الرجيم القاسي للدكتور محمد ربيع ينزل 5 كيلو بالأسبوع

[كويتية أمورة]

مشاركة: الرجيم القاسي للدكتور محمد ربيع ينزل 5 كيلو بالأسبوع

بيرل لاتسوين ريجيمين مختلفين ورى بعض لازم فترة بينهم
عاد انا ماينزلني الا ريجيم ربيع

 

[إشراق]

مشاركة: الرجيم القاسي للدكتور محمد ربيع ينزل 5 كيلو بالأسبوع

والله نعمة لو أنزل 4 بالأسبوع
أعتقد يبي لي 4 أسابيع×4 كيلو
تمام والله
إن شاء الله أبدا السبت :d
وأعطيكم التفاصيل

 

[PearL]

مشاركة: الرجيم القاسي للدكتور محمد ربيع ينزل 5 كيلو بالأسبوع

بيرل لاتسوين ريجيمين مختلفين ورى بعض لازم فترة بينهم
عاد انا ماينزلني الا ريجيم ربيع

تدرين انا شنو سويت .. كنت مسويه دشتى وثبت وزنى جان اروح اسوي ربيع جان يتحرك الميزان لووووووووول بعدين وقفت والحين راده تخفيف ... شكلى جسمى سوى مناعه من كثره الريجيم

 

[إشراق]

مشاركة: الرجيم القاسي للدكتور محمد ربيع ينزل 5 كيلو بالأسبوع

أنا بديت اليوم
أحس إن رجيم السبت فاشل
لكن عندي سؤال
اشكثر اسوي رياضة؟

 

[PearL]

مشاركة: الرجيم القاسي للدكتور محمد ربيع ينزل 5 كيلو بالأسبوع

أنا بديت اليوم
أحس إن رجيم السبت فاشل
لكن عندي سؤال
اشكثر اسوي رياضة؟

المشي ممتاز تقريبا اكثر من ساعه باليوم اذا تبين تحرقين صح اكثر من ساعه مشي بس مو تردين من الممشى وتروحين مطعم مثل الباجي ... ترى هالحركات ماره علينا

واذا تقدرين بالبيت تسوين هالحركه اكثر من مره باليوم توقفين وتحركين خصرج مره يمين ومره يسار عشان تحرقييين منطقه الخصر .

وهم وانتى بالبيت تابعى مسلسج او برنامجج المفضل وانتى نايمه وجافسه اركبج مثلث وضغط معده بسيط مو وايد خفيف .

ريجيم من غير رياضه وشد .... لا بالله اللحم ترهل .. وموفقه حبوبه

 

[لولو_q8]

مشاركة: الرجيم القاسي للدكتور محمد ربيع ينزل 5 كيلو بالأسبوع

مشكورة

الله يعنيها عليه

 

[New Mum]

مشاركة: الرجيم القاسي للدكتور محمد ربيع ينزل 5 كيلو بالأسبوع

توني ماكله كيتكات بو اربع اصابع واي يا كرهي
انزين بسوي روحي ما سويت شي و ببدى اليوم منو تبدي معاي ؟؟؟

 

[كويتية أمورة]

مشاركة: الرجيم القاسي للدكتور محمد ربيع ينزل 5 كيلو بالأسبوع

المملوحة ناطرين نتايجج
والمشي نص ساعه باليوم او 45 دقيقه 3 مرات بالاسبوع
وحاولي تصعدين وتنزلين الدري ترى وايد زين
وحطي بالج تسوين ريجيم بدون رياضة ترى يترطرط يلدج


بيرل عشان جذي مانزل وزنج مايصير ريجيمات ورى بعض
انا اذكر صار فيني جذي مرة ينيييييت لين وقفت فترة وسويت ريجيم ربيع هو اللي ينزلني ماشاء الله


لولو حياج الله حبوبة



نيو مام
حلوة مستفتحه بكتكات وبتكملين الريجيم هههههههههه
يالله ماعليه اليوم سماح بس عاد من باجر التزمي
وبالتوفيق

 

[New Mum]

مشاركة: الرجيم القاسي للدكتور محمد ربيع ينزل 5 كيلو بالأسبوع

صاروا 8
خلاص بحترم نفسي و من باجر بسويه اليوم فيني شي مو طبيعي اسم الله الرحمن الرحيم

 

[كويتية أمورة]

مشاركة: الرجيم القاسي للدكتور محمد ربيع ينزل 5 كيلو بالأسبوع

هههههههههه لا 8 وايد
خلاص باجر ابدي وقوليلنا جم نزلتي

 

