الرمضان و الحموله

[عتاب الاحبه]

صـــــــــــــباح الخير

اشلونكم كروشات

انا عضوه يديده معاكم بالمنتدى رحبــــــــــــــــــــــــوا فيني:eh_s(22):

قرب الرمضان وتبدى معاناتنا معه الحموله و الفطور وسحور :ggdw:

سؤال يدور ابالي شنو نظامكم برمضان تطبخون سحور وله فطور وله تنزلون طبق حلو وله ما تسووون شي كلش


بنات ابليـــــــــــــــــــــــــــز اللي تدخل ترفع الموضوع نبي نستفيد ونتعلم من بعض السنع


بنتظار ردودكم :eh_s(17):

 

[sosowaty]

صباح الورد و نورتي منتدانا

بس جنه مكان موضوعج غلط لووول

 

[عتاب الاحبه]

صباح الورد و نورتي منتدانا

بس جنه مكان موضوعج غلط لووول

ي حياتي تسلمين

انا كاتبته اهني اقصد الحوامل اللي عند الحموله شنو نظامهم اتوقع مفهومه اني اقصد الحوامل مدام كتبه بهالقسسسم :eh_s(22):لتـــــــــــــــــــــــــــوضيح

 

[نور دنياه]

بالنسبه لي هذا اول رمضان بيكون لي متزوجه. احنا نزورهم كل اسبوع وبودي جم طبق وياي للفطور.

 

[! بــدويه وآآيــد !]

،


انا مو ساكنه معاهم وحدي ثقلت والهبوط لاعب فيني لعب الله يستر مادري شلون بطبخ

 

[جـــواهر]

اتوقع وجودكم كافي بظل الخدامات يعني نزلي انتي وخدامتج خليها تعاونهم
موتتعلقين فوق وحزة الفطور تنزلين

وطبق خفيف كافي

 

[زبــــــــدة]

انا مو حامل وساكنه بروحي بشقه وماطبخ لووووووول

نعم داشه عيل

 

[غارقة بأحزانها]

يااااكثر الاطباق الخفيفة
اللي بالفرن
او الحلويات الباردة

في حلو وااايد لذيذ عيالي استانسوا عليه

تييبين المواعين البلاستيك الصغيرة اللي من الجمعية ولها غطا

وتحطين كيك كاكاو تحت بالقاعدة
وتصبين عليه هالخلطة

بالخلاط تحطين
١ دريم ويب
٢ قيمر
٦ جبن كيري
١ حليب سائل
٢٠ حبة بسكوت ماري ( المطاحن)
ملعقة سكر

وتصبينها بالكوب الصغير كطبقة ثانية فوق الكيك

وتقدرين تزينينها بفليك مفتت
او
حبة ملتيزرز بالنص


وطبعا تقدرين تسوين هالحركة
باي نوع جيز كيك بارد ( فراوله - مانجا- كاكاو )

اوتسوين مهلبة وجيلي وكريم كاراميل


وفي صينية الدجاج بالسبانخ مع الماشد بوتيتو او البف بيستري

انتي بس دخلي كويتيات المطبخية وشوفي مالذ وطاب

بس عن نفسي احب اخذ معاي حلو
لان انا اروح بعد الفطور اتفطر ببيتي واروح لهم بعد التراويح

والناس هالحزة ودها تحلي

ولان الخالة تكون اكيد منهد حيلها بطباخ الفطور من شوربه وتقلي بهالكبب والسمبوسة
والطبق الرئيسي وبالكويت طبعا نصير جن محرومين من الاكل كل الانواع موجودة عالسفرة واخرتها كله بالزبالة تكرمون

فما يمديها تسوي حلو او الحلو عتيج قيمات وصب القفشة



انا اقول اذا انتي ميانة ويا خالتج تتفقون كل جنه تسوي شي
يعني خالتج عليها الطبق الرئيسي
انتي فيوم اخذي الشوربة
وفيوم اخذي السلطة
فيوم نزلي الكبب والسمبوسة
وفيوم اخذي الحلو
بالاتفاق مع باقي الجنات
عشان مايصير اسراف بالاكل
ولايصير تعب على خالتج بروحها
خلي الشغل يتوزع


وجني شطيييييت برة الموضوع

 

[أم ملاس]

علي حسب نظام الحموووله..

