الرياضه النسائيه بالكويت - صدمه @@

[اخت واختها]

مصدووومه


اوصخ واقدم نادي صحي بالكويت عشره بعشره وكل الي فيه اجهزة مشي على 50 دينار !

النوادي العدله كلها غاليه

بالمقابل احسن نادي رياضي رجالي ما يتعدى سعر اشتراكه 45 دينار !! :eh_s(16): الله اكبر هدومنا قلنا ما عليه تكلف شوي لكن النوادي شنو بتكلفكم النوادي النسائيه اكثر عشان تصير اسعارها دبلات اسعار النوادي الرجاليه ؟!!!! :eh_s(10):


=

=


نبي نلعب رياضه

ماكو انديه كلها حق الشباب !

ماكو غير نادي الفتاة ويبون بنات تحت 18 سنه فوق 18 راحت علينا

لا وهم يبون عدد معين مو اى وحده تسجل


=

=

شفتو الملاعب الي تصير بالمناطق السكنيه ؟

طلعت كلها حق شباب مو من حقنا ندشها لا ملاعب قدم ولا سله ولا غيره

برا

=

=

=

واخر صدمه رحت مجمع احواض السباحه
طلع في بس حق شباب وعوايل !! @@

( قوز وقوزتو وعيالهم )

وانتو يا البنات برا مالكم شي انتو يايين من المريخ ما تتصنفون لا شباب ولا عوايل ؟!!!!! @@


=

=


صدموني اكثر بنات اكيد في شي يصدم اكثر

مو احنا بنات الغريب مو بنات الكويت مو من حقنا نسوي رياضه يا نقط معاشاتنا كلها على النوادي يا ما يصير

.

.

هيئة كامله للشباب والرياضه قاعده تقط فلوس الدوله بكل عنصريه على بس شباب الكويت بنات الكويت خلهم يولون مالهم رب مو بنات الديره بنات الغريب يمكن !! @@


حتى بالرياضه عنصريه بهالديره الواحد شقول غير حسبنا الله ونعم الوكيل !!!

لكم المايك :rgewrg:

 

[نهى الأحمد]

:eh_s(7):


هلا حبيبتي

اكيد البنات المفروض يكون لهم اماكن مخصصة للرياضة مثل احواض السباحه او الحدائق



وان شاءالله الخوات يتفاعلون بالنقاش في هذا الموضوع

 

[Tom ♥ Jerry]

.


اشتري جهاز مشي ابرك

 

[كلنا عشاق لكن]

يرخصون للشباب عشان ماينشغلون بالعربدة والفتن :O_SHH_:
بس اذا عندج سرداب أوسطح جهزية بكل شي يونس مثل هالصورة
وحددي كل يومين ثلاث جمعة بنات فيكون جوك احلى جو :ggdw:
كافي انج واثقة فية ومفاتيحة معاج عشان حتى الصغار ما يتهورون ويغرقون لاسمح الله
والمدربة امرها هين اتفقي معاها وبتجي للبيت متى مابغيتي
​

 

[بوغاتي88]

والله اشتري اجهزة وضبطيلج مكان وقعدي لعبي احسن لج من النوادي وخساير الفلوس

 

[بنت الكويت العسل]

بيتج ابرك انا حاطه جهاز مشي وان مليت رحت مع وحده من خالاتي او رفيجاتي الحديقه نمشي بس غالبا غبار فاتمشى بالجهاز وشغل التنظيف هم يساعد وهم السوق حلو بالمشي ترا انا ملاحظه من زمان ومنبطه جبدي كله شباب وبس

 

[ام سعود ديكسون]

ادري من زمان ان الرياضة بالكويت بس حق الشباب
لا و يعايرون البنت لي كرشت والا المتزوجة لي نطت لها كرشة ما بعد الحمال

بس ترا الهيئة العامة للشباب و الرياضة مخصصة جم مدرسة للحريم مع ادوات و مدربات و تكاليف رمزية بس مالهم الا نفس التوقيت بين صلاة العصر و المغرب

و هالحجي قبل جم سنة يمكن الحين تكنسل لان اللي عندها تدريس و يهال ما يناسبها وقت fixed

