الدكتورة عاليه الفضلي

[قمورة الكويت]

صبااااح الخير

شلونكم خواتي ....

انا كنت قاعده اطالع احدى القنوات وكان في برنامج مع الدكتورة عاليه الفضلي شراااايكم فيها بكل صراحه ؟؟
انا تعبت من كثر ما اغير الدكتورة مالتي ومالقيت دكتورة تبرد الجبد والله وشااااطره ونفسيتها حلوه وابي اللي سمع عنها يعطيني الخبر الحلو عنها او اللي يراجعون عندهاا تفيدوني تكفون ؟؟؟

ناااااطره ردودكم

 

[مكشكش مدندش]

ورب الكعبه شفنا بضاعتج كافي مثبته بقسم المكياج والله لاعت جبودنا ياام فيصل

 

[مكشكش مدندش]

رفع ماعندي خبر ان شاء الله البنات يفيدونج

 

[شوقي وغلاي]

زينة ونفسيتها حلوة بس ماااااااااادية حيل اكثر الاطباء الحين صاروا تجاريين ....

 

[قمورة الكويت]

زينة ونفسيتها حلوة بس ماااااااااادية حيل اكثر الاطباء الحين صاروا تجاريين ....

انتي مراجعه عندها ابي اعرف شلون تجاوبها مع الحامل يعني تعطيها معلومات وتعطي من قلبها او لا
واذا على الفلوس والله اهم شي الراااااحه وتلقين شخص يطمنج ويعطيج اللي تبين كل الدكاتره الحين صارو ماديين بس في ناس تستاهل وفي ناس حرام عليها الفلس والله لانهم ما يأدون عملهم صح وعلى اكمل وجه

 

[قمورة الكويت]

مشكووورين حبايبي كل اللي ردو علي

 

[قمورة الكويت]

عفيه بنااات فيدوني ولو ...

تكفون انا شاااده الظهر فيكم ..؟؟
مالي غير الله ثم انتم ...
ناطره ردودكم حبايبي

 

[غاليه_85]

السلام عليكم

والله اختي انا اراجع عندها وولدت عندها مرتين، وولادتي الثانيه كانت بمستشفاها اليديد اللي بالمهبوله
الصراحه تجربتي معاها وايد زينه, انسانه شاطره وذكر الله مايطيح من لسانها ومعلوماتها حلوه ووافيه
وبالنسبه لاسعارها صج شوي غاليه, بس كل الاستشاريات الكويتيات اسعارهم اغلى من اسعار الدكاتره الاجانب
الله يوفقج للي فيه خير وصالح وصدقيني اذا رحتيلها بترتاحين لها وايد

 

[ابدا يالغالي مانساك]

اسمع انها زينه
بصرحه ماراجع عندهاااااا
لاكن ان كنتي بتستفدين اكثر
فيه لها تجمع للبنات اللي يراجعون عندها
في قسم تاخر الانجاب

 

[ابدا يالغالي مانساك]

اسمع ان وش كثر راجعوا عندها
حملوااااااا
لاكن ان كنتي بتستفيدي اكثر
شوفي هنااااااااك تجمع للبنات اللي يراجعوووون عندها
بتااخر الانجااااااب
وربي يرزق الجميع

 

[كادى الحب]

حلو تعاملها

 

[شوقي وغلاي]

انتي مراجعه عندها ابي اعرف شلون تجاوبها مع الحامل يعني تعطيها معلومات وتعطي من قلبها او لا
واذا على الفلوس والله اهم شي الراااااحه وتلقين شخص يطمنج ويعطيج اللي تبين كل الدكاتره الحين صارو ماديين بس في ناس تستاهل وفي ناس حرام عليها الفلس والله لانهم ما يأدون عملهم صح وعلى اكمل وجه

راجعت عندها بس ما كنت حامل كان معاي التهابات وقطيت 90 دينار بمراجعة وحدة وعطتني شكثر حبوب مالها داعي وهي توها ما عرفت نوع البكتريا وعطتني موعد بعد ثلاث ايام وعطتني مضادات ... ما حبيتها تجي العيادة متاخر ودخل اكثر من وحدة اكثر من غرفة وتقعد مع كل وحدة دقايق يعني بسرعة بسرعة ...في ناس شكثر يمدحون خياطها وبس هذا اللي اعرفه عنها .انتي روحي لها مراجعة وشوفي اذا ارتحتي كملي واذا ما ارتحتي الاطباء ترس الديرة ....موفقة