الدكتور ماجد تقي

[Ruby~]

مرحبا صبايا :eh_s(7):

انا متابعه وياكم فهالمنتدى الرائع من زمااان خلف الكواليس وتوني قررت اسجل لان ابي فزعتكم تكفون :eh_s(2):

ابي اعرف رايكم في الدكتور ماجد تقي في عملية الخشم بالذات؟

لاني شفت موضوع العضوه كراميل وماشالله خشمها روعه ونفس نوعية الخشم اللي تعجبني فالتجميل
ورحت سويت فولو حق الدكتور في انستاقرام وحاط بعض صور عمليات الخشم وبعد عجبتني

يعني هو اكثر دكتور دخل مزاجي من ناحية رسمة الخشم اللي يسويها ..

المشكله اني مب من الكويت انا من قطر .. وابي اجي مخصوص عشان بس اسوي العمليه وطبعا هالترتيب برتبه ويا العياده لما بتصل لهم

لكن ماشفت بنات كتبوا مواضيع عنه اهني حق عمليات الخشوم غير العضوه كراميل .. وابي اتطمن لو في بنات ثانين بعد مسوين:eh_s(2):

عالاقل في حد شاف شغله عالطبيعه؟


انا خشمي عريض وارنبتي دبه ودائره مب مناسبه ملامحي حتى لما اتمكيج كل شي اوكي الا هالخشم اللي كله اتخيل لو اقصه .. ولما اضحك ينفرش انفرااش كنه براشوت :eh_s(11):

واللي يعافيكم ردوا علي وساعدوني لان اذا بخطي هالخطوه بتكون اكبر مجازفه جازفتها في حياتي

 

[keka89]

اب اب انشالله البنات يفيدونج

ويصير خشمج مثل خشم هيفااا ومايا

حبيتبي كتبيلي اكونات الدكتور بانستقرام بضيفه

 

[Ruby~]

اب اب انشالله البنات يفيدونج

ويصير خشمج مثل خشم هيفااا ومايا

حبيتبي كتبيلي اكونات الدكتور بانستقرام بضيفه

شكرا كيكه جبرتي بخويطري:eh_s(7):

حبيبتي والله منحرجه منج لان قعدت ادوره دواره عندي بالفولوينق ماحصلته!
ليكون احذفه ولا غيّر اكاونته؟!

 

[keka89]

ماعدي حبيبتي مو مهم

بس ترى الدكاتره كلهك يحطون صور بالانستا شي

وبالصج العجب العجاب شي ثاني فالحذر واجب

كله شغل نص ونهب فلوس ودعايات

بالله الكشفيه 10 دقايق يأخذ 25 دينار ليش انشالله

احنا نكرف طول اليوم بالدوام 8 ساعات عشان نطلع 10 دنانير

 

[Ruby~]

عارفه بس انا تقدرين تقولين قلبي مايل لهالدكتور هههههه
البنات امدحوا تعامله وجذي وانا ودي اتاكد من شغله اذا في حد شاف خشوم ناس عالطبيعه هو مسوي لهم

بنات وينكم

 

[الطربوش]

شوفي اختي انا عن نفسي جربته في ابر البوتكس روعه مشالله حيل
لكن في نفس الوقت بنت خالي مسويه خشمها عنده والله حرام يوم سوتها عنده تشوفين مخ البنت من خشمها كثر مو رافع لها الارنبه وصاك الخشم صك على بعضه
والله اني قلت كل الي اعرف عنه وشفت بعيني
والله يوفقج انشالله

 

[Ruby~]

بل:eh_s(2):

مع ان شفت كذا صوره حاطها من شغله .. نوعية الخشم اللي يسويه يكون شوي سيده من نفس مستوى الفتحات

انزين هي متى سوت عنده من زمان ولا توها؟ وشكثر صار لها ؟ لان لو في رفعه يقولون البنات عقبها بكم شهر تنزل

 

[keka89]

الرفعه الي تكون نفس خشم نيكول سابا قبيحه صراحه

بس الرفعه الي نفس خشم هيفا وايد حلوه وناعمه

وهم خشم مايا دياب من الجنب رفعته ناعمه تعجبني

بس من جدام خشم مايا طبيعي فيه تدويره خفيفه

 

[Ruby~]

