الراي رايكم تكفون ساعدوني وش اسوي الجزء الثاني من مشكلتي او مصيبتي

[طوق اللولو]

يابنات انا كتب موضوع
http://www.q8yat.net/showthread.php?t=778941
والحين زوجي يتصل علي عد اهلي يحاول ان يراضيني بس انا مااااقدر مااتخليل انه مع احد غيري
انا تركت البيت بس اسبوعين وراجعه للبيت وعيالي معي هالايام هو يجهز للعرسه
وانا مااقدر اصبر واشوفه
هو يتصل علينا 4 مرات ويقول لي انه يحبني ويموت فيني وماتغير علي ابدا
يتصلون علي الحريم يقولون لالاتردين عليه خليه حقريه
وانا احبه ومااقدر على مااسمع صوته
سالته ليش تزوجت يقول رغب فيني انا من قبل وانا ابي حرمتين هذا جواب
وانا ادري اللي دار راسه امه واخواته
مااقول الا حسبي الله ونعم الوكيل على من ظلمني

 

[مطيرية والعزليه]

رد : الراي رايكم تكفون ساعدوني وش اسوي الجزء الثاني من مشكلتي او مصيبتي

الله يعينج بس حاولي انج ترضين بالامر الواقع وراح تتعودين لو موعشانه عشان عيالج وانا ادري انه صعب عليج والله يعين قلبج

 

[ام شووووق]

رد : الراي رايكم تكفون ساعدوني وش اسوي الجزء الثاني من مشكلتي او مصيبتي

مالج الا ترضين بالواقع علشان عيالج

 

[يمي يمي]

ردي لزوجج
صج الله يعينج دامج تحبينه بتموتين من الغيره
بس ردي عشان عيالج
محد راح ينفعج غير ريلج
اللي يقولون لج لاتردين حقريه شهر شهرين يواسونج وكل وحده بتلتهي بريلها وبيتها وعيالها
وانتي بشطارتج كسبيه ،، تدرين يمكن يصير معاج احسن من قبل
وترا هالدنيا فااااانيه ماتسوى ضيقة الخلق

 

[!الجادل الصعب!]

رد : الراي رايكم تكفون ساعدوني وش اسوي الجزء الثاني من مشكلتي او مصيبتي

عسى آلله يعينج يآرب .. ردي لبيتج بشروطج ولآتخلينه لها ..! هذآ آبو عيآلج آنتي مو لغيرج ..!

 

[tmtmt]

وشكو تسمعين فلانه وعلان
لا تشيلين التلفون واذا احد كلمج بالموضوع حطي حد !

قوليلهم رجاءا موضوع خاص فيني وبحياتي محد له حق يتدخل
وابي افكر من غير تشويش

ودامج بحرتج وتقولين احبه
لااااازم تردين لن راح تتعبين بعدين ...

والله يسهل امورج يارب

 

[a7la MUM]

رد : الراي رايكم تكفون ساعدوني وش اسوي الجزء الثاني من مشكلتي او مصيبتي

انا مع يمي يمي ردها مقنع وصريح
ياليت تنفذينه من غير تردد
وربي يسهل امورج ويعمي عيونه ويسخره لج ولعيالج قولي امين

 

[كميثره]

الله يعينج ويسهل امورج ياااااااااارب

 

[بنت عز وما تنهز]

اقول لحد يتدخل بحياتج
والي تتدخل قولي هذي حياتي الخاصه ومحد له شغل فيني

لاتنكسرين وخليج قويه وواثقه بعمرج

صج الزواج الثاني صعب علي المره بس مو نهاية الدنيا
لا تتركين بيتج وتشمتين العالم فيج واولهم اهله
ولاتشتتين اعيالج

صدقيني مجرد نزوه ومن يجرب ويشوف السالفه مو لعب بيطخ ويحس انه وهق عمره ويطلق
ياما تزوجوا وتحسفوا

اهم شي انتي لاتحسسينه انج انكسرتي
حسسيه انج مو هامج وخلج طبيعيه لاتحسسينه بغيرتج من الثانيه وتقعدين اتحنين واتشكين

صديقيني اذا شافج جذي بيحس انه ضلمج ويحس بالذنب
والرجال يحب المره القويه الي اهو تعتبره اضافه لها مو كل حياتها
ترا الدنيا ماتوقف علي رجال

بقولج سالفه لوحده من جماعتنا واخذي العبره منها ,,

كانت مطلقه خطبها واحد متزوج وعنده ولد بس مرته طولت ماحملت مره ثانيه
وكان تو طالعه قسيمه

وافقت وتزوجته المره الثانيه تدرين شسوت
زعلت عند اهلها وخلت البيت والحلال
وطلبت الطلاق

طلقها وصار كل شي من نصيب الثانيه
واهي ضايعه عند اهلها وولدها كلن متوليه

يبا خليج عند الرجال دامه زين لج صدقيني هبه وبيطخ

وعسي الله يهون عليج

 

[ضايعة بدنيتي]

والله يا حبيبتي لا الكل لهى بحياته وتركك راح تبقين لحالك ومحد لك ودام زوجك لحد الآن شاريك ردي له وخلك صابرة وربي بيآجرك على صبرك وراح تهون عليك مع الايام . وما تدرين وعسى ان تكرهوا شيئا وهو خير لكم .

