{ ...الدكتورة رشا الصفي تجيب على استفسارتكم ..} استضافة اسبوعية

[احساس طفلهـ]

هلا دكتوره

انابنتى عمرها سنه بالضبط ووزنها7 كيلوبس وحليبها ابتاميل

والحين لازم اغيره شنواحسن شئ من انواع الحليب وادرى وزنها اقل من الطبيعى

تنصحينىاعطيها فتامين اوعسل

والله اللى يشوفها يعطيها 6شهور حتىلبسها قياسات 6 شهور ومرات3 شهور

وربي عجزت معها

والله يجزاك كل خير

 

[بسكوت فارليز]

مرحبا دكتوره الحقيقه انا من اشد المعجبين بردودك وجعلك الله من المقبولين في هذا الشهر الكريم

عندي استفسارات بخصوص ولدي عمره اربع شهور و15 يوم انا من تقريبا شهر ونص غيرت حليبه لسيميلاك لأنه كان يستفرغ وايد الحمدلله خف الأستفراغ بس لاحظت ظهور حبوب حمرا على خدوده وايد خشنه هل ممكن تكون من الحليب وحبيت اسألك عن وزنه طبيعي ولا لأوزنه 6,500جرام وطوله 62 ومحيط الراس 43هل قياساته زينه واحس انه رخو رقبته موثابته ماعليش دكتوره ازعجتك بكثر الأسئله

 

[د. رشــا الصفــي]

دكتووووووووورة شلونك؟

أنا فروحة صديقتج الصدوق مثل ما سميتيني
هههه
مبارك عليج الشهر
سؤالي ياطويلة العمر الحين بنوتي ما شاءالله كملت سنه
يصير اعطيها الحين قيمر وعسل
سمج وربيان ونجتس

اهلييييييييييييييييين و سهليييييييييييييين

صار لي مدة فاقدتج

عاد الجمعة اللي فاتت طريتي علي

قلت وينها فروحة ما بينت من زمان

شفتي الطيب عند ذكره

كل عام و بنوتتج بخير

و تقدرين الحين تعطينها اللي تبين حالها حالكم

بس المكسرات لأ علشان نخاف تشرق

بس زبدة الفول السوداني اوكي

و النجتس نفس الكلام

اذا مرة بين كل اسبوع و الثاني مافي مانع

اذا طالعين مثلا مكان

بس اذا بالبيت ما انصحج تخلين عشاها نجتس ولا برجر

انتي قطعيلها صدور دجاج و حمسيهم مع خضار و عطيها احسن لها و اطرى من النجتس

جزاك الله الف خير دكتورة والله سبحانة وتعالى يضع كل معلومة تفيدين بيها كل ام فى ميزان حسناتك يوم القيامة ان شاء الله

عندى سؤال بنتى عندها تطعيم مال ال3 شهور يوم 11-09-2009 اللى هو الدرن لكن راح نسافر على مصر يوم 8 -09-2009 فمتى يجب اخذ التطعيم ؟؟؟ قبل ام صباح يوم السفر ام بعد الرجوع من السفر؟؟؟

وهناك تطعيم الشهر الرابع من المفترض ان يكون يوم 11 -10 -2009 أيضا راح يفوتها_____ واحنا بنرجع يوم 17-10-2009 هل يجوز اخذة عند الرجوع من السفر اى بعد موعدة ب اسبوع.

اسفة على الاطالة وكثرة الاسئلة.

ام يارا

جزاج الله خير على هالدعوة الحلوة

بالنسبة للتطعيم اذا ممكن تاخذه هناك عادي و اذا مافي مجال تاخذينه لما تردين من السفر

و تطعيم الشهر الرابع راح يتأجل بعد حسب موعد تطعيم الدرن

يعني اذا خذت تطعيم الدرن يوم 20/10 تقريبا فمعناته تطعيم الشهر الرابع راح يتأجل الى بعد 20 /11

لازم بين الدرن و بين اي تطعيم قبله او بعده من 3 - 6 اسابيع

مشكووورة يا دكتورة

بديت اعطيها الزيرتك وان شاءالله بسويلها تحليل



.

