الرحلات البحرية (الكروز) عالم من الخيال*(رحلتي بالصور)

[rawona]

اول شي عليج بالف عافيه ..

شجعتيني اروح كروز وخاصة ان ريلي يحن علي وانا اقوله وين اروح كروز ويا حجابي لول .. كله احس ان شكلي غلط بينهم ..


على العموم عندي جم سؤال لج ودي اعرف الحزه اللي رحتوا فيها اي شهر؟ وباي فندق سكنتوا في برشلونه؟؟ والفنادق اللي بفرنسا وروما؟؟ ابي الاسامي وهل تنصحيني فيهم؟ وابي اعرف الحزه اللي رحتوا فيها شلون الجو؟ حار؟ براد ؟ حلو؟


ويعطيج الف عافيه .. كملي متابعينج :tek:​

 

[كتكوته551]

مشكورين بنات على الردود والتشجيع يعطيكم العافيه..

ام مهودي بالعكس ماتملين لانج تقضين من سبع الصبح الى سبع الليل برا الباخرة وتمشي ووناسه (موشرط تكونين كل الوقت برا طبعا ممكن تطلعين الظهر مثلا وتردين الساعه 6 او 5 على كيفكم) وبعدين تريحين بالباخرة وعروض مسرح متجدده يوميا وقائمة عشا متجدده بعد هذا غير انج ماتقدرين تروحين لكل الاماكن بالباخرة بيوم تقدرين تقسمين كل يوم مكان مثلا احا سوينا جذي وبعدين ترجعين غرفتج وتكونين تعباااانه طبعا من المشي والفراره واليوم الثاني تلاقين نفسج بديره ثانيه وهكذا ...مافي ملل كلللش

 

[كتكوته551]

اول شي عليج بالف عافيه ..

شجعتيني اروح كروز وخاصة ان ريلي يحن علي وانا اقوله وين اروح كروز ويا حجابي لول .. كله احس ان شكلي غلط بينهم ..


على العموم عندي جم سؤال لج ودي اعرف الحزه اللي رحتوا فيها اي شهر؟ وباي فندق سكنتوا في برشلونه؟؟ والفنادق اللي بفرنسا وروما؟؟ ابي الاسامي وهل تنصحيني فيهم؟ وابي اعرف الحزه اللي رحتوا فيها شلون الجو؟ حار؟ براد ؟ حلو؟


ويعطيج الف عافيه .. كملي متابعينج :tek:​

الله يعافيج حبيبتي ..

احنا رحنا شهر 7 وفندقنا في برشلونه الميريديان في شارع (لا رامبلا) اشهر شارع في برشلونه كله وناسه وعروض والسوق قريب.. بالنسبه لفرنسا وروما يمكن انتي مافهمتي علي احنا مانمنا فيهم كنا نقعد في كل ديره من 7 الصبح الى 7 الليل بس وبعدين نرجع للباخرة ننام فيها واهي تمشي للمنطقه اللي وراها وهكذا.. كان الجو حلو بس اتذكر الشمس كانت حاره اشوي بروما بس بالظل براد..

انصحج روحي عادي انا متحجبه وكانوا معانا عايلتين كويتيين وحريمهم متحجبات عادي..​

 

[كتكوته551]

بنات اعذروني انا هاليومين تعبانه وماقدر على مواقع تحميل الصور تبط جبدي نطروني قريب ان شاءالله

 

[كتكوته551]

مرحبا بنات عدنا من جديد..

الحين بحط لكم صور من داخل الباخرة..

هذي من عروض المسرح..

وهذا عرض التزلج..

وهذا كرنفال الوداع كان يشبه كرنفال البداية بعد وكلهم كانوا في شارع التسوق بالباخرة..كان يونس بصراحه

لاحظو بهالصورة من ورا طوابق الباخرة وبعض الناس قاعدة تتابع الكرنفال من فوق..

تاااابع قريبا ​

 

[rawona]

لا يوقف ...


لا يوقف ...


لايوقف


​

 

[كتكوته551]

Rawona
حبيبتي مشكورة على التشجييييع

 

[كتكوته551]

نكمل صور الكرنفال..

وباجي الصور شخصية ماقدر طبعا احطهم بس بحطلكم صور من سايتهم

هذا بنهاية شارع التسوق وعبارة عن كافيه

وهذا مكان الجاكوزي وقريب منه حمامات السباحة

هذي صالة الجيم

والمكان هذا روووعه باللييل رحنا له انا وزوجي وصعدنا فوق

وهذا المسرح (طبعا الصورة هذي احسن من الصورة اللي حطيتها لكم )

تاااابع :tek:​

 

[كتكوته551]

هذي حمامات السباحة

هذا شارع التسوق

هذا منظر عام من فوق

وهذي صور متفرقه

وبس هذي الصور اللي قدرت احصلها بالنت للباخرة بس طبعا الصورة خاصة بال
voyager of the seas
باخرتنا لان في باخرات ثانيه غير

