الراس والحوض

[أحلى عنابية]

بنات اللي ما عندها فكره ترفع الموضوع لي بدعوه طيبه

أنا في الاسبوع 38 وبعد يومين بخلصه وللحين راس البنوته ما دخل الحوض
المهم الدكتوره قالت لي امشي مشيت على كلامها وايد بعدين طلع بريلي حبوب صغيره وصادتني حكه مدري من شنو يمكن لاني صرت وايد اتسبح و الصابون اصلا يجفف البشره المهم
الحكه ان شالله تروح

اللي ابي اعرفه هل في وحده راس البيبي ما دخل الحوض لين وقت الولاده وربت طبيعي بصراحه خايفه من القيصري حدي ومابي اطول لاني تعبت من حكة بطني لين حكة ريولي

بنات احس بطني يحرقني كأنه مجرح والله تعبت حدي وكل يوم اقول باجر اربي وارتاح بس الله ما يكتب


بنات شلون تعرفون ان راس البيبي دخل الحوض والله يرحم والديكم موعدي قرب وكله اتخيل الدكتوره تقول للحين ما دخل *

 

[سمو ذاتي]

حبيبتي الله يهون عليج يارب ويسهل ولادتج ويرزقج بالبيبي السليم
الحل الوحيد انج تمشيييييين قد ماتقدرين وعقب الشور رطبي جسمج جربي لوشن جرجنز بالمسك يهبل خفيف وبارد وتمصه البشره وان شاء الله علي الموعد الجاي الا البيبي نزل 

دعواااتج لي ربي يرزقني بالبيبي السليم

 

[أحلى عنابية]

انزين انا اليوم بس حسيت بالام تحت والبيبي صارت تتحرك تحت بس مب مثل قبل هل فيه امل ؟

 

[" ام حمود "]

هم انا جذي احس ياهل تحت وايد نازل وانا بشهري ، بس امشي قد مااقدر عشان ينزل راس ياهل بالحووض

 

[أأأميرة الورد]

الله يهون عليج
المشي والدرج راح ينزل راس البيبي للحوض

 

[أحلى عنابية]

الله يعين هذا انا امشي قد مااقدر ساعه او سلغه ونص ويوم الاربعا موعدي وياااااااااااارب تبشرني الدكتوره

 

[أم حمودي**MALL**]

انشالله بينزل خاصه اذا ماكنت بجر وقت الولاده ينزل