اوكي حبيبتي طمنينا عليها

مشكوره دكتــوره وماقصرتي
ريحتيني بكلامج
يعطيج الف عافيه وعساج عالقوه

الله يعافيج غاليتي

السلام عليكم ورحمة الله وبركاته

انا مغتربه و عندي ولد عمره سنه وشهرين يروح الحضانه يوميا من الصبح الى العصر

ينام و يتغذى كل شي تمام

المشكله انه يعاند.. يعرف الشي اللي ما ارضاه يتعمد يجي يوقف قدامي و يسوي الحركة حتى اركض وراه.. كيف اتصرف معاه اذا عاند

المشكله الثانيه يتكلم كلمات ما افهم ويش المقصود منها .. ما اعرف كيف اتواصل معاه,,

متى عادة الطفل يتكام كلام مفهوم؟

ولكم جزيل الشكر

ولدج يبي يلفت انتباهج مو اكثر

انتي تجاهلى التصرف الغلط ولا تعطينه اهتمام لما يسويه كأن الولد غير موجود

كلما نبهتيه و زفيتيه و عصبتي عليه راح تسوين اللي اهو يبيه فيزيد

بالنسبة للكلام المفهوم يكون عادة بعد السنتين

مشكورة دكتورة وان شاءالله اسويله تحليل دم
شنو نصايحج لنا للوقايه من انفلونزا الخنازير لعيالنا ؟ تنصحينا مانطلعهم

والله الأفضل تبتعدون عن الأماكن الزحمة المغلقة مثل المجمعات

تقللونها كثر ما تقدرون او تختارون الأوقات الغير مزدحمة

اليهال لا تودونهم الا للضرورة القصوى

ثاني شي ارشادات النظافة العامة اللي بالتلفزيون مثل استعمال المناديل و غسيل الأيدي باستمرار

ماكو شي معين نقدر نسويه

و الله يكافينا الشر

دكتورة بنتي الحين داخله عال11 شهر .. ووززنها 8,7 بالنسبة حق رضعاتها للحليب 4 رضعات باليوم والوجبات ماكو وجبة لان لما اسوي انواع الوجبات كلها ماتاكلها واقطها حرام.
ف اكلها باليوم يدوب مثلا صحن جلي او مهلبية ... واذا عيوش وجذي لقمتين 3 ان كثرت هذا اكلها وبالغصب ادخل اللقمة بحلجها لاننهاااا ماتااااااكله ولاتبيه تدز القفشة بويهي

وزنها طبيعي

4 رضعات باليوم حليب وايد

المفروض بالكثير 3 و يكونون بعد الوجبات

شوفي الصبح اول ما تصحى من النوم سويلها رضعة بس نص الكمية

عقب غسليها و بدليها و عطيها ريوقها

توست او بيض او محلبية

و لما تخلص شربيها الباقي من الرضعة

نفس الكلام بالنسبة للغدا

ماكو حليب الا لما تخلص الغدا و تبي تنام الظهر

و رضعة اخيرة قبل النوم بس

السلام دكتووره


بنتي عمرها شهر ونص ومن طاحت سرتها كان يطلع دم بعدين وقف والحين صاايرة يابسه فيها مثل قطعة لحم يابسه شنو اسوي وديتها الطبيب وحطها مثل كحووول بس ماكو فايده ؟

انتي اخذي من الصيدلية كحول و مع كل تغيير حطي بالقطنة على سرتها و راح تطيح القطعة اليابسة

ماكو شي يخوف

الكحول لازم مع كل تغيير مو بس مرة وحدة

هلا دكتوره

انابنتى عمرها سنه بالضبط ووزنها7 كيلوبس وحليبها ابتاميل

والحين لازم اغيره شنواحسن شئ من انواع الحليب وادرى وزنها اقل من الطبيعى

تنصحينىاعطيها فتامين اوعسل

والله اللى يشوفها يعطيها 6شهور حتىلبسها قياسات 6 شهور ومرات3 شهور

وربي عجزت معها

والله يجزاك كل خير

وزنها طبعا قليل

بس مو وايد يبيلها كيلو و نص تقريبا بس و تصير اوكي

عموما اخذيلها بيدياشور ممكن يزيد وزنها شوية بس مشكلته انه يسد نفس الياهل شوية

انتي لي الرضعة اول ما يقوم من النوم الصبح

و الثانية قبل النوم

علشان ما تسد نفسه عن الوجبات

مرحبا دكتوره الحقيقه انا من اشد المعجبين بردودك وجعلك الله من المقبولين في هذا الشهر الكريم

عندي استفسارات بخصوص ولدي عمره اربع شهور و15 يوم انا من تقريبا شهر ونص غيرت حليبه لسيميلاك لأنه كان يستفرغ وايد الحمدلله خف الأستفراغ بس لاحظت ظهور حبوب حمرا على خدوده وايد خشنه هل ممكن تكون من الحليب وحبيت اسألك عن وزنه طبيعي ولا لأوزنه 6,500جرام وطوله 62 ومحيط الراس 43هل قياساته زينه واحس انه رخو رقبته موثابته ماعليش دكتوره ازعجتك بكثر الأسئله

