{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

السلام عليكم

شلونج دكتورة؟

الله يعطيج العافية ان شاء الله

ولدي عمره سنة وشهر وهو داون سيندروم وزنه سبعة كيلو .. يشرب حليب 150 مل اربع مرات في اليوم

مشكلتي معاه انه ما ياكل .. اكله جدا جدا قليل

طبعا الوزن قليل يعتبر بالنسبة للعمر بس بما انه داون سيندروم فلهم معدلات اوزان غير الأطفال الثانيين و نعتبر وزنه معقول بس مش ممتاز

وعنده امساك شديد ما تتخيلين لاي درجة دكتورة والله هو يبجي وانا ابجي معاه

سؤال : محللين له الغدة الدرقية ؟ ما فيها خمول ؟ كثري له خضار ورقية و فواكه مجففة لأنه الداون اساسا عضلاتهم تكون ضعيفة و منها عضلات الامعاء

وغير جذي ما ينام زين

انومه 10 يقعد لي 2 وبعدين انومه ويصحى لي على الاربع ونص او خمس وبعدين انومه مرة ثانية ويصحى تسع

وبالنهار يرقد الساعة اربع تقريبا ينام نص ساعة واذا طول ساعة

ابي حل يا دكتورة شاسوي معاه؟

لا تنومينه بالنهار وايد ساعة الظهر و بس
وهل لفتحات القلب علاقة بهذي الاشياء؟؟

لها علاقة بالوزن القليل بس

ونسيت اخبرج انه عنده حساسية بالصدر والانف

ومشكوورة

العفو

ما يشوف شر

 

[د. رشــا الصفــي]

السلام عليكم ورحمه الله وبركاته / دكتوره لو سمحتي حابه اسالك عن بنتي عمرها سنه وثلاث شهور للحين مامشت واذا جيت اعلمها على المشي تمشي على اطراف اصابعها كنها خايفه وتبكي وتقعد مادري شنو السبب للمعلوميه ترى ماحبت الا متاخر يعني بعمر تسع او عشر شهور واستخدم حليب نيدو 1 هل هو صحي ومفيد بالنسبه لعمرها واسفه على الايطاله ولك جزيل الشكر تحياتي لك

حبيبتي بس
بسألج اذا بنتج تستخدم الدارية ولا لأ

بعض الأطفال بهالحالة يتعلمون المشية الغلط من الدراية

شيليها و خليها تحاول بروحها

والأفضل راجعي فيها الطبيب يفحصها و يتابعها

احسن من تحاتين بروحج

 

[د. رشــا الصفــي]

مرحبا دكتورة


ولدي عمرة 9شهور داش بالعاشر أبي أعرف جم وجبه باليوم اعطي مع جم رضعة وبعدة مامشى بس يوقف عادي وسنن عندة ضرسين :dddds:

المفروض ياكل معاكم نفس وجباتكم

3 وجبات رئيسية و بينهم 3 وجبات خفيفة من ضمنهم حليب

و المشي تو الناس عليه

 

[د. رشــا الصفــي]

مرحبااا دكتوووره

دكتوره ولدي توه كمل 8 شهور وديته الطبيب لانه في نشله ومن شافه الطبيب قال ولدج في لحميه لانه مبطل حلجه وسويتله اشعه وطلع لحميه واهو من ينام يشووخر شسوي كاسر خاطري مايقدر ينام عدل متى اقدر اسويله عمليه اللحميه؟؟

وسؤال ثاني ولدي ليلحين ماسنن بس لثته مو رمه ويبجيييي يوم سويت الاشعه وله بين اسناانه كلهم طاالعين حتى الانياااب بس ليلحين مابينوو متى يبرزون اسناانه واهوو ليللحين ماحبى شسوي دكتوره بس اسم الله علي قام يفز يعني يبي يوقف من يمسك شي يحاول يوووقف هل هذا معنه انه يبي يمشي؟؟؟

ولج الف شكر

اذا اللحمية مو مأثرة على اذونه تقدرين تنطرين شوي لأنها ممكن تروح بروحها و تصغر مع الوقت

بس اذا ما ينام بالليل منها لا يحتاج تشيلينها

بالنسبة للتسنين

طبيعي يبينون بالأشعة من وهو في بطنج

و يطلعون شوي شوي

و المشي هذي محاولات طبعا و ان شاء الله يمشي عقبها بشهرين او 3

 

