الدكتور خالد الصبيح ( ردي على الانسة لين)

[ريسان]

مرحبا انسة لين حبيبتي انا ماقدر ارد على الخاص الظاهر مشاركاتي مو كافيه اذا عندج

اي استفسار ما عندي مانع ارد عليح و انشا الله افيدج

 

[رمشْ الحَيآ]

يا حياااااتي والله ماتقصرين فديتج انا بس حبيت استفيد من تجربتج مثل تنقلين لي صورة كاملة و مفصلة عن عمليتج والنتايج ولا سمح الله اذا في مضاعفات و مشكووووووورة

 

[ريسان]

انشا الله و لا يهمج شوفي حبيبتي اول شي انا اتوقع حالتي شوي غير لان انا هذي ثاني عملية لي لان العملية الاولى كانت عند نيشو الله يسامحة عافسلي خشمي و لما رحت حق الدكتور خالد كان قايللي ان خشمي ما في شي و العيوب الي فيه جدا بسيطة بس انا كنت مصرة ان يسويلي فاهو ما غير من شكله بس عدل الاغلاط الي فيه و صار مرتب و حتى الفتحات قالي اصكرلج ياهم بس شوي فشكلهم وايد طبيعي اصلا محد ملاحظ بس انا فاضحة عمري امشي و اقول انا سويت عملية لووووووول و خياطة نظيف و ما يبين بس انا توني صارلي شهر فليلحين في ورم بسيط و مكان الخياط احمر يبيله فترة بس انا شايفة بنات مسوين عنده من اول مرة و الله كل وحدة خشمها احلى من الثانية بس ماكو مضاعفات الحمد الله بس عندي مشكلة من العملية الاولى فلما اروحله بساله عنها و لا تحاتين اهو ما يسوي خشم مايكل جاكسون لان مايحب جذي بس سمعت من البنات ان اذا انتي كنتي تبينه يبين تجميل يسويلج يعني حسب الطلب لوووووووووول و الشي الحلو بعد ان عقب العملية مو عبالج ما راح تشوفين الدكتور بالعكس في مراجعات لان اهو جنه شهرين او اكثر كل يوم لازم اتحطين لزقة و تسوين مساج حق خشمج و اذا كان في ورم يشيله بالابرة عشان شكل خشمج يصير طبيعي .
و انا عقب العملية ما ورم ويهي و لا صار ازرق حت عيني كلش بس مادري شنو السبب يمكن لانها ثاني مرة و بس كنت احس ان الجبس ضاغط على خشمي و الخيوط كانو وايد ياذوني و صج تعبت وايد اول اسبوع بس يوم شال الخيوط ارتحت وايد بس اهو شاف ان خشمي وارم فحطلي الجبس مرة ثانية يعني ظليت اسبوعين
و اذا عندج اي سؤال سئليني

 

[رمشْ الحَيآ]

حبيبتي والله مااقصرتي تسلم اناااااملج على نقل تجربتج انا البنات خوفوني يقولون يسوي الخشم عوي و يعفسلج النفس قلت اتاكد اكثر لاني مو حاطه عيني على غيره زيين حبيبتي شنو شعورج مع الخشم اليديد والفتحات اصغر تتنفسين مثل قبل ولا شي غريب هههههههههه و جم سعر العملية ؛*****

 

[ريسان]

الله يسلمج حياتي لا بس شوفي الدكتور انسان فعادي يغلط ماكو دكتور كل عملياته ضابطة بس انتي شوفي شنو النسبة الاكثر يمدحونه و الا يذمونه انا لما كنت اسوي سيرش عنه كله مادحينه و هو معروف و عادي اذا صارت مشكلة بالتنفس يسويلج عملية حق التنفس بس انشا الله ما تحتاجين اي انا التنفس عندي نفس اول و شعوري و الله مرتاحة من خشمي الحمد الله و انا ملاحظة ان قاعد يتغير و هو قال يبيله 6 شهور و تبين النتيجة النهائية سعر العملية 1800

 

[رمشْ الحَيآ]

حبيبتي والله انا خشمي فيه طول و عظمة خفيفة يصير اقوله بس يبردها ولا لازم كسر وانتي شنو كانت اغلاط عمليتج السابقه

 

[ريسان]

و الله مادري هذا لازم تسالين الدكتور بس انا اعرف وحدة قالت حق نيشو بس ابي تبردلي العظمة الحين ردت شوي لوووووول
فاخاف اترد اذا بس بردتيها اما بالنسبة حق اغلاط العملية ان انا كان فيني عظمة بس من الاطراف هم كبير خشمي فحظرة الدكتور شايللي من طرف و الطرف الثاني ناسي يشيله و الغلطة الثانية ان مكان الي في خياط يبين و طايح فاحس بالخياط يعني حيل مشدود و الثالثة الي معقدتني اهي ان خرب فتحاتي صارو غير عن بعض و السبب ان هذا الي بالنص بين الفتحات عوي عاد انشا الله فهمتي علي فالدكتور خالد شالي العظمة الي عالطرف و طبعا الطرف الثاني بعد عشان يتساوون و حط مكان الخياط غضروف و صغرلي الفتحات

 

[ام شريفه]

حبيبتي اشكثر صارلي من سويتي العمليه الأولى؟

 

[لؤزْ و سُكّرْ]

اسفه دشيت بينكم بس بسأل امانه صوتج ماتغير بعد العملية و ع طول خشمج منشول؟؟

 

[ريسان]

ام شريفة: صارلي 3 سنين و نص
لوز و سكر: لا ما انتشل بس صوتي امي تقولي ان تغير تقول ان قمت اتكلم من خشمي بس مادري

 

[همي ذبحني]

ريسان حمستيني اسوي عنده ؛ شكلي بستخير واتوكل على الله
مشكورة حبوبة

 

[ريسان]

اي و الله لا تترددين و صج ذكرتيني انا سويت عليه استخارة مرتين وايد طلعتلي زينة فاذا طلعتلج زينة سويها و الله يوفقج انشا الله

 

[uae_asma_uae]

اتوقع ما صار لج ازرقاق لانه ما اشتغل على العظم وشغله كان في الغضاريف وان شاء الله بتكون نتيتج احلى

 

[ريسان]

امبلة اهو اشتغل عالعظم بس من الاطراف و ترا انا لاحظت هالاسبوع خشمي شكلة تغير قاعدة اطالع صوري لما شلت الجبس و الحين وايد فرق
مشكورة حبيبتي