{ ...الدكتورة رشا الصفي تجيب على استفسارتكم ..} استضافة اسبوعية

[نورالقمر24]

يعطيج العافيه دكوتوره

 

[أم ألماس]

يعطيج العافيه يادكتوره انا وديته الطبيب وعطاه كريمات والحمدلله تحسن

 

[الاخلاص]

يعطيج العافيه دكتورتنا الغاليه وجزاج الله خييييييييييييييير على اجابتج على اسألتنا بغيت أسلج بخصوص ولدي لثته مورمه شلون اقدر اريحه

 

[ZajiL]

اذا وزنه طبيعي و ماعنده نقص حديد تقدرين تعطينه اي حليب رقم 1 عادي لحديثي الولادة

ممكن ابتاميل 1 عادي او ابتاميل كومفورت 1

اللي يريحج انتي و البيبي مو مشكلة

ولكن اذا وزنه ضعيف او عنده فقر دم لا يحتاج فورميلا خذج عندج نيوشور كبديل

مشكوره ياقلبي
الحمدلله حصلته الحلييب بس هم قالولي هذا اخر شي عندنه :eh_s(1):
تقبل الله طاعتج وعيدج مبارك

 

[د. رشــا الصفــي]

مشكوره يادكتوره......وماقصرتي على ردج
بس اخاف رديتي علي هالرد بس عشان مااوسوس وعشان ارتاح
حبيبتي صج ردج ريحني بس هم احس مافهمتيني عدل انا خلاص عطيته الرضعات وانشاءالله الله يحميه هو عمره سنتين واربع شهور
انا اتكلم على يوم كان اصغير يعني اللي فهمته طول هالسنتين ماكاااان يرضع بطريقه صحيه ومعقمه؟
وهل هالشي لاسمح الله بيضر على صحته بالمستقبل؟ يعني لاسمح الله مثل انا سمعت انه كلى الطفل ماتحمل الا الماء المعقم
واسفه على كثرة الاسئله
وشكرا

ريم-2003

حبيبتي انتبهت ان ولدج الله يحفظه الحين عمره فوق السنتين

و ادري انج عطيتيه الرضعات



لا تحاتين

لو كان بيصير شي مو زين كان صار بالسنة الأولى

بالنسبة للكلام اللي سمعتيه ان كلى الطفل ما تتحمل الا الماي المعقم هذا غير صحيح

الغرض من التعقيم التخلص من المكروبات اللي تسبب نزلات معوية للطفل

و ماله علاقة بالكلى

الشي اللي ما تتحمله كلية البيبي هو الملح

علشان جذي ما ننصح بإضافة الملح لطعام البيبي قبل الشهر التاسع

و اذا تبين بعد تسألين اخذي راحتج

 

[د. رشــا الصفــي]

يعطيج العافيه دكتوووره......... ولدي الاسبووع هذا يدخل 4شهووور ياليت لوتساعدين من ناحيه الاكل شنو اعطيه وكم عدد الرضعات اللي ياخذها باليوم ويصير اعطيه فواكه وخضار مهروووسه وولدي صحته حلووه ويشرب حليبه بس مشكلته الغازات اعطيه ماي غريب ولا يفيده وسويتله يانسون وماحبه ووويعطييييييج اااااااااااااااالف عااااااااااااااااااااافيه

الأكل تبدين تذوقينه لما يكمل 4 شهور و يدخل الخامس

تبدين تذوقينه العيش مسلوق

و عقب الخضار و عقب الفواكه

مسلوقة و مهروسة

و الرضعات مثل ما هي اول شي بعدين تزيدين بالتدريج الأكل و تقلليلن الرضعات

 

[د. رشــا الصفــي]

يعطيج العافيه دكتوره

الله يعافيج

مشكورة

 

[د. رشــا الصفــي]

يعطيج العافيه يادكتوره انا وديته الطبيب وعطاه كريمات والحمدلله تحسن

الحمدلله

 

[د. رشــا الصفــي]

يعطيج العافيه دكتورتنا الغاليه وجزاج الله خييييييييييييييير على اجابتج على اسألتنا بغيت أسلج بخصوص ولدي لثته مورمه شلون اقدر اريحه

