{ ...الدكتورة رشا الصفي تجيب على استفسارتكم ..} استضافة اسبوعية

[mrs_lonely84]

السلام عليكم
دكتورة آنه ولدي الحين عمره 4 شهور والحمدلله أرضعه طبيعي ونادرا أعطيه صناعي اذا كنت حيل مضطرة فأحسه حيل عصبي و مايشبع من حليبي وعلى طول ارضعه حتى ساعات يكون شبعان بس يبي يمص و ساعات نومه ماتتعدى ال4 ساعات فمشكلتي اني بداوم بعد جم اسبوع لمن يدخل بشهره الخامس يعني شنو اقدر اعطيه غير الحليب؟؟؟ مع العلم اني حاولت اشفط ماطلعلي اكثر من 60 مل و قاعدة آخذ حبوب تدر الحليب فأبي شي يعوضه عن الحليب فترة الصبح اللي كنت مفكرة فيها أعطيه رضعة صناعي و الرضعة الثانية . . . محتارة فيها!
و شاكرة الرد مقدما

 

[Cute mama]

قوووة
شلوونج دكتوورة
والله مادري اسألج وله اسأل منو
بس اذا كان عندج اي فكرة ان شالله تساعديني
انا ولدي بيكمل السنه هالشهر ان شالله وفي شغله ملاحظتها من واهو صغير .. انه قبل لاينام اذا لعبته وخليته يظحك وبعدين نام بعد نص ساعه يقعد يبجي ويصااارخ يصاااااارخ حييييييييل والله يخرعني وماقدر اسكته لا انا ولا ابوه
مادري اهو حلمان او شي يعوره بس اللي لاحظته انه دايما جذي لمن العبه قبل النوم
فبعرف اذا عندج اي فكره عن هذا الموضوع !!

 

[daloola]

السلام عليكم


دكتورة انا توني والدة صار لي اسبوعين ....ولادتي بالاسبوع 36 من حملي وبنتي كانت صغيرة 2.400 كيلو
المشكله انها وايد تشرق بالرضاعه سواء طبيعي او صناعي
انا ملاحظه انها تدخل هوا واهي ترضع...شلون اتصرف
واذا شرقت شنو المفروض اسوي؟

 

[د. رشــا الصفــي]

هذا نظامها
الصبح تتريق بيت خالتي معااهم وانا احط بالجنطه عصير وبسكووت وزباادي ومرات بنتي تنط علييهم تبي افندي تموووت عليه
واذا بالويك اند يصير الريووق نفس عشاها الي اشوي بحطه لانه بليل يصير عشانا ببيت امي على حسب شنو طابخيين

الظهر غداها معانا عيش ومرق او بالفرن او معكرونيه(( مع سلطه امقصصصه اصغااااااااااااار))


العصر اعطييها فواكه امقصصه اصغاار او جلي او كريم كرمييل اوكيك


بليل عشاها ويانا او بيضه او لبنه او قيمر بالعسل و قيمر بالفروله

الصبح رضعه بروجرس والمغرب ووقت النوم حليب مراعي ومرات لما نطلع تشرب حليب فراوله او بالموز او بالفانيلا
والماي انا اشربها كل اشوي ماي

وبالويك اند اعطيها اشويه كاكاو للنشاط مع بطاط كيتكوو

_______________________________
اهي تاكل وجباتها ريوق وغدا وعشى وماترضى لازم وراهم حلييب مع اني اشبعها بس اهي تحب الحليب

والعصر هم تاكل فواكه او جلي او كيك او كرامييل

واهي ماترضى تنام الا والحليب بحلجها يالله تدووخ وتناام

نظامها ممتاز ما شاء الله

بس الحليب لما تنام حاولي تقللين منه

و اذا ما تقدرين خاي يمها رضاعة فيها ماي

تشرب منها لما تخلص حليبتها

 

[د. رشــا الصفــي]

مشكوره دكتورة بس اروح دكتور جراحة ولا دكتور جهاز هضمي

لا حبيبتي تروحين طبيب أطفال أول شي الموضوع بأوله ما يحتاج لا جراح و لا جهاز هضمي

 

[د. رشــا الصفــي]

