الدكتوره منتهى السالم بالعرف

[الحسن كله]

السلااام عليكم

شلونكم بنات .. أسفه على الازعاج بس حبيت اسال منو سوت حقن مجهري عند الدكتوره منتى السالم ونجح معها الحقن..؟؟ وهل نجح من اول محاوله ..؟؟ وهل العمليه متعبه ..؟؟
لاني ناويه اسويها عند الدكتوره منتهى السالم بالعرف وحدي متردده لانها قالتلي احتمال مايصير تلقيح وتروح علي الفلوس وهمن خايفه على تأثيرها على مبايضي لان عندي 3 بنات وعمري 37 سنه وودي يجيلي اخو لبناتي .. لاني جربت معاها ومع دكاتره ثانين البوكس الازرق 5 سنوات مع كل الاسباب وماتم الحمل..قالت مالج الا الحقن المجهري !!
وهل تعرفون احد سوا حقن مجهري مع ارجاع البويضات الملقحه بالذكر وفعلا تحدد نوع الجنين؟؟
للعلم انا ماعندي اي مشاكل بس تحديد لجنس الجنين

تكفون بنات حدي محتاااره وتعبانه نفسيا اللي تعرف ترد على استفساري واللي ماتعرف ترفع الموضوع الله يرفع قدرها يارب :yaaaaaarb: واسفه طووولت عليكم :eh_s(7):​

 

[Om_RaYomaH]

انا جربت ولادة بس
اما حقن مجهري لا والله ماجربته

اختي استخيري وتوكلي على الله

اذا فيها خيرة لج كل شي بيتسهل لج

وان شاءالله يارب يرزقج بالولد الصالح المتعافي يااا رب بلا حول ولا قوة منج ولا غيرج

 

[الحسن كله]

جزاج الله الف خير اختي ام ريومه ماقصرتي على الرد .. يسلموو

 

[الحسن كله]

شدعوه بنات محد يعرف يرد علي ..او حتى يرفع الموضوع ؟
تكفون اللي تعرف تجاوبني حتى لو بالخاص .. وشكرا

 

[كتالونيه]

رررفع

 

[الضــبي]

ماعندي فكره

الله يرزقج يااارب بالولد الصالح
ويخليلج ابنياتج يارب

 

[saronapoop]

انا جربت عندها تنظيفات باول حمل لي بعدها ماحملت ادعولي وربي يرزقج الولد الصالح يارب

 

[الحسن كله]

شكرا بنات على ردودكم والله يجزاكم الف خير​

 

[كتالونيه]

ررررفع

 

[الحسن كله]

رفع

 

[tbola]

الله يرزقج بالذريه الصالحه

 

[فرحتي بقربه]

هلا حبيبتي انا عالجت عندها بعد ماتأخرت عن الحمل سنتين ونص تقريبا
سويت تلقيح صناعي والحمدلله نجح من اول مره بس بعد التلقيح رحت العمره من بعد ماقالت لي عادي بس طوفي واسعي بكرسي عاد انا رفضت قلت بتعب واخذ اجر وربي اذا اراد بيرزقني وبالسعي مااقول الا ربي لاتذرني فردا وانت خير الوارثين ولا اله الا انت سبحانك اني كنت من الظالمين
والحمدلله جيت وحللت طلعت حامل

والله يتمم لج ع خير ويسهل لج العلاج والحمل

 

[الحسن كله]

فرحتي بقربه مشكوره ياقلبي على الرد .. ادري بتعبج معاي بس عادي تشرحيلي الطريقه عندها وهل صحيح انها تعطيج ابر مقويه طول الشهر اللي قبل التلقيح ؟؟ وهل العمليه متعبه اذا ماعليج امر ممكن تشرحيلي الطريقه لو حابه بالخاص او هني عادي بس تكفين ريحيني لان حدي متخوفه .. والف شكر لج ماقصرتي​

 

[الحسن كله]

رفع ..
بليز بنات اللي مسويه عندها حقن مجهري ترد علي وتطمني​

 

[الريمـ اللعوبـ]

