الروضه طفشتني......

[miamy]

هاااااااااااااااي

اقترحوا علي وين اروح بدال الروضه؟

ابتدائي ولا متوسط ولا ثانوي؟؟؟؟

 

[nero]

ليش طفشتج شنو الاسباب؟؟

واذا مو حابه الروضه .. بيئة المدارس بكبرها ما راح تعجبج

غيري المجال بكبره لا تتقلين حق مرحه ثانيه لانه نفس التعب

بالعكس الروضه مميزاتها اكثر من ناحيه الدوام والعطلله اطول بس الكراف اكثر وشي مقدور عليه مو الي ما تتحملينه

 

[3so0ola]

كل مرحلة لها تعبها ومانقدر نقول ان مرحلة اصعب من مرحلة كلهم لهم تعبهم


واذا موعاجبج التدريس حولي ادارية

 

[وائليه]

إقعد على مجنونك لايجيك اجن منه ..... اذا مو مرتاحه روحي روضه ثانيه أما المراحل الثانيه لا والله تعب وراح تتحسفين ..

 

[ضحـاوي]

اذا السبب اليهال غيري المرحله

لكن اذا السبب طبيعة العمل ترى الروضه اهون مرحلة من ناحية العمل

 

[سحابه صيف]

يااابنات ياكثر ما اسمع هالكلاام انا اول سنه تعيين لي
بس اشوف الروضه اهون من غيرها
اهي فيها عيوب صح بس عيوبهاا
تكون اما الاداره والمشرفاات والتوجيه بس
اماا طبيعه العمل بالروضه مريحه ومرحله العمر تهبل
واحلى مرحله ياابنات ومتنوعه ومو ممله الوظيفه
واذا تبين تغيرين نفس وحده اعرفها راحت متوسطه تحسفت
على قد شعر راااسهاا لانه هناااك اشراف اداري وواولياااء امور ودرجات
وتصليح واذا فاينل ليما العصر التصليح وغير الاشراف الاداري والحصص
الروضه شعندج غير خبرات واشياااء بسيطه بس يحكمون على تعاملج مع الطفل


<-- طولتها واهي قصيره لوووووووووووووووووووووووول


سوري على الاطاله تحياتي لج واستخيري حبيبتي

 

[أمووونه]

البنات صح كلامهم انا جربت الثانوي طلعت عيوني مع اني مو مدرسه والحين قاعده اكمل دراستي وبصير ابلة روضه وجربت الابتدائي شوي اهون من الثانوي بس نصيحة لاتروحين المراحل الثانية تعب وكنترول وعفسه ومراقبه واذا مو مرتاحه من الروضه نفسها انتقلي روضه ثانيه والله احسنلج

 

[miamy]

اي والله وااااااااااايد نصحوني اني ما اروح مرحله ثانيه بسبب مشاكل اولياء الامور والتصحيح ولسان البنات البزع

انا احب اليهال وايد بس الروضه تعب واااااااااااااايد

دايما تفكرين شنو بتسوين ولازم شي جديد ومناسبات وايد وتدرييييب


بس شكلي بظل على مينوني على قولة وائليه

ومشكوورين على الردود وصح انا اقتنعت ان الروضه اهون من غيرها

 

[عالي مستواها]

مشكلة الروضة بس بالصررف والبهرجة بدون معنى

أحس حيل مستغلينااا

كافي اليوم كله شغالين باليالله الوحده تحصل لها نص ساعة تريح

 

[miamy]

عالي مستواها والله صح كلامج

ذاك اليوم مجدمه دقيقتين على غرفة الانتظار جان تقولي الناظره ليش مجدمه دقيقتين تخيلي...

قلت لها والله هلكنا اليوم جان تقولي اي بعد هذا الشغل

انزين شدعوه ماكو الله يعطيكم العافيه!!!

 

[كبرت وراحت على]

مشكلة الروضة بس بالصررف والبهرجة بدون معنى

 

[قهوه وشاهي]

كل يوم هذا هاجسي الوحيد بس وين المفر !!

أقضبي مجنونك على قولة الخوات