[د. رشــا الصفــي]

السلام عليكم ..شلونج دكتورة ؟
عندي اسفسار بسيط بنتي كملت سنة وحابة اعرف احسن نوع حليب تنصيحيني فيه لان حاليااستخدم سميلاك 3 وسمعت يقولون ضار وفي غيره احسن ..اذا بغير تنصحين ببروجرس ولابدياشور ؟
وجزاك الله خيرا

لا حبيبتي مو ضار و لا شي

و اللي مثله كلهم نفس الشي

المكونات عالمية مو كل شركة على حسب ما يختارون

بس الفرق بالطعم اكو بالفانيليا و السكر و الماصخ

و الولد و اللي يتقبله
و البيدياشور اهو نفسه سيميلاك 3 تقريبا

نفس الشركة و نفس المكونات

 

[أوطان]

مشكووووووووورة دكتورة عالجواب بس ودي اغير حليبها واعطيها بدياشورتنصحيني باي نكهة اعطيهاالفانيلا والسكر ولا الماصخ ..وصج انه يمتن لانه بنتي عصلة

 

[د. رشــا الصفــي]

السلام عليكم ورحمة الله ..

شلونج د . رشــا

بغيت أستفسر عن .. تعرق الطفل .. !

ولدي عمره 11 شهر .. ومن يوم عمره 4 شهور وهو حيل حيل يعرق .. وحتى لو هو نايم ..

مع أنه التكييف شغال ..

ألحين وبالشتا لازم أشغل الدفايه والمروحه .. لأنه يعرق حيل وملابسه وجبهته كلها مااااي ( عرق )

وحتى لو طفيت الدفايه .. أمسكه يكون باااارد .. بس يكون عليه عرق


:
:

ولدي أسم الله حيل حيل حركي .. ما يقعد راحه ..

وألاحظ بس مجرد لما يصرخ .. يبدى يتعرق !!



دكتوره رشـا .. أنا بإنتظــار ردج الشافي

أم علي

ام على

اهم شي سويله تحليل الغدة الدرقية

اذا مو نشيطة زيادة عن الطبيعي

ما عليه شر

 

[د. رشــا الصفــي]

السلام عليكم دكتوره ابي استفسر عن بنتي عمرها سنتين ونص بس اسم الله عليها ذكيه وأحس أنها سابقه عمرها بس واااايد عنيده وأطق اليهال وانا قاطعه عنها الحفاضه بس صار لها مده تبول على نفسها مادري تعاندني والا شنو واذا عصبت عليها تصارخ بويهي وهل هي تحس بفقد أبوهالأني عند أهليمن سبع شهور وما شافت ابوها الا ثلاث مرات ودقايق هل فقد أبوها بالعمر هذا يأثر أو لا لأنها كانت /تعلقه فيه وايد

اكيد حبيبتي تحس و تتغير تصرفاتها لما تفقد ابوها

تحس انه فيه شي ناقص بحياتها و مو عارفة تعبر عنه

فالحل بالنسبة لها انه تسوي اشياء تشد انتباهكم لها يمكن هالشي يريحها

و هم ما تحس انها ارتاحت و هكذا

حاولي انه تشوف ابوها اكثر يمكن تتحسن حالتها

و اذا مو ممكن حاولي تخلين احد من اخوانج الرياييل او الوالد اذا موجود يعوضها يمكن تتحسن

الله يعينج و يعينها

 

[@الياسمين@]

السلام عليكم
انا عندي سؤال عن تعرق االطفل ... انا بنتي بعد يومين تكمل الرابع ودايما احس ان ريولها من تحت(القدم) معرق وبعد احس ان راسها حار
واي ناس يقولون ان كل اليهال ريلهم تعرق .. هل هذا شي طبيعي ؟؟؟

 

[آلكآيدهـْ]

السلام عليكم دكتوره مثل ماقلتي صح بنتي تستخدم الدراجه وماتمشي الا فيها وبحاول ان شاء الله ان تتركها وتعتمد على نفسها بس مارديتي على سوالي الثاني هل حليب النيدو 1 مفيد وصحي للاطفال % وشكرا

 

[د. رشــا الصفــي]

