الرحلات البحريه اوروبا و امريكا لدى مكاتب السفريات

[mamlo7a]

السلام عليكم بنات اشلونكم
الصراحه انا العاده كل ما بغيت اسافر اخطط و احجز ابروحي و اعابل بس هالمره مالي خلق وودي آخذ رحله جذي على الجاهز و انا قبل كم سنه سافرت مع سفريات السيد استراليا و كانت رحلتنا روعه الحمد الله و الحين شفتهم دازين لي هالاعلان و خاصه حق الرحلات البحريه و انا امجربه الرحلات البحريه السنه اللي فاتت بس كنت حاجزتها بروحي و كانت رحلتنا روعه بس الحين محتاره يليت تقولون لي اذا عندكم فكره شوفو اعلانهم و رحلاتهم زينه و الا لا و هل في احد جربهم و الا حجز وياهم ؟





بنات ناطرتكم عفيه قولولي رايكم



​

 

[mamlo7a]

رد: الرحلات البحريه اوروبا و امريكا سفريات السيد

اشدعوه بنات وينكم محد رد علي ؟

 

[:: Diva ::]

رد: الرحلات البحريه اوروبا و امريكا سفريات السيد

انا ودي اجرب بس سالفة قروب ما حبيتها كلش

 

[مخططة]

رد: الرحلات البحريه اوروبا و امريكا سفريات السيد

ش ... .ش.....ش شنو قلتي سفريات السيد لا يحوشك

انحاشي عنهم احسن لج ودوري غيرهم

 

[rawona]

يمنع تحديد اسم مكتب سفريات معين في القسم لمخالفته للقوانين

لذا تم تعديل العنوان

شكراً

rawona
مشرفة قسم السياحة والشفر

:eh_s(7):​

 

[عيون منوعه]

والله ماعندي فكرة !
​

 

[eman_8]

انا مجربه الرحلات البحريه مرتين مره اسبوع في اوروبا و مره اسبوع في امريكا و الصراحه الرحلتين كانو حلم بدون مبالغه روعه وودي لو اعيدها بس للاسف يبيلهم همجه فلوس لان سعر الغرفه بالسفينه كان غالي بس سعرها كان شامل كل شي حتى طفحنا اكل و زدنا كم كيلو هههه
ان شاء الله بس افضى بسوي تقرير بالرحله انا اقول توكلي على الله و حجزي و ان شاء الله ما تندمين


هذي صوره من غرفتنا في السفينه


و هذي صوره من سطح السفينه فيها سينما مفتوحه​

 

[mamlo7a]

ماشاء الله خوش صور عليكم بالعافيه



​

 

[Om_Ksha]

ايمان ممكن تذكرين الدول الاوربيه اللي زرتيها واي شهر يفضل نزورها ..

وحجزتي من النت ولا سفريات ..

انا على حظي كلا يصادف شهر 12 وودي باوروبا بس احس برد وماينفعلها كروز !!

 

[& حكاية حب موعود &]

العروض اللي حااطتهاا مال السفريات موصج خاصه مال 28 يوم.. وربي شفتهاا ونجنيت حسافه مااباقي شي واجازتي اتخلص
يااحبي حق السفر.... بسس سالفة مع قروب موحلووو

 

[mamlo7a]

السلام عليكم بنات

انا حجزت الحمد الله و ان شاء الله تطلع تمام رحلتي ادعولي
ايمان الصور روعه تشوق ان شاء الله نشوف هالمناظر الحلوه
اختي حكاية حب هالرحلات فرديه يعني مو قروب و بالنسبه حق الجو انا سألتهم و دشيت على السايتات و شفت ان الجو دافي و تسبح بعد و طبعا اكيد شهر 12 بيكون برد الله يسهل ان شاء الله

بنات اذا في وحده احجزت قولولي ابي رفقه ههههه

 

[le corbusier]

والله انا جربت القروب حدة وناسة و يدلونج كل شي و المواصات بعد ما تحاتين يعلمونج وايد اشياء
و عجبني عرض امريكا بو 27

 

[مس عسولة]

أنا رحت معاهم قروب اوروبا تلوع الجبد مافي التزام قعدونا بفينا ١١ يوم والرحلة كانت٧ ايام بفينا والباجي لاماكن ثانية لا والله مو خوش سفريات كرهتها بالقروبات

 

[كاتبة]

سفينة الكروز الان بدبي اللي عندها فكره عنها تعطينا خبر اللي سمعته تروح للهند والرحلات القصيره 3 ايام بحرين

ومسقط على اماكن قريبه


تعشق رحلات الكروز لكن اخاف بنفس الوقت من البحر مااحب اطول واااايد