السلام عليكم ورحمة الله وبركاته

دكتورة انا بنتي عمرها سنه وشهرين واحس انها حيل ضعيفة يعني وزنها قريب ال8 كيلوات

أول شي تأكدي من وزنها

اذا فعلا 8 كيلو يعتبر طبيعي مو قليل

بهالعمر اقل وزن مقبول هو 7.5 كيلو

مادري كثر ما احاول اوكلها ماتمتن شسوي اهيا تاكل 3 وجبات باليوم ( الوجبات الرئيسية ) الصبح اعطيها ميلوبا بالفواكة او العسل او بسكوت والغدا اعطيها عيش بالخضار واحط معاه قطعه ديايه او لحم والعشا نفس الريوق

بنتج كبيرة على الميلوبا بالفواكه و العسل

الريوق يكون توست مع جبن او بيض او كورن فليكس و الغدا تاكل من غداكم عادي و العشا هم معاكم مالم يكون اكلكم من بره فبهالحالة تعطينها نفس الريوق​

وبين الوجبات اعطيها بسكوت بفك يعني جذي

بين الوجبات تعطينها فواكه او روب او كريم كراميل البسكوت و البفك ما منه فايدة كلش لعمرها

والحليب ماتشربه الا بليل اعطيها تشرب باليوم من 200 الى 300 مل
( حليب كي دي دي بالنكهات )

الحليب اقل شي مرتين باليوم ممكن بيدياشور او سيميللاك ادفانس 3 او اي حليب اطفال لعمر السنة

الكي دي دي النكهات ما يكفي لعمرها مرة باليوم كلش​

وانا خاطري اخلطلها معاه حليب بدياشور بنكهه الفانيلا بس مادري يصير احطلها اياه بالحليب نفسه يعني اهوا مكتوب 5 ملاعق ب220 مل من الماي

يصير احط 5 ملاعق ب220 مل من حليب كي دي دي
لانها ماتحبه بروحه بالماي

ما يصير تخلطينه بالحليب كلش

يا اما بالماي ولا ما تعطينها

وهل حليب النكهات من كي دي دي يوفرلها الكالسيوم والمكونات اللي تحتاجة

للأسف مو كافي مثل حليب الأطفال​

وترا بنتي ماتمشي بس تحبي وحبت متأخر قريب السنه والحين بس تتحرك بين الاثاث وهي واقفه

بس ماتوقف بروحها

واهيا طالعلها ضرس فوق وضرسين تحت هل هذا كله طبيعي لانه كله يقولولي بنتج ليش جذي شكلها سبع او ثمن اشهر

الا حد ما تعتبر في الحد الطبيعي

بس تحتاج تغذية احسن من اللي تعطينها

و أفضل اللجوء الى المصادر الطبيعية للفيتامينات و الكالسيوم بدل اللأدوية

و يا ريت تراجعين فيها طبيب أطفال يسويلها تحاليل تتطمنين على نسبة دمها و الكالسيوم​

واسمحيلي على الاطاله

وشكرا

حياج الله

 

[د. رشــا الصفــي]

يعطيج العافيه دكتوره

باختصار

بنتى عمرها سنه وشهر


ماتحبي
ماتوقف
ماعنده اسنان
ماتقلب قلبه كامله الا عالجنب
تسولف ماما بابا ابي عطينى
وتتحرك بمكانه واهي قاعده وحركيه وايد وريولها مشدوده

بس شالحل اعطيها كالسيوم مع الحليب بس ماكو فايده

هلا حبيبتي

بنتج مولودة طبيعي 9 شهور ولا خدج ؟

و ما صارت مشاكل وقت الولادة ؟

طلعت معاج على طول ولا قعدوها بالخدج؟

افضل انج تعرضين البنت على طبيب أطفال عشان يقيم حالتها بأسرع وقت

مو قصدي ألحين بس لا تسكتين عليها

بعمرها المفروض تسوي اشياء اكثر

و سالفة ان ريلها مشدودة وايد هذي مو طبيعية أبدا

مو قصدي اخرعج بس انتي سألتيني و لازم أجاوبج بأمانة و انتي ام و لازم تعرفين حتى الدكتور يفكر بشنو

اخيها المستوصف القريب من بيتكم و خليه يحولج للمستشفى العيادة الخارجية قسم الأطفال يشوفها استشارى الأطفال و

يقيم حالتها و يسوي لها اللازم

قبل ما تعطينها كالسيوم و فيتامينات

​

 

[د. رشــا الصفــي]