مشكووووووووورة دكتورة عالجواب بس ودي اغير حليبها واعطيها بدياشورتنصحيني باي نكهة اعطيهاالفانيلا والسكر ولا الماصخ ..وصج انه يمتن لانه بنتي عصلة

براحتج حبيبتي من ناحية تغيير الحليب

قدرين عادي تعطينها بيدياشور

و بالنسبة للنكهة اختاري الماصخ علشان لا تتعلق الحليب الحلو ( السويت ) و تكره الأكل المالح

السؤال الثالث انه يمتن و لا لأ

مفيد بس المتن حسب جسم الياهل

اكو يهال يمتنهم و اكو لأ

 

[د. رشــا الصفــي]

انا بعد بنتي جذي اهي داشه الرابع بس دايما احس ريولها من تحت (القدم )معرق ,, وبعد احس جسمها وراسها حار
بس ماتكون فيها حراره ؟؟ليش جذي ؟؟هل يعني طبيعة جسمها حار ولا شنو ؟؟؟

نعم حبيبتي طبيعة جسمها حار

و طبيعي هالشي في اغلب الأطفال

 

[د. رشــا الصفــي]

السلام عليكم دكتوره مثل ماقلتي صح بنتي تستخدم الدراجه وماتمشي الا فيها وبحاول ان شاء الله ان تتركها وتعتمد على نفسها بس مارديتي على سوالي الثاني هل حليب النيدو 1 مفيد وصحي للاطفال % وشكرا

بالنسبة لحليب نيدو انا جاوبت على وحدة نفس سؤالج

ما حبيت اكرر نفس الإجابة

بس تستاهلين و لا يهمج

طالما وزن الطفل طبيعي و نسبة الدم و نسبة الكالسيوم عنده طبيعية

ما فيه مانع من حليب نيدو 1 او الحليب الفريش بس يكون مبستر طبعا

العفو

 

[*الفراولة*]

السلام عليكم
دكتوره انا بنتي خلصت 4 شهور واهيا ماتشرب حليب بالحسره تشرب 150 مل 4 مرات باليوم
والدكتوره قالتلي لازم اعودها على 180 4 مرات باليوم
والسؤال اهوا : اقدر اعطيها كالسيوم شراب كمكمل غذائي ؟ واشكثر ؟ وجم مره باليوم؟.
ويعطيج العافية

 

[OM-7MaDeeEeeN]

السلام عليكم
يعطيييج الف عافيه دكتوره
انا ولدي بعد يومين يكمل الشهر الثالث ويدخل الشهر الرابع انا اعطييه حليب ابتاميل كومفرت بس سمعت انه موزين مافيه كالسيوم ؟؟؟ اكمل عليه والا اغيره ؟؟وعادي ابدا اوكله والا تو الناس ؟؟؟وللحين ماثبت راسه ولا يقدر يحط وزنه على رجليه دايما يثنيهم هل فيه شي والا طبيعي ؟؟ وتنصحين باي دكتور اطفال اروح اذا في شي وشكووووره وايد​

 

[د. رشــا الصفــي]

السلام عليكم
دكتوره انا بنتي خلصت 4 شهور واهيا ماتشرب حليب بالحسره تشرب 150 مل 4 مرات باليوم
والدكتوره قالتلي لازم اعودها على 180 4 مرات باليوم
والسؤال اهوا : اقدر اعطيها كالسيوم شراب كمكمل غذائي ؟ واشكثر ؟ وجم مره باليوم؟.
ويعطيج العافية

عليكم السلام و الرحمة

على فكرة 150 4 مرات باليوم بعمر 4 شهور ممتاز

180 مل هذا اللي مكتوب عالعلبة

مو شرط البيبي يقدر يتقبله

الكمية كبيرة بصراحة

انتي لا تزيدين الكمية عن 150 مل بالرضعة الوحدة بس ممكن تخلينهم 5 رضعات باليوم بدل 4

و بجذي تكونين عطيتيها الكمية اللي تبينها

و عموما اذا وزنها طبيعي ما تحتاج الزيادة هذي

مو لازم نعطي البيبي الكمية المكتوبة عالعلبة ( واااااااااااااااااااااااااايد )


