{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

دكتورة شلونج

أنا بنتي عمرها 9 شهور يصير اعطيهاا روب دانينو بالفواكه او كريم كرامل او روب عادي؟

يصير اعطيها روب عادي مع العيش؟

الحليب العادي الكي دي دي بالنكهات او الابيض اقدر اعطيها؟

شرايج بقيمر وعسل مع التوست؟

كل اللي قلتيه تقدرين تعطينها اياه ما عدا القيمر و العسل تو الناس ثقيل عليها

نطري لي بعد السنة

بالنسبة للحليب بالنكهات و الحليب الأبيض العادي ليش مستعيلة عليهم خليها على حليبها اللي تشربه ليش تغيرينلها

ممكن اذا طالعين مكان تشرب لها واحد بس

 

[د. رشــا الصفــي]

السلام عليكم
دكتوره شلونج
عندي ولدي عمره سنتين ضعيف مره واكله قليل وحليبه ببيلاك 3
فا مشكلته باطنيته احس دايم لما يبي يبرز(وانتي بكرامه)يتعصر ويتزحر
واحس ريحت برازه غريبه
بشنو تنصحيني دكتوره ابي صحته زينه وابي باطنيته تنظف
وشاكره لج

حبيبتي البراز يتعلق بطبيعه اكل ولدج

يمكن ياكل نشوريات وايد هذي تأثر عليه

و بالنسبة لوزنه قولي لي جم الوزن و انا اقول لج طبيعي ولا لأ

و الأكل كثريله خضار و فواكه

 

[د. رشــا الصفــي]

السلام عليكم دكتوره بنت اختي عمرها سنه وفيها نقص كالسيوم حاد وتقوس في الساق وقالولها الازم تقعد بنتها بالشمس.. ابي حل سريع لانها ماتاكل وحجمها حيل صغير...هل تنصحين في ابر فيتامين د بالوريد.؟؟

ماكو حل سريع

الفيتامين د لازم تاخذه نقط بالفم

و الكالسيوم هم بعد مهم

و تقعد بالشمس نص ساعة باليوم على الأقل كل يوم

 

[د. رشــا الصفــي]

مشكوره دكتوره

انا ولدي عمره 9 شهور .. مستمره للحين معاه بالرضاعه وفي اوقات الدوام يعطونه سيميلاك .. وطبعا الحين اهو ياكل

اكله صحي انا اطبخله بالبيت .. خضار او فاكهه وتوني دخلت اللحوم بأكله

مشكلته يادكتوره انه ماينام عدل بليل للحين كأنه طفل رضيع ينام ساعتين و يقوم يبجي .. مو عشان يوعان لأ بس يبجي وارد انوه ينام

بس نومته كلش مو عدله وغير جذي يتقلب وايد واهو نايم كأنه واحد فيه قلق .. يقلب شوي يمين ويروح يسار .. يعني مو عارف ينام

وديته الطبيب بس قالولي مافي اي مرض جسمي

دام فحصوه ما فيه شي يكون هذي طبيعته نومه قليل

اهم شي ما تخلينه ينام وقت النهار وايد

يعني تقعدينه مبجر الصبح الساعة 8 مثلا

و ينام عقبها على الساعة 12 ساعة

و بعدين ممكن ينام بعد ساعة من 4 - 5

و بس ماكو نوم بعدها الا بالليل علشان يكون تعبان فيطول بالنومه

و حرصي انه فراشه مريح و ما يكون عليه حر او برد

و بيجامته مو ضيقة عليه و حفاظته نظيفة و بس

 

[د. رشــا الصفــي]

مشكوره دكتوره علي الاستجابه
بخاخ الانف Avamys
دواء الحراره Calpol
الكمام .5 Ventolin
1.5 sodium chloride
1.0 Pulmicort
دواء كحه Primalan


يعطيكي الصحه والعافيه علي تعبج معانا
وفي انتظار ردك

حبيبتي كلهم ممتازين ما عدا دوا الكحة primalan

ما يناسب اللي معاهم ضيق بالشعب الهوائية

ينشف البلغم و يتنك الصدر زيادة

وقفيه و كملي عالباقي

 

