{ ...الدكتورة رشا الصفي تجيب على استفسارتكم ..} استضافة اسبوعية

[lolly]

د. رشــا الصفــي
طبيبة أطفال معتمدة بمنتديات كويتيات

الله يعطيج العافية و باقة ورد لمجهودج الحلو مني ومن بنوتتي

 

[janawi]

مرحبا دكتورتنا الغاليه حبيت استفسر انا ولدي سويتله تحليل دم و طلع معاه فقر دم و دكتور عطاه حديد لمده 3 اشهر بس ولدي ماياكل شي غير حليب و كورن فلكس ابيج تفيديني شنو اعطيه اكل يفيده
مع خالص الشكر:gr4uu:

 

[ريم-2003]

السلااااااااام عليكم
اشلونج يادكتوره,,,الله يجعل مساعدتك بميزان حسناتك انشاءالله
ابي الرد لو سمحتي
وماتقصرين انشاءالله ياحبيبتي

 

[Lady Zayoona]

هلا دكتورة
عندي سؤالين : بنتي عمرها 3 شهور و نص و انا حاسه انها تسنن رنها وايد تسعبل و تعضض كلشي و تستانس لما تعضعض اصابيعها و اي شي يقرب من ويهها و هم قبل يومين بطنها سهال و ريحته موزينه و انتي بكرامه

و السرال الثاني نومتها خفيفه ماتنام وايد من اهيا بالنفاس تقوم كل ساعه بالضبط و الحين تنام و تقوم كل 40 دقيقه في النهار و وقت نومتها 10 بليل تنام 4 ساعات ذابحه عمرها و تقوم تبجي يوعانه شسوي؟

انا ارضع بس حزت الليل قمت اعطي مميه و هم ساعات بالنهار و اهيا تاخذ 120 مل حدها تعبت وياها و وراي دوام ماني عارفه شلون انومها فتره اطول
و للاتقولينلي حاولي ماتنام بالنهار مستحيل تسويلنا فلم صياح هاهاها مشكورة و الله يعطيج العافيه

 

[د. رشــا الصفــي]

قوه دكتوره

ولدي عمره 4 شهور ونص واليوم من الصبح حايشه اسهال مادري من شنو يقولون يمكن يسنن انا اوكله خضار بطاط وجزر واعطيه عيش بالحليب مادري شرايج؟؟

امس ذوقته بفك بس كان يمصمصه شويه تهقيين اهو سببله سهال

bardana

بالنسبة للإسهال ممكن يكون مع التسنين و ممكن بداية نزلة معوية

ما يبين من اول شي

و بالنسبة للأكل عادي مو مشكلة الخضار و العيش بالحليب هم عادي

و البفك لا تذوقينه اياه مرة ثانية ماله داعي كلش

و ممكن يسببله اسهال

تو الناس عالبفك مو قبل السنة اذا تبين تعطينه و تتأكدين انه خالي من الأصباغ و النكهات الصناعية و المواد الحافظة

 

[د. رشــا الصفــي]

شكرا عزيزتي على الرد بس ماقلتيلي وزنه زين وله لاء 6,400 هذا بنص الخامس وعن الاكل لازم جم ملعقه ياكل بهالعمر يعني اكثر علي وله جم قفشه بس واذا عطيته وجبه خضار بعد جم ساعه اعطي حليب :gr4uu:

وشكرااااااااااااا:aha:

SweeTa_4ever

وزنه طبيعي

و بالنسبة للأكل مافي احد يقدر يقول لج لازم الطفل ياكل جم معلقة بالوجبة

الكمية يحددها الياهل نفسه حسب شهيته و قابليته للأكل

و الحليب عقب الوجبة بساعة تقريبا او ساعة و نص

في اطفال يحبون الحليب على طول عقب الوجبة هم ما في مانع عادي

 

[د. رشــا الصفــي]

؟؟؟

bardana

؟؟؟

ما فهمت قصدج

تأخرت عليج بالرد ؟؟

عزيزتي انا ارد بالويك اند فقط و غالبا يوم الجمعة مو كل يوم متواجدة مع الأسف

بسبب ظروف العمل

و هذا كان بالإتفاق من مشرفة القسم

السلام عليكم ورحمة الله وبركاته

منتديات كويتيات

تواكب التطور والرقي بكل ماهو جديد ومفيد

هنا موضوع استضافة طبيبة الاطفال رشا الصفي

للرد على استفساراتكم واسألتكم

سيكون باب الاسألة مفتوح طوال الاسبوع

والطبيبة راح ترد عليكم يوم الجمعه فقط

فلذلك...اذا وضع سؤال يوم

الجمعه يرحل للاسبوع التالي

ومن هنا نبدأ بالأسألة والاستفسارات

وتقبلو تحياتي

 

