الدجاج المتبل والمشوي بالفرن .. فوق العيش مع الحشو اللذيذ..عليكم بالعافيه

[حلوة ومملوحة الكويت]

*السلام عليكم ورحمة الله وبركاته*​

..الحمدلله الذي اطعمني هذا الطعام ورزقنيه من غير حول مني ولا قوة..​

صباح العسل..ومساء الورد والنوير..كلن وظروفه..
اشلونكم حبيبااتي..عساكم بخير وعافيه
ياحلات هالاكله..لذيذه..وسهله..انشالله تجربونها وتعجبكم..وتدعون لي:yaaaaaarb:​

ما ابي اطول عليكم..ندخل بتفاصيل الطريقه...​

اول شي..تغسلين الدجاج عدل..وتفركينه بشوية طحين وتخلينه عشر دقايق ..يوخر الزفره عنه
وعقب تغسلينه وتنقعينه بهالخلطه اللذيذه..
ملاحظه: هالخلطه لدجاجتين..تقدرين تنقصين كميتها حسب جم دجاجه طابخه..​

4ملاعق معجون طماط
1ملعقة صويا صوص
ملعقة اكل خردل(ماسترد)
ملعقة اكل كاتشاب
ملعقة أكل دبس رمان
عصير ليمونتين
ملعقة اكل دبس الرمان ماكنت احط ..بس جربتها بناء على موضوع ملكة الفرس عن التتبيله الي منزلته قبل مدة..وفعلا عطى طعم رووعه..
ملعقة اكل بهارات مشكله
نص ملعقة اكل فلفل اسود
نص ملعقة اكل كزبره مطحونه
نص ملعقة اكل هيل مطحون
نص ملعقة اكل كركم
ربع ملعقة اكل كمون مطحون
ملعقة اكل ملح..وتزيدين اذا حسيتي ان التتبيله ماصخه شوي
نمزج ونخلط المكونات ونتبل فيها الدجاج..عقب مانسوي فيه شقوق بالسكين..وحسب رغبتج..علشان يتشرب التتبيله عدل..ونخليه بالثلاجه قبلها بيوم..احسن..واذا ما مداج..قبلها بساعتين..علشان يبين طعم التتبيله عدل.​

هني تبلنا الدجاج قبلها بيوم​

​

وعقب غلفت صينية الفرن بالقصدير.. ووزعت الدجاج فيها ..ودخلتها الفرن على نار عاليه
وطبعا تسكرينها بالقصدير علشان يستوي عدل من الحراره​

​

وعقب 45 دقيقه تكشفين وجه الصينيه وتردينها للفرن ..وعينج عليها تلاحظينها..ليما تتحمر وتاخذ اللون المطلوب..المحمش..يمي يمي​

​

​

طريقة العيش:​

نجيب جدر على النار نحط فيه ماي يكفي لسلق كمية العيش الي عندج
تضيفين عليه 3فصوص ثوم ناعمين وملعقة اكل بهارات مشكله ونص ملعقة اكل فلفل اسود..وملح الكميه المناسبه..وشوية لومي يابس ونص ملعقة كزبره مطحونه ناعمه واذا حبه تضيفين مكعب ماجي..يعطيج طعم روعه..بس البعض ما يحب..لاسباب صحيه..​

ونضيف العيش على الماي عقب مايغلي.. ونضيف عليه علبة بازيلا خضرا ونحرك بالقفشه(الملعقه) نوزع العيش والبازيلا داخل ماي السلق​

​

واذا شفنا العيش استوا ثلاث ارباع استوا
نشخله بالمشخال..ونحطه بجدر ثاني..على نار هاديه حوالي نص ساعه.​

​

طريقة الحشوو:​

نحمس في مقلاة بصل شرايح كميه وفيره​

​

واذا ابتدا يذبل ويتشوقر لونه..نضيف شرايح الفلفل البارد والجزر وتكونين قاصتهم شرايح خفيفه..ونحمس عدل..بخفه​

​

ونضيف نص ملعقة اكل هيل مطحون وربع ملعقة اكل فلفل اسود وشوية لومي يابس مطحون
وشوية بهارات مشكله وملح​

​

ونحمس..ليما تمتزج المكونات..ويجهز عندج الحشووو​

​

نحطه على صوب في الجدر قبل لانطفي النار بعشر دقايق..يشرب العيش من الحشو وياخذ من نكهته اللذيذه..ويفضل تحطين بعد على وجه العيش..قطعة زبده صغيره..تسيح وتعطيه طعم ولون ولاا ارووع...​