اذا يسنن عطيه العظاظة اللي فيها ماي و تكون باردة

او اخذي فوطة نظيفة و اغليها بماي و حطيها بالفريزر تبرد بسرعة

و عطيه يعظظها يرتاح

او تاخذين له جيل اللثة من اي صيدلية

 

[د. رشــا الصفــي]

مشكوره ياقلبي
الحمدلله حصلته الحلييب بس هم قالولي هذا اخر شي عندنه :eh_s(1):
تقبل الله طاعتج وعيدج مبارك

اشوة انج حصلتيه

تقبل الله منا و منك صالح الأعمال

و عساكم من عواده

 

[نـــــ أم ـــــور]

السلام عليكم ورحمة الله وبركاته

دكتورة انا عندي سؤال ياقلبي بنتي عمرها 8 اشهر ووزنها 6 ونص

عادي واذا مو عادي شتنصحيني فيه كل مره اوديها ومايعطونها شي



احسها ضعيفة


والسؤال الثاني ابي كريم للحفاظة يومي لان اغلب الكريمات استخدمتها وماتطيح لى بنتي بالعكس تزيد الطين بله واخر كريم عطاني اياه الدكتور
مكتوب عليه كريم واقي للجلد اوكسيد الزنك 20 %


والسؤال الثالث واسمحيلي على كثره اسألتي

عادي الرضيع اللي بعمر بنتي ( 8 اشهر ) يركب الطياره

ما يأثر عليه او على طبله اذنه

 

[nouriya]

مشكوره دكتوره ما قصرتى
يعطيج العافيه

 

[*الفراولة*]

اشلونج دكتوره بغيت اسألج انا ولدي عمره سنه وسبعة اشهر
والحين ماعنده الا 4 اضروس فوق واثنين تحت هل هذا طبيعي ؟
وبغيت اسِألج انا ولدي واايد حركي ذابحني وذابح اخته الصغيره من الطق
والعض وبنتي عمرها شهرين واسبوع , وايد يتحرك ماشالله عليييه
وين مانروح نزور عن الاهل يقعد يركض على كبر الصاله مادري شسوي
معاه وهل صحيح فقر الدم يسبب حركه زياده للطفل لاني انا اعاني من الانيميا فأخاف يكون هذا االسبب

 

[الجود90]

السلام عليكم ورحمة الله وبركاته

دكتوره فديتج عندي كم سؤال عن بنتي... انا ربيت بتاريخ 21-4 وكان وزن بنتي عند الولاده 2.990 .. بنتي عندها مثل اللحمة الصغيره زايده صوب اذنها اليسار.. ويوم شافها الدكتور قال يمكن عندها تضخم بالكلى بس الحمدلله سوولها صورة وطلعت الكلى عندها سليمه_ اللهم لك الحمد_.. الحينه ماعرف شو اسوي.. وايد ناس قالولي ان وايد اطفال عندهم مثل هاللحمه وفي حرمه قالتلي انها روحها تصغر كل ما يكبر البيبي.. بس انا مالاحظت انها صغرت ولا شي.. ووالله اني احاتي واخاف اسويلها عمليه عسب يشلونها.. واذا خليتها احاتي اخاف اليهال يعلقون عليها يوم تكبر وتتعقد بنتي
شوري علي فديتج.. وهل مرت عليج حاله مشابهة لأني وااايد احاتي وأفكر

الشي الثاني ان بنتي عندها مثل الكيس الدهني الصغير يعني تحسينه لاصق بالجلد بس لونه غامق وقالوا الدكاتره هذا كيس دهني تحته دم ويوم بتكمل ال6 شهور بتطلع الحبه على برا وشوي وشوي بتروح بروحها.. بس هي بتكمل ال6 جريب وما احس في اي تغير في الحبه.. مادري والله شو اسوي

3. بنتي الحمدلله تنجلب بس ماترفع راسها وايد الا شوي بس ترفع مؤخرتها :dddds: هل هذا طبيعي؟؟ واصلا هي حتى يوم ايلسها ماترفع راسها وايد.. كل اطالع الارض .. صح احسن عن اول بس مادري شو اسوي واذا هالشي طبيعي ولا كيف؟؟

