{ ...الدكتورة رشا الصفي تجيب على استفسارتكم ..} استضافة اسبوعية

[مساء الورد]

السلام عليكم
دكتورة واللي يعافيج اقري موضوعي عن النزلة المعوية وردي علي
مشكورة مقدما

 

[د. رشــا الصفــي]

السلام عليكم شلونج دكتوره انا بنتي عمرها ثلاث سنين ونص بس اسنانها تتاكل مادري ليش يعني الاربعه الي جدام تاكلو خلاص مافي اسنان والحين الناب بادي يتلف هل ممكن ان الحليب كان السبب بس انا قاطعتها من سنه ونص واول ست شهور كنت ارضعها طبيعي ممكن يكون حليبي السبب

يعطيج العافيه

وديها طبيب الأطفال يجيك لها نسبة الكالسيوم اذا طبيعية يحولها عالأسنان

و قطعي البيبسي عنها نهائيا

السلام للجميع
انا عندي ولدي عمره سنه بس تعبت مادري وش اعطيه عشان يسمن شوي لانه مممممره نحيف
جربت كل شي حتى الطب الشعبي وحتى انه مايرغب الفواكه ابد
وش اسوي كانه ابو ست شهور

جم وزنه عزيزتي ؟

السلام عليكم دكتوره مشكوره على تواجدج معانا

بالنسبه لولدي عمره ٤ اشهور و نص اسم الله عليه يرضع طبيعي بس بعرف
١. بهالعمر جم دقيقه ارضعه و جم بين كل رضعه و رضعه ؟

ولدي ما ينام بفراشه كل معاي بالفراش ؟؟؟ و انا اخاف عليه في طريقه انه ينام بفراشه؟

انا بديت اوكله على حسب نصايحج مع الشكر لمحهودج معانا

الرضاعة الطبيعية ما نقسيها بالدقايق كلش

خليه يشرب لما يشبع و هو راح يترك الصدر متى ما شبع

و الوقت تقريبا يحتاج كل 3 ساعات

بالنسبة للنوم معاج هذا شي مرفوض تماما لأنه اول شي خطر انج تقلبين عليه

او الشي الثاني راح يتعود على هالشي و يصير اصعب عليه انه يروح فراشه لما يكبر

دكتورة بغيت استفسر منج عن دوا بيرميلان هل فيه كورتيزون وكثر استخدامه مو زين؟؟

ودكتورة ابي علاج للاحتقان بس بدون مضاد يعني علاج يبين مفعوله

ودكتورة ملاحظه لما يبدي معاهم الاحتقان واعطيهم بيرميلان تنزل حرارتهم بسرعه ماشاءالله شنو تاثيرة دكتورة اخاف يكون قوي وموزين لهم بعدين؟؟

واعيالي واحد عمرة سنتين و10شهور والثاني عمرة 11شهر

بريمالان ما فيه كورتيزون

عندج اكتيفيد او فلودركس ممتازين للإحتقان و ما فيهم مضاد

البريمالان مو قوي ولا شي بس انه دوا زين للبرد و الرشح بس ما ينفع للي معاهم حساسية صدر او ربو يزيد الأزمات عندهم

والفكس دكتورة مو زين للي باعمارهم؟؟

لا تو الناس على الفيكس

في مثل الفكس للأطفال في بوتس تقدرين تستخدمينه

مشكوره دكتوره
سالتج عن ولدي قبل والحمدلله الامساك خف حيل مع دوا الحديد
ومن زمان طلع فيه حبوب صغار بدايه رقبته ووديته المستوصف قالو فايرس وعطوني كريم واذا ما خف راح يحتاج كي بارد-بعد فتره انتفخت اكثر الحبوب وبطتهم حماتي وطلع منهم دم والحين يحكها بليل وشكلهم مجروح
اقدر استخدم كريم من الصيدليه؟؟
مع العلم ان عيال عمه منتشر فيهم هالقايرس كل شوي اشوف جم حبه فيهم وولدي انعدى منهم
اذا كويته ما راح ينعدي؟
لان حماتي تقول كل ما طلع بعيالي انظفها وما اوديهم وانا كلششش مو مرتاحه احس هذي الطريقه مو علاااج عبثثث وبس؟؟

لا حبيبتي يحتاجون كي و لازم ما يحكهم لآن لما يطلع منهم اي سائل راح يعدي اي مكان يحوشه هالسائل فديري بالج

وديه الطبيب اذا ملتهب الجرح يعطونه كريم للحبوب المجروحة و عقب يكوون الباقي

السلام عليكم ...
لوسمحتي دكتوره انا حامل بالاسبوع السادس و الثلاثين سويت سونار وقالت لي الدكتوره ان الولد فيه اتساع بالحالب 3 ملم وانا خايفه وايد وقاعد احاتي شنو سبب هذا الاتساع وهل هذا الاتساع يجر معاه تشوهات خلقيه ثانيهاوامراض ثانيه ...وشنو علاج هذا الاتساع ..ارجو الرد يادكتوره وشاكره لج تواصلج الطيب.

