الدنيا سودت بعيوني

[كرزة لندن]

صباح الخير خواتي
راح احكي لكم ابي افضفض انا طالبه جامعيه مشكلتي مستقبلي
الحمدالله خلصت ثلاث سنوات وانا ادف عمري كاررهه الجامعه احس بالضيق لين دخلتها واذا كان في اختبارات اسبوع كامل مانوم الا بحبوب نايت وويووم جت سنه رابعه سنة تخرج ماعاد قدرت اكمل احسني كلما جيت بقرب للكتب ارجع ارميها واحاول ابعدنها عني بعيد وصياااااااح عذبت اهلى معي ماعاد اتحمل طاري الجامعه كرهت حتى صديقاتي وصرت مأرد على الجوال اذا دقوا
جد متعبه نفسيتي والحين قررت اجلس بالبيت من اللي شفته عذاااااب ...
ادعووووولي تفرج علي من رب العالمين ..

 

[عضوة ذهبية]

رد : الدنيا سودت بعيوني

يابعد قلبي والله عسى الله يكون في عونج حبيبتي ،،، انا اقول اذا تازم الامر وقفي قيدج ولا ان يتكرر غيابج وتنفصلين حرام هذي ثلاث سنين ومستقبلج بعدين عنوانج يضيق الخلق ،،، وسعي سدرج انشالله الدنيا تنفتحلج ابوابها وربي يمسح على قلبج انتي الفترة هذي الزمي الصلاة والقرآن وخاصة سورة البقرة واكثري من الرقية الشرعية وانشالله وبحيل الله يفرج عمج يارب واهم شي خلي ثقتج بربج كبيرة وعسى الله يكون في عونج

 

[الـــدفـــشـــة]

لا يوم جيتي عند آخر سنه تبين تقعدين بالبيت؟؟!؟!؟!
حرام عليج فكري بكل التعب الي تعبتيه قبل واضغطي على نفسج
قولي ذهب الكثير مابقى غير القليل

اخذي بريك شوي واسترخي روحي الشاليهات روحي المخيمات المهم وخري شوي
عن اجواء الدراسه وردي لها

 

[المرتاحة]

لا يا اختي تعوذي من ابليس و خاصة ما بقى لج شي حرام كلها سنه تحمليها وضغطي على نفسج و استعيني بالله صدقيني راح تهون .. انتي بس عليج بالاذكار و شيلي اي تفكير سلبي.. قولي انا قدها وقدود مدام وصلت الي سنه رابعه.. شدي حيلج وتهون

الله يوفقج يارب والله دعوه لج طالعه من قلبي

 

[كارينا بلس]

يارب يفرجها عليكي ويشرح صدرك

 

[*بسبوسه*]

اغلبنا يمر بهالحاله وانا الحين وحده منهم معني توني بسنه اولى بس كرهت الدراسه
لان احنا اي شي مو اختيارنا ما نحبه ولا نعطيه من وقتنا

انتي الحين وصلتي سنه رابعه ووقفتي بس ياريتج موقفه قيدج عالاقل بدل لا يفصلونج حرام

 

[أسيرة_أحزاني]

رد : الدنيا سودت بعيوني

ودي انصحج بس ادور من ينصحني انا اقول ماشالله العالم شلون كملت ووصلت بفهم شلون

 

[فديت منورة]

الله يعينج و يوفقج و ييسر لج امرج

 

[كلي ثقه و سنع]

رد : الدنيا سودت بعيوني

سلامات حبيبتي

شغلي رقيه ( ايام العين - الحسد - الدراسه )

و الاستغفار و التسبيح

و اضغطي علي عمرك ما بقي شي

 

[كويتية وكلها جاذبية]

الله يوفقج يارب ويبعد عنج الضيق صلي ولا تهدين صلاة الليل والقرأن وان شاء الله بترتاحين

وعليييج بالصدقه كل يوم قبل ما تطلعين حتى لو امية فلس واقري سورة ياسين وبشريناااا عنج يا قلبي

 

[قطووه حلووه]

رد : الدنيا سودت بعيوني

الله يفرجهاا علييج حبيبتي

 

[يآكثر آحبك.~]

رد : الدنيا سودت بعيوني

ياعيني والله... هذي نفس جايتك على درآستك بالجامعه

ماعليه مابقى على السنه شي وتخلص .. روحي لمطوع خل يقري عليك



والله يفرجها عليك يارب ... ومال الانسان الا نفسه ادعي لنفسك

وتفأئلي خير ولاتقولين مثل هالكلام

 

[هاديهـ&مطيعهـ]

رد : الدنيا سودت بعيوني

حطي سورة البقرة بأذونج بالآيبود والا الهتفون ونامي جايز عين قوية كرهتج بالدراسة والعين حق

 

[danawi]

وقفي قيدج وإقري سورة البقره كل يوم لاتقطعينها وتعوذي من الشيطان وكثري من الإستغفار
والله يعينج إنشالله

 

[English.Teacher]

رد : الدنيا سودت بعيوني

حبيبتي حالتك جداا طبيعية وتمر فيها اغلب البنات

عند اخر سنة خلاص تفضي بطارياتهم وتجيهم ضيقة مو طبيعية

انتي استهدي بالله وان شاء الله تزول عنك هالضيقة

حرام تضيعيين تعب هالسنين على اخر خطوة

انتي الحين عندك ان الانسحاب الحل النهائي

بس بعد سنة او على الترم الثاني راح تنمين قد شعر راسك انك قعدتي في البيت

اذا يصير عندكم توقفين قيدك ترم او هالسنة عادي مافيها شي

بس مو تفصلين من الجامعة وتضيعين تعب هالسنين كلها

 

[Miss McDonald]

رد : الدنيا سودت بعيوني

,


الله يفرج همج وييسرلج أمرج

 

[Tom ♥ Jerry]

.


ليش يا قلبي
مآ باقي شي و تفتكين .:/ ! هاذا مستقبلج حطي بآلج
و آدعي ربج يوفقج و تمر هالسنه على خير
الكورس الآول تقريبا خلص مآ بقى شي
حرآم و الله : )

 

[brettey]

رد : الدنيا سودت بعيوني

حبيبتي لا تخربين على روحج حرام لا تستسلمين لوساوس ابليس
اقري الرقيه الشرعيه وسوره البقره وكثري استغفار
الله يوفقج يارب

 

[معزوفة عشق&]

رد : الدنيا سودت بعيوني

اثناء ما تذ1كري افتحي قران والله انا جربتها كنت مثلك والحمد لله عدت ع خير يارب لك الحمد

واقري اذكار الصباح والمساء لا تنسينها

وعسى ربي يشرح درك ويوفقك ويسعد قلبك

 

[بطوطة @]

حبيبتي دزي نفسج ودامي وشدي حيلج وصلي واقري قران وعيشي حياتج لا تضايقين ولا تعذبين عمرج ولا تقعدين بالبيت كلها سنه وبعدين بتوظفين وبستقرين وتعيشين حياتج وسلامتج