بالنسبة للكالسيوم

اذا البنت ما عندها نقص كالسيوم

زيادة الكالسيوم تضرها

ما نعتبر الكالسيوم مكمل غذائي

اهو دوا حاله حال كل الأدوية الثانية

اذا اخذه البيبي بدون داعي يضره بدال ما ينفعه

اول شي تأكدي ان الكالسيوم عندها شلون وضعه و اذا نازل عطيها و اذا طبيعي

ما انصحج لأنه يسوي تكلسات بالكلى و حصوات اذا زاد عن حده الطبيعي

 

[د. رشــا الصفــي]

السلام عليكم
يعطيييج الف عافيه دكتوره
انا ولدي بعد يومين يكمل الشهر الثالث ويدخل الشهر الرابع انا اعطييه حليب ابتاميل كومفرت بس سمعت انه موزين مافيه كالسيوم ؟؟؟ اكمل عليه والا اغيره ؟؟وعادي ابدا اوكله والا تو الناس ؟؟؟وللحين ماثبت راسه ولا يقدر يحط وزنه على رجليه دايما يثنيهم هل فيه شي والا طبيعي ؟؟ وتنصحين باي دكتور اطفال اروح اذا في شي وشكووووره وايد​

وعليكم السلام

الله يعافيج حبوبة

حليب ابتاميل كومفورت في كالسيوم حاله حال اي حليب ثاني اذا الولد مرتاح منه لا تغيرينه

و الأكل تو الناس مو الحين

لما يكمل 4 و يدش الخامس ابدي ذوقيه الأكل و من يكمل 6 شهور يصير ياخذ وجبة كاملة باليوم

بالنسبة لراسه عطيه شوية وقت و طبيعي انه الحين ما يثبت ريوله نطري عليه بعد شهر ولا شهر و نص و راح يشد ريوله بإذن الله

و اذا في اي شي و تبين تروحين لدكتور اطفال

عندج بالحكومة طبعا طوالة شوي بس تاخذين تحويل من المستوصف لعيادة الأطفال بالمستشفى التابع لكم و يشوفي اختصاصي الأطفال خلال جم يوم

و اذا شي طارئ تروحين حوادث الأطفال هم بتحويل من المستوصف

و اذا تبين خاص

ما شاء الله كلهم عندنا ممتازين

بس اللي اعرف شغلهم و اثق فيهم وايد عندج د. فهد المخيزيم و د. اسماعيل رضا و د. خالد السعيد و د. غسان العثمان روعة بصراحة

و ما تشوفون شر

 

[ملكة الانوثه]

[size="4"]السلام عليكم ورحمة الله وبركاته
دكتوره انا عندي ولد عمره سنه وثمان شهور مايتكلم الا بس ماما
شو رايك بالملح والعسل يقولون زين للاطفال اللي مايتكلمون بسرعه؟؟؟
اما سؤالي الثاني كمان عندي ولد عمره سبع شهورمايبي الاكل ولايبلع زين احيانا يطلع الاكل من فمه
احترت معاااااااااااه وشو الاطمعه اللي تنصحيني فيهم؟؟؟
و اعطيه حديد فيتامين دمن شهر لكن مايقلب ولاطلع اسنان ولا حبى
وشكرااااااااا جزيلاااااااااااااااا[/size]

 

[OM-7MaDeeEeeN]

مشكوووووووووره وايييد دكتوره على الرد السريييييع ويعطيج الف عافي

 

[البرنسيسه77]

اهلا وسهلا فيج دكتورة فى المنتدى وعندى بعض الاسئلة اذا ممكن
ولدى عمرة سنتين و9 شهور وما ياكل اى شى يعنى مو اى شى يعجبة من يوم كان صغير يتذوق الاكل ففى اشياء كثيرة ما ياكلها وهى منتجات الحليب ماعدا الحليب والخبز بانواعة وجسمة ضعيف جدا فيا ريت تعطينى بدائل تفيدة صحيا وتقوية جسميا

وعندى ولدى عمرة 7شهور صدرة دايما تعبان وجرب معاة الدكتور جميع الادوية ما فادت فاستقر عالكمام وفاد معاة والحين صار لة 3 شهور عالكمام تقريبا يوميا حتى لوتحوشة كحة او ازمة ربو على طول كمام عادى ولا لأ يعنى راح يتعود علية اوعادى؟

ومشكورة ويعطيج العافية