[د. رشــا الصفــي]

شلونج دكتوره
ولدي عمره شهر و3 اسابيع اعطيه ممه 120واحسه ما يشبع يصير اعطيه اكثر؟

ممكن يكون شبعان بس في شي يعوره مثل المغص او ما يكون مرتاح

120 مناسب لعمره

اذا تحسين انه فعلا محتاج اكثر عطيه بس ديري بالج اذا شفتيه يرجع وقفي على طول

 

[د. رشــا الصفــي]

عظم الله أجرك
وأسكنها جناته

عظم الله اجرج دكتورة

الله يرحمها ويغفر لها

عظم الله اجرج دكتوره ..

الله يرحمها يارب

الله يرحمها
وعظم الله اجرج

عظم الله اجركم
والله يتقبلها بواسع رحمته

عظم الله أجرج والله يرحمها برحمته ويسكنها فسيح جناته ويجعل قبرها روضة من رياض الجنان

الله يرحمها ويسكنها فيح جناته
عظم الله اجرج

عظم الله اجرج

عظم الله أجرج يا دكتورة

عظم الله اجرج دكتورة

الله يرحمها ويغفر لهاااااااااا

أجرنا و أجركم

جزاكم الله خير

ما قصرتوا حبايبي

 

[shajasha]

ممكن دكتوره تقوليلي شنو العلاج الوقائي بعد ما يطيب
لانه كل اسبوعين ولا ثلاثه يتنك الصدر مره ثانيه
مشكوره تسلمين ويعطيج اللف عافيه

 

[قلبي ابيض]

عظم الله اجرج دكتورة

عيالي حتا لوياكلون اكل وايد بس ضعااااااااف << بنتي عمرها 8 ووزنها 20

 

[المشخوطه]

سلام عليكم
عظم الله اجرج دكتورة
بنتي تمت خمس شهور ودشت السادس مشكلتها الغازات اذبحتها موطبيعية من كانت بالاربعين لدرجة تسمعين الغازات في بطنها
وهي بس بجي تكسر خاطري غيرت حليبها من اس26 الى نان1 ماكو فايد ماخفت الغازات بعدين عطيتها دواء للغازات اكثر من نوع ماكو فايدة ومن هالادويه Disflaty م ماكوفايدةبعدين قالتلي الدكورة الي اراجع عندها عن دواء في دبي اسمة infacol استخدمته من الاربعين فادني حيل وريحه الحمدلله بس صارله اللحين 3 اسابيع رادتلها الغازات مع اني لين اللحين اعطيها انفاكول بس ماكوفايدة بدت معاها الحالة لما بديت اوكلها عطيتها كوسة وجزر وبطاط وطبعا كل نوع بروحة وكلهم سببولها غازات وهم عطيتها تفاح بس ما قطعتة حسيت نها اشوى شوي وعلى فكرة انا احطلها مع الماء حليبها ينسون وسويلها كمون وعطيها ماء غريب آسف طولت عليج بس صدقي متعبتني حيل واحب اساليح شنو الاشياء اللي اقدر اعطيها ومايسببولها غازات وهل من الممكن انها تعود جسمها على دواء النفاكول عشان جذي ماقام يأثر فيها وشنو اقدر اعطيهى دواء ثاني للغازات مع خالص الشكر وتقدير

 

[سما النوير]

السلام دكتورتنا انا ولدي عمرها ٢٨ يوم حليبه سيميلاك واييد يتعصر ويزحر اغيرله حليبه ولا اكمل عليه و ملاحظه عليه انه ساعات يون وهو نايم عادي[ووايد يقعد يناهت

 

[ام ناصر 2009]

هلا والله بادكتوره

دكتوره ولدي عمره شهرين ونص نحيييف وااايد وديته للمستشفيات الخاصه قالولي صحته ممتازه زايد كيلو عن وزنه الطبيعي بس انا ابيه يسمن شلون انا ارضعه طبيعي بس مو وايد اعطيه سميلاك ادفانس شرايج فيه قالولي ثقيل على الياهل لان صدره له خربشه دكتور قالي حساسيه بصدر تعتقدين من الحليب والا شنو بضبط هذا اول طفل لي ماعندي خبره ساااعديني
ام ناصر الرويلي​