حبيبتي مشكورة تسلمين عالإطراء خجلتيني

مقاساته طبيعية

و رقبته رخوة بعده تو الناس عليه

حاولي تقعدينه شوية و تسندين راسه ولا تخلينه على بطنه يلعب و يرفع راسه تقوى رقبته

بالنسبة للحبوب الحمرا هذي اكزيما

غالبا مالها علاقة بالحليب

خلى معاج على طول كريم مرطب حطيله و لا تغسلين وجه بالصابون

و الملابس استخدمي الصابون الخاص بالأطفال الخالي من الكيماويات

​

 

[احساس طفلهـ]

تسلمين حبيبتى

اناجربت بدياشور معبنتى الكبيره وكانيسدنفسها من الاكل

مافيه غيره احسن

مثل نوفيلاك اوبروجوس

ويعطيج العافيه

 

[ام ناصر 2009]

السلام عليكم دكتورتنا الغاليه يسلمووو كثير يارب يجعلها في ميزان أعمالك
ساعدتيني كثير يالغلى
عندي سؤال دكتوره ولدي جم يوم ويخلص السادس عنده أرتخاء بالحنجره
ممكن يأثر على الأحبال الصوتيه ممكن يتأخر بالكلام؟
دكتوره احس في تقوس برجوله شنو أسوي؟
شنو أبلش أوكله أنا بديت معاه بس بالفواكه
أعطيه بسكوت فارليييز
ابي اي رابط منج يالغلى ؟

انا عندي كتارب الدكتوره ريم قنواتي شرايج فيه؟

 

[miss_art]

تسلمين دكتورة ويهطيييييج الف عاااااااااااااافية وماقصرتي

 

[بسكوت فارليز]

جزاك الله الف خير يادكتوره والله يجعله في ميزان حسناتك

 

[Yarayoyo]

السلام دكتووره


بنتي عمرها شهر ونص ومن طاحت سرتها كان يطلع دم بعدين وقف والحين صاايرة يابسه فيها مثل قطعة لحم يابسه شنو اسوي وديتها الطبيب وحطها مثل كحووول بس ماكو فايده ؟

السلام عليكم
انا بنتى حاشها نفس حالت بنتك ووديتها الطبيب وسولها -كى- هذة يسمونها جالينوما وما فيها ضرر ان شاء الله.

 

[كـــنـــزي]

يعطيج العافية دكتورتنا .. ومبارك عليج ما بقى من الشهر.. ويجعل هالعمل في ميزان حسناتج يا رب..

بنتي عمرها 4 شهور... بس ما اعرف وزنها جم.. المشكله انها ما ترضع حليبها كامل .. مثلا اذا قامت من النوم .. ترضع مرات 3 ارقام او 4 وتفضل منها اشوي.. وجم مره بس ترضع 5 ارقام.. اما باجي الاوقات 3 ارقام بس .. وحزات ايوعها وايد عشان اخليها ترضع 4 ارقام.. وكنت اعطيها بسكويت مع الحليب الصبح وقفشه سيريلاك مع الحليب بليل..بس من قريت كلامج قطعته الحين.. ومن غيرت حليبها ما احسها اكبرت كلش ولا تغيرت.. كان حليبها بيبيلاك وغيرته لنوفيلاك..

وبقيت اسالج عن حليب سوستاجين هل يصلح الرضع..؟ شنو الاكلات الي اقدر اعطيها الحين..

ومشكورة مقدما​

 

[الداعية إلى الله]

السلام عليكم
يعطيكم ألف عاااافية وبإستثناء الدكتورة رشا على الموضوع القيم

عندي جم سؤال دكتورة وأتمنى أشوف الرد إن شاء الله عالإسبوع الياي

أولأ دكتورة عندي بنوته الله يحفظها عمرها سنة وخمس شهور تقريباً

سمله عليها الله يحفظها الكل يقولي انتبهي لها لاتصير متينة واهيا متروسة شوي بس مو المتن اللي يحسسوني فيه
مع ان أكلها خفيف بس سمله عليها ألحظها تحب السوائل العصير والحليب ودايماً رضاعتها معاها

السؤال: هل متنها يعتبر طبيعي ؟وهل الحليب يسمن ؟ اهيا حليبها بروجرس..
السؤال2:بنوتي عندها كرشه صغيره هل هذا طبيعي؟

ووعندي جم سؤال بس اكمل باجر ان شاء الله

 

[سهى1980]

[iنورتي المنتدي حبيت اسالج عن ولد من جبت بالعرف قالولي عطيي حليب 26ولحين عمر3شهورو5ايام وجهة ورقبة فيهاحساسي بسراح انا خافته اول واحد من اعيالي يسير فيهم كذا الحين لي يومين عطيته حليب سميلاك مثل اخوان قبل علي سميلاك صحتهم حلوة وعندي سوال ولدى ثاني عمره 3سنوات فطم نفس المسكين له سنه ونصف ماياكل عدل شنو تنصحيني الله يجزاج خير طيج العافية دكتوره [/i]

 

[ام ناصر 2009]

