{ ...الدكتورة رشا الصفي تجيب على استفسارتكم ..} استضافة اسبوعية

[lulu2009]

دكتوره ولدي بسم الله عليه عمره 7 اشهر الا جم يوم و حركته ماشاء الله سريعه فا راسه وايد ينطق بالعابه و مرات بالارض بس الارض مو يابسه..

شسوي؟ و شنو الطقه الي ما ينخاف منها و الي ينخاف؟؟

 

[طيف الغربة]

دكتورة للأسف الصفحة 78 الي فيها ردك على سؤالي ما رضت تفتح معاي ان امكن اقتباس ردك الكريم

او احدى الاخوات تقتبس رد الدكتورة على استفساري اكون لها من الشاكرين

 

[اموولي]

السلام عليكم
مرحبا دكتورة
انا عندي بيبي عمرة 3 اسابيع وايد حبوب حمراء راسها ابيض بوجهة بكل مكان بالوجة اخاف علية وودي بكريم زين استخدمة له

ومشكورة

 

[SweeTa_4ever]

دكتورة للأسف الصفحة 78 الي فيها ردك على سؤالي ما رضت تفتح معاي ان امكن اقتباس ردك الكريم

او احدى الاخوات تقتبس رد الدكتورة على استفساري اكون لها من الشاكرين

ميي توووو صفحه78 ماتفتح عندي اذا امكن البنات يساعدووونه اذا تبطلت عندهم ابي رد الدكتووره

 

[bedour18]

السلام عليكم
لوسمحتي دكتورة حبيت أسألج عن بنتي . عمرها 13 شهر و وزنها 9 كيلو بس !!!!
طلع لها ضرسين و اسم الله عليها تمشي عدل
ظليت ارضعها طبيعي تقريبا 10 شهور و اكلها زين بس كلشششششششششش مو راضية تستوي
انا خايفه يأثر هالشي على صحتها .سويت لها تحليل دم و الحمدلله طبيعي
الدكتور وصفلها فيتامينات شراب تاخذ منه 55 مل كل يوم و قال لي لازم تاخذ كالسيوم مكمل غذائي
اشرايج دكتورة ؟ اشتنصحيني فيه ؟

 

[د. رشــا الصفــي]

يوجد طفل في العائله عمره سبع سنوات وهو يدرس في الصف الاول الابتدائي
لاحظت انه ينطق الكلمات بطريقه غير مناسبه لعمره فمثلا عندما طلب مني تشغيل الكمبيوتر استخدم جمله قصيره وقال يوتر ولم يقل كمبيوتر
وقال يون ولم يقل تلفزيون وقال سكرونه ولم يقل مكرونه
لا حظت ان صوته منخفض

ولكن لاحظت ان تعامله مع باقي الاطفال طبيعي ويفهم اي شي تقوله له سمعه طبيعي

وهو الطفل الصغير في اسره مكونه من اب وام واربعة اخوه

شوفي اختي اهم شي السمع تفحصونه مو تعتمدون على السمع العادي

الأفضل انكم تودونه حق اختصاصي تخاطب يفحصه و يقيم حالته

 

[د. رشــا الصفــي]

السلام عليكم دكتورة وكل عام وانتي بخير

تعرفين اللحين موسم الصدر والحساسية خاصة بعد المطر

بستشيرك بحالة بنتي عمرها 3 سنين و8 شهور اذا تذكرين الي قلتلك عنها فيها جيوب انفية و لحمية وماي بالاذن وعلطول احتقان وصدر

بعد البخاخ الي عطونا اياه مستشفى زين الحمدلله خفت اللحمية حييل ويقول الدكتور مالا داع عملية بس لازالت مع التهاب الاذن وموعدنا بعد شهر نعيد لها التخطيط ثالث مرة و يشوف اذا تحتاج سحب ماي اولا بس للامانه لازالت بشرتها باهته وشاحبه وفي سواد خفيف تحت عيونها صح احسن من الاول بس لازالت مع انها قبل سنه وشي من اللحين مشاءالله بشرتها كانت حللوة
المهم بعد المطر ودشة البرد علينا

صاير خشمها يسيل وبدت معاها كحة

وديتها للطبيب للمستوصف ووصفتله حالتها وبينتله انها تعاني من حساسية بالصدر فعطاها زيرتك و شراب ايزيبكت وادول

بما اني مجربة الايزيبكت وانه يجمد البلغم فما تقدر تطلعه تركته والزيرتك من خبرتي معاه احيانا ينشف الانف بس ممكن يجمد البلغم
فما عطيتها اياه
ورحت للصيدلية وشرحتله الحالة واعطانا شراب zaditen

