{ ...الدكتورة رشا الصفي تجيب على استفسارتكم ..} استضافة اسبوعية

[كيت كات]

السلام عليكم ورحمة الله وبركاته

منتديات كويتيات

تواكب التطور والرقي بكل ماهو جديد ومفيد

هنا موضوع استضافة طبيبة الاطفال رشا الصفي

للرد على استفساراتكم واسألتكم

سيكون باب الاسألة مفتوح طوال الاسبوع

والطبيبة راح ترد عليكم يوم الجمعه فقط

فلذلك...اذا وضع سؤال يوم

الجمعه يرحل للاسبوع التالي

ومن هنا نبدأ بالأسألة والاستفسارات

وتقبلو تحياتي

 

[xxx]

 

[o_mermaid_o]

شلونج دكتورتنا توه نور المنتدى

بنتي عمرها 3 شهور ونص اقطعت حليب صدري من شهر ونص ، وعطيتها سيميلاك هم ماصارت تشرب وغيرتلها الحليب عطيتها نان هم ماتشرب عدل تبجي انطرها تنام عشان اشربها وبالغصب تشرب
ماادري شسوي وايد مضيقه خلقي

 

[د. رشــا الصفــي]

السلام عليكم

مشكورين خواتي على الترحيب

و يزيدني شرف اني اكون بينكم

ارد على اسئلتكم و استفساراتكم بموضوعنا هذا بصورة اسبوعية

و ان شاء الله نستفيد من وجودنا مع بعض بهذا المنتدى الراقي

و الشكر موصول

للأخوات بنت الكويت و كيت كات

 

[جكورة]

:nbvppw:

ياهلا ومرحبا فيج دكتورة رشا.....:eh_s(7):

نور المنتدى بإنضمامج له ...

وإن شاء الله نستفيد منــــــج...

 

[احلى كويتيه]

اسفرت وانورت

حياج الله بينا ومشكوره على تعاونج معانا ​

 

[nouna82]

مرحبا دكتورتنا

بقيت اسالج بنتي توها بالنفاس و ارضع طبيعي ..... فشنو تنصحيني ادخل الصناعي رضعة او رضعتين باليوم لها او لا ؟؟؟ و اذا الاجابة بنعم شنو احسن حليب للمواليد ...............................؟ مع جزيل الشكر

 

[malak_alroo7]

السلام عليكم

نورتى المنتدى دكتوره
و جزاج الله كل خير

و يسلموووون خواتى كيت كات و بنت الكويت

 

[نووووونا]

 

[ام غايب]

السلام عليكم دكتورة حياج الله ويانا في المنتدى

بغيت استفسر عن كذا شغله
بنتي عمرها خمس شهور ونص من شهر او اكثر جاتها حساسية منطقة الحفاظ ومابقى كريم من الطبيب مااستخدمته ولاني عارفة شنو اسوي لها يهدى يوم ويرد اليوم الثاني بحمار وتزلق ودم يعني شي كبير ؟


قبل يومين تعبت فجـأة حرارة 39 ونص واسهال وماترضع وديتها الطبيب قال احتقان شديد الحين رد صدرها يتعب وبلغم تعبت الصراحه من الكمامات انا من فترة بديت وياها الواقي شراب وماادري احس شوي هيج الصدر تعتقدين من الواقي او لا ؟

ابي شنو افضل اكل ممكن ااكله بنتي في هالسن انا بديت وياها بالعلب اللي بالجمعية فواكه مشكله وميلوبا بالارز بس الكل يقولي اكليها طازج شنو بالضبط اسويلها ؟


ومشكورة واسفة على الاطاله

 

[b6o6a]

هلا والله

مشكووره عالتعاون


ياريت تتكلمين عن متى يبدي الياهل ياكل وشنو بالضبط


بنتي اسبوعين تقريبا وتدش الشهر الرابع

 

[al_gardenia]

حياج الله دكتوره
نورتي المنتدى
وانشالله اتكونين مرتاحه مع
خواتج
وانا هالنتدى صج احبه لان وفر لنا كل شي نحتاجه
ومن ضمنهم وجودج معانا
والله يوفقج انشالله

 

[^kloOot^]

