انا اراجع عندها واهي فعلا ما تطول بالسونار
(انا وحده مااحب اجابل الدكاتره وايد , احب اعرف زبدة الحجي وامشي دام ان انا واللي في بطني سليمين الحمدلله ليش الطواله )
وبعدين بحكم عملها كدكتورة وعندها ضغط مراجعين ماشاالله شي طبيعي تبي تخلص شغلها
واهي اذا زحمه عندها ما تقدر على الضغط اوفر ترفض استقبال مراجعين
انتي اذا من النوع اللي تحبين تطولين مع الدكاترة وتبين سوالف لاتراجعين عندها دوري غيرها
و للامانه اهي دكتوره تسمعج (اذا سألتيها ما تقصر وياج )وبالها وسيع وذكر الله دايما على لسانها وبسمتها تفتح النفس ماشاالله ونفسيتها حلوه
وبالعكس ما شفت انها مادية .... مره قلت لها بسوي سونار 4 دي قالت لي انتي طفتي الاسبوع ال30 وانا اقولج اذا ودج تسوينه سويه بس ترا ما راح يبين شي لانه كبر وضاق عليه المكان>>>> ليش تقطين فلوس ع الفاضي
ويا كثر روحاتها للعمره وسفراتها لو همها الفلوس وبس جان ما تسوي جذي
انا نفسيا ارتحتلها....
وبعد ما قريت تجربة الاخت مناي .. وعلى كثر ما سمعت عنها اول مره اسمع عنها كلام مذموم !
ترددت وايد بعد ما قريت تجربتها
وما لقيت الا اني استخير واتوكل على الله .. وسبحان الله قاموا يطلعون لي اوادم يمدحونها لي زياده
ما سمعت ذم الا مره والباجي كللله خييييير عنها وكافي ان عندها خبرة سنييين بمجالها
وقررت اكمل وياها وان كان فيها شي مو زين لي عسى الله يبعدها عن طريجي بأي طريقه وقت الولاده
اختي دام انج توج بتدشين الثامن استخيري وخلي كل شي على الله
بالنهايه القرار قرارج واختيارج وشوفي انتي حق شنو ترتاحين وشنو وضعج وما عليج من كلامنا
انا سألت عن وايد دكاترة وما لقيت احد مو مذموم الدكاترة مو ملائكة ولا معصومين عن الغلط .. ماكو دكتور ما صارله غلط.. وساعات تصير ظروف غير متوقعه بعد شنسوي هذي كتبة رب العالمين
واهم شي الصحة والعافية