اتساع الحالب في الأجنة ممكن نعتبره طبيعي لأنه جسم الأم يفرز هرمون البروجيستيرون علشان يرخي عضلات الرحم و تحتفظ بالبيبي

هذا الهرمون يرخي بعد عضلات الحالب عند الأم فيتوسع شوي و هم ينتقل للبيبي و يسوي عنده نفس الشغلة

هالشي مو مرض ولا يسبب مشاكل

هذا شي طبيعي يصير وقت الجمل

اللي راح تسوينه انج تطلبين سونار بعد الولادة عالحالب تتأدكدين ان التوسع راح و بس

على اساس نتيجة السونار يتحدد شنو الخطوة التاليه

اذا طبيعي خلاص و اذا فيه التوسع لا سمح الله لا يزال موجود تتسوى تحاليل و فحوصات لمعرفة سبب التوسع

بس ماكو شي خطير لا تحاتين

سلام شلونج دكتورتنا
انا عندي بنت عمرها 4 سنبن صار لها من شهر ونص تكرمون تبول بفراشها بلبل وبعدين امس العصر وهي قاعدة عندي ماسمعتها الا وهي تبكي وتقول والله ماعيدها قلت لها شفيج انا صراحة اخترعت قالت بلت على نفسي مادري شنو فيها صارت جذي وعلما ان عندي بيبي عمره ست شهور اخاف غييييرة بس قوليلي شنو الحل الله يرحم والديك

اول شي لا تعافبينها لأن هالشي مو بيدها

لازم تودينهم طبيب أطفال يسويله فحص بول و سكر

و عقب يتابعها اذا الفحصين طبيعيين راح يسويلها سونار و ممكن يعطيها كورس دوا يوقف هالموضوع

 

[بنوته جامعية]

السلام عليكم
يعطيج العافية دكتورة
ولدي ناقص حديد و كالسيوم مع انه يرضع طبيعي الحين عمره سنه قالي الدكتور ان جسمي ناقصه كالسيوم علشان جذي ناقص كالسيوم+ان ما يتعرض للشمس
بغيت تنصحيني في برنامج اكل حقه وحقي
واذا احسن اقطع الرضاعة الطبيعي عنه؟
وعساج عالقوة ما تقصرين

 

[om_3alawy2008]

السلام عليكم
يعطيج العافية
دكتورة ولدي عمره سنه وشهرين متعود ينام عندي عالسرير
حتى لما ينام بفراشه يقوم نص الليل يبجي و من احطه بسريري ينااااام
وذا حقرته يبجي يبجي ويسوي روحه يبي يرجع لما صج يرجع فأنجبر اشيله!!
مادري اشلون اتعامل معاه

 

[جوريةkk]

جزاج الله خير يادكتوره ..والله يطمنج .

 

[شوق2007]

السلام عليكم ورحمة الله وبركاته
شلونج دكتوره ان شاءالله بخير
بنتي عمرها تقريب 7شهور ونص من اهيا صغيره عسره في شرب الحليب تبكي على ما تخلص وجبتها وما تشربها كلها
والحين لما بديت اوكلها من عمر6شهور ما تاكل تبكي وتصيح وما تكمل اي اكل اسويه لها
احس ما لها شهية في الأكل بس اسم الله عليها عاديه حركتها حلوه وتحب اللعب اكثر من الأكل وما تشرب حليب الا اذا جاعت حيل
شنو احس طريقه اتعامل معاه؟ وهل اعطيها فيتامينات؟ وشنو احسن بساكيت؟ او اكل جاهز للأطفال؟
وجزاااااج الله الف خير

 

[نيلفار]

السلام عليكم

دكتوره انا ولدي عمره 10 ايام وطالعلة طبقة بيضه على شفايفه ومتقشره بعرف هالشي طبيعي ولا احتاج اروح الطبيب

 

[الزين زين]

السلام عليكم دكتورتنا العزيزه 000ولدي عمره 7 اشهر ومبلش بالثامن من يوم ولادته ياخذ صناعي حليب ابتاميل بوصفه من الدكتور بس صار عليه ثقيل وصار مايخرج الا كل ثلاث او اربع ايام مرة وحده فنصحني الدكتور باستخدام ابتاميل كومفرت(للمغص والامساك) وكان زين عليه لحد ماعدى الست اشهر الاولى وعطيته ابتاميل كومفورت2 من 6-12 وصار معاه اسهال على طول لدرجه انه يبلل ملابسه ويوصل لحد ظهره المهم راجعت الدكتور قال رديه على ابتاميل العادي رقم2 ورديته وصار عنده امساك شديد بالمرة لدرجه انه يبكي منه وهو ماكمل سبع اشهر ورجعته على كومفرت مع انه يسبب له اسهال فسؤالي شنو اسوي هل استمر على كومفرت او اقطعه وشنو الحليب الانسب له مع العلم انه فيه حكه في جسمه واحمرار بفخوذه وساقه وتطلع احيانا بقع خفيفه لونها احمر ويرجع لاتفه الاسباب



وشكرا اتمنى الرد بسرعه

 

