الدوام زاد وزني .... ابي اسوي ريجيم منو تشاركني ونتحدى وبجدية(شهر من تاريخه)

[FuLL.MooN]

لالالالالالالا انا قايسة قبل مو 3 بس ما ترين يمكن الله ينزلني لي يوم السبت بس من امس الظهر لي السبت مراح اقييس ...

وااااااي والله احس جنه امتحات وابي انجح فييه كخطوة أولى

 

[om moOody]

الله يسهل عليج انشالله وتوصلين حق اللي تبينه واول خطوه تتحقق يوم السبت انشالله
لا تقسينه ليه يوم السبت احسن

 

[FuLL.MooN]

انشاء الله والله انتو اللي ما قصرتو لو مو الله ثم تشجعيكم جان انا لما الحين اقول باجر ابتدي ريجيم ولا راح ابتدي عمري كله

 

[غلا قلبها]

هالمرة ماكو ووووووووووورررررررررررررر:ada:


حده مالي خلق


شلونكم بنات وشخباركم

بصراحة انا امس ما اكلت شي بس على المغرب 4 تمرات و3عصير اناناس (( احبه ))

واليوم ما تريقت ما مداني ورفيجتي راحت برى تخلص شغلة وجابت معاها باسكن روبنز لي ولها وللبنات كل وحدة كرة وعاد اكلت لان نفسي هفت عليه وكنت حاسة بدووووخة قوية وماراح اتغدى واحتمال اتريق لبن او حليب بس وراح اشرب عصاير والله يعين اليوم زوارتنا لخوالي خو المدارس عطلوا وكلهم راح يجيون يارب حريم خوالي مو هناك _03BA:
الواحد ياخذ راحته والله الكل يقول وجهي ضعفان وحدى متشوقة اوزن



:0bee2e8d89: الله يعينا على شهايد ثاني عشر :0bee2e8d89:

فول مون حلو دعائج الله يجزاج خير ويجزي كل مسلم

 

[aya faid]

هلا بالحلوين الرشيقات ام مودي فل مون روز

هدولا حبيبة قلبي



شخباركم يا موديلز الاعلانات>>>>>برفع معنوايتكم


هاااا شصار عالريجيم


الله يوفقنا واياكم



بسافر يوم الثلاث والله رح اشتاق لكم


امنيتي اكسر السبعين قبل لا اسافر




ادعووولي

 

[غلا قلبها]

امين اجمعين


ولكل المسلمين

تروحين وتردين بالسلامة يالغلا

 

[FuLL.MooN]

انشاء الله ليش لأ وتكسرين ال70 وزوود
كيفج قعدي ابقندق في نت مالنا شغل .... نبي انكون مع بعض حتى لو مسافرين لووووووول شرايج ....
عسى الله يسهلج سفرتج وتستانسين

 

[FuLL.MooN]

ما ابي انضلج توووف تووووووووف ماشاء الله وزني 71 انا ابي 76 راضية الحمد الله على الصحة والنعمة

 

[FuLL.MooN]

أنا يا طويلات العمر تغديت ازبيدي ببصل بس
لا شربت بيبسي ولا شي شرب مع السمج لبن غنم طبيعي الله يالدنيا الحمد الله
عاد انشاءالله ما اكل شي لي العشى لني مشتهية باسكن روبنز بخليه عشاي وجذي ما عديت 1000 كالوري ولا حتى يمكن 800 كالوري

 

[FuLL.MooN]

رحت انا وكيت اهدومي بروحي علشان أحرق سعرات حرارية والحين بطلع عندي جم شغلة بسويها وبروح انتخب بالمجلس البلدي الله يوفق الصالح انشاء الله
عسى مستانسين مني ؟؟
اللهم استرنا فوق الأرض وتحت الرض ويم العرض
الله اغفر لنا ولموتانا ولجميع المسلمين والمسلمات الأحياء منهم والأموات

 

[FuLL.MooN]

يا حي وينكم بدال لا انتو اتشجعوني انا اشجعكم يالله الله كريم اللي ما خذ عقولكم يتهانابوو

 

[om moOody]

اشطر وحده انتي فل موون ماشالله هليج
انا كنت تفسج اول اسبوع بس الحين قاعد احس باحباط صراحه تجمعنا مو قوي نفس التجمعات الثانيه البنات يغطووون بعدون يطلعون ميخالف معاهم عذرهم بس هم مو الكل ملتزم بالرجيم والتشجيع والحماس معدوم ما عدا انتي ماشالله متحمسه واتشجعين وهدولا بعد بس وايد خفت واهيا القايد المفروض تواجدها اكثر انا زعلانه من الكل الا انتي