اب
اب
ممكن سؤال حبيبتي
انتي سويتي البوكس الازرق وماضبط؟؟؟؟والا من الاساس ماصار الحمل؟؟؟

 

[الحسن كله]

هلا اختي الريم اللعوب .. لا والله ماصار حمل من الاساس .. مع اني عالجت عند اكثر من دكتوره اول شي معصومه ثم اميره بهباني ثم منتهى السالم خمس سنوات ولا صار حمل مع ان خواتي نفع معاهم من اول شهر من مجرد شرحي لهم شنو يسوون بالضبط وماشالله ثلاثتهم سوو طريقتي وجابو اولاد وهم بنت عمي بس مادري يمكن لان حملي عزيز .. انا شرحت لاختي تعب قلبي طريقتي بالضبط في موضوعها .. وهذا الاقتباس اذا حابه تشوفين الطريقه .. بس مانفعت معاي ..اصلا انا بين بناتي اظل سنين ما احمل بدون سبب​

 

[الحسن كله]

اختي ارسلتلج على الخاص بس قلت احطه عام عشان الكل يستفيد فسويت كوبي بعد طلب اختي كوكو لاتي .. بصراحه طريقتي نفعت مع خواتي ومانفعت معاي والله اعلم ليش مايصير حمل معاي يمكن لان حملي عزيز ..

اول شي لازم تسوين حميه غذائيه قبل نيتج للحمل بخمس اسابيع على الاقل وتكون الحميه عشان تزيدين الصوديوم بدمج وتقللين الكالسيوم والحميه هي انج تكثرين من أكل ( الملح - الحمضيات بأنواعها اهمها البرتقال - البقوليات خاصه العدس - صدر الدجاج بدون جلد - الفاصوليا - العيش - التمر - كورن فلكس بدون حليب - لحم الخروف - الربيان - السمك - الشاي - القهوه - البيبسي - الذره - الكيوي - الموز - الشمام - العنب - المشمش - الطماط ومعجونه - النفيش )
وتمتنعين من أكل ( الحليب ومنتجاته - وربات -زنود الست- الكنافه <اي شي فيه حليب مثل البسكوت والككاو والكيك - الخبز الاسمر - الباميه- الخيار - البيض - الجزر -المكسرات - الخضروات الورقيه الطازجه والناشفه خس - جرجير - ملفوف - نعناع)
واحسن لو تسوين فحص دم تتأكدين ان فيج نقص ولو خفيف بالكالسيوم لان لو سويتي طريقة الولد والكالسيوم عندج مرتفع يكون اغلب الضن انج راح تحملين ببنت حتى لو غسلتي بغسول ..
بعد ماتجيج الدوره اذا حابه تروحين لدكتوره ثاني يوم دوره عشان تتأكد انج سليمه ومافيج تكيس ولا مشاكل او حابه تاخذين كلوميد يكون ثاني يوم بالدوره انسب شي تروحين للدكتوره .. وتبدين من اول يوم دوره حبوب الجين سلكت وهي اللي تكون بالبوكس الازرق

تحصلينها بالعرف بأربعين دينار الحبوب بروحها تباع بدون البوكس .. تاكلين باليوم 3 حبات يعني كل 8 ساعات حبه .. الحبوب تكفي الى يوم التبويض وهالحبوب ترفع الصوديوم بجسمج ..

ولااازم يكون عزل بعد ماتغتسلين من الدوره يعني مايكون فيه جماع كلش الا يوم التبويض ..
يوم التبويض يكون حسب دورتج ..اذا حابه تسوين بجهاز فحص التبويض واهو مثل فحص الحمل يجي بعلبه العلبه فيها خمس حباة إذا طلع لج خطين الجماع يكون بعد مايطلعلج الخطين ب24 ساعه .. وتلاقين داخل علبة فحص التبويض ورقه فيها جدول يبينلج متى تفحصين بالجهاز حسب طول دورتج (تحسبين طول دورتج مع ايام الدوره ) وتشوفين بالجدول افضل يوم لقياس التبويض

