اي نعم مربين يازينه ويازين ريحته الخنينه خصوصا اذا كان من ايد امكم العوده دندره .. بقولكم سالفه يابنياتي عن المربين .. مره ابوكم العود دندرمه كان مسافر رايح الهند وقالي يا دندونه .. اي كان يدلعني دندونه علامكم تضحكون ؟؟ ليش مو عاجبكم ؟؟ مالت حتى مالت على بالكم انتوا يدلعونكم ريايلكم ومن وراكم يلعبون مالت عليكم حتى مالت وارتخت .. بتصكون حلوجكم وتخلوني اكمل ولا شلون يعني؟؟ سليحط .. اي اقولكم عاد انا كنت متوقعه حروته وقلت اليوم بيرجع فرحت المطبخ وقلت بسويله ذاك المربين اللي من ياكله يصير اثول وفعلا وصل بنفس اليوم واكل المسيكين ومن عقبها ماترقع .. قام يمشي ويكلم روحه ومن يومها صار ويهه شطوله جنه ظهر خثاق .. وديناه الامريكاني قال الطبيب هذا اكيد ماكل اكله طيبه .. عاد انا فرحت لان الطبيب شهد لطباخي وبعدها صار مثل الخاتم بيدي .. واليوم بعلمكم الطبخه حتى تسونها لريايلكم ويصيرون مدمغين .. وتسيطرون عليهم .. اي يابنات المدارس طبختنا اليوم مايبيلها شي سهله وخفيفه .. نحتاج 3 جيلات عيش وكيلوين ربيان شحامي اللي شواربه جنها خيوط لابجين حمالي بويله .. وخمس بصلات و 3 فصوص ثوم وشدتين كزبر وبهارات ..وهي..هيل .. ملح .. فلفل اسود .. لومي سحاري .. كمون .. هيل مطحون .. كركم و كزبر مطحون ..
طبعا العيش ماني متكلمه عنه خلاص اكيد عرفتوا نغسله ونقعه .. والحين نغسل الربيان عدل ونبهره بالكركم فتره عشان تطير زفرته .. ونقص البصل ونفرم الكزبر ونجهز الجدر اللي بنطبخ فيه .. نيب الجدر ونزل فيه شوية دهينه ونحط فوقه البصل ونحمسه عدل وبعدين نحط الكزبر وفوقه البهار ونحمسه وهو ينحمس نغسل الربيان من الكركم اخر مره ونقط الثوم المدقوق فوق الحميس وبعدين نحط الربيان ونحركه لما يبدي مايه ينشف لان الربيان من تحطونه بالجدر يبدي ينز ماي نعطيه فتره لما يبدي يتقاصر الماي وينشف .. هني عاد نشيل نص الربيان ونحطه على كتر والباجي نحط فوقه شوية ماي ونشوف الملح اذا كان زين نكت العيش واذا كان قاصر نزيده ونكت العيش وقبل لانكت العيش هني عاد تختلف طرق حريم الكويت .. في ناس تحط فلفل اسود خشن ومسمار خشن وهيل خشن وفي ناس تحط ناعم عاد انتوا وهواكم اللي ايوزلكم .. اي ماعلينا عقب مانكت العيش نحركه بالملاس بالعدال على هونكم ونخطله بالربيان الباجي بالجدر ولما يبدي يتقاصر الماي وينشف نقصر على النار ونحط حديده تحت الجدر ونخليه شوي ومن يبدي يطلع البخار نيب باجي الربيان ونفرشه فوق العيش بنفس الجدر وهذا يعتبر الحشو.. وقت النجاب تنعزين الحشو على كتر وتفرشينه فوق القنجه .. والعداني قلنا طريقتة مابي اعيد وازيد .. وسلامتكم وعليكم بالعافيه
بنفس الطريقه اللي قلتها تقدرون تحطون ماش مع العيش بس كل جيلة ماش مع جيلتين عيش ونفس الطريقه بس الماش ينحط قبل العيش بشوي ويفضل ان الماش يكون مقشر .. وطريقة تقشيره تنقعونه بماي حار وراح تشوفون القشر يطفح فوق كل ماتحركونه عاد تزلونه وخلاص .. وبنفس الطريقه تقدرون تسون حشو الربيان وتفرشونه فوق المشخول وهذي طبخة وحده عيزانه او طبخة مرت الابو على قولتهم
وهم بنفس الطريقة تسون الربيان اليابس بس قبلها يتغسل زين ويتنقع فتره بماي حار وعقب الحماس تدقينه بالهاون وتفرشينه فوق العيش وهم يصير على المشخول ..
