الذهبى يا الربايع الذهبى

[موج الحزن]

السلام عليكم يا المزايين

لو سمحتوا انا عندى طقم ذهبى بس ابتلشت ابى امسحه بس من غير ماتطير الصبغه عرفتوا بنات انا انظفه بالريشه وبعدين بفوطه مبلوله بالماى بس جارتى تقول مع الايام يطير الصبغ عرفتوا طيب شنو اوى ليتكم تساعدونى بنات الطقم غالى جداااااااااا

وشكرا حبايبى :eh_s(17): :eh_s(8): :eh_s(17):

 

[هدوي]

اممممم
جربي مسحيه بفوطه ناشفه

وحلوه الربايع خخخخخخخ

 

[موج الحزن]

انا بنت ابوى بنته ابكم 14 وحده ولا ردت على هالمزيونه امحق ربايع يا بنات ترا كله نصيحه وكلمه لوجه الله وببلاش ماهى بفلوس المهم مشكورات

اما انتى يا الغلا كله والله يا اختج جربت كل شي وحده تقولى امسحيه بزيت زيتون قلت لها امحق هذا وجه ولا شعر امسحه بزيت المهم يا الحبيبه مشكوره يا قلبى انتى يا بعد الربايع كلهم والله

 

[الغاليه نونو]

شوفي ياقلبي اذا الطقم غالي وماتبينه يخترب بشوور عليج نصيحه سويها حتي لوكلفتج شويه بس المهم النتايج تكون مضمونه وحلوووه

الحل في طريقتين الاولي تاخذين الطقم تودينه محل يطلي لج الطقم بماي الذهب وجذى مايتغير لونه لوتمسحينه بتيزاااب بيتم مثل ماهوووو مايتغير بيكلفج شويه بالسعر بس هذا الحل الاول
الحل الثاني تروحين محل بو أميه فلس وتشترين مقوي الاضافر الشفاف اخذى لج تقريبا 20 والا 30 قرشه يطلعون ب3 دنانير والا اربع دنانير وفرغيهم كلهم بماعون واخذى فرشه وصبغيهم بهالشفاف هذا تسوين طبقه عازله علي الطقم واهني انتي استفدتي بشغلتين الاولي ماكلفج وايد والثانيه تقدرين تمسحينهم من الغبار بفوطه وماي ويتمون فتره طويله ماتتغير الوانهم وكل اربع شهور سوي نفس الطريقه اطليهم بهالصبغ وادعيلي ياقلبي

 

[موج الحزن]

مشكوره حبيبتى على النصيحه ايوالله حده غالى شاريته طلبيه من مصر واهو اصلن مطلى بماء الذهب بس الشفاف ما فكرت فيه مع انى استعمله حق الاكسسوارات ويهبلون لمعه والفصوص ماتطيح ابد الله يجزاج الف خير ياقلبى