الرضاعه الطبيعيه شكثر تستغرق؟

[ميس:)]

السلام عليكم بنات بخصوص الرضاعه الطبيعيه انا بجر وبالنفاس وبعرف شكثر تاخذ الرضعه الوحدة انا اخلي الياهل تشرب ساعه الا بس احسها ماشبعت وساعات تنام وانا ارضعها ولمن اسدحها ترد تبجي وارد ارضعها وهكذا فاحس الرضاعه جدا صعبه عكس الصناعي تشربه ويشبعها وانا الحمدلله فيني حليب بس احس الطبيعي خفيف مايشبع نفس الصناعي انتو شرايكم

 

[اخت خالتهم]

بس الطبيعي يقولون مفيد للبيبي أكثر رضعيها مرة من اليمين ومرة من اليسـار لين تحسين شبعت
اهو يبين اذا شبعت او لا

والله يخليلج ضناج يارب

 

[سكر فتافيت]

حمد الله علي سلامتك حبوبه
نصيحه خليها ترضع قدر المستطاع لان حركه المص الي البيبي يسويها
تثير إفراز هرمون يزيد من إفراز اللبن وانت ممكن تساعديه
بإنك تعصري صدرك وهو يمص
والسن ده غالبا كل ساعتين يبي يرضع فإصبري عليها شويه وبعد ٣ شهور نومها بيتظبط شويه
بيني وبينك كنت ترضعها قبل النوم رضعه صناعي عشان اعرف أنام شويه
كيف تعرفي ان الرضاعه الطبيعيه كافيه ولا لا.... ده عن طريق متابعه الوزن كل شهر
لو بتزيد بشكل طبيعي خلاص يبأه بتشبع
ربنا يهديهالك يارب

 

[توحه1]

من كل صدر ترضع ربع ساعه الى ٢٠ دقيقه بس موتحسبين اذا نامت هههه انت صحصحيها ورعصي صدرج بحجها
وكل ساعتين البيبي يرضع هذا اول شهر بعدها كل ٣ ساعات

 

[سميره مملوحه]

انا خبري كل ساعه او ساعتين بس كل ما تشوفينه يبجي رضعيه. او عطيه ماي شويه يمكن عطشانه. ولاتنسين عوديه على الصناعي لا سمح الله صدرج ينشف الحليب فيه وتتوهقين على الاقل يكون متعود على الصناعي وعسى الله يخليج له او لها

 

[ميس:)]

يعطيكم العافية ماقصرتوا بردودكم

 

[-فلانة-]

http://www.q8yat.com/t344886.html
شوفي هالموضوع واااااايد راح يفيدج..​