[د. رشــا الصفــي]

السلام عليكم ورحمة الله وبركاته
اشلونج د.رشا
عندى استفسار انا تونى والده وفى فتره النفاس وارضع بنتى حليب طبيعى بس الشى اللى ابى اعرفه اشلون اعرف انها ماخذه كفايتها من الحليب؟
هذا شى الشى الثانى بنتى من طلعت من المستشفى ما اخرجت من بطنها الا مرتين والباجى كلا غازات ورحت اول مراجعه امس قالى الدكتور عادى وعطانى تحاميل،،،،،انا خايفه اليوم حطيت لها وحده،،،،،بس شنو السبب فى هذا الامساك معنها ترضع طبيعى؟؟؟؟؟

الحمدلله على سلامتج و مبروك المولودة

بالنسبة للرضاعة الطبيعية تعرفين انها مكتفية من الحليب اذا كانت تنام مرتاحة عقب الرضعة

و كمية البول تكرمين طبيعية و الخروج طبيعي

و تبين انها شبعانة عقب الرضاعة ما تبي تكمل


بالنسبة للأمساك هذا شي طبيعي بالأطفال المواليد

اهم شي انج تكملين رضاعة و تحاولين تاخذين اطعمة و اشياء تخفف الأمساك عندج و بالتالي راح يخف الامساك عليها

و لا تكثرين تحاميل الا للضرورة القصوى

 

[د. رشــا الصفــي]

السلام عليكم....دكتوره
الله يرحم والديك انشاالله انقذيني وريحيني
انا صارلي فتره آآآآآآآآآآكل نفسي بنفسي ..انا الحين بالنفاس توني والده.. المهم الموضوع انه انا عندي ولدي عمره سنتين واربع شهور وعطيته صناعي من اول ماجبته كنت اشوي ارضعه طبيعي بس بالثاني اول الثالث فطمته وخليته على سميلاك ادفانس وبالنسبه لرضاعه يرضع برضاعه البلاستيك ماركة (بيجون) والحين خرعوني من الرضاعه البلاستيك يقولون مو زينه

ما فيها شي الرضاعة البلاستيك اذا تغسلينها عدل و تعقمينها عقب كل استعمال


وكنت اغلي الماي وابرده واحطه باالعبوه الفاضيه حقت الماء الصحه عشان ازيد الماي الحار بالرضاعه ويكون وسط لمدة سنتين وشهرين .... اللي ابي اعرفه هل طريقتي لاسمح الله تضر.........

اذا الماي اللي تحطينه بالبطل بارد مو حار ما فيه مشكلة بس التعقيم عندج راح يخترب لآنه بطول ماي الصحة لما تفضى خلاص تصير غير معقمة

فالأفضل انخ تاخذين الماي الصحة بدون غلى في ماي خاص للبيبيات موجود بالجمعيات معقم و خالص


انا تعبااااااااااااانه ونفسي حيل تلوووووومني اني ماكملت رضاعته طبيعي واحس اني ماعطيته اهتمام

لا تلومين نفسج

محد ياخذ الا نصيبه

الله سبحانه مو كاتب له رضاعة طبيعية


وخصوصا العبوات الماء الصحه حذروني الحين منها يااااااااربي والله ماااكنت ادري ............وعلى دعم الحديد اشلون اغذيه من نقص الحديد

تعطينه الأكل اللي يحتوي عالحديد مثل اللحم و الكبدة و الخضروات الورقية و الفواكه


وااااااسفه اني طولت عليج بالسوال بس ابي اعرف ضروري عشان ارتاااح


وشكرا لك.....

العفو حياج الله ما سوينا الا الواجب

 

[د. رشــا الصفــي]

السلام عليكم

شخبارج دكتوره رشا ان شاء الله بخير حبيبتي

عندي سؤال

ولدي انولد بالاسبوع 33 ومن انولد ياخذ حليب ابتاميل بريمجور للخدج
والحين بالضبط عمره شهرين وكل مااسال الطبيب متى احوله على ابتاميل العادي او اي فورميلا لحديثي الولاده مو الخدج
يقول نطري دام اهو مرتاح عليه خنخليييه فتره المشكله الحيين الحلييب مقطوع من السوق مو لاقيته
بحاول ادور بكل فروح مركز سلطان لاني كنت لاقيته هناك

بحال مالقييته اقدر احوله على اي حليييب شتقترحيييييييييين ؟؟؟؟؟

مشكوره حبيبتي على مجهودج وان شاء الله بميزانج يارب

اذا وزنه طبيعي و ماعنده نقص حديد تقدرين تعطينه اي حليب رقم 1 عادي لحديثي الولادة

ممكن ابتاميل 1 عادي او ابتاميل كومفورت 1

اللي يريحج انتي و البيبي مو مشكلة

ولكن اذا وزنه ضعيف او عنده فقر دم لا يحتاج فورميلا خذج عندج نيوشور كبديل

 