​

​

وتفضلواا غالياتي العزيزات..هني وعافيه على قلوبكم ان شاء الله​

هني بديت بنجاب العيش..ووزعت الحشو الذيذ عليه​

​

​

وسدحت الدجاج المحمش المحمر فووووقه..يمي يمي​

​

ونثرت شوية من الحشو عليه​

​

​

​

صحني...المتواضع : )​

​

حبيبااتي الغاليات..رجاءن لحد يرد عالموضوع..بكمل وبنزل باجي الصور​

 

[حلوة ومملوحة الكويت]

نكمل​

​

​

​

​

​

​

​

​

​

​

​

​

​

​

وسويت هالسلطه اللذيذه
خس تقصصينه ناعم+ بصل اخضر مقصص صغار+ طماط مقصص بعد صغار
تخلطينهم وتضيفين عليهم عصير ليمونه ونص ملعقة اكل فلفل اسود وشوية ملح...بس​

​

​

وياهلااا ومرحبااا​

وتقبلوا تحيااتي :33_1185028183:
بنتكم..حلوة ومملوحة الكويت​

 

[أحلى همبه كويتية]

 

[أحلى همبه كويتية]

الله الله الله
حرام عليج والله يعت

ابي عيش وحشو ونتفة صدر

وسلطة بعد
وفوقهم قلاص لبن

علشان على طول الفرااااااااااااااااااااااش


تسلم ايدج حبيبتي نفسك حلو ما شاء الله بالطبخ

بسويها لأهلي هالأسبوع ان شاء الله

يسلموووووووووووووووووو مملوحتنا​

 

[أحلى همبه كويتية]

للتنبيه وصلني ايميل عن خطورة استخدام القصدير مع الحرارة

يعني لا تحطينه تحت الدياي وتخلينه يتفاعل معااااااااااااااااااه بالفرن

يسوي امراض ربي يبعدها عنها


الهدف من القصدير للتغليف بس وليس الطبخ وتعرضه للحرارة


اللهم اني بلغت فاشهد

ديرو بالكم منه
​

 

[ضحكة الدنيا]

ماشاء الله تبارك الرحمن

ابداااااع

حلوه ومملوحه تسلم ايدج

انا جربة لج اكثر طبخه وكلهم رووووعه بشهادة الكل

 

[يارب احفظ عيالي]

الله يبارك لج في عيالج ومالج ويرزقج من اوسع الابواب يا اختي الغاليه حلوه ومملوحه الصراحه يابخت ريلج فيج تبارك الرحمن دايما" تبدعين وتعطينا اصناف يديده للغداء والعشاء جزاج الله خير واللي يسلم ايدينج ويعله مداخيل العافيه يابعد عمري

 

[ABEER FLOWER]

ماشاء الله تبارك الله

مـبدعـه ربي يحفظج مملوحتنا

تسلم إيدج وبالعافيه

: )​

 

[ملكة الفرس]

ما شا الله تبارك الرحمن صج شغل عدل...

عاد بما انج جربتي من خلطة تتبيلة الدياي و حطيتي دبس الرمان عاد عليج ألحين تطبقين باقي الوصفات ألي نزلتها ...
قولي عاد وايد تتشرطين .... ( قولي بسج هذره )

 

[جارة القمر]

مشكوووووووووووووووووووووووره


وتسلم ايدج


تبارك الرحمن




تسلم ايدج




وماشاء الله

 

[رتبه دبلوماسيه]

تسلم ايدج

 

[!! دلوعته !!]

رووووووووووووووووووووووعه
وعليج بالاف عااااااااااااااافيه

 

[KOKO_284I]

واااااااااااااااااااااااااااااااااااااااي يوعتيني

 

[زوجة عزيز]

ماشاء الله روووووعه روووووعه يعطيج الف عافيه تسلم يدج

 

[sosowaty]

مشكوورة

و تسلم ايدج

اختي همبه مشكووورة حبيبتي ع المعلومة

 

[حلوة ومملوحة الكويت]

حبيبااتي
أحلى همبة كويتيه
ضحكة الدنيا
يارب احفظ عيالي
عبوره
ملكة الفرس
جارة القمر
رتبة دبلوماسيه
دلوعته
koko
زوجة عزيز
sosowaty
مشكووورين..ماقصرتوا
نورتوا الموضوع بمروركم العطر
ياهلااا ومرحبااا فيكم
وحياكم الله:33_1185028183:
،،،،،،​

 

[أم ملاس]

تسلم ايدج حبيبتي
الفرن بالاول نشغله من تحت وبعدها نشغله الفوق والا غلطانه انا لاني ناويه اطبقها باجر
الله يعطيج العافيه

 

[توتا حمرا]

تسلم ايدج

 

[noynoy]

مشالله تسلم ايدج
شكلها عجيييييب الطبخه

 

[دلوعة الحلوين]

صراحه تسلم ايدينج على هالاكله اليوم سويته على الغدا تهبل الريلي كله ايدينه وراه ??