اي يابنات الحين عطيتكم السر اللي تخلون رايلكم يصيرون ثولان عاد تشطروا وخلوهم خاتم بيدكم .. ولا تنسون ادوات الخيسه من بقل ورويد وبصل اخضر وغيرهم والاجاار والمعبوج والدقوس
واللي عندها اعتراض او تحلطم او امها خربطت عليها وقالت هذا غلط وبدت اتذمر هذا ايميلي وانا اعرف شلون اخليها تنجعم وتقرطم بمكانها
عندي لكم نصيحه : قشور الربيان طحنيهم وخلطيهم بشوية حلتيت وسويده و نتيفة شنان وذري عليهم طحين نخي وفوقهم صل قباب معفن ودهنيهم براسج 6 مرات .. هذا علاج للي شعرهم يعد
مع تحيات امكم العوده دندره
كونوا معنا في حملتنا ضد الرجال ومحاربتهم من خلال كروشهم.. والهوايه حماية ... دندره
طبعا العيش ماني متكلمه عنه خلاص اكيد عرفتوا نغسله ونقعه .. والحين نغسل الربيان عدل ونبهره بالكركم فتره عشان تطير زفرته .. ونقص البصل ونفرم الكزبر ونجهز الجدر اللي بنطبخ فيه .. نيب الجدر ونزل فيه شوية دهينه ونحط فوقه البصل ونحمسه عدل وبعدين نحط الكزبر وفوقه البهار ونحمسه وهو ينحمس نغسل الربيان من الكركم اخر مره ونقط الثوم المدقوق فوق الحميس وبعدين نحط الربيان ونحركه لما يبدي مايه ينشف لان الربيان من تحطونه بالجدر يبدي ينز ماي نعطيه فتره لما يبدي يتقاصر الماي وينشف .. هني عاد نشيل نص الربيان ونحطه على كتر والباجي نحط فوقه شوية ماي ونشوف الملح اذا كان زين نكت العيش واذا كان قاصر نزيده ونكت العيش وقبل لانكت العيش هني عاد تختلف طرق حريم الكويت .. في ناس تحط فلفل اسود خشن ومسمار خشن وهيل خشن وفي ناس تحط ناعم عاد انتوا وهواكم اللي ايوزلكم .. اي ماعلينا عقب مانكت العيش نحركه بالملاس بالعدال على هونكم ونخطله بالربيان الباجي بالجدر ولما يبدي يتقاصر الماي وينشف نقصر على النار ونحط حديده تحت الجدر ونخليه شوي ومن يبدي يطلع البخار نيب باجي الربيان ونفرشه فوق العيش بنفس الجدر وهذا يعتبر الحشو.. وقت النجاب تنعزين الحشو على كتر وتفرشينه فوق القنجه .. والعداني قلنا طريقتة مابي اعيد وازيد .. وسلامتكم وعليكم بالعافيه
بنفس الطريقه اللي قلتها تقدرون تحطون ماش مع العيش بس كل جيلة ماش مع جيلتين عيش ونفس الطريقه بس الماش ينحط قبل العيش بشوي ويفضل ان الماش يكون مقشر .. وطريقة تقشيره تنقعونه بماي حار وراح تشوفون القشر يطفح فوق كل ماتحركونه عاد تزلونه وخلاص .. وبنفس الطريقه تقدرون تسون حشو الربيان وتفرشونه فوق المشخول وهذي طبخة وحده عيزانه او طبخة مرت الابو على قولتهم
وهم بنفس الطريقة تسون الربيان اليابس بس قبلها يتغسل زين ويتنقع فتره بماي حار وعقب الحماس تدقينه بالهاون وتفرشينه فوق العيش وهم يصير على المشخول ..
اي يابنات الحين عطيتكم السر اللي تخلون رايلكم يصيرون ثولان عاد تشطروا وخلوهم خاتم بيدكم .. ولا تنسون ادوات الخيسه من بقل ورويد وبصل اخضر وغيرهم والاجاار والمعبوج والدقوس
واللي عندها اعتراض او تحلطم او امها خربطت عليها وقالت هذا غلط وبدت اتذمر هذا ايميلي وانا اعرف شلون اخليها تنجعم وتقرطم بمكانها
عندي لكم نصيحه : قشور الربيان طحنيهم وخلطيهم بشوية حلتيت وسويده و نتيفة شنان وذري عليهم طحين نخي وفوقهم صل قباب معفن ودهنيهم براسج 6 مرات .. هذا علاج للي شعرهم يعد
مع تحيات امكم العوده دندره
كونوا معنا في حملتنا ضد الرجال ومحاربتهم من خلال كروشهم.. والهوايه حماية ... دندره
