د. رشــا الصفــي
طبيبة أطفال معتمدة بمنتديات كويتيات
قوة دكتوره
ولدي عمره شهرين و10 ايام
احس انه عينه ماتركز معاي
مايطالعني
ان كلمته وانا لازقه صوبه حيل يدورني
انا خايفه ترى
الطفل المفروض يبدا يطالع الوجوه و يبتسم حق اللي يلاعبونه من عمر شهر
و كونه ما يتابعج بعيونه و عمره شهرين و 10 ايام هذا ما يعتبر شي طبيعي الا بعد ما يقيمه طبيب الأطفال
وديه عند اخصائي اطفال أو عيون يفحصه عدل و يا ريت ما يكون مريض
يعني يكون في احواله العادية
لأنه المرض يأثر على ادراك ووعي الأطفال اقل من 3 شهور
طبعا هذا مولازم يكون ألحين .. لا تقدرين تنتظرين جم يوم لما تحصلين دكتور متخصص يفحص الولد
الفحص اللي بالطوارئ يكون سريع الى حد ما و عادة يكون الطفل مريض فالدكتور ما يقدر يقيم الطفل عدل بالنسبة للمواضيع هذي
اللي تقدرين تسوينه الحين
خليه يكون بوقت يكون مرتاح فيه يعني الصبح توه قاعد من النوم و شارب حليبته يعني مو محتاج شي ولا متعسر
و اخذي كرة لونها احمر و مرريها شوي شوي جدامه بشكل افقي مو عمودي لأ
يعني من اليمين الى اليسار بطئ جدا و في مستوى نظره على بعد 30 سم تقريبا
و لاحظي اذا يتابع ولا لأ
و نفس الشي في نفس الحالة اللي يكون فيها مرتاح و ما يصيح جابليه على بعد 30 سم و طالعيه مدة و تحركي يمين و يسار و شوفي اذا يتابعج ولا لأ
و طمنينا عليه ضروري اختى ام عفاف
و اذا محتاجة شي زيادة لا تترددين باللي تبينه
راح اساعدج باللي اقدر عليه