 

[د. رشــا الصفــي]

ممكن دكتوره تقوليلي شنو العلاج الوقائي بعد ما يطيب
لانه كل اسبوعين ولا ثلاثه يتنك الصدر مره ثانيه
مشكوره تسلمين ويعطيج اللف عافيه

العلاج الوقائي نوعين

في Pulmicort

عبارة عن كمام مرتين باليوم كورس كامل اقل شي 6 شهور و ممكن يطول اكثر حسب الحالة

و النوع الثاني Singular

عبارة عن بودرة او حبوب مضغ مرة باليوم وقت النوم

و اختيار النوع يعتمد حسب حالة الطفل و درجة الربو عنده و اللي يحددها الطبيب المعالج

 

[د. رشــا الصفــي]

عظم الله اجرج دكتورة

عيالي حتا لوياكلون اكل وايد بس ضعااااااااف << بنتي عمرها 8 ووزنها 20

اجرنا و أجرج حبيبتي جزاج الله خير

وزنها اقل شي بالطبيعي لعمرها

يعني ممكن تلاقين تقريبا 5% من الأطفال اللي عمرهم مثل عمرها وزنهم مثلها و أقل بعد

اذا نشاطها طبيعي و نسبة دمها زينة و ما عندها اعراض مرضية

لا تحاتين

 

[د. رشــا الصفــي]

سلام عليكم
عظم الله اجرج دكتورة
بنتي تمت خمس شهور ودشت السادس مشكلتها الغازات اذبحتها موطبيعية من كانت بالاربعين لدرجة تسمعين الغازات في بطنها
وهي بس بجي تكسر خاطري غيرت حليبها من اس26 الى نان1 ماكو فايد ماخفت الغازات بعدين عطيتها دواء للغازات اكثر من نوع ماكو فايدة ومن هالادويه disflaty م ماكوفايدةبعدين قالتلي الدكورة الي اراجع عندها عن دواء في دبي اسمة infacol استخدمته من الاربعين فادني حيل وريحه الحمدلله بس صارله اللحين 3 اسابيع رادتلها الغازات مع اني لين اللحين اعطيها انفاكول بس ماكوفايدة بدت معاها الحالة لما بديت اوكلها عطيتها كوسة وجزر وبطاط وطبعا كل نوع بروحة وكلهم سببولها غازات وهم عطيتها تفاح بس ما قطعتة حسيت نها اشوى شوي وعلى فكرة انا احطلها مع الماء حليبها ينسون وسويلها كمون وعطيها ماء غريب آسف طولت عليج بس صدقي متعبتني حيل واحب اساليح شنو الاشياء اللي اقدر اعطيها ومايسببولها غازات وهل من الممكن انها تعود جسمها على دواء النفاكول عشان جذي ماقام يأثر فيها وشنو اقدر اعطيهى دواء ثاني للغازات مع خالص الشكر وتقدير

اجرنا و اجرج جزاج الله خير

الغازات مشكلة شائعة بالأطفال

بس غالبا تخف بشكل كبير عند عمر 4 شهور

ممكن ترجع مع بداية الأكل

بالنسبة لنوع الحليب نان 1 ممتاز

بس في ابتاميل كومفرت ممتاز للغازات

تقدرين تجربينه

و الأكل عندج الجزر يسوي غازات فتبتعدين عنه

و حاولي تقللين من الأدوية لأن فعلا جسمها تعود عليهم و صار ما يقدر يتخلص من الغازات الا مع مساعدة الدوا

و هالشي مو بصالح البنت

عطيها اعشاب مرة باليوم

حبة حلوة + كمون + ينسون + كراوية ممتازة للغازات

و قللي الجزر

او اي اكله تحسين انها متأذية منها

و ما تشوف شر

 

[د. رشــا الصفــي]

السلام دكتورتنا انا ولدي عمرها ٢٨ يوم حليبه سيميلاك واييد يتعصر ويزحر اغيرله حليبه ولا اكمل عليه و ملاحظه عليه انه ساعات يون وهو نايم عادي[ووايد يقعد يناهت