4. يوم كملت ال4 شهور طعمناها وكان وزنها 6.9 وطولها 67.. طمنيني زين ولا؟؟

5. انا بديت أأكلها وجبه يوميا.. يعني اعطيها جزر- كوسا- بطاطا حلوه- قرع- موز- افوكادو وتفاح ومرات احط بالأكل شوفان واخلطه مع حليبها.. يعني تقريبا في اغلب الوجبات احط حليب عادي؟؟.. ومره عطيتها عيش مصري (سمعت انه احسن من العيش العادي) صح؟؟ وفي ناس يقولون حطي نشا.. عادي احطه وكيف الطريقه؟؟ وفي مره عطيتها تفاح يعني كنت ابشره بالخاشوقه واعطيها بس المشكله كانت تشرق منه عسب جي انا كل افور التفاح واهرسه بالخلاط
ودكتوره تراني اعطيها حليب سيميلاك وكل تشرب 180 ومرات ما اتكمل الحليب.. يعني انا احاول قد ما اقدر اني اشربها 5 رضعات باليوم.. كفايه ولا لازم ازيد؟؟؟

واليوم لاحظت انها البراز عندها قاسي.. وريحته بايخه نفس براز الكبار.. عادي؟؟ ولا هذا يعتبر امساك؟؟ مع العلم ان كل اكلها مهروس وناعم بالخلاط

وسؤالي الاخير.. متى احطها في المشايه؟؟ عادي من الحينه ولا توه الناس؟؟
والله دكتوره اسمحيلي وايداسأل.. بس والله اول بيبي وماعرف وايد اشيا

 

[برميتا]

هاي دكتورة
الله يعطيج العافية
وكل عام وانتي بخير

انا ولدي بيكمل سنة بعد اسبوع انشاءالله
وحليبه سيميلاك نيوشور (لأنه وزنه كان اقل من الطبيعي)
الحين بغيرله الحليب لأنه بيكمل سنة
جربتله حليب سيميلاك غين ومن أول رضعة ماتقبله
مص مصتين ثلاث ومن حس بطعم غير لاعت جبده ورجعه
شتنصحيني فيه شلون أخليه يتقبل الحليب اليديد؟
وبالنسبة للأكل شهيته قلت عن قبل
ومن أعطيه أكل مومطحون عدل يرجع

 

[د. رشــا الصفــي]

السلام عليكم ورحمة الله وبركاته

دكتورة انا عندي سؤال ياقلبي بنتي عمرها 8 اشهر ووزنها 6 ونص

عادي واذا مو عادي شتنصحيني فيه كل مره اوديها ومايعطونها شي



احسها ضعيفة

وزنها طبيعي لا تحاتين


والسؤال الثاني ابي كريم للحفاظة يومي لان اغلب الكريمات استخدمتها وماتطيح لى بنتي بالعكس تزيد الطين بله واخر كريم عطاني اياه الدكتور
مكتوب عليه كريم واقي للجلد اوكسيد الزنك 20 %

سودوكريم ممتاز

تحصلينه بالجمعيات و الصيدليات و مذركير

بس لازم تحطين طبقة ثقيلة

و الشي الثاني لازم تتأكدين ان ما فيها فطريات

فنصيحتي اخذي كريم اسمه بانديرم 3 مرات باليوم لما تصير زينة و بعدين استعملي سودوكريم بعد كل تغيير

و لما تغسلينها لا تستعملين الصابون كافي الماي

والسؤال الثالث واسمحيلي على كثره اسألتي

عادي الرضيع اللي بعمر بنتي ( 8 اشهر ) يركب الطياره

ما يأثر عليه او على طبله اذنه

بالنسبة للطيارة عادي ما يأثر عليه بأي عمر

بس راح تلاحظينها تصيح و تتضايق وقت الإقلاع و الهبوط

فخلي معاج رضعة عصير او حليب عطيها وقت الأقلاع و الهبوط لأن المص يفتح اذونها

فما تتضايق

 

[د. رشــا الصفــي]