السلام عليكم
دكتورة آنه ولدي الحين عمره 4 شهور والحمدلله أرضعه طبيعي ونادرا أعطيه صناعي اذا كنت حيل مضطرة فأحسه حيل عصبي و مايشبع من حليبي وعلى طول ارضعه حتى ساعات يكون شبعان بس يبي يمص و ساعات نومه ماتتعدى ال4 ساعات فمشكلتي اني بداوم بعد جم اسبوع لمن يدخل بشهره الخامس يعني شنو اقدر اعطيه غير الحليب؟؟؟ مع العلم اني حاولت اشفط ماطلعلي اكثر من 60 مل و قاعدة آخذ حبوب تدر الحليب فأبي شي يعوضه عن الحليب فترة الصبح اللي كنت مفكرة فيها أعطيه رضعة صناعي و الرضعة الثانية . . . محتارة فيها!
و شاكرة الرد مقدما

mrs_lonely84

بالنسبة للرضاعة الطبيعية كلما رضعتي اكثر كلما زاد الحليب اكثر

و البيبي ممكن مثل ما قلتي شبعان بس يبي يمص هذا طبيعي

و النوم طبيعي 4 ساعات بس بالنسبة لعمره

و الدوام حاولي تتدربين على الشفط

الشفاطة مو من اول مرة يطلع لحليب بسهولة

ممكن تحتاجين اسابيع تستخدمينها يوميا علشان تعرفين شلون تشترخين و يطلع معاج الحليب

و حق الدوام حاولي ترضعينه قبل الدوام و بعدين يعطونه أكل مثل العيش او الجزر وجبة و الظهر حاولي تطلعين من الدوام مبر وقت رضعته ولا يعطونه رضعة من حليبج او صناعي​

 

[د. رشــا الصفــي]

قوووة
شلوونج دكتوورة
والله مادري اسألج وله اسأل منو
بس اذا كان عندج اي فكرة ان شالله تساعديني
انا ولدي بيكمل السنه هالشهر ان شالله وفي شغله ملاحظتها من واهو صغير .. انه قبل لاينام اذا لعبته وخليته يظحك وبعدين نام بعد نص ساعه يقعد يبجي ويصااارخ يصاااااارخ حييييييييل والله يخرعني وماقدر اسكته لا انا ولا ابوه
مادري اهو حلمان او شي يعوره بس اللي لاحظته انه دايما جذي لمن العبه قبل النوم
فبعرف اذا عندج اي فكره عن هذا الموضوع !!

والله غريبة سالفة ولدج

يمكن طبعه ما يحب يبذل مجهود و يشد اعصابه حتى لو باللعب

حولي قبل النوم تخلينه يسترخي بدال ما تلعبينه

يعني تسبحينه بماي دافي و تدهنين جسمه او تسوين له مساج خفيف لما ينام​

 

[د. رشــا الصفــي]

السلام عليكم


دكتورة انا توني والدة صار لي اسبوعين ....ولادتي بالاسبوع 36 من حملي وبنتي كانت صغيرة 2.400 كيلو
المشكله انها وايد تشرق بالرضاعه سواء طبيعي او صناعي
انا ملاحظه انها تدخل هوا واهي ترضع...شلون اتصرف
واذا شرقت شنو المفروض اسوي؟

حاولي انها لما ترضعينها ما تكون وايد يوعانه علشان ما تشفط حيل

و لما تشرق خليها على جنب

و راح تتحسن مع الوقت

هذا طبيعي بالبيبيات الخدج

الله يخليج اياها​

 

[كويتيه كيوووت*]

السلام عليكم دكتوره يعطيج العافيه علي مجهودج ..
دكتوره بنتي عمرها 4شهور و14يوم ارضعها اس 26 ترضع كل 3ساعات 120
ماعندي خبره شنو اكلها ومتي او ازيد الرضعه ابي منج جدول حق اطعام الرضع مع الشرح بالشهر الرابع والخامس الله لايهينج
انا بكريه وصغيره ماعندي خبره ابدا" وشكرا"

 

[د. رشــا الصفــي]

السلام عليكم دكتوره يعطيج العافيه علي مجهودج ..
دكتوره بنتي عمرها 4شهور و14يوم ارضعها اس 26 ترضع كل 3ساعات 120
ماعندي خبره شنو اكلها ومتي او ازيد الرضعه ابي منج جدول حق اطعام الرضع مع الشرح بالشهر الرابع والخامس الله لايهينج
انا بكريه وصغيره ماعندي خبره ابدا" وشكرا"

