الدبل و الساعات للمخطوبين من وين اشتريهم و بجم ؟؟

[اميره1980]

السلام عليكم

باخذ رايكم حبيباتي بشغلة

انا مع خطيبي بنروح نشتري الدبل و ساعات
يعني انا اشتري حقه دبلة رجالي و ساعة رجالية و اهو يشتريلي دبلة و ساعة نسائية قبل الملجة

جم احط ميزانية حق كل من الدبلة و الساعة
انا ميزانيتي مو كبيرة وايد ماني عارفة شسوي
انا للحين حاطه في بالي 200 دينار زين و لا شوية المبلغ؟؟؟

و ابي اعرف وين اروح اشتري الساعة من اي محل يبيع ساعات ماركات معروفة و سعرهم مناسب يعني 100 دينار الى 150 دينار ؟؟
بانتظار ردودكم تكفون لا تبخلون علي حتى لو بدعوه حلوة منكم يا الطيبات

 

[تبطي عظم!]

الله بوفقج
أنا ماشريت للحين بس شويه ٢٠٠

أنا ارخص دبله لقيتها الماس بلجيكي ٢٨٠ وعاديه ومااخذتها
كل الي عجبوني واشكالهم زوغه ٤٠٠ و٦٥٠

الساعات عندج محل روائع جنيف يهبل وساعاته بحدود ١٩٠ وهيك شي
وان شاء الله البنات يفيدونج لأني قتلج للحيني ماشريت ومافريت الا محلين

 

[أم عبداللطيف]

الله يوفقج ان شاء الله ويتمم عليج ويسهل عليكم يارب

شوفي حبيبتي بالنسبة حق الدبلة تراا شويه 200 نصيحه انتي عروس اخذي لج دبله اللماس معقوله يعني بحددود 300 او اكثر شوي

وبحدود الساعات عندج روائع جنيف وااايد حلوه ساعاته واساعره مناسبه وحلوه وحلاته تاخذين الساعه فيها اللماس عشاان تصير حلوه مع الشبكه مالتج

وعندج المحلات ما يعلى على الاربش للذهب والالماس وعندج الفارس وداماااس

والله يوفقج واي شئ تبينه انا حاضرة

 

[حرم_طيار]

رد : الدبل و الساعات للمخطوبين من وين اشتريهم و بجم ؟؟

روحي خالد زمان بليلى جاليري اسعارهم معقوله

والساعات عندج روائع جنيف اسعارهم حلوة

 

[الـمـسـتـبـده]

رد : الدبل و الساعات للمخطوبين من وين اشتريهم و بجم ؟؟

مايكفي دبله مع ساعه 200 !!!

الدبله مالي خبره فيها بس الساعه على حسب في من 40 لي فوق 1000

عندج اون تايم اللي رخاص


على حسب الماركه

انتي روحي السوق قبلها وشوفي الساعات قبل لاتيين معاه وتنحرجين

 

[بقايا همس]

اب اب اب

 

[fatomd]

انا اللي فهمته ان ال 200 حق ساعته و دبلته
اذا جذي يكفي لا تخوفون البنية
دبلةالرياييل رخيصة و تلقينها ترس محلات الشبكات و خصوصا اللي بالديرة ما تتعدى ال 50 لأنها فضة
و بالنسبة حق الساعات عندك روائع جنيف و اون تايم اسعارهم معقولة
انا شارية حق زوجي اب 130 ماركة كينيث كول وايد حلوة
اما اذا هالمبلغ لك ما يكفي
دبل الحريم ارخص وحدة تبدا من 300 لأن حلاتها تاخذينها الماس و تبين بالعين
عندك داماس و بيور جولد فرصة الحين خصم دبل سوليتير على 350 لا تطوفين طلي
وساعات الحريم طبي و تنقي السوق متروس من 100 لي 10 الاف
الله يوفقك

 

[~ غـــيـــر البِشـــر }}]

الله يوفقج

قرت موضوعج قبل فتره على البركه انج وافقتي

 

[مدام زيزو]

رد : الدبل و الساعات للمخطوبين من وين اشتريهم و بجم ؟؟

لا تحاتين اشتريله يكفي بس اهم شي اخذيله وحده فضه تلمع من بعيد عشان البنات يعرفون انه تزوج هههههههه

وحق نفسج اخذي وحده كبيره وكشخه

 

[ام خدود ورديه]

ليش انتي تشتريله ؟؟ غريبه المهم
مبروك حبيبتي
انا شريت دبلتي من داماس اب 1200 او اهوا دبلته اب 15 لووول