مشكوره دكتوره ما قصرتى
يعطيج العافيه

الله يعافيج

حياج

 

[د. رشــا الصفــي]

اشلونج دكتوره بغيت اسألج انا ولدي عمره سنه وسبعة اشهر
والحين ماعنده الا 4 اضروس فوق واثنين تحت هل هذا طبيعي ؟

اي حبيبتي عادي

في اطفال يطلعون مبجر اول مجموعة بعدين يتأخرون بالباجي


وبغيت اسِألج انا ولدي واايد حركي ذابحني وذابح اخته الصغيره من الطق
والعض وبنتي عمرها شهرين واسبوع , وايد يتحرك ماشالله عليييه
وين مانروح نزور عن الاهل يقعد يركض على كبر الصاله مادري شسوي

لا تسوين شي الحركة طبيعية بعمره

اهم شي انه ما تخلينه يأذي اخته

ديري بالج عليها حرام اخاف يعورها

و ديري بالج لا يطيح ولا يعور نفسه


معاه وهل صحيح فقر الدم يسبب حركه زياده للطفل لاني انا اعاني من الانيميا فأخاف يكون هذا االسبب

لا حبيبتي يسبب خمول مو كثر حركة

سويله تحليل دم ما يمنع علشان تتطمنين

ما تشوفون شر

 

[د. رشــا الصفــي]

السلام عليكم ورحمة الله وبركاته

دكتوره فديتج عندي كم سؤال عن بنتي... انا ربيت بتاريخ 21-4 وكان وزن بنتي عند الولاده 2.990 .. بنتي عندها مثل اللحمة الصغيره زايده صوب اذنها اليسار.. ويوم شافها الدكتور قال يمكن عندها تضخم بالكلى بس الحمدلله سوولها صورة وطلعت الكلى عندها سليمه_ اللهم لك الحمد_.. الحينه ماعرف شو اسوي.. وايد ناس قالولي ان وايد اطفال عندهم مثل هاللحمه وفي حرمه قالتلي انها روحها تصغر كل ما يكبر البيبي.. بس انا مالاحظت انها صغرت ولا شي.. ووالله اني احاتي واخاف اسويلها عمليه عسب يشلونها.. واذا خليتها احاتي اخاف اليهال يعلقون عليها يوم تكبر وتتعقد بنتي
شوري علي فديتج.. وهل مرت عليج حاله مشابهة لأني وااايد احاتي وأفكر

حبيبتي وايد مرت على نفس حالة بنتج

الحمدلله ان الكلى سليمة

و بالنسبة للعملية تقدرين تشيلينها بدون مشاكل افضل

بس بعد السنتين تقريبا مو قبل علشان التخدير

الأفضل انج تاخذينها لجراح اطفال و يتابعها و هو يقرر موعد العملية

الشي الثاني ان بنتي عندها مثل الكيس الدهني الصغير يعني تحسينه لاصق بالجلد بس لونه غامق وقالوا الدكاتره هذا كيس دهني تحته دم ويوم بتكمل ال6 شهور بتطلع الحبه على برا وشوي وشوي بتروح بروحها.. بس هي بتكمل ال6 جريب وما احس في اي تغير في الحبه.. مادري والله شو اسوي

نفس الشي جراح الأطفال او طبيب الجلدية راح يفيدونج

ما اقدر احكم بصراحة بدون ما اشوفها

3. بنتي الحمدلله تنجلب بس ماترفع راسها وايد الا شوي بس ترفع مؤخرتها :dddds: هل هذا طبيعي؟؟ واصلا هي حتى يوم ايلسها ماترفع راسها وايد.. كل اطالع الارض .. صح احسن عن اول بس مادري شو اسوي واذا هالشي طبيعي ولا كيف؟؟