[الرحالة]

السلام عليكم و رحمة الله و بركاته
إبني عمرة 4 سنوات
يوم الجمعه نام الساعه 9.30 مساءً و إستمر بالنوم إلى الساعه 11 ضحى يوم السبت!
يعني فوق 12 ساعه
طبعا قعد بالغصب، و لاحظت عليه خمول شديد و وجه أصفر، ماله نفس يأكل!!
العصر أخذته للطبيب فحص لا يوجد حرارة ولا ترجيع ولا إسهال و لا إلتهاب!!
نصحني أن يأخذ بندول و زيرتك و ينام و يرتاح بالبيت!!
اليوم الحمدلله أحسن نشيط و أكل وجبة الفطور؟
بي إلي صار أمس خوفني؟
شنو تنصحيني أسوي؟!
جزاك الله خيرا​

 

[أم نوني]

يعطيج الف عافية دكتورة ما قصرتي لا خلا و لا عدم

 

[fraise]

يعطيج العافية دكتورة
دكتورة انا ولدي عمره 5 اشهر واعطيه حليب نوفولاك للمغص بس صارله فتره وايد يرجع وعلى طول يرجع وماادري شسوي معاه؟!!

 

[أفانين]

السلام عليكم الله يعطيج العافية دكتورتنا ولاحرمك الاجر....عندي سؤال لو سمحتي,,بنتي عمرهاتقريباسنتين وثمان شهور للاسف ماقطعت عنها الرضاعة<الممية<لاني كنت حامل وتعبت بحمالي شوي بس الحين الحمدلله صارلي شهرين والدة...ماادري اشلون افطمها؟؟سمعت عن دواء بالصيدلية ماادري اشرايج فيه؟؟؟وجزاج الله خير

 

[فروحة الكويتية]

شخبارج دكتورتي حبيبتي والله

الحين بنوتي كملت 10 شهور اقدر اعطيها سمج والا بعد؟


بالنسبة للمحلبية اللي نسويها بالبيت من حليب التموين اعطيهاااا؟

اقدر اعطيها مكسرات بعد ما اطحنه؟
اقدر اعطيها قيمر وعسل
توست وجبن احط عليه شوي حليب العادي مو من حليبها؟

 

[دانة)))]

دكتورة الله يعافيج حبيت اخذ رايج بموضوع:
انا حابه اسافر بس ولدي عمره ثمانية شهور وارضعه رضاعة طبيعية بخليه................
المشكلة اني خايفة اتعب من صدري(عند انقطاع الرضاعة) وامرض منه!!!!!!!!!!
شنو الحل ؟؟؟؟؟؟شنو تنصحيني اسوي عشان ما اتعب؟؟؟؟؟؟

 

[دانة)))]

دكتورة انا عندي ولد عمرة 3سنوات ونص له فترة مايشتي ياكل وعلى طول يشتكي من عوار بالبطن
سويت له تحليل صار فيه فطريات ببطنه وشنو العلاج اللي اسويه مع العلم اني ماوديته الطبيب لي الحين وعنده تطعيم اطعمه او انطر بعد العلاج؟

 

[Cute mama]

قووة دكتووره .. شلوونج

ولدي عمره سنه وشهرين مايرضا ياخذ بيبي فيت اقدر اخلطه مع حليبته ؟؟

 

[كولوراديه]

بغيت استفسر

ولدي عمري 6 شهور ونص بس لما اسويله جزر مفيوح او بطاط و اهرسه عدللل بس لما اعطيه يسوي روحه غاص و يقطه شنو الحل ؟؟

 

[Cute mama]

قوووة مره ثانيه دكتوره

مثل ماقلت قبل ولدي عمره سنه وشهرين وماشالله وايد يتحرك ويلعب وكله يطيح على راسه فشلون اعرف اذا الطيحه خطره وله عاديه ؟؟
هل في علامات اتبين او اتخليني اعرف انه الطيحه خطره او اني لازم اوديه الدكتور ؟؟

 

[daloola]

السلام عليكم ...لحقت قبل لا يصير يوم الجمعه عشان تلحقين تجاوبين علي

بنتي عمرها 3 اشهر ونص..ولدتها بالاسبوع 36 (الثامن )قالولي كل شي أخريه عنها شهر ( الاكل - القعدة ...كل شي) هل صحيح هالحجي؟

انا والدة بمستشفى خاص ومسوين لها تحليل عن 30 مرض اللي يطرشونه برة الكويت وكان التحليل طبيعي (normal) .... هل هذا التحليل اعرف فيه اذا كان فيها داون اول لأ؟ ابوها وايد موسوس يقول عيونها مو طبيعيه ولسانها كل برة...انا بالنسبة لي البنت طبيعيه بس الابو شككني شلون اتأكد؟ ومتى تبين اذا كان صج داون؟ ( اسم الله على بنتي وبنات المسلمين)

 

[rtag444]

شلونج دكتورة عندي استفسار انا توني مطهرة ولدي وبصراحة مأذيني ما ينام من العوار شنو تنصحيني اسوي