[د. رشــا الصفــي]

بادرة طيبة
وخطوة موفقة
وحياها الله دكتورتنا

:aha:

مشكورة وايد

 

[د. رشــا الصفــي]

السلام عليكم

اول شي منوره د. رشا المنتدى

انا بنتي عمرها 3 اسابيع .. مولوده بالاسبوع 36 وتمت 5 ايام بالحضانه لانها كانت تكرمين مخرجه وهي في بطني وشربت الخروج وهذا كان سبب الولاده .. وقت ولدتها وزنها كان 2،450 وحليبها سميلاك نيوشور

من طلعت وهي ترضع من صدري ورضعه صناعي باليوم وكانت تخرج عادي وقبل اسبوع بالموعد وزنها كان زايد وصار 2،730 بس كله معاها غازات ... ولها يومين ماخرجت وتتعسر وحالتها حاله بس ماتخرج ومعاها مثل الامساك وديتها الطبيب عطاني تحاميل وشراب حطيتلها التحميله وخرجت بس اليوم كله ماخرجت بس ماتحسينها تتألم يعني بجيها يا جوع يا متضايجه من الحفاظه.. فهل هالشي طبيعي ؟؟؟

والحين الرضعه تشرب رقمين مع صدري بس ماحس انها تشبعها وهل ازيد لها الرضعه وهالفتره صارت تاخذ رضعه الصبح ورضعه بليل هل الحليب الصناعي هو الي مسبب لها الامساك ؟؟؟
وفي ناس انصحوني اخذ عود اذون واحط فيه زيت زيتون وادخله في فتحت الخروج عشان تكرمين تخرج.. هل هالشي صح وانتي شرايج فيه؟؟؟
اسألتي وايد بس تحمليني .. اول بيبي وماعرف بهل السوالف

ومشكووره وايد

بالنسبة للأمساك

لا تكثرين تحاميل ممكن مرة كل 3 او 4 ايام مو كل يوم

اذا ما تبجي و مو متضايقة خليها لما امعاءها تتنشط بالتدريج


الحليب الصناعي يسبب امساك نعم مثل ما قلتي

و اذا حاسة ان الرضعة ما تكفيها ممكن تزيدين لها اياها عادي بس بالتدريج



بالنسبة للسؤال الأخير

الطريقة هذي تقدرين تسوينها بس بحرص شدييييييييييييييييييييييييييييييييييييييد

حطي 100000 خط تحت بحرص شديد

علشان ما تأذين البنت و تحطين العود داخل الشرج بعمق و تعورينها

و هم لا تكررينها وايد علشان ما تتعود البنت على هالطريقة لتحفيز الخروج

 

[د. رشــا الصفــي]

السلام عليكم
الدكتور الغاليه رشا الله يكتبها بميزان حسناتج


باسال عن ولدي من انولد ماناسبه غير حليب ببيلاك اي ار
الحين كمل ست شهور - وباغير له الحليب ومو متقبل جربت نان وهم يرجع وجربت نان اي ار ويرجع باسال عادي اظل ع الببيلاك

وبعدين اشلون نتاكد من الكالسيوم لان شفت مرض نقص الكالسيوم يخرع الله يكافينا الشر يبين من اي شهر وباي فحص ؟

ومشكوره قلبي

مو مشكلة خليج على البيبيلاك لما يتم ال 6 شهور

و عقب خيله بيبيلاك 2

بالنسبة لنقص الكالسيوم اعراضه منها

نقص بالنمو
بروز الجبهة
تأخر بظهور الأسنان
تقوس باللأرجل في حالة المشي

و يتم التعرف على لتشخيص بعمل تحليل كالسيوم و اشعة و ياخذ الطفل العلاج اللازم

 

[د. رشــا الصفــي]

دكتوره يعطيج العافيه انه بنتى فيها التهاب بمنطقه الحفاض بس اتخرج ازيد وديتها كل موكان مافيه فايده اووديتها عند اختصاصي جلديه عطاها اكريم استخدمه مرتين بليومبس احطه اخف اوبس اتخرج اريد ايوم اغسلها ابماي دافي اتصرخ بعدين انشفها ابفنيله قطن ابي اكريم زين مايخليها يوم اتخرج تلتهب اهيه عمرها سنه اونص او خروجها اسهال اويعطيج العافيه

عندج سودوكريم ممتاز بس لازم تحطين على المنطقة طبقة كريم ثقيلة علشان تكون عازل و ما تتلتهب