السلام عليكم دكتورتنا الغاليه يسلمووو كثير يارب يجعلها في ميزان أعمالك
ساعدتيني كثير يالغلى
عندي سؤال دكتوره ولدي جم يوم ويخلص السادس عنده أرتخاء بالحنجره
ممكن يأثر على الأحبال الصوتيه ممكن يتأخر بالكلام؟
دكتوره احس في تقوس برجوله شنو أسوي؟
شنو أبلش أوكله أنا بديت معاه بس بالفواكه
أعطيه بسكوت فارليييز
ابي اي رابط منج يالغلى ؟

انا عندي كتارب الدكتوره ريم قنواتي شرايج فيه؟

 

[drsemsem79]

صديقتي ولدها عمره 6 شهور و اهي ترضعه طبيعي و اكتشفت انها حامل الى متى تستمر ترضعه لانه الحريم مدوخينها ان حليب الحامل مو زين و انا اقولها عادي كملي حرام ولدها يبي حليبها

 

[فروحة الكويتية]

تسلمين يا صديقتي الصدوق
والله ماادري من دونج شسوي
أنا معتمدة علي الله ثم عليج والله

الله يخليج لنا يا دكتورتنا ومايحرمنا منج
بعد المقدمات

سؤالي يا طويلة العمر بنتي ساعات اسمع من صدرها صوت لما تتنفس هذا عادي والا اوديها الطبيب؟

أخاف اوديها هالايام من هالمرض الخنازير

 

[حايليه مووووت]

السلام دكتوره مبروك عليك الشهر
شخبارك يادكتوره
لوسمحتي انا ولدي مره نحيف عمره ست السنين وويخوف نحفه كانه ابو ثلاث سنين وجسمه مره مترها كانه مغيط جلد وع انه ياكل وكثير اكل بس مع طفيليات ورحنا لم المستشفى وعالجوه بس الى الحين ماسمن ابي شي يسمن الله يخليك

 

[شاطىء الامل]

السلام عليكم مشكوره وايييييييييييييييييييييييييييييييييييييييد على هالجهد
حبيت اسالج انه ولدي عمره تسع شهور ونص وياكل مره وحده باليوم خضار كوسه وقرع وجزر مفيوح او ميلوبا فواكه هل هذا يكفي وجربت هليومين اعطي صفار البيض يصير
2-صج انه الرضاعه البلاستك تتحلل مادري شيصير فيها بالغلي انه استخدم ايفن واغليهه يوميه هل يحتاج اغير الرضاعه وله بس الحلمه
3_انه رضعته طبيعي بس شهرين وسمعت في دوا يقوي جهاز المناعه اسمهEChinacin juice
عادي اعطي بصراحه خايفه عليه من هالمرض اللي تارس الديره الله يحفضنا جميعا وهل في اغذيه طبيعيه تقوي جهاز المناعه

 

[@الياسمين@]

يعطيج العافيه دكتوره

بنتي عمرها سنه وشهرين ،، صار فيها حراره وداخل حلجها كله فطريات لون ابيض .. الطبيب قالي ان الحراره من الفطريات
بغيت اعرف شنو سبب هالفطريات بالياهل ؟؟ ولازم تاخذ مضاد؟؟

 

[بسكوت فارليز]

دكتوره لحقي علي ولدي طلعت فيه حساسيه بصدره (ربو)ولما يشرب الحليب يكح بقوه لحد مايستفرغ
نعطيه بخار كل 6ساعات
دكتوره الله يجزاك خير الحليب له دخل بالحساسيه ولالأ

 

[نيلفار]

اول شي يعطيج العافيه



انا ولدي عمره شهرين و20 يوم ومشكلته ان خشمة كله مصكر وبليل يطلع صوت مثل شخير

ومت وانا احطله ماي وملح اهو صج ينفع بس يرد يصكر بعد فتره يعني تقريبا باليوم احطله 3 مرات

ووديته الطبيب شيك عليه قال الحمد لله ما في شي
وهم عطاني قطره وما سوت شي ورديت على الماي والملح


بس الحين خايفه ان يتعود عليه يعني خشمة ما يتبطل الا فيه

وشي ثاني اخاف كثر الاستخدام خشمة ينشف من داخل

مافي حل او طريقه ثانيه !!

 

[د. رشــا الصفــي]

تسلمين حبيبتى

اناجربت بدياشور معبنتى الكبيره وكانيسدنفسها من الاكل

مافيه غيره احسن

مثل نوفيلاك اوبروجوس

ويعطيج العافيه

البروجرس نفس البيدياشور

يسدون النفس اثنينهم لأنهم فيهم سعرات حرارية عالية

انواع الحليب الثانية ما تسد الشهية بس سعراتها عادية

مثل النوفولاك و الميلوبا و السيميلاك غين