الله يخليلج بنتج

شوفي حبيبتي زيادة كمية الرضعة تصير حسب تقبل الطفل و شهيته

متى ما حسيتي ان البنت تبي حليب زيادة و تبجي اذا خلصت الصعة معناته لازم تزيدين كمية الرضعة من 120 الى 150 و هكذا

بالنسبة للأكل نبدا من الشهر السادس

نبدأ بالأرز المسلوق و المهروس أول شي ثم الخضار كل نوع بروحه ثم نخلط

و عقب الفواكه

و لو تدورين بالموضوع نفسه بالردود اللي رديتها على امهات وايد راح تلاقين اللي تبينه ان شاء الله

و حتى بفسم التربية و الطفل

ما شاء الله عليهم البنات حاطين مواضيع حلوة عن تغذية الرضع ممكن تفيدج

 

[فروحة الكويتية]

دكتورة شخبارج ؟

بنتي عمرها 7 شهورمتي أقدر أعطيها قيمر وعسل للريوق

او توست وجبن؟

متي احط لها بصل وثوم وعدس بالاكل؟

 

[شوفواشموخي]

السلام عليكم يعطيكم الف عافيه عالموضوع الحلو ندي استفسار ولدي عمره 5سنوات وشعره كثيف وما فيه اي مشكله فجاه ايذا حممته الا يتساقط شعره على جسمه بشكل غريب على فكره ولدي فيه فقر دم من زمان والف شكر

 

[نور الضي]

السلام عليج يا دكتوره
عندي استفسار
ولدي عمره ست سنوات دايما اذا نام يعرق بغزاره .هو شي طبيعي ام اعرضه علي دكتور .
الله يعطيج العافيه .

 

[SweeTa_4ever]

مرحباا دكتورتنا شلونج حبيبتي
دكتوره ولدي معاه سهااال من امس وديته الطبيب وقالي اغير حليبه سميلاك اف ام معنه حليبه ماشي معاه تتوقعين الاسهال من الحليب او نه قاعد يسنن او من بدياشور لاني قاعده اشربه انا موكلته بسكوت دايجستف زين ولا لاء؟شنو اوكله عن الاسهال؟

ثاني شي مايشتهي ياااكل من يشوف الاكل يقعد يرجع وان وكلته رجعه كله شسوي دكتوره واللله قااعده احاااتي عايش على الحليب وشريتله فاتح شهيه appetito bimbi اشرايج في اعطي وله لا ودكتور قايل وزنه زين بس انا اشوفه وااايد ضعيف؟؟

ولك الف شكر

 

[نور**الدنيا]

مساء الخير دكتوره يعطيج العافيه انا بنتي عنرها 9 سنواتبس قاعد يصير معاها بالمنطقه الي تحت احمرار وبين فخوذها مادري شنو اسويلها ابيج تشورين علي ومره سالتج عن المنطقه الي تحت قلتيلي استخدم الماكينه بس مادري
احس اخاف استخدمها احسها توهاااا صغيره مشكورة

 

[د. رشــا الصفــي]

دكتورة شخبارج ؟

بنتي عمرها 7 شهورمتي أقدر أعطيها قيمر وعسل للريوق

او توست وجبن؟

متي احط لها بصل وثوم وعدس بالاكل؟

هلا فروحة الكويتية

العسل بعد السنة و القيمر بعد بس احسه ثقيل عالياهل

التوست و الجبن من الشهر الثامن او التاسع

و البصل و الثوم و العدس عادي اي وقت من تبدا تاكل بس كله يسوي غازات و انتفاخ لها

 

[فروحة الكويتية]

مشكوووووووووووورة دكتورة

يعني عادي احمس لها شوية بصل مع زيت وبعدين اضيف عدس وخضار وعيش وشويه طماط وكمون

مع ماجي شرايج؟؟

 

[د. رشــا الصفــي]

السلام عليكم يعطيكم الف عافيه عالموضوع الحلو ندي استفسار ولدي عمره 5سنوات وشعره كثيف وما فيه اي مشكله فجاه ايذا حممته الا يتساقط شعره على جسمه بشكل غريب على فكره ولدي فيه فقر دم من زمان والف شكر

شوفواشموخي

عالجي فقر الدم اهم شي و اذا ما تحسن وديه للجلدية​