الرؤيه اقل من 500 متر وقد تنعدم بسبب الغبار

[اثمان]

تودون اعيالكم اليوم؟؟

انااعيالى امتحانات واحاتى

 

[روحي زوجي]

انا مثلج وكل شوي اطل عالدريشه

شنسوي هم غبره

ما اتوقع احد يداوم

 

[عود ومسك]

انا مغيبه بنتي
وعندها امتحان عربي اليوم
ما اقدر اوديها بنتي حاشتها حساسية صدر بشهر 3 ومن يغبر الجو شوي اتنك فا مابيها تتعب والامتحانات يوم الاحد

 

[فرزاشيهـ]

ينات الجو يخرع انا بعد شكلي بغيب شيوديني كليتي بعيييد عن بيتنا ..،،يارب ارحمنا برحمتك

 

[عود ومسك]

انا ساكنه بسعد العبدالله
عاد دقت علي اختي حماتها بالمنطقه التعليميه الجهرا
قالهم المدير مافي دوام اليوم والامتحان يتأجل
تقول حتى حماتي ردت البيت خلاص وما يحسب غياب
عاد هم انا بجيك عالساعه 10 بمر عالمدرسه مع اني اثق بكلام اختي 100%

 

[روحي زوجي]

انا ساكنه بسعد العبدالله
عاد دقت علي اختي حماتها بالمنطقه التعليميه الجهرا
قالهم المدير مافي دوام اليوم والامتحان يتأجل
تقول حتى حماتي ردت البيت خلاص وما يحسب غياب
عاد هم انا بجيك عالساعه 10 بمر عالمدرسه مع اني اثق بكلام اختي 100%

صارت هوشه بيني وبين زوجي

مابي عيالي يداومون وهو يبيهم يروحون للمدرسه

انذبلت جبدي في احد يقط عياله للتهلكه عل ابو دراسه

 

[دلوعة المنتدى]

لا تودونهم احنا رحنا وردونا انه طالبه

 

[عود ومسك]

صارت هوشه بيني وبين زوجي

مابي عيالي يداومون وهو يبيهم يروحون للمدرسه

انذبلت جبدي في احد يقط عياله للتهلكه عل ابو دراسه

مو مشكله خليه يوديهم وبيردونه
عشان يتأكد ويرتاح
هونيها يختج:eh_s(7):

 

[د.شريفة]

قرار من وزارة التربيه مافي دوامات اليوم

 

[روحي زوجي]

مو مشكله خليه يوديهم وبيردونه
عشان يتأكد ويرتاح
هونيها يختج:eh_s(7):

مهونتها ياقلبي

وهو مايوديهم السايق يوديهم علشان جذي مايحس

الحين الحمدلله ماكو دوام

 

[Ǥoldɛn ʝɛωɛL]

مافي دوام ..!

حاطين بشريط على الكويت الأولى

انه حفاظا على سلامة الطلبه ونظره لحالة الجو وما ادري شنو بس المهم اللي كاتبين

غياب لجميع المدارس

 

[اثمان]

الحمد لله

المفروض الوزاره تبجر بالقرار لان الطلبه دوامهم من الصبح

 

[اثمان]

الفال لباجى الوزارات يعطلونهم ويخلون الموظفين يطلعون

 

[dandooosh]

أنا ولدي روضة
ما وديته

 

[استعجلت الرحيل]

انا غيبت عيالي لان ولدي فيه حساسيه جنني

 

[قطوه شرازيه]

حتى انه غيبت بنتي

 

[الفتاة السماوية]

زين التربية سوت شي صح بس المفروض مبجر تأخروا بالقرار في ناس اطلعوا من بيوتهم

انا عن نفسي مجرد شفت الدريشه ما قعدت اخواني

وحطيت التلفزيون والراديو

ولا عيسى رمضان يقول لبسوا عيالكم كمامات وماعليهم شر ان شاء الله بس انتبهوا وحطوا بالكم

ضحكت وقلت خير ان شاء الله احد بيداوم

اشوي ولا ينزلون القرار على قناة الكويت

ومنى اللوغاني قالت اذا باجر ظل الجو على ما هو عليه هم باجر مافي دوام

واذا تحسن راح يكون دوام عادي.

الله يحفظ عيال المسلمين كلهم يارب

 

[dandooosh]

ضاق خلقي متى يتعدل الجو ؟؟؟
انزين بنات ما في أخبار عن الجو بكرة ؟؟ انا سمعت ان بيكون نفس الشي

 

[مي الحلوة]

انا غيبت بنتى لانها باولى ابتدائي..بس ولدي داوم وقلبي ما كلنى عليه بس لما وصل المدرسة
دق علي وقال يمة تعالي اخذيناااا ما في دوام..ورجع..فعلا الجوو حده غبااار الله يستر بكرة..

 

[أم بتول*]

طيب شو مشان بكرة نبعتهم ولا لاء