شلونج دكتورة منوره المنتدى:68_asmilies-com:
ولدي العود عمره 3 سنوات صار فية جدري ماي بس أنا مستغربة أن بنتي وعمرها تقريبا 5 شهور ماصار فيها والحين عمرها 9 شهور في دكتوره قالتي بعض الأطفال لي عمر 6 شهور ماخذين مناعه من أمهم صج؟
وسؤال ثاني ولدي نومه جدا مضطرب دايما يستعسر بالليل ويعصب ونومة متقطع وايد تعبانه معاه بدون مبالغه ما أنام منه مادري ليش؟ للعلم ليلحين يرضع بالليل والود وده أكثر من مره بس ماخليه مادري شسوي
نورا29
بالنسبة لمخالطين الطفل اللي فيه جدري ماي مو بالضرورة ان كل المخالطين من الأطفال بتعادون
لا ممكن يصيبهم مرة ثانية مو لازم مع بعض
و بالنسبة للمناعة تكون لغاية 3 - 4 شهور بالنسبة للأطفال اللي رضعوا طبيعي من الأم فاكتسبوا أجسام
مضادة من حليب الأم
بالنسبة حق نوم الولد حاولي ترتبين نومته يعني ما تخلينه ينام على كيفه وقت النهار
و قعديه من الصبح مبجر علشان يتعب طول النهار و ينام بالليل
و الرضاعة باليل بالنسبة لعمره غلط
بالكثير الرضاعة لي سنتين بس
راح تسوس اسنانه مع الوقت و يتغير شكلهم و نومته تصير اصعب لانه كل شوي يبي يقوم يرضع و تعويده
على الحمام راح
يكون شبه مستحيل لانه طول الليل يشرب و يملي المثانة
اول شي ابدي بتقليل كمية الحليب بالرضعة الوحدة
يعني اذا يشرب 8 ارقام عطيه 6 لمدة اسبوع تقريبا او 10 ايام
و بعدين قللي الكمية شوي شوي لما تقطعين الحليب بالليل نهائي
بس نصيحة لا تحطين بالحليب شي يغير طعمه
ما نبيه يكره الحليب بس نبيه يترك الرضاعة
