الرحم مو مفتوح

[9o9ii]

السلام عليكم

شلونكم بنات
انا بجر
بسالكم بس انا بعد جم يوم اخلص الشهر التاسع ان شاءالله ورحمي مو مفتوح شي بسيط جدا

منو صارها مثلي وماياني طلق بس احس بعوار خفيف بضهري وبطني مو قوي

سمعت ان ممكن الطلق الصناعي مايفيد اذا الرحم كان مو لين

او مايفتح ؟؟؟؟؟ ودي اشرب دارسين ؟

 

[نور الدنيا 88]

و الله بجر و ماعندي خبرة
بس الله يسهل عليج يارب
عادي اتوقع يعطونج طلق صناعي لما يفتح الرحم

 

[f@rsaq8]

الله يسرلج امشي ع البحر هذا الي اعرفة

 

[9o9ii]

نور الدنيا
f
تسلمون على المرووور والرد

 

[يا كويتنا]

والله وانا اختج صبري متا ما حان موعده بيحي باذن الله


انا هذا الحمال الرابع


وبجري والثاني اخذت من العاشر ايام بس والله اني ولادتهم سهله


بس كثري من شرب الدارسين والهيل وروحيلج لدكتور شاطر يسويلج توسيعات بسيطه

 

[بتبوتااا]

البجر يطول حبيبتي نطري شوي والله يسهل عليج وعلينا ان شاء الله

 

[@ام يوسف@]

الله يهون عليج وتولدين بالسلامه

 

[زينانه]

اشربي حلبه
تلين عنق الرحم وتوسعه
اعجني تمر بسمن و اكلي منه

كثري جماع
اكلي خيار لانه يلين الرحم
امشي ع تراب البحر يفيدج حيل

 

[جمالي خيالي]

شربي حليب وزعفران يلين الرحم

والله يقومج بالسلامه

 

[جديده 1]

اانا سمعت ان الدارسين يبرد الطلق .. شغلتين طبيعيتين .. امشي عالاقل نص ساعه و يفضل على الشاطئ و الشي الثاني جماع .. موفقه يارب

 

[{ ليت ظني كآن صآيب }]

انا نفسج بولدي دخلت التاسع وماجاني طلق نهائيا

ودخلت العاشر وقالوا البجر تطول

ورحمي كان مسكر مو راضي يفتح

قعدت 10 ايام بالعاشر و فحصني الدكتور والا الصدمه رحمي مو مفتوح ولا سانتي

و قالي عنق الرحم عندج سميك

و حط لي طلق صناعي لان خلاص نظر علي وايد

قعدت يومين ع الطلق الصناعي فتح بس 2 س

و حولوني قيصريه

الحين انا حامل بالثامن وخايفه ان الرحم مايفتح

انتي حاولي بشتى الطرق تسوين الشغلات اللي تلين الرحم عشان ماتتعبين بالولاده

والله يهون عليج يارب

 

[elpinkya]

عادي البجر اطووولين لانه شي يديد علي جسمج

دام مبطل شي بسيط عليج بالمشي و الرطب و الجماع و القذف يكون داخل سوري علي الجمله بس عشان التوضيح

و لو تطلبين بالفحص الدكتور يسويلج توسعه و بعدها يكون الجماع زين علي زين انا ف بنتي سويتها و ولدت ثاني يوم

 

[جذابه بنت ذيابه]

حببيتي دامج عديتي شهرج خل يسون لج توسيعه


وعليج بالمششششي .. والجماع

 

[نـور الكويت]

عسى الله يسهل عليج وعلي وعلى بنااااااات الحلال بجر وما اعرف

بس انصحتني دكتورتي بالمشي والله كريم عسى الله يسهلها ويسرها يارب العالمين

 

[مشغوله و محتاسه]

حبيبتي وضعج طبيعي جدا و عادي

بالعكس انتي الحمدلله تمام مقارنة بحوامل ثانيين

وعادي البجر اتدش العاشر تاخذ منه جم يوم

امشي علشان العضلات تلين .. و ترا الدارسين ما يبرد الطلق بالعكس

عشان جذي ما ينصحون فيه للي توها حامل باشهرها الاولى



الله يسهل عليج





نور الدنيا : اذا الرحم مفتوح ما تحتاج الحامل للطلق الصناعي


و ان شاء الله كلكم ما تحتاجونه لانه يتعب اكثر من الطلق الطبيعي

 

[ساشا]

الله يعينج بس نصيحة المشي والجماع
ولا تخربطين بادوية ولوية
الدارسين مايسوي شي الا وقت الطلق
اما اذا انتي مو مفتوحة ولا فيج طلع مايسوي شي اللهم اذا فيج هوا يطلع
والله يقومج بالسلامة

 

[تبطي عظم!]

الله يسهل عليج ويفتح الرحم