أما اذا حابه تحددين يوم التبويض بالضبط تروحين للدكتوره من اليوم 12 للدوره وهي تشوف متى يكون حجم البويضه فوق 18 تغزج ابره تفجيريه واذا كانت أقل تعطيج موعد عقبها بيوم لمن يصير حجمها فوق 18 عشان تعطيج الابره .. والجماع يكون عقب الابره التفجيريه ب32 ساعه وطريقت الجماع هو انج تغسلين بالغسول القلوي قبل الجماع بنص ساعه ..
والغسول مثل ماتحبين ممكن تستخدمين غسول الجين سليكت اللي مخصصينه لهالشغله وسعره اربعين دينار بالعرف وصورته بالبوكس الازرق فوق .. او انج تستخدمين غسول فاجيل وسعره رخيص جدا اتوقع دينار ونص وفيه عشر حباة او غسول فيمينا العلبه فيها حبتين هو غسول جاهز بس حطيه بصحن فيه ماي دافي عشان يدفا مو زين تستخدمين الغسول بارد داخل رحمج..

انا ارجح فاجيل إذا استخدمتي غسول فاجيل هو عباره عن جيس تفرغينه بلتر ماي مغلي خليه لمن يدفا وصبي الجيس وذوبيه بالماي وحطيه داخل الدش المهبلي واستخدميه وهو دافي احسن لرحمج وهذي صورة الدش المهبلي تحصلينه بالصيدليه ..

وعشان يكون الرحم اكثر قلويه استخدميه بعد الدوره يوم وترك ويوم التبويض قبل الجماع بنص ساعه <<هذا بالنسبه لفاجيل او فيمينا الازرق اما الجين سليكت غالي حطيه قبل الجماع بنص ساعه بس ..

ومن اول يوم دوره تبدين تشربين شراب قلوي اسمه يو راليت وهذي صورته

حطي نص قفشه بعصير كوكتيل a b c عشان يوخر طعمه لان طعمه لايطاااق .. وشربيه تقريبا يوميا او يوم وترك ولكن قبل الجماع بساعه حطي قفشه كامله داخل العصير وشربيه والقفشه تكون داخل العلبه معاه ويجي بالعلبه شرايط لفحص القلويه عن طريق البول عزج الله اذا طلع لج لون ازرق كحلي غامج معناتها جسمج قلوي اذا طلعلج أصفر شربي عصير مره ثانيه بس حطي نص القفشه ..

بالنسبه للزوج افضل انه يتسبح بماي فاتر ويغسل المنطقه مالته بماي بارد شوي لان الماي البارد ينشط الحيوانات المنويه الذكريه .. وياكل ككاو ويشرب قهوه عبال ما انتي تحطين الغسول .. وفي شغله هو انه يسوي تنزيل خارجي باليوم العاشر لج من الدوره ثم يحاول انه ماينزل إلا يوم التبويض (بالجماع) عشان تكون الحيونات المنويه كثيره وجديده .. وأفضل ان الزوج يكون ماكل حبوب الزنك وفيتامين e بالشهر اللي تكونين ناويه تحملين فيه لانه يقوي الحيونات المنويه وبذلك تزيد فرصة الحمل..

طريقة الجماع تكون بطريقة السجود والقذف يكون بأبعد مكان ممكن يوصله ..في بنات طريقة السجود تتسببلهم هوا بالرحم والهوا يقتل الحيونات المنويه اذا كنتي تعانين من هواء بالمهبل من طريقة السجود يكون الجماع بالطريقه العاديه مع رفع الارجل فوق يعني تكون على جتوفه عشان القذف يكون بأبعد نقطه <آسفه على الجرأه بس حبيت اوضحلج .. ولازم تنامين اقل شي ساعتين على ظهرج بعد الجماع
الجماع ينعاد بعد 12 ساعه بنفس الطريقه واذا حابه تعيدينه بعد 12 ساعه ثالثه عادي

اتمنى يكون شرحي وافي واي استفسار انا حاظره :eh_s(17):

ولاتنسين اهم شي الاستغفار الف مره باليوم او اكثر مع الدعاء ..
الطريقه السابقه من تجميعي من الدكاتره اللي جربت عندهم الطريقه ومن النت ونفعت مع خواتي ومع بنت عمي من اول شهر او شهرين ولكن مانفعت معاي .. سبحان الله انا ما احمل بسرعه جربت الطريقه حتى بدون غسول ولاني شكيت فيه بس هم مانفعت معاي :eh_s(16): والدكتوره قالت مالج لا حقن مجهري لتحديد جنس الجنين وحدي متخوفه منها ..