تركي عنك القيل والقال وفكري فيها عدل .هو كذا كذا متزوج بك وبلياك . شوفي عضوة هنا سوت بلاوي عشان تتطلق والحين متحسفة ومو قادرة ترجع ورى . وزوجها تزوج وشاف حياته وهي تمت بحرتها لانها من البداية ما فكرت بالعقل .

تعوذي من ابليس ورجعي بيتك . والله يهون عليك مصيبتك .

 

[الباحثه]

الله يهدي النفوس حبيبتي رأيي من رأي البنات ردي حق ريلج وتقبل الامر ولا تعطين مجال حق اي احد يتدخل بحياتج
هذي حياتج وانتي ابخص فيها ومحد راح ينفعج وبيني وبيج( ظل راجل ولا ظل حيطه )علي الاقل في احد مسؤل منج ومن بيتج وعيالج
ودام انج تحبينه واهو شاريج هذي اكبر نعمه يبيلها حمد وشكر حق رب العاليمن
توكلي علي الله وردي بيتج وردي حياتج وتقبلي والوضع علي الاقل حسه بدنيا والله لا يحرمج شوفته ودخلته عليج وعلي عياله

 

[قاهره عذالي]

رد : الراي رايكم تكفون ساعدوني وش اسوي الجزء الثاني من مشكلتي او مصيبتي

هم اقولج اخقريه

وخلج رسميه معاه

ان قالج احبج

قولي له قديمه ومشكور
تبي شي

يلا ماتشوف شر

خلج جافه معاه
ومو كل اتصال تردين

خل ينقع اتصال 3 عشر بعدين ردي
وان قال ليش
قولي هالايام مالي خلق تلفون
ومدري عنه
اقطه بمكان واخليه وانساه

 

[نبض انثى]

جد الله يعيييييييييييييييييييييييييييييييييييييييييينج كسرتي خاطري

 

[AL-7Oo0b]

رد : الراي رايكم تكفون ساعدوني وش اسوي الجزء الثاني من مشكلتي او مصيبتي

اذا ريلج زين ويحبج صديقيني ما راح يظلمج ،، انا اعرف وحده ريلها مزوج عليها وهو يحبها ويموت فيها ،، تخيلي انه معيشها ملكه ولا كانه مزوج عليها تقول ما احس انه معرس علي ،، وتقول الحمدالله مب مقصر معاي ولا انا مقصره معاه ويوم نسالها ليش تزوج عليج اني مقصرة معاه تقول النصيب اسالواه اذا قصرت معاه في شي عيال وعندي جمال وعندي بس النصيب ،، وهو يمدح فيها عند الناس وبالعكس كبرت في عينه اما بخصوص زواجه الثاني كان نزوة وبعدها صار عيال وغيره يعني النصيب والله ،، رجعي لريلج وبيتج وعيالج وحطي شروط اذا تبين انج ما تشوفينها ولا تشوفج وربي يخليكم لبعض

 

[Smetk 3'lay]

الله يعينج حبيبتي رايي من راي البنات لاتعطينها فرصه وخلج قويه وادعي ربج

 

[Sweetq8]

اقووول لايقصون عليج الحريم

الي اتقول احقريه وخليه يولي

لو هي مكانج جان اقضبته بيدينها وارجولها وأسنانها

ولا تلقينها هي تزحف وراه زززحف

نصيييحه لايخربون بيتج^

رجلج يحبج وماتخلا عنج

لو مايبيج ماسال عن هوا دارج

ثقلي عليه وارجعي بشروطج

والله حرام بيتج^ وبيت عيالج ورجلج بارده مبرده تأخذه وحده

انتي اسجدي ربج وادعي يسهل هالفتره واتعدي

اذا هو خلاص مابذنه ماي تحملي صدقيني ياما حريم رياجيلهم تزوجو عليهم بس بذكائها مررركزة عمرها وأجبرت بعينه

وماتخلين يشوفج الحسودع الحقوده خليه يشوفج العاقله الرزينه الي تبي الاستقرار والثقييييييله يعني لاتستخفين عليه ولا تحقررررنيه

صيري سيااااسيه

نصيييييحه لاحد يخرب بيتج^ و الله حرررررام

 

[Sweetq8]

واكبررت بعينه مو جبرت ههههههههه

سووري كله من الايفون بدليااات

 

[luuluuu]

تعوذي من ابليس
رجعي حق بيتج بس تثيييييييقلي
واذا تبين بشروطج <<بس مو اوووووفر
وقواياه انج ماتبين تشوفينها وجذي
وانت بشطارتج جذبيه صوبج

 

[luuluuu]

قواياه = قوليله
سوووووري عالبدلياات
الله يفرج همج ان شاء الله

 

[mich79]

رد : الراي رايكم تكفون ساعدوني وش اسوي الجزء الثاني من مشكلتي او مصيبتي

الله يعينج حبيبتي

اقري ردي على موضوعج السابق شكلج ماطبقتي اللي قلت لج عليه
وشي ثاني
لاتسمعين أي كلام من بره ماأعتقد إنج صغيره ولا إن شخصيتج مهزوزه اللي كل كلمه بتوديج وتييبج قعدي فكري بهدوء من غير عوامل خارجيه
واللي قاعدين ينصحونج كل وحده حسب شخصيتها
خليج صبوره يابنت الحلال الريال قالج أحبج خلاص قضبي أرضج وخلي سوالف التغلي عنج آخرتها بيمل من تغليج ويطلقج