 

[د. رشــا الصفــي]

د. رشــا الصفــي
طبيبة أطفال معتمدة بمنتديات كويتيات

الله يعطيج العافية و باقة ورد لمجهودج الحلو مني ومن بنوتتي

مشكورين عالورد انتي و بنوتتج :eh_s(6):

 

[د. رشــا الصفــي]

مرحبا دكتورتنا الغاليه حبيت استفسر انا ولدي سويتله تحليل دم و طلع معاه فقر دم و دكتور عطاه حديد لمده 3 اشهر بس ولدي ماياكل شي غير حليب و كورن فلكس ابيج تفيديني شنو اعطيه اكل يفيده
مع خالص الشكر:gr4uu:

الخضار الورقية

الفواكه

اللحوم الحمراء

و بالنسبة لعلاج الحديد المفروض ما ياخذه مع الحليب

اقل شي بينهم 3 ساعات

 

[د. رشــا الصفــي]

السلااااااااام عليكم
اشلونج يادكتوره,,,الله يجعل مساعدتك بميزان حسناتك انشاءالله
ابي الرد لو سمحتي
وماتقصرين انشاءالله ياحبيبتي

رديت عليج حبيبتي

انا ارد بالويك اند و غالبا الجمعة بسبب ظروف العمل و الخفارات و هالأمور

فيوم الجمعة هو انسب يوم لي اني ادخل و ارد عالخوات

و السموحة اذا تأخرت بالرد على أحد بس ظروفي صارت بهالشكل و لازم اتكيف معاها

تحياتي

 

[د. رشــا الصفــي]

هلا دكتورة
عندي سؤالين : بنتي عمرها 3 شهور و نص و انا حاسه انها تسنن رنها وايد تسعبل و تعضض كلشي و تستانس لما تعضعض اصابيعها و اي شي يقرب من ويهها و هم قبل يومين بطنها سهال و ريحته موزينه و انتي بكرامه

و السرال الثاني نومتها خفيفه ماتنام وايد من اهيا بالنفاس تقوم كل ساعه بالضبط و الحين تنام و تقوم كل 40 دقيقه في النهار و وقت نومتها 10 بليل تنام 4 ساعات ذابحه عمرها و تقوم تبجي يوعانه شسوي؟

انا ارضع بس حزت الليل قمت اعطي مميه و هم ساعات بالنهار و اهيا تاخذ 120 مل حدها تعبت وياها و وراي دوام ماني عارفه شلون انومها فتره اطول
و للاتقولينلي حاولي ماتنام بالنهار مستحيل تسويلنا فلم صياح هاهاها مشكورة و الله يعطيج العافيه

السؤال الأول : ممكن تكون تسنن بس مو معناته بتطلع الضروس هاليومين لا تاخذ وقت اطول

السؤال الثاني : وايد زين لما تنام 4 ساعات متواصلة بالليل

بس لنتي خلى موعد نومتها متأخر عن 10 يعني 12 ممتاز علشان انتي تشبعين نوم شوي و الرضعة تكون بعد الفجر مو نص الليل

الله يعينج علما تتعدل نومة بنتج

و للأسف ماكو شي اقدر افيدج فيه

بس من تجربتي الشخصية اقول لج خليها تعدل بروحها لا تتعبين روحج

تحمليها هالكم شهر و تتعدل بإذن الله

 

[ريم-2003]

مشكوره يادكتوره......وماقصرتي على ردج
بس اخاف رديتي علي هالرد بس عشان مااوسوس وعشان ارتاح
حبيبتي صج ردج ريحني بس هم احس مافهمتيني عدل انا خلاص عطيته الرضعات وانشاءالله الله يحميه هو عمره سنتين واربع شهور
انا اتكلم على يوم كان اصغير يعني اللي فهمته طول هالسنتين ماكاااان يرضع بطريقه صحيه ومعقمه؟
وهل هالشي لاسمح الله بيضر على صحته بالمستقبل؟ يعني لاسمح الله مثل انا سمعت انه كلى الطفل ماتحمل الا الماء المعقم
واسفه على كثرة الاسئله
وشكرا

 

[خجل العذاأارى]

يعطيج العافيه دكتوووره......... ولدي الاسبووع هذا يدخل 4شهووور ياليت لوتساعدين من ناحيه الاكل شنو اعطيه وكم عدد الرضعات اللي ياخذها باليوم ويصير اعطيه فواكه وخضار مهروووسه وولدي صحته حلووه ويشرب حليبه بس مشكلته الغازات اعطيه ماي غريب ولا يفيده وسويتله يانسون وماحبه ووويعطييييييج اااااااااااااااالف عااااااااااااااااااااافيه