شلونج دكتوره

انا عندي جم سؤال بعد اذنج دكتوره

اول سؤال بنتى عمرها شهر و3 اسابيع تقريبا واستخدملها حليب نان1 لاحظت انه حبوب بجسمها بكثره حبوب حمراء اللون وراجعت دار الشفاء وقالى الدكتوره حبوب حراره عادي وعطانى كريم بس المشكله الحين حتى بمنطقه الوجه كله حبوب ومتقشر واى شخص يشوفها يقولى بنتج فيها اكزيما ؟
هل هذا طبيعي دكتوره؟


وثانى شيء مسكينه خشمه مسكر وعطيته بخاخ شريته من الصيدليه بس ماكو فايده وماتقدر تشرب حليبها كامل


وثالث شيء متى اقدر احط في الحليب بسكوت خاص للاطفال وهل يسبب حساسيه لبعض الاطفال ومن اى شهر ابدى؟

ودكتوره اا نا اعطيها ميلوبا شاي اعشاب اللي علبته خضراء عادى لانه مكتوب من 4 شهور واهي تحبه وسمعت يقولون مايضر؟

سامحينى على كثره الاسئله

 

[لازوردي]

هلا و غلا فيج معانا دكتورة

دكتوره انا عندي استفسار بخصوص الحليب حق اللي من عمر سنه و نص انا استخدم حليب بروجرس حق ولدي و الحين انقطع شنو البديل عنه ياريت اتفيديني ....

و مشكوره :tek:​

 

[princesa n3oma]

يا هلا ويا مرحبا ببنت الكويت الرائعه الدكتوره / رشا الصفى .....



وجزاك الله ألف خير على البادره الحلوووه منك .....



ومشكورين يا ادراتنا على المجهود العظيم ....


بغيت أسألك عن التطعيم اللى نزل حق الأطفال اللى مواليد 2005-2006 ....


لا زال موجود وله أثر إذا ما طعمت عيالى ....


والله اهما مرضه وما طعمتهم ناطرتهم يطيبون بس أخاف يطوفنى الموعد ....شنو رايك دكتوره ....؟؟



واحلى بوكيه ورد لأحلى دكتوره كويتيه بمنتدانا الغالى .....



​

 

[أم غايب]

حبيبتي انا ولدي سخن لمدة ثلاث ايام و بالرابع حاشه اسهال عادي و لا لأ
و متى اقدر اعطيه حليب تركيبه خاصه للاسهال

 

[توته كيوته]

السلام عليكم دكتوره ..
انا ولدي عمره ثلاث شهور و نص و أول بيبي لي فعندي جم سؤال :
1- انا مرات اسويله رضعه حليب صناعي (نان) شرايج فيه ؟
2- ويقولون يصير اذا سويت له حليب و ما شربه احطه بالثلاجه لمدة يوم واحد و ما يخترب ، صج ؟
3- شرايج بدوا (زيرتك للاطفال) صج مو شي ؟
4- اقدر بهالعمر اعطيه نقوع التمر ؟



وشكرا

 

[شيخه البيت]

مرحبا فيج بمنتدانا الجميل
بس عندى جم سؤال
انا ولدى عمره اربع سنوات بالنسبه للطول عيال اخوى اصغر منه بس اطول منه واعليه كاسر خاطرى الطبيب يقولى مساله وقت بس هم ولدى الثانى عمره سنتين ونص وهم اللى اصغر منه صارو طوله بالضبط وخايفه عندى بنت عموها ثمن شهور خايفه تكون نفس اخوانها قصيره
انا طولى 153 وريلى اطول منى 167
طيب فيه اكل معين يطول سمعت عن الحليب والموز بالخلاط بس ماجربته

 

[بنت عبدالغني شربت]

حياج الله دكتورتا بمنتدانا وتشرفنا بانضمامج لنا

 

[د. رشــا الصفــي]

شلونج دكتورتنا توه نور المنتدى

بنتي عمرها 3 شهور ونص اقطعت حليب صدري من شهر ونص ، وعطيتها سيميلاك هم ماصارت تشرب وغيرتلها الحليب عطيتها نان هم ماتشرب عدل تبجي انطرها تنام عشان اشربها وبالغصب تشرب
ماادري شسوي وايد مضيقه خلقي

o_mermaid_o

بنتج تحتاج تتعود على الصناعي شوي شوي

لانها كانت ترضع طبيعي

لا تغيرين الحليب وايد لها لانها ما تميز اذا الحليب الفلاني طعمه احلى من غيره

خليج على نوع معين و راح تشرب بالتدريج بس تابعي وزنها اهم شي

بالنسبة لنوع الحليب نان ممتاز خفيف و ما يسوي وايد غازات و مغذي للبيبي