والله يكتبلج الولد الصالح اللي يسعد قلبج خذيت وقت وانا اجمع افكار وكتبتلج مثل ماقلت لخواتي بالضبط :eh_s(22): لا تنسين تدعيلي بالولد الصالح :eh_s(8):​

هذا طريقتي :eh_s(7):​

 

[فرحتي بقربه]

هلا حبيبتي الحسن كله سوري كنت مشغوله

من تجيج الدوره تراجعين عندها وتعطيج حبوب وابر لين حجم البويضه يكبر تقريبا 22 حسب مااذكر
وكله بحسابه
وجلسة التلقيح تقريبا ب270 وماتسوي الصياح والنياح اللي سويته نفس السونار الداخلي بس تحط الحديده اللي تفتح وتصب السائل داخل وبس
ونامي ع ظهرج عندهم نص ساعه تقريبا بس انا قعدت اكثر تقريبا ساعه وشي وطلبت منهم كرسي مامشيت
وشنو بعد امممممم والحمدلله تساهيل من الله داومي علي قراية القرآن وحطي ايدج اليمين دايما ع رحمج وقولي( اللهم اكفنيهم بما شئت) و ( وسيكفيكهم الله وهو السميع العليم) و( بسم الله الذي لايضر مع اسمه شي..الخ) و اية الكرسي والمعوذات دايما وهالله هالله بالصدقه والاستغفار والله يرزقج ياقلبي
وسوري اذا مارديت عليج بعدين لاني باجر بدش المستشفى

 

[الحسن كله]

هلا حبيبتي الحسن كله سوري كنت مشغوله

من تجيج الدوره تراجعين عندها وتعطيج حبوب وابر لين حجم البويضه يكبر تقريبا 22 حسب مااذكر
وكله بحسابه
وجلسة التلقيح تقريبا ب270 وماتسوي الصياح والنياح اللي سويته نفس السونار الداخلي بس تحط الحديده اللي تفتح وتصب السائل داخل وبس
ونامي ع ظهرج عندهم نص ساعه تقريبا بس انا قعدت اكثر تقريبا ساعه وشي وطلبت منهم كرسي مامشيت
وشنو بعد امممممم والحمدلله تساهيل من الله داومي علي قراية القرآن وحطي ايدج اليمين دايما ع رحمج وقولي( اللهم اكفنيهم بما شئت) و ( وسيكفيكهم الله وهو السميع العليم) و( بسم الله الذي لايضر مع اسمه شي..الخ) و اية الكرسي والمعوذات دايما وهالله هالله بالصدقه والاستغفار والله يرزقج ياقلبي
وسوري اذا مارديت عليج بعدين لاني باجر بدش المستشفى

ياحياتي الله يارب يكون بعونج ويحققلج كل اللي تبين
الشرح اللي كتبتيه لي توني انتبه انه تلقيح صناعي !! انا قالتلي الدكتوره حقن مجهري يعني سحب بويضات وجذي ... وقيمته مع العلاجات تقريبا ألفين
طيب التلقيح الصناعي اللي سويتيه بدون تحديد جنس جنين صح ؟؟ يعني ما قالتلج تبين بنت ولا ولد مجرد تلقيح بالسائل كامل ولا بس بالسائل اللي يحمل حيونات منويه ؟؟
والف شكرا ياقلبي ياريت تردين على استفساري
ومشكوووووووووره
وماتشوفين شر ياقلبي .. عندج تلقيح بالمستشفى ولا شنو؟؟​

 

[الحسن كله]

رفع