وجذي يكون باجي صور برشلونه بس :tek:​

 

[كتكوته551]

وقف التشجيع ليش :0bee2e8d89:


ميخالف بكمل :eh_s(1):

بس كمل لا احط صور برشلونه بقولكم ان مره في الباخرة لقينا دعوه بالغرفة لحضور حفلة خاصة للي يحتفلون بشهر العسل او اعياد زواجهم ورحنا الحفله كانت وناسه ضيفونا بالعصير وبعدها الكيك وطبعا في ناس رقصت على انغام الموسيقى الكلاسيكية


بعدما ماوصلنا برشلونه وتركنا الباخرة كنا حزنانين لان الرحلة بسرعة خلصت واشتقنا للباخرة ..عموما برشلونه توووووونس وتحسون فيها حركة وحيوية ..

رحنا اماكن تاريخية اول شي وبعدين كلا تسوق وتمشي

[/url][/IMG]

[/url][/IMG]

[/url][/IMG]

[/url][/IMG]

[/url][/IMG]

في الصور السابقة احنا كنا بمنطقة عالية جدا فوق الجبل وكانت الطبيعة روووعه

تاااابع​

 

[كتكوته551]

[/url][/IMG]

وهذا تمثال المادونا السوداء (مهمة جدا عند المسيح وكانوا قبل يشيلونها من مكان لمكان خوفا من المسلمين انهم يدمرونها ) حسافة ماطاحوا عليها المسلمين :dddds:

[/url][/IMG]

وهذا من عروض شارع (لا رامبلا ) كله عروض وهيصه هالشارع وكان فندقنا فيه

[/url][/IMG]

وهذا تمثال لكريستوفر كولومبوس اهوا مر على مدينة برشولونه في يوم من الايام

[/url][/IMG]


وبسسس وجذي يكون خلص الموضوع اخييييييرا

بس احنا ماكنا مخلصين لان بعدها رحنا باريس وجنيف بعد

اتمنى يكون الموضوع عجبكم وياريت تعطوني رايكم واي اسئلة انا حاضرة

باااااي​

 

[كتكوته551]

لما خلصت الموضوع ما القى ولا رد

 

[lolwah]

الموضووع اينن مشكوورة

حلو الكروز بس المشكلة ما نقدر نطب بالاحواض و نتشمس هذا اللي يحر

 

[كتكوته551]

لولوه حببتي مشكورة عالرد ياقلبي..

شنسوي بعد مانقدر بس هذا مايمنع انا نستمتع بالكروز


وين باجي البنات

 

[&رعبوووبه&]

انا شفت الموضوع كله والحين بقولج عليج بالف عافيه بصراحه رحلة تسوى الدنيا
انا ابي اعرف اذا بس بروح رحلة الباخرة وارجع الكويت كم يوم وكم التكلفة بدون الشوبنغ
وشلون على الامان ما خفتي انا ريلي يخاف من هالسوالف
خصوصا اني باخذ بنتي 3 سنين
بيقعد يقول يستفردون فينا هالمسيح بنص البحر سكارى او يضايقونا مع اني جربتهم بهولندا وبجليكا وفرنسا يهبلون
ومشكوووورة يا قلبي

 

[كتكوته551]

اهلين اختي رعبوبه..

اولا بالنسبة للرحلة اكيد ممكن تروحين للديرة اللي تنطلق منها الكروز ولما تنتهي الرحلة تكونون انتو حاجزين رده للكويت بنفس يوم انتهاء الرحلة ومثل ماقلت قبل في مليون رحلة كروز منها 4 ايام وفي اللي 5 و6 واسبوع الى شهر ! انتي تختارين على كيفج الرحلة ومن اي ديرة ..دشي موقعهم وشوفي الرحلات اشكثرهم
اما بالنسبة للأمان فانا اقولج امان 100% باذن الله وراحة ومافي خرابيط وسكارى على قولتج والله ماشفتلي واحد! عادة اللي يروحون بالكروز عوايل وكشخه مو اللي رايحين فيها ..اخذي بنتج عادي كانوا معانا عايلتين كويتيين ومعاهم عيالهم صغار ومافي الا العافيه حبيبتي

 

[بنت عبدالغني شربت]

موضوعج وايد حلو الله يعطيج العافيه يستاهل التثبيت والتميز

 

[كتكوته551]

بنت عبدالغني شربت تسلمين ياقلبي احرجتيني

مشكووووووووره

 

[فيروزه]

يعطيج العافيه على الموضوع والصور

 

[دانه البحرين]

يعطيج العافيه على الموضوع الجميل وبصراحه خاطري أروح بس ما أدري شلون حجوزاتهم ووين أكدر أحجز

وانشاء الله مررره اليايه تسافرين سفره أحلى وأحلى

شكرا​