اذا تقلب هذا طبيعي

بس تحتاج تدربينها شوي على التحكم بالراس

خليها قاعدة كثر ما تقدرين علشان تتعلم تتحكم براسها


4. يوم كملت ال4 شهور طعمناها وكان وزنها 6.9 وطولها 67.. طمنيني زين ولا؟؟

ممتاز اللهم بارك ما شاء الله

5. انا بديت أأكلها وجبه يوميا.. يعني اعطيها جزر- كوسا- بطاطا حلوه- قرع- موز- افوكادو وتفاح ومرات احط بالأكل شوفان واخلطه مع حليبها.. يعني تقريبا في اغلب الوجبات احط حليب عادي؟؟.. ومره عطيتها عيش مصري (سمعت انه احسن من العيش العادي) صح؟؟ وفي ناس يقولون حطي نشا.. عادي احطه وكيف الطريقه؟؟ وفي مره عطيتها تفاح يعني كنت ابشره بالخاشوقه واعطيها بس المشكله كانت تشرق منه عسب جي انا كل افور التفاح واهرسه بالخلاط

الأكل ما شاء الله ممتاز اللي تعطينها

و اذا تعطينها عيش النشا ماله داعي

ما يفيدها

و التفاح عادي سلقيه و هرسيه بالخلاط و لما تكبر شوي بشريه بالملعقة


ودكتوره تراني اعطيها حليب سيميلاك وكل تشرب 180 ومرات ما اتكمل الحليب.. يعني انا احاول قد ما اقدر اني اشربها 5 رضعات باليوم.. كفايه ولا لازم ازيد؟؟؟

لا بس كافي عليها

ما شاء الله

لا تغصبينها على الزيادة


واليوم لاحظت انها البراز عندها قاسي.. وريحته بايخه نفس براز الكبار.. عادي؟؟ ولا هذا يعتبر امساك؟؟ مع العلم ان كل اكلها مهروس وناعم بالخلاط

تغير البراز يصير مع تغيير الأكل

الأكل يخلي البراز تكرمين يصير قاسي شوي

و هذا شي عادي

بس ما ابيج تنسين تعطينها ماي تحتاجه اكثر ألحين

وسؤالي الاخير.. متى احطها في المشايه؟؟ عادي من الحينه ولا توه الناس؟؟

المشاية بعد ال6 شهور افضل

والله دكتوره اسمحيلي وايداسأل.. بس والله اول بيبي وماعرف وايد اشيا

مسموحة يالغالية

حقج انج تعرفين كل شي عن بنتج

و اي اسئلة ثانية انا حاضرة

 

[د. رشــا الصفــي]

هاي دكتورة
الله يعطيج العافية
وكل عام وانتي بخير

الله يعافيج

و انتي بخير و صحة و سلامة


انا ولدي بيكمل سنة بعد اسبوع انشاءالله
وحليبه سيميلاك نيوشور (لأنه وزنه كان اقل من الطبيعي)
الحين بغيرله الحليب لأنه بيكمل سنة
جربتله حليب سيميلاك غين ومن أول رضعة ماتقبله
مص مصتين ثلاث ومن حس بطعم غير لاعت جبده ورجعه
شتنصحيني فيه شلون أخليه يتقبل الحليب اليديد؟
وبالنسبة للأكل شهيته قلت عن قبل
ومن أعطيه أكل مومطحون عدل يرجع

بالنسبة للحليب خلي التغيير تدريجي

يعني

اول يوم عطيه رقم ولا رقمين من الحليب اليديد ايا كان

و اذا تقبل اليوم الثاني زيدي شوية و بالتدريج لما يكمل رضعة كلملة من الحليب اليديد

و عقب بلشي تزيدين رضعات الحليب اليديد و تقللين الحليب القديم و هكذا

و اذا ما تقبل من اول مرة

نطري عليه كم يوم و ردي عطيه و حاولي انه يكون جوعان علشان ياخذ الحليب اليديد

بس بالتدريج و شوي شوي عليه علشان ما يرجع

و اذا مو متقبل حتى الكم رقم غيري النوع يمكن مو عاجبه الطعم

بالنسبة للأكل طبيعي ان شهية الطفل تقل على عمر السنة الى 3 سنوات

لأنهم يبدون يتذوقون الأكل و يختارون الأنواع

و اذايرجع الأكل اللي مو مطحون انتي عوديه بالتدريج بعد شوي شوي تثقلين له الأكل

لما يتعود

لازم يتعلم يمضغ الأكل قبل لا يبلعه

و هذا ما يصير الا لما تعلمينه