اروح واجي بس المشكلة ان اليوم بديت احس ان الجرح يحكني شوي مو واجد ....... بس ماكو عوار الحمدالله


والشي الثاااااني : اشوف جرحي شوي متفووووخ .... مو بارز حيل

هل هالشي طبيعي ولا شنو ... معأن ماكو عوار كلش الحمدالله


ياليت تجاوبوني يابنااات

 

[مزيونه وشقره]

الحمدلله على سلامتج

الي تحسين فيه هذا الجرح يلتأم

بس بالنسبه انه يكون متفوخ لازم تشوفج دكتورتج احسن

 

[ناتشوو]

احتمال الحكة تدل ع ان الجرح يلتئم واحتمال لا
واحتمال التفخ عادي واحتمال لا


!
!
!
الزبدة
روحي الطبيب وتطمني
انا هذا طبعي بدل لا احتار وافكر ايه لا
اروح الطبيبة اكشف واتطمن
وحمدلله ع سلامتج

 

[إم بــــرٍآك]

راجعي الدكتوره احسن بس اعتقد انه طبيعي

 

[دلوعة مبارك]

الله يسلمكم يارب

انا فكرت اروووووح بس قلت خل انطر .....

بس بغيت اسأل انا الدكتورة .... قالت خلاص وقفي الميبو بس حطي مرهم العسل لأن فيه فتحة صغيرة صغنطوطة ولما كملت عالمرهم العسل تسكرت ..... الحمدالله


الحين عادي اكمل عالميبو .... ولا اوقف ..... شنو اسووووووي ؟؟؟؟

خصوصا امي مسوية لي غسول الجفت .... شرايكم ابي تجاااااربكم يا خواتي

 

[دلوعة مبارك]

اوقف المرهم ولا استخدم غسول الجفت

 

[حرم حبيبي]

الجفت يسود المنطقه عليج بالماي والملح والمره وحده بوحده

 

[عادت ذكرياتي]

أب

أب


الحمد لله على سلامتج

 

[t.o.o.ot]

المرة وحدة بوحدة ...

 

[دلوعة مبارك]

ماقصرتو حبايبي بس تتوقعون شي طبيعي انة مورم شوي لأن توني لي 11 يوووووم ؟؟

 

[yes or no]

حبيبتي انت مشتمه من العطور
علشان جذي منتفخ
لحقي عمرج بخوا جوا مع زيت زيتون
كل ماتغيريين امسحيها بالكوتكس وبالمنطقه
وشمي المره

راح تخف انشالله

بس دام انج والده فيدنا اي مستشفي واي دكتور
؟؟ لاني متوهقه وين اولد

 

[PuPa^^SWeeT]

روحي الطبيبة احسن



الانتفاخ يعني فيه خرااج داااخل وماراج يبين وياج عدل الا قبل طلعتج بيوم


لاتصيرين مثلي



رديت حق ريلي بس للفرجة اسبوع كامل و كان ينظف جرحي بعد لانه تبطل مع الخراج

 

[دلوعة مبارك]

امبيه الامساك ذبحني لدرجة حسيت بشي مثل الي تبطل شي مدري هو من الخوف ولا صج تبطلت غرزة الحين احس بشي مثل الشي الي يحرق عالخفيييييييييف

 

[ناتشوو]

ليش امساك المفروض تستمرين ع ملينات
ليما تخلصين من الخيوط

 

[دلوعة مبارك]

ناتشووو خلصت الملين بس من بديت بالادوية بدا الامساك معااااي بس بديت احس بحرارة شوي بمحل الجرح بنطر كم يوم وبشوف اذا مانفع بروح لدكتورتي

 

[دلوعه القمر]

أتوقع ملتهبه بس المره صج وحده بوحده وتبخري فيها بعد ترتاحين

 

[ناتشوو]

ليش النطرة والمحاتاة روحي الطبيبة وتطمني
هذي طريقتي
ع طول الطبيب ولا الحيرة

 

['Basma']

روحي للدكتورة لا تتاخرين

 

[q8_pearls]

نصيحه لاتجربين شي راجعي الدكتوره فقط

 

[دلوعة مبارك]

باجر ان شاء الله بروح لدكتورة لأن من قالت لي دكتورتي وقفي المرهم واحس جرحي شوي مضايقني شكلي بوقف الجفت و برجع للبخاخ و المرهم الله يعيني مابي اتعذب نفس انفاااسي الاول ماقصرتو حبايبي