السلام عليكم
بنتي عمرها 4شهور ودايما تحك اذونها هالشي طبيعي ولا فيها التهاب لان وحده ولدها كبر بنتي وهم يحك اذونه ودته الهادي انق واذن وحنجره قالها فيه التهاب شديد من حلجه واصل اذونه علشان جذي يحك اذونه
انتي شرايج اودي بنتي يفحصونها ولا طبيعي ؟
يعطيج العافيه
لا حبيبتي لازم تودينها الطبيب يفحصون اذونها
ممكن يكون التهاب او شمع او تسنين
السلام عليكم دكتورة اشلونج.........بنتي عمرها شهر وانا اغير ملابسها شفت خراج على شوية دم وصدرها اليمين وارم ومحومر وملمسه يابس وديتها الطبيب قالولي انه غدتها ملتهبه وعطوني مضاد حيوي ........عفيه دكتورة بس طمنيني الي في بنتي اشكثر يبيله عشان يخف ؟ انا ماشيه على المضاد من 3 ايام
هذا التهاب مثل ما قال لج الدكتور
أفضل تراجعين فيها مرة ثانية اذا ما خف علشان يغيرون المضاد
و اذا تحسنت خلاص ما تسوين شي
السلام عليكم دكتورة ,, شلونج ,,
ولدي صار له اسبوع اذا قام من النوم او بعض المرات العصر يطلع في جسمه دوائر حمر يختلف احجامها شي صغير و شي بحجم العشرين فلس ,, تستمر ساعة و بعدين تخف او تختفي بالمرة
وديته المستوصف قال في حساسية من شي ’’ مع العلم ان ولدي خلال هالفترة ما يبي ياكل شي بس رضعته او عيش و روب يعني مو شي يستغربه الجسم ,, عطيته الدوا الحساسية 3 ايام و ما تغير شي و هذا 7 يوم
محتارة شنو اسوي معاه ,, و يعطيج العافية
مثل ما قال لج المستوصف حساسية او مثل ما نسميها علميا urticaria
مو شرط يكون المسبب معروف
و مو شرط يكون من أكل
احيانا الفراش يكون فيه شي
الشراشف غسليهم بصابون البيبي و طلعي الفراش بالشمس
و اذا الفرشة قديمة غيريها
السلام عليكم شلونج دكتوره انا عندى اولدى عمره 11شهر مطلع السانه على طول يعنى نص السان طالع بره صارله شهر وهويرضع طبيعى وصناعى وياكل كل شى اوكيه ومشكووووووووره مقدما
اذا كان اكله اوكي و نشاطه طبيعي
بس اخذيه المستوصف يجيك لج لثته و لسانه اخاف يكون فيه فطريات او يكون يحك لثته بيسنن
اذا قال لج كل شي طبيعي خلاص لا تحاتين
بس اذا حسيتي انه فيه خمول و نايم على طول سويله هرمون الغدة الدرقية
في حالات نادرة من خمول الغدة تسبب بروز اللسان للخارج
بس هذا شي جدا نادر
متي نعطي عيالنا السمج والربيان
الربيان
بعد السنة عزيزتي
و السمج ممكن على الشهر العاشر بس تديرين بالج من الشوك
السلام عليك دكتوره
أنا بنتي الكبيرة عمرها سنتين وعشر شهور ولي شهرين من قطيت عنها الحفاظة وكل ربع ساعة اوديها للحمام (تكرمين )لكني الاحظ في ملابسها الداخليه شويه افرازات صفراء(0تكرمين ) شنو معناته
ممكن تكون تحصر روحها فينقط البول ما تتحكم فيه بعد
او يكون عندها التهابات اذا تغسلين لها بصابون عادي
السلام عليكم
يعطيج العافيه دكتووره
ولدي عمره سنه و10 شهور
سويت له تحليل دم طلع نسبه الدم 10.5
وقال الدكتور عنده نقص حديد
المهم صرف له فيروز ووقفته من 10 ايام لان سبب له امساك فظيع يبجي ويعرق ويصارخ ويالله باليوم يخرج مره بعد الم ومعاناه
اليوم رديته الطبيب وصرفلي ملين كبير لونه العلبه ابيض ( 5 ملي قبل النوم)
وقال لازم استمر على الحديد
السوال اخاف الولد يتعود على الملينات ويدوم معاه الامساك؟؟؟؟؟؟؟؟؟؟؟؟؟؟؟؟؟
مع العلم انه ب العشر ايام اللي طافت مازال الامساك مستمر اخف من قبل بس مستمر؟؟؟؟؟؟؟؟؟؟؟؟؟
وبالنسبه لاكله اعطيه ملووووخيه وموز وتفاح وعصير برتقال وعنب وعطيته حليب بديا شور عشان يرفع الحديد يمكن اهو اللي مسبب له امساك؟ اعطيه رضعه مرتين باليوم
اسفه على الاطاله
اول شي الواحد لازم يوزن الأمور بالنسبة للدوا و منافعه و اعراضه الجانبية
الحديد من اهم اعراضه الجانبية هي الامساك
بس هو دوا وايد وايد مهم خصوصا للي عندهم نقص حديد
لأنه نقص الحديد اذا ما تعالج مبكر راح يسبب هبوط في معدل ذكاء الطفل
الحل هم الملين
الملين راح ياخذه فترة بسيطة و ما راح يتعود عليه
لا تحاتين و ردي الحديد و الامساك مقدور عليه ان شاء الله
السلام عليكم دكتوره
انا اعطي بنتي حليب نوفالاك 2 وقريت في بعض المواقع الاجنبيه+ العربيه انه يسبب السالمونيللا وتم سحبه من الاسواق فهل هذا صحيح ارجوك؟
لا حبيبتي ما يسبب السالمونيلا
الخبر بالتفصيل هو
ان في فرنسا لقوا اثار لمايكروب السالمونلا ( و ما حددوا النوع ) في خروج 8 أطفال يستعملون هالحليب
فقرروا انهم يسحبون الكمية اللي المفروض انها تتوزع على الصيدليات فقط كإجراء احترازي للتأكد من خلو الحليب من الميكروب
لقوا المايكروب بخروج الأطفال بس ما فحصوا الحليب بعد
الكلام هذا ينطبق على حليب لم يوزع الى الآن
بالكويت ما وصلنا شي لي الحين
ممكن اتأكد لج من الشركة اذا تبين
على فكرة :
شركات الحليب مثل المطاعم السريعة عندنا . كل مطعم يطلع اشاعة و ينشرها بالايميلات و المسجات عن المطعم الثاني علشان يطيح سوقه
نفس الكلام ترى يسوونه شركات الحليب فديروا بالكم
لا تصدقون كل شي
الكلام منقول من رويتر على لسان شركة فرنسية و ما ذكروا شنو اسمها و بصفتها شنو ناقلة الخبر و ذكروا ان نوفولاك
قالوا هالكلام لرويتر!!