بعد ما عطيتها اياه خفت الحالة بس لازالت تكح عالخفيف واحس بدا بلغم بصدرها ويطلع دم من خشمها واحس كانه بداية بلغم بالصدر فودي الحق عليها قبل لا يلتهب صدرها او تزيد الحالة
ولمن سألت عن الزيداتين قالولي انه وقائي وانه ما يفيد
فشرايك ما ابي تزيد حالتها

والله يعينك علينا يكتبلك الجنة والعافية في هاليوم المبارك

كلامج صحيح عن الزاديتين

اساسا الحين محد يستخدمه
حتى كعلاج وقائي
في وايد احسن و احدث منه

وديها الطبيب يجيكون صدرها
يمكن تحتاج كمام ولا مضاد

 

[د. رشــا الصفــي]

أسفة دكتورة بعد نسيت أسئلج ..
ولدي صارله فتره بنص رضعته او بالأخير مثل تلوع جبده ويسوي حركه جنه برجع ..مادري ليش !!؟

بس اهو مايرجع الحمدالله ..الا نادراا ...والحين مع البلغم والنشله أكثر ...
هل هذا اهو السبب !!؟

اكيد طبعا النشلة و البلغم يسوي هالشي

 

[د. رشــا الصفــي]

السلام عليكم
دكتوره عندي بنوته عمرها 8سنوات فيها لحميه بخشمها
ما تقدر تتنفس من خشمها كله من الحلج لدرجة ان حلجها دايم مفتوح والشفايف دايم ناشفه
شخيرها بالليل مثل الكبار
واحسها ما ترتاح بنومها
زوجي سأل دكتور وقاله ما انصحك بالعمليه بهالسن توها صغيره
ما ني مقتنعه بهالكلام خايفه تتعود على الحلج المفتوح خاصه انها بنت
ياريت تساعديني اسوي العمليه لها ولا ااجلها

لا مو صغيرة ولا شي

بالعكس عمرها انسب عمر للعملية

توكلي على رب العالمين و سويها

 

[د. رشــا الصفــي]

يعطيج العافيه دكتورتنا والله لايحرمنا منج

دكتوره ولدي عمره عشر شهور صار له يومين يكح هل اكتفي بالحلبه مع عسل الاطفال والا لازم اودي الطبيب؟

لا حبيبتي لازم طبيب

 

[زوجة جوجي]

مرحبا دكتورة
الله يعطيج العافيه


دكتورة ولدي عمره 3 سنوات و 3 شهور معاه كحه وبلغم و افرازات من خشمه و اذنه كانت ملتهبه
وديته الطبيب شافه و عطوه زيرتك و بانادول و قطرة اذن اوتوكالم و مضاد حيوي كلاسيد حلو ...
امس بالليل قعد من النوم مصخن حرارته كانت 38.4 عطيته بندول و عقب ربع ساعه قستها صارت 37
وديته المستوصف اليوم خفت يكون معاه سواين فلو فحصوه وقالو لي كملي على ادويته مافيه شي
الحين رد صخن مرة ثانيه 38 و شويه و عطيته بندول و الحمدلله حرارته نزلت

المشكله شنو .. اني وايد خايفه اخاف يكون سواين فلو و مو مشخصينه عدل
اذا الحرارة مع البندول تنزل معناتها نستبعد السواين ؟؟؟

و اسفه على الطواله

 

[د. رشــا الصفــي]

السلام عليكم دكتورة رشا

ان شاء الله تكونى بخير يا رب.

بنتى الحين بتتم ال6 شهور فى 10 ديسمبر وزنها ساعة الولادة 3.200 كيلو. وكانت فى الاريع شهور 5.500 كيلو فما هو وزنها الطبيعى من المفتروض ان يكون الحين لان احس انها ضعفانة

الوزن الطبيعي لعمرها يكون بين 7 - 11 كيلو

ووين اقدر اوزنها ؟؟؟لان اخر مرة كانت فى عيادة خاصة .
وما هو الوزن الذى لا يجب ان تقل عنة؟

توزنينها بالمستوصف عادي

سؤال اخر : انا ارضعها طبيعى والحمد لله وودى الحين اعطيها الاكل :
1- فبماذا ابتدىء؟

الارز المسلوق ثم بقية الخضار ثم الفواكه

2- كم الكمية؟

ملعقة واحدة و تزيد بالتدريج

3- هل بجانب الرضاعة الطبيعية ام الغى الرضاعة الطبيعية اثناء الوجبة؟

تاكل الوجبة و تكملها بالرضاعة الطبيعية

4- اعطيها بسكويت؟ طريقة عملة؟

ممكن تعطينها بسكوت بس الأفضل الانتظار لحين تقبل الخضار و الفواكه بشكل كامل
و الطريقة هي اذابة البسكوت مع حليب الطفل و بس