 

[FuLL.MooN]

صح كلامج كل واحد وظروفه بس لا تحبطين و شي ويسلمج .... انا وراي درب
عاد الحين يمعتنا يايبن باكورة وعجنات وبقلاوة هذي الدفعة الأولى قبل لايحطون العشى الرسمي
وانا ماسكة نفسي من الغدا لأني مواعدة معدتب ابرد باسكن روبنز ...
الله المستعان ...
وبعدين إذا احنا كملنا صدقيني بيون ويكثروون وبعدين كافي احنا واحنا واثقين انشاء الله انه بنكمل
اقوول ام مودي اول ما كنا متفقين يقولج ما بعد عداوة اله المحبة

 

[om moOody]

هيهيهيهي لا حرام عليج انا من اول شي حبيتج والله بس كنت شاده معاج اول شي ابيج تلتزمين يعني وصرتي ملتزمه بالرجيم اكثر مني
الله يدوم المحبه دووووم انشالله , وبنكمل انشالله لين نوصل حق اللي نبيه وماراح نستسلم
بعد عمري صج ماسكه نفسج جدام كل هالمغريات شاااااااااااااااطره ماشالله عليج عيني عليج بارده

 

[FuLL.MooN]

اكلت بس باكورة وحدة
الحين صعدت واهما تحت فشلة بس شسوي دياي بالذرة والبازاليا معجنات ما ادري شنو ووووووووواي بلوة
بس اليوم بلييل بكافأ نفسي واطلب من باسكن تبين ؟

 

[om moOody]

صج تستاهلين تكأفئين نفسج اراده ماشالله تبارك الرحمن

انا ليش على فلانه احس ودي آكل كاكاو الدنيا بس عن خاطري كليت كسرة كاكاو وعليه وشربت وراها العصير الحارق

 

[أم قمبـر]

الله يعطيكم العافيه ياحلوين

احم كح كح تدرون اليوم خميس وطلعنا تمشينى ومرينا على كارفور اخذنا اغراض للبيت وهم اخذت لي شويت شغلات للرجيم

زينا مشينا تقريبا اكثر من ساعتين ولله الحمد ... ركبنا السيارة زين تنااااااااااااااااااااااااااا ... جان يعطيني زوجي ايس كريم باسكن روبنز ؟؟؟

هنيه انا انطميت ماقلت شي .. ماودي اكسر بخاطره جان اخذه واكل منه اشوي بس يعني مو شوي شوي

وانا مريت يم سينابون وقلت يمي يمي لا لا لا مابي اخذ من عندهم عشان مايخترب الرجيم هاهاهاهاه قام زوجي خذلي من باسكن روبنز... الله كريم

مادري خواتي احس الاكل اللي تاكلونه وايد خفيف ابد ماشي اكل بالاساس ؟ تاخذون فيتامينات عشان ماتتعبون وينقص عليكم شي بالجسم ؟

 

[om moOody]

اهلا وسهلا ام قمبر
وبالعافيه عليج الايس كريم

والله انا اول ما بديت رجيم من قتره ما كنت اخذ ولا شي بس تالي شعري قام يطيح وايد بس توني من جم يوم قمت اخذ فيتامينات اسمها cilka ok وايد يمدحونها

 

[أم قمبـر]

هلا بج والله يعافيج

بعد شوي راح اجرب العصير الحارق للدهون..... الاناناس والكيوي وراح اضيف عليهم نص معلقه قرفه .. يقولون تحرق الدهون بعد

والله كريم

 

[om moOody]

السلام عليكم

شلونكم بنات انشالله ابخير ؟؟

صراحه انا مو مستانسه منكم كلش قاعده ادور تجمعنا لقيته بالصفحه الثالثه ليش ؟

مافيه مشاركات كلش , الهدف من التجمع والتحدي انه الواحد يحاول يتواجد قد ما يقدر عشات يشجع ويحمس اذا الثاني حاس بملل او شي بس هالشي مو موجود صراحه اختفى

انا اليوم اخر يوم بالرجيم معاكم وقست وزني وصار 66 كيلو الحمدالله نزلت كيلو مو اكثر من فلانه يمكن بس الف الحمدالله
بلشت معاكم من اسبوعين وزني كان 70كيلو مجموع اللي نزلته اربعه كيلو

فرصه سعيده بنات ..