وبشكل عام ودج تكونين مسويه صنف او أثنين اذا بتفطرين معاهم. ..واذا بعد الفطور بتزورينهم أخذي معاج حلوووو*

 

[t.o.o.ot]

يوم وترك طبخ عائلي لان عمي ماخذ حرمتين <<<<لازم يعدل بينهم لوووووول

وكل خامس يوم دورية رياجيل وشوفي التفلسف عاااااااااد سوي هيك وهيك الله يواجرنا بس !!!!

 

[دلووعة أهلهاا]

من الظهر انزل اساعدهم اما السحور عادي كل واحد بروحه موشي اساسي

 

[ناتشوو]

اشوف من السنع
الوحدة تسوي طبق ولا اثنين وياكثر الطبخات
والمنتديات مو مقصرة
حتى اللي ماتعرف الطباخ سهل عليها
خاصة اذا بتتفطر معاهم
او زوجها يفطر تحت
او تسوي حلو وتنزل بعد التراويح
ومرة تطلب
الخ
الحياة تتيسر
والعيشة مع الحمولة يبيله صبر وحكمة
وله ايجابياته

 

[! بــدويه وآآيــد !]

،


زبده ماتطبخين شلون عالغدا والفطور :/ فيديني يمكن اقلدج لوووول

 

[أتقهوى عذابك]

انا اول رمضان اكون متزوجه والمشكله مااعرف شلون نظامهم
خصوصا اني اول مره ولد وماادري شنو اسوي

 

[سارة ة]

احنا نظامنااا زامات كل يوم عل وحده تطبخ الفطور
والله يعين كلهم عندهم خدامااات الا انا مدري شلون بطبخ
وعل السحور كل واحد بروحه

 

[ناتشوو]

الله يعين

سارةة
اطلبي مساعدة الخادمات مافيها شي
ورتبي شغلج
اذا في شغلات ممكن تسوينها قبلها بيوم
احسن
ولا تكثرين الاصناف وتجهدين نفسج
اهم شي الطعم والشغل مضبوط

بدوية وايد
نفس الشي لا تجهدين نفسج
انا قبل العيال
اذا تعبت نفسي شوربة عدس وتشريبة
رمضان اللي طاف اول رمضان اطبخ من صجي
وكل يوم

اتقهوى عدابك
اذا ماعندهم نظام
معين
ولا افرضو عليج شي
لا تسوين شي مو ناوية تستمرين عليه
طول منتي ساكنة عندهم
فالاحسن اذا ماقالو شي
تسوين شي وتنزلينه معاج
عالفطور
صينية و سلطة
وعلى يوم بعد التراويح
ابهريهم
بكذا صنف حلوو
بمواعين من ذوقج
حتى الشغلات المألوفة مثل الجلي والكريم كاراميل
لها حلاوتها

وبالتوفيق
بناتنا

 

[كلي لكـ]

انا اول رمضان لي ومااااااااااالي خلق كلش والله
بس عالاقل اول الاسابيع بسوي لي جم طبق كل يوم واحد مع حلو لان ان نزلت راح انزل من الفطور لي السحور اتعب بالصعده والنزله
ونظام حمولتي اكلهم مع بعض حتى حمواني معانا
يآرب توصل خدامتي عشان تخفف علي

 

[أستثنـآئيهـ]

والله آنآ آنسآنه مو طبآخه متمكنه ..عشآن أسوي أطبآق وسلطآت ..

فآ قلت لخآلتي مو لآزم تسوين كبب وتعبين نفسج الكبب علي,,
وأخذت من أمي رقم وحده تسوي وطلبت منهآ ..خمس الى ست أصنآف كبب ..

وأذآ كل يوم أسوي صحن حلو بسيط وخفيف أو كيكه خير وبركه ..
وسلآمتكم ..
:eh_s(17):

 

[! بــدويه وآآيــد !]

،


ناتشو اي والله ماودي اجهد نفسي انا ساعتين على بعض ما اكل اطيح من طولي شلون برمضان من الظهر لي المغرب بالمطبخ
بس امي ماراح تقصر بتجيب لي الاطباق الرئيسه بس زوجي لازم عنده اطبخ والا يعتبرني مهمله :/ رمضان الي فات قال لي لاتجيب امج كل يوم فطور عيب اتعبينها انتي الحين لج بيت وهي لها بيتها لووول فـ مجبوره اسوي شي يترس العين

 

[BeNt PaRiS]

انا عن نفسي ماعندي مطبخ

و بعدين وحام و تعبانه


مستحيل اسوي شي


و الله يعدي رمضان على خير


و يكتبلنا الأجر فيه


و يسهل علينا صومه