5-ما هو افضل نوع من البسكويت فى السوق اشترية لا يسببلها مشاكل ؟

مافي نوع احسن من الثاني حسب تقبل الطفل

6- ما هى الفاكهة اللى ممكن تاكلها؟

تفاح - عرموط - موز - مشمش - افوكادو

7-يوجد عصائر معلبة خاصة بالبيبيى من ال6 شهور منها ماركة هيرو وميلوبا؟ هل هى صحية ؟وما افضلهم من حيث الأجود فى الاسواق؟

نعم صحية بس الطبيعي افضل و مافي نوع احسن من الثاني الموضوع يعتمد على اختيارج و تقبل طفلج

8-شوربة الخضار زينة لها ؟

اي نعم زينة

9-هل هناك عصائر اقدر اعطيها لها وما هى الكمية يوميا؟

ما نفضل ان العصاير تستبدل وجبة رئيسية لقلة القيمة الغذائية فيها
ممكن كمية بسيطة مرة باليوم بعد الغدا او المغرب

اشكرك دكتورة أدرى انى طولت عليكى لكن اعتقد ان اسألتى راح تفيد الأخوات فى المنتدى ايضا

حياج يا قلبي بالخدمة

 

[د. رشــا الصفــي]

السلام عليكم

دكتوور الله يعافيج

انا عندي بنتي عمرها 4 شهوور و 10 ايام حليبها اس 26 وماترضع الا 60 مل من الحليب واذااا جوعانه تشرب 90 مل...... من كم يوم احسها بدا وياها الرشح شوووي وكحه بسيطه..بعدها بيوم لقيت بنتي تطلع هوااا بصورة موطبيعيه ووتصررررررررخ ورافضه الرضااااااااااعه ما تبي حليبهاا كلشششششششششششش حتى النوم ما تنااااااام كل شوي تفز تصرخ..لدرجه فكرة انه يمكن تكوون مخلووعه او ممصوعه

والله اسمحيلي ما اعرف حق سالفة ممصوعة ولا مملوعة ما درستها

من احط الرضاعه بحلجها تبكييييييييييي بصراااخ

لدرجه قعدت من 8 الصبح لغاااايه 7 المغرب بطنها فاااااااااااااااااضي بدون مبالغه والله العظيم..وديتها للطبيب فحصها قال كل شي تمام ومافيها شي..قلت له تكح ..قال صدرها مافيه شي ومافيها التهابات .ورفض يعطيها اي دواااااااااااا كحه ولا اي مضاد حيوي .. صرف لها ((( قطارة خشم ليتل نوزس - وادوول اعطيها واحد مل - و دوا فينستيل !! ))

ممكن يكون معاها احتقان سببه فايروس علشان جذيه تبجي و رافضة الرضاعة و الهوا شي عادي يطلعونه البيبيات عادي احيانا ايام اكثر من الثانية

الفينستيل يا دكتور هل يضر الطفل؟؟ fenistil

لا حبيبتي ما يضر

وهل صحيح انا الطفل لما يدش الشهر الرااابع يرفض حليبه لفترة مؤقته مثل ما ما فهمت من الدكتور!!؟ مع العلم قالي لا تغيرين حليبها بس انتظري عقب الادويه..وعطيها شاي اطفال ميلوبا او غيره عشان تغير الطعم شوي..وفعلا رجعت البيت..حاولت اعطيها الحليب رافضه ..سويت لها شاي الاطفال رويا بيبي ( مهدئ الاطفال ) شربته ونامت ..وهذي على نومته من 8 بليل لغايه الان الساعه 8 الصبح..مادري دكتوره يا ريت تفيديني عن هالموضوع وليش الطفل يرفض حليبه

احيانا الطفل بهالعمر يرفض الحليب لمجرد انهم يملون من طعمه او انهم يكونون مرضى و مالهم نفس للرضاعة و الأعشاب تكون اخف من الحليب
النومة الطويلة اللي نامها من الرويا بيبي ينوم اليهال
سبب ثاني لرفض الرضاعة ان الام احيانا تحط بسكوت بالرضعة و توقف هالشي فيتغير طعم الحليب و يرفضه البيبي
ملاحظة : البسكوت بالرضعة غلط

وعلى فكرة دكتوره كان مفروض اطعمها من اسبوعين..لكن قدر الله وما شاء فعل..قلت أأجل الموضوع لغاية ما اشوفها بصحه زينه اطعمها... تطعيمه الشهر الرابع ... ناطره الرد يا دكتووة... والله يجزاج خييييير يارب

بالنسبة للتطعيم مجرد ما تكون زينة و ما فيها حرارة ولا اسهال طعميها ما يمنع

 