[PearL]

مشاركة: الرجيم القاسي للدكتور محمد ربيع ينزل 5 كيلو بالأسبوع

اموره الحين الميزان قام يفتر .... لانى ما قمت اتعشى حدى للساعه 5 او 4 وبعدها كلى عصاير او شوربه

 

[على البال]

مشاركة: الرجيم القاسي للدكتور محمد ربيع ينزل 5 كيلو بالأسبوع

اللي بتتبع صح صج ينزل عن تجربة البلا لا خقينا بسرعة يردون الخمسة ومعاهم خمسة ثانين عشان مايتخرعون ههههههههههههه

 

[كويتية أمورة]

مشاركة: الرجيم القاسي للدكتور محمد ربيع ينزل 5 كيلو بالأسبوع

بيرل شوفي اذا بتمتنعين عن العشا وقفي اكل الساعه 6 ولا تاكلين ولا شي لاعصاير ولا شوربه ولا شي بس ماي
جذي تنزلين


على البال انتي مجربه هالريجيم؟؟ شكلج جربتيه وهديتيه وردولج الخمسه مع عيال عمهم خخخخخخخخخ

 

[New Mum]

مشاركة: الرجيم القاسي للدكتور محمد ربيع ينزل 5 كيلو بالأسبوع

احنا ماكو فايده فينا .. انا من اقول بسوي رجيم تيني حاله عكسيه واكل دبل اكلي العادي بالله شنسوي انموت ؟
كويتيه أموره ما خلص اسبوعج المروري ؟

 

[حضن امى]

مشاركة: الرجيم القاسي للدكتور محمد ربيع ينزل 5 كيلو بالأسبوع

مشكوووره على الرجيم

 

[إشراق]

مشاركة: الرجيم القاسي للدكتور محمد ربيع ينزل 5 كيلو بالأسبوع

أنا بديت الرجيم هذا يوم الجمعة يعني اليوم ثالث
وزنت الصبح لقيت نازلة
؟
؟
؟
؟
؟
؟
نص كيلو
مع اني مشيت عليه بالضبط
ما خربطت بس إني في اليوم الأول تعشيت 2 فلافل +2سمبوسة الهندي
واليوم الثاني أكلت فتة الحمص

ونسيت أقول لكم إني ما سويت رياضة

عشان كذي اليوم قلت ابي اسوي رجيم بضمير
بدام نزلت نص كيلو ان شاء الله البجي يروحون وراه
عموما انا يبيلي شوي على الوزن المثالي

احتاج انزل 20 كيلو بس

 

[كويتية أمورة]

مشاركة: الرجيم القاسي للدكتور محمد ربيع ينزل 5 كيلو بالأسبوع

نيو مام توني اليوم اول يوم باسبوع المرور هههههههههه

حضن امي العفو حبوبة حياج الله

المملوحة
مايصير حبوبة سمبوسك وخرابيط وين قاعدين لوووول عفستي السعرات الحراريه
وبعدين مشيتي ولا لأ؟ ترى لازم مشي
ونصيحة قبل ماتمشين او تسوين اي رياضة لازم تكونين مو ماكله او شاربه ايييي شييييي قبلها بساعتين
يعني بتمشين الساعه 4 لازم الساعه 2 توقفين اكل
جذي الجسم يحرق الشحم
بس اذا انتي كليتي ومشيتي او كنتي شاربه ماي قبل لاتمشين الجسم بيحرق الاكل اللي بالمعده ويطلع الماي على شكل عرق لاتضعفين ولا شي
جربي طريقتي وشوفي حتى بدون ريجيم تضعفين وقولي ماقالت
وعقب ماتمشين شربي ان شالله البرادة بكبرها بس قبل المشي نووووووووو

 

[إشراق]

مشاركة: الرجيم القاسي للدكتور محمد ربيع ينزل 5 كيلو بالأسبوع

بعد كبدي يا أمورة


أنا ما اقدر امشي ماعندي وقت


مشغولة وايد

بالصيف ان شاء الله ادش نادي

اما الحين يكفيني دوامي ابو الرياضة

 

[^مزهريه^]

مشاركة: الرجيم القاسي للدكتور محمد ربيع ينزل 5 كيلو بالأسبوع

جميل جدا


مشكوورة

 

[كويتية أمورة]

مشاركة: الرجيم القاسي للدكتور محمد ربيع ينزل 5 كيلو بالأسبوع

بالتوفيق المملوحه وزين تسوين النادي يساعدج على الضعف

مزهرية حياج الله حبوبة