الرضاعه الطبيعيه والحمل استفساااار الله لايحرمكم الاجر

[ffanr]

مرحبا
بنات انا ناويه ماحمل على طول بعد ولادتي بس حبيت اسألكم اللي ترضع طبيعي صج ماتحمل
يعني انا مفكره ماخذ موانع بس ارضع طبيعي فهالشي صحيح ان الرضاعه تمنع الحمل


واذا مانزل حليب لازم اشفطه والياهل اخليه يعتمد على الطبيعي ولامكس صناعي وطبيعي


وانا شنو اخذ عشان يدر الحليب
وشكرااا

 

[عجميه زوغه]

انا بعد مثلج وابي احد يرد على هالاسأله

 

[صمت المحبه]

لرفع وانا ودي اعرف

 

[غرام القمة]

ممكن حسب رضاعتج اذا ترضعين باستمرار وفي حليب وايد تمنع الحمل
واذا مافيج حليب الا شويه وماترضعين باستمرار ممكن تحملين انتبهي

 

[نرجس 2]

انا من النوع الي ارضع
واحمل بعد الولاده 3 شهور يصير حمل فورا
ما شاء الله

اختي ترضع نفسي
وما تحمل الا بعد سنتين
اما ازا فطمت البيبي يصير حمل بعد شهرين تقريبا
فانصح كل الي ما تبي الحمل تعمل احتياطها بعد الاربيعن

 

[M!SS.LOBY]

الله يسهل أمورج

 

[Mrs.H]

نفس السؤال.. + انا ماعندي حلمة شسوي؟؟

 

[انا لحبيبي .]

مو شرط حبيبتي بتحملي حتى لو بترضعي


ونصيحتي للحليب خليكي على حليبك هو افيد شي للحليب

واذا حابه تستفيدي فوتي على اليوتيوب اكتبي ( رولا القطامي ) هاي دكتوره ممتازه بتعطي دورات ونصايح للمره الحامل والمرضعه

 

[ffanr]

جزاكم خير اللي ردت
وصج في بنات وايد يسألون نفس اسألتي ماتوقعت اني بس عندي هالاستفسارات
يالله بنات نبي تجارب

 

[شروق &]

اناارضع ومااحمل بس قرايبي يرضعون ويحملون والدوره ماجاتهم
يعني فيه ناس الرضاعه تحميهم وناس لأ
انصحك تاخذين احتياطاتك عشان ماتحملين

 

[حبيبي مالكني]

هالشي يختلف من مراة للثانية
انا انصحج بالحلبة مدرة للحليب

 

[حشمه]

لما ترضعين مفروض ماتنزل الدوره لو كنتي ترضعين

عدل مادخلتي صناعي وحتى لو تدخلين صناعي ومكمله

الطبيعي ماتنزل الدوره ومفروض ماتحملين طبعا كل شي بكتبه الله

انا لما كنت ارضع مانزلت الدوره كلش ونزلت لما وقفت الرضاعه بعدها

بشهر يالله نزلت وحملت بعدها بس هم كنت حاطه لولب احتياط

 

[ffanr]

يعني حتى لو ارضع لمدة سنه ماتنزل الدوره !!!!!!

 

[Mrs.H]

مادري بس في بنات 6 شهور مايتهم بعد الولادة

 

[فـراوله]

على حسب ممكن تحملين وممكن لا أعرف ناس احملوا من بعد الاربعين عالطول
وأعرف ناس ما يحملون على حسب طبيعة الجسم فالاحسن للي ما تبي الحمل تأخذ الاحتياط


​

 

[نرجس 2]

الحلبه مدره للحليب
بس مشكلتها الريحه
وتسمن بعد

 

[الناس اسرار]

الحليب الحلبة التمر البوالله عن سالفة الحمل اخذي احتياطاتج كل بنت تفرق عن الثانية وحليبج يكون افضل من الصناعي بالنسبة عن الاكل الي يدر الحليب حلبة طحينية والعصاير كثري السوائل وابتعدي عن المشروبات الغازية ​

 

[frfr]

الرضاعه لطبيعيه بدون ما تدخلين صناعي كللش من الولاده ممكن تكون مانع للحمل بس انتي ما تظمنين عادي تحملين عقب

الاربعين على طول فالافضل تستخدمين مانع وما انصحج تستخدمين حبوب منع الحمل لانه ممكن الحليب اللي بصدرج يخف دوري

لج مانع ثاني

الاشياء اللي ادر الحليب تمر وهرده و حلبه و فيه حبوب بالصيدليه تدر الحليب والاهم الاكل

كل ما اكلتي كل ما در الحليب وراح تحسين بعد الرضاعه انج يووووعانه وبس تاكلين تحسين صدرج صار فيه حليب عشان جذي

لازم تنتبهين على اكلج اكلي اكل صحي عشان ما تمتنيين

وبالنسبه حق الجهاز اللي يشفط الحليب اول شهر لا تستخدمينه لانه راح تتحبطين لانه كميه الحليب شويه و ما راح يطلع

حليب عشان جذي هل 30 او 40 يوم جابلي البيبي رضعييه من صدرج لمن يزيد انتاج الحليب وتحسين انه صار اوكي اهني

تشفطين عشان تطلعين بروحج بدون البيبي

وموفقه العمليه يبيلها صبره بس انتي ان شاء الله قدها

 

[PinkLulu]

الرضاعة الطبيعية تكون مانع إذا ترضعين بس طبيعي ليل ونهار

من غير ما يدش أي شي بطن الياهل حتى الماي

وهالشي بس أول 6 أشهر بعد الولادة

ومو شرط ينفع مع كل الحريم...ومو شرط إذا مانزلت عليج العادة يعني ما راح يصير حمل


أنا كنت أرضع طبيعي ومنع الحمل...حتى بعد الفطام...وما حملت إلا عقب ما خذيت حبوب تنشف الحليب

بس إذا تبين تمنعين الحمل...لازم تسوي مانع وما تعتمدين على الرضاعة

 

[FuSheYa]

نفس السؤال


انا اول بيبي ماقدرت ارضعها
كنت عليميه واهيا اسم الله عليها ماتبي صدري

الحين ان شاءالله اذا الله سهل بحااول ارضع

بس شنو اخذ علشان امنع الحمل؟؟ ماكو شي غير الحبوب!
مابي لولب الصراحه اخاف


ومابي احمل على طول!
وكل شي بأمر الله سبحانه