[د. رشــا الصفــي]

السلام عليكم

ابي استفسر عن الحليب .. انا استخدم لولدي حليب الرضع هل اذا كمل 6 شهور اغيره ولا مايحتاج؟

مشكوره

تغيرينه الى رقم 2 من 6 شهور الى سنة من نفس النوع

 

[د. رشــا الصفــي]

السلام عليكم

دكتوره كل عام وانتي بخير
عندي سؤال ياليت تسعاديني بنتي عمرها 8 شهور ونص مشكلتها مع الاسهال لها اكثر من اسبوع ونص

طلع معاها نزله معويه وصار معاها جفاف اضطرينا نركب لها دريب وعطوني مغذي و قطاره restropinal فقط

وماعطوني اي نصائح اتبعها لان قلت لهم بنتي رافضه تشرب او تاكل اي شي قالوا عادي مع العلم انها قاعده تسنن سنين تحت والدكتور ما علق كلش

قلت لهم اغير حليبها ما فادوني كلش ( حليبها بروميل جولد)

وتمت امس كله بس على المغذي وشربتها عصير جوافه

واليوم رحت الصيدليه شريت لها حليب فرنس ليه ال اف وعطيتها رقمين منه الصبح و رقمين توه واهي نايمه

وسويت لها ماي عيش رضعه 120 و مستمره طول اليوم على المغذي ورافضه تاكل مسلوق ((اعطيها واهي نايمه المغذي او ماي العيش لانها ترفض واهي صاحيه تحط شي بحلجها ))

دكتوره خلص المغذي شسوي الحين موعارفه اعطيها حليبها عادي ولا تنصحيني بشي ثاني ؟

وجزاج الله خير

ما تشوف شر

اول شي الحليب استمري على حليب ال اف لغاية 6 اسابيع تقريبا علشان ترجع الامعاء سليمة مثل ما كانت قبل النزلة
و ما منه ضرر

الشي الثاني المغذي تشربينها اياه بعد كل مرة تخرج فيها مو على طول

و اذا تحتاجين زيادة اخذي من المستوصف تشترين

عطيها عصير تفاح وايد زين

و وكليها خضار جزر و بطاط و كوسا ممكن تسوينهم مثل الشوربة و تشربينها بس بدون ما تصفينهم

 

[د. رشــا الصفــي]

يعطيج العافية دكتورة

بالنسبة للتطعيم شنو الافضل لو كان بيوم التطعيم اجازة، اجدم التطعيم والا أأخره ؟

انا بنتي تطعيمها للأربع شهور راح يصادف يو اليمعه عادي اطعمها الخميس قبله بيوم والا اخليه لي الاحد ؟

وشكرا مقدما ياقلبي

الافضل تأخرين التطعيم

لا الأحد طعميها ما يرضون يطعمون قبل الموعد مو زين

 

[د. رشــا الصفــي]

السلام عليكم

دكتوره ابي اعرف الحركه الطبيعيه للطفل من ست شهور

و اذا تقدرين تنصحيني بكتاب يفيدني بموضوع مهارات الطفل...

6 شهور ممكن يقلب بالسرير

ممكن يبدا يقعد اذا مسنود

بالنسبة لمهارات الطفل

شوفي هالموقعين مفيدين

الرابط

الرابط

 

[د. رشــا الصفــي]

البروكلي زين؟؟

و اذا سويت كميه و حطيتها بالفريزر...

شلون اسخنها؟؟

و يعطيج الف عافيه

البروكلي ممتاز

و تسخنين الكمية المجمدة بأنج تحطينها بماي دافي لغاية ما توصل للحرارة المطلوبة

او على النار بجدر صغير بس مو مايكروويف لأنه ما يوزع الحرارة عدل ممكن يكون جزء مثلج و الجزء الثاني يحرق الطفل

 

[د. رشــا الصفــي]

هلا دكتوره يعطيج الـــــــــــف عافيـــه وجعل هذا كله في ميـــــــــــــــــــــــــــــزان أعمـــــــــــــــــــــــــــالج يارب عندي ســـؤال

ولدي يحب النسكويــــــــــــــــك كاكاو اذا تعرفينه الي علبته صفرا نفس هذا

واحطه له بالحليب الازرق ولدي عمره سنتين ونص هل فيـه أضرار من كثرته لان الحليب الازرق بروحه مايشربه حاولت احط عسل لازم كاكاو؟

لا ما منه مضرة عادي بس مو اكثر من 2 باليوم

 

[د. رشــا الصفــي]

دكتووره ..اذا استمرينا على دوا الفنستيل اكثر من خمسة اياام ممكن يضر البيبي؟

لا ما يضر بس مو تطولون وايد الا تحت اشراف طبيب