الدكتورة أمل عبدالعزيز الراشد.. اللي ولدت عندها قريب تدخل

[His_Queen]

السلام عليكم بنات شخباركم ؟

الصراحة انا وايد احب هالدكتورة ووايد اعزها خوش دكتورة ونفسيتها حلوة وولادتي في بجري كانت عندها وولدتني قيصرية الحجي هذا قبل جم سنة

حاليا قاعده اراجعها بحملي الثاني وصادفت كذا وحدة مولدتها الدكتورة وهم قيصرية ، ابي اعرف اللي والدة عند الدكتورة وشنو قيصرية ولا طبيعي قمت احاتي ان ولاداتها كلها قيصرية ؟

يعطيكم العافية :eh_s(7):

 

[مرت الغلا]

عاد انا قيصري بس موعندها وقلت بروح عندها لان ولدت رفيجتي طبيعي بعد القيصري واهي حملت عالاربعين ماشاء الله

 

[CuTe KuwaiTia]

اللي سمعته عنها كل خير ما شاء الله يمدحونها لا تحاتين

وهالشي صدف اكيد لاني اعرف ناس ولدو عندها طبيعي

 

[His_Queen]

مشكورين حبيباتي ريحتوني ربي يعطيكم العافية

 

[الفوز حلو]

انا بجر واراجع عندها ممتازه وحيل حابتها ومرتاحه
وعندي رفيجتي ولدت عندها طبيعي وبالعكس ماتستعجل
بس ابي احد جرب خياطها يفيدنا ،

 

[نور وضي القمر]

أنا بجر ولدت عندها قيصرية لانه البيبي مو نازل بالحوض

ونظرت علي تقريبا ١٠ساعات

وتعبت ودخلتني والده قيصرية

 

[Mrs.Q]

بنات سؤال خارجي عن اذن صاحبة الموضوع
قالتلي سكرتيرتها بينقلون لي عيادة خاصة فيهم بالجابرية
نقلوا ولا ليلحينهم ووين مكانهم بالضبط بالجابرية؟ للاسف ضيعت رقم سكرتيرتها

 

[CuTe KuwaiTia]

بنات سؤال خارجي عن اذن صاحبة الموضوع
قالتلي سكرتيرتها بينقلون لي عيادة خاصة فيهم بالجابرية
نقلوا ولا ليلحينهم ووين مكانهم بالضبط بالجابرية؟ للاسف ضيعت رقم سكرتيرتها

ليلحين مكانهم في مبنى المسيلة يم مستشفى السلام وهذا رقم العيادة

22232419

 

[بنت الاصول]

بصراحه خوووش دكتوره ونفسيتها حييييل حلوه بس بسأل عن خياطها التجميلي منو جربته؟
لاني بولد عندها واحاتي هالسالفه

 

[noufb]

راحت الجابريه بس وين بالجابريه؟؟؟

 

[om attami]

انا بعد سمعت ان اغلب اللي ولدتهم قيصري ..

بس مو شرط يمكن صدفه حبيبتي ..

وبالنهايه شوفي انتي وين ترتاحين ..

والله يسهل عليچ يا عمري ..

 

[baa6aa]

كل اللي اعرفهم عندها قيصريه ماعدا 1 من اهلها كانت مو قيصريه بس :\

 

[الفوز حلو]

انتقلت للجابريه البنايه الي تحتها هارديز يم فرايديز
مع دكتوره دلال السالم بنفس العياده

 

[His_Queen]

بنات سؤال خارجي عن اذن صاحبة الموضوع
قالتلي سكرتيرتها بينقلون لي عيادة خاصة فيهم بالجابرية
نقلوا ولا ليلحينهم ووين مكانهم بالضبط بالجابرية؟ للاسف ضيعت رقم سكرتيرتها

راحت عند دلال السالم بنفس العيادة بالجابرية عند هارديز
وهذا رقمهم 25325051-25325052


مشكورين حق كل اللي ردو علي حاليا قررت اراجع بمستشفى السيف ليه الثامن وتالي ارد لها عشان تولدني الصراحة تعبت من سالفة انها اغلب الوقت مو موجودة ومساعدتها تكون مكانها الصراحة ما احب مساعدتها احبها اهيا تشوفني وتفيدني ارتاح لها

 

[بنفسجيه_Q8]

حبيبتي الله يهون عليج ويسهل
السهالات والهون من الله
ماعندي فكره عنها
بس حبيت ادعيليج بالولاده الطبيعيه ويهون الطلق عليج

 

[انتيكا]

ماسمعت عنها ماعرف احد عندها
الله يهون عليج ان شاء الله

 

[نور الضي]

اب اب