عليكم السلام

ممكن الحليب ثقيل عليه

غيريه حق نوع اخف

مثل نان او بيبيلاك او ابتاميل او نوفولاك كلهم اخف من السيميلاك بالبداية بعدين من يكبر تقدرين تردينه عالسيميلاك

مجرد ما تنتهي فترة المغص و الغازات

و اذا يرضع طبيعي حاولي تقطعين الصناعي

و طبيعي الأطفال يونون او يناهتون احيانا و هم نايمين اذا

هالشي مو مستمر مو مشكلة

اذا على طول نفسه جذي لأ لازم تودينه الطبيب

 

[د. رشــا الصفــي]

هلا والله بادكتوره

دكتوره ولدي عمره شهرين ونص نحيييف وااايد وديته للمستشفيات الخاصه قالولي صحته ممتازه زايد كيلو عن وزنه الطبيعي بس انا ابيه يسمن شلون انا ارضعه طبيعي بس مو وايد اعطيه سميلاك ادفانس شرايج فيه قالولي ثقيل على الياهل لان صدره له خربشه دكتور قالي حساسيه بصدر تعتقدين من الحليب والا شنو بضبط هذا اول طفل لي ماعندي خبره ساااعديني
ام ناصر الرويلي​

اذا وزنه طبيعي لا تحاولين تسمنينه

خصوصا انه عمره شهرين تو الناس على سالفة المتن هذي طبيعة جسمه

الحليب الطبيعي احسن له من الصناعي طبعا

و السيميلاك اذا مرتاح عليه و مو مسببله غازات او امساك لا تغيرينه

صدره مو بالضرورة يكون من الحليب ممكن حساسية عادية

اذا هالشي متكرر و معاه اعراض ثانية مثل هبوط الوزن اقل من الطبيعي او انتفاخات و استفراغ و طفح جلدي او اسهال او امساك مع حساسية الصدر نفكر بجساسية الحليب ذاك الوقت

 

[ضحى ام قاسم]

سلام عليكم دكتورة انا ولدي عمرة سنة ونص واااايد نحيف خايفة عليه وايد ما يرضى ياكل عطيته كل المشهيات ولا فيه فايدة وزنه 6.800 بس الكل ايقولي اكيد فيه شي
كذا مرة اوديه للطبيب ويسوي له فحوصات كل تمام وما فيه اي نقص من الكالسيوم والفيتامينات لكن وايد نحيف شسوي كل الاكلات اسوي له وانوّع له في الاكل ومرة احطله ملح ومرة لا لكن كلش ما فيه فايدة وانا اعطيه حليب صناعي
يوم اولده كان وزنه 2.600 الله يخليج دكتورة قولي لي وش اسوي انا مغتربة ولوحدي ولا اعرف شسوي له وهذا اول واحد لي

 

[بسمة خجلِِ]

مرحبا دكتورة بنتي توها داخلة 6شهور وزنها 5 ونص اللي يشوفها يقول عمرها شهرين حليبها سيميلاك اقدر اعطيها فيتامينات او فاتح الشهية لانها الحمدالله تاكل طبيعي بس ابي وزنها يزيد

 

[shahad]

السلام عليكم دكتورة
انا بنتي عمرها 5 اشهر ونص تشرب حليب صناعي ابتاميل في بداية الاسبوع غيرت الحلمات مالت الرضعات استخدمت اكثر تدفق للحليب و في نفس الوقت بديت اعطيها حزت الظهر شوي اكل مثل رز الاطفال مع الحليب .
بس واجهتني مشكلة كبيرة وهي لما يأتي وقت الرضعة وارضعها تبدي تعصب وترفض الحليب وتصيح تقربا اقعد معاها ساعة حتى اقدر اخلص حليبها وايد تعبت دكتورة .
قمت وقفت الاكل حزت الظهر ورديت على الحلمات القديمة الاقل تدفق بس ما فاد ليلحين تبكي وتعصب حزت الرضعة شنو اسوي دكتورة احسها بدت تكرة الحليب ماني عارفة شنو اسوي .