الرفعه الي تكون نفس خشم نيكول سابا قبيحه صراحه

بس الرفعه الي نفس خشم هيفا وايد حلوه وناعمه

وهم خشم مايا دياب من الجنب رفعته ناعمه تعجبني

بس من جدام خشم مايا طبيعي فيه تدويره خفيفه

الدكتور اللي سوا حق مايا اسمه جهاد خوري (على ما اذكر)
وسوى بعد حق وائل كفوري

رحت له يوم جانا زياره قطر .. كان طيب وشاطر من ناحية كلامه وشرحه .. بس انا ما احب نوعية الخشوم اللي يسوونها اللبنانيين

احس الخشم يكون ليّن ومب متشكّل ومب مرسوووم نفس الخشوم اللي يسوونها دكاترة ايران

بس مشكلة دكاترة ايران شوي يبالغون فرسمة الخشم وانا اخاف من هالشي:eh_s(2):

مع ان عاجبني خشم العضوه زقرتيه ماشالله خشمها صاير مرسوم رسم بدون مايكون فيه مبالغه

وعاجبني شكل خشم ماجد تقي لان نفس ماقلت يخليه مرسووم وواضح وبارز (على حسب الصور اللي شفتها)

على ماقلتي يا كيكه الرفعه حلوه لان مب حلو لما تكون الارنبه نازله نفس خشم الاقزام السبعه بس يكون الشي بدووون مبالغه هاي اللي ابيه

توني والله ماخذه selfie في سناب جات وماقدرت اطرشها حق حد من هالخشم

 

[keka89]

طرشيلي برايفت اشوف شكل خشمج عشان انصحج ههههههههه

واصلا حبيبتي السيلفي يكبر الخشم حيل انا لمن اسوي صوره سيلفي لازم اعدل ملامحي شوي بالفوتوشوب

عشان تصير مثل رسمتها بالطبيعه >>>> مع شويه تعديلات اكيد لوووول

 

[catt]

دكتور ممتاز ماعليه كلام واهو الدكتور الوحيد اللي يرفظ يسوي حق اي وحده ماراح تقتع بالنتيجه يعني اذا مايناسب ويه البنت يقولها اسف ما اسووي

اذا بتسوين عنده توكلي على الله وحجزي موعد وبالتووووفيق

 

[Ruby~]

ههههه كيكه انسي الصوره خل اعدل خشمي ويصير خير :[


catt

تسلمين انج رديتي علي والله فرحتيني .. بس هل بتحطين تجربتج وياه؟ وشرايج في خشمج الحين ..

اكيد انه متورم بس تحسينه عاجبج وصارت ملامحج احلى بالخشم الجديد ولا شلون؟

بليز كات فيديني

 

[catt]

ههههه كيكه انسي الصوره خل اعدل خشمي ويصير خير :[


catt

تسلمين انج رديتي علي والله فرحتيني .. بس هل بتحطين تجربتج وياه؟ وشرايج في خشمج الحين ..

اكيد انه متورم بس تحسينه عاجبج وصارت ملامحج احلى بالخشم الجديد ولا شلون؟

بليز كات فيديني

حبيبتي انا سويتها تاريخ خمسه اغسطس يعني توني فرش ههه والخشم والويه مورمين بس لو يرد فيني الوقت ما اسوي غير عند د ماجد لان شغله ثقه ودكتور ماشالله شاطر وعارف شنو يسوي ،،، انا ماقدر اقول تجربتي لان تو الناس علي بس شكلي اكيد غير عن قبل والحمدلله راظيه بس ناطره يتغير مافيني صبر هههههه

 

[barbie girl]

انا ودي أسوي خشمي عنده بس يقولون مواعيده بعيده

 

[Ruby~]

انزين واللي يعافيج يا catt اكتبي لنا تقرير عن عمليتج عقب مايخف الورم
خلج ويانا ولاتطنشينا
ماعرف ليش البنات عقب مايسوون عمليات يختفون .. مادري هم لهالدرجه يكونون مستانسين ومب محتاجين حد ولا تصيدهم كآبه !
باربي

عادي كل المواعيد تكون بعيده استغلي هالوقت انج تبحثين وتقرين اكثر عن عمليات الخشم لين مايجي دور خشمج :/
والله زين اذا بس هاي اللي تحاتينه هههههه