بس باقولج شي >>> لا تخلين هالشي عذر انج ما تمارسين رياضة
يمكن المجتمع له تحفظات و خلافه ف بالرياضات التنافسية ماكو مجال للحريم الا بنادي الفتاة و نادي الرماية و بسن صغير نسبيا

بس تأكدي ان اكو جهود فردية >>> خلج انتي وحدة من هالجهود و كسري القاعدة
يعني اللي يبي الصلاة ما تفوته
لا تخلين الوضع يحبطج يا عمري

 

[أبلة فاتن]

خلاص بنات موضوعكم راح ارفعه حق هيئة الشباب والرياضه بتويتر اقولهم تسون نوادي صحيه متكامله للبنات ولا شلون !!

نحو شعب جميل متناسق الاجسام ترى بنات الاجانب اللي معدل اجسامهم البحر تلقينها من هي 10 سنين تغطس وتسبح

والجسم مشدود وركوب خيل احنا بس متلحفه بعباتها ومنخشه ليل نهار بالبيت ولي تزوجت قالها متينه وبتزوج عليج من هالدول

يعني خلينا صريحين البنت شنو تبي غير الاهتمام يعني كلش اوضاعنا ما تساعد الوحده حتى تشتهي تهتم بنفسها !!

المسيله كلها بويات وخياس الحمدالله ما اروح له والاكوابارك نفس الطقه !!،،، ومو كل الناس تقدر تروح

شاليهات ولا توفر ببيتهم حمامات سباحه يعني بنات النادي والله تغيير جو وكسر روتين لا تقولون لي اشتري جهاز واحطه بالبيت

ترى كل اللي شروا وشرينا علقنا عليه الهدوم بالبيت !! ليش لان بالبيت شنو تغيير المكان بحد ذاته يلعب بالنفسيه وتحسين

بحماس تروحين نادي تشوفين الناس وتحسين بتنافس وودج تضعفين او بالاحرى تحافظين على لياقتج جني طولت بالرد

عموما مشكوره على الموضوع والطرح الراقي وانشاءالله نلقى حل حق هالمشكله وياليت بالجامعه يوفرون لنا ههههه


كلاس ناس مشي رياضه بدل هالاكل ليل نهار زط بالكافتيريا يبا اذا فتحو نوادي من يربح مطاعم التجار بعدين ههههه


مشكوره

 

[ام سعود ديكسون]

صاجة أبلة فاتن إحنا بالصيف درجة الحرارة ترهل الجلد و الغبار يتنك الصدر
و شتانا برده سحتني و ان طلعتي من السيارة لي مجمع كحيتي من البرد الصحراوي

و بعدين الجهاز له مضار ع الركب
يعني المفروض تنوعين مو كله جهاز مشي
المفروض سباحة و ايروبيك و خلافه

و إحنا بلد يا الله من فضلك بين كل مطعم و مطعم اكو مطعم صغير
الله يديم الخير بس مو جذيه 

أنا مالي في تويتر و فيس بوك
اذا انتي تقدرين توصلين وجهة نظرنا اكون شاكرة لج
لان رفيجتي تبي تمارس رياضة تنافسية فردية او جماعية بايطار شرعي مع حجابها و مو لاقية مكان يشجعها

 

[جلكسيه اس 3]

انا بعد معاكم. يا حلاتي قبل اياام البدنيه و اللعب و العكوكسه اشحلات جسمي
و اللياقة كانت فعلا موجوده كنت اركض
اما الحين لا تعليق كل شي تغير
ترا اللعب مو بس حق البدن حتى النفسيه تتغير انتي مستانسه
مع ان عمري كبير بس هما انا معاكم

 

[عادت ذكرياتي]

أب


أب

 

[كلهآ ملح ..}]

رفع لعيونتس

 

[شذونه]

الله يعينكم
اشوا عندنا بالسعوديه اماكن للبنات خاااصه والشباب بعد
بس تو ادري لاني كنت متوقعه الكويت دوله كبييره وكل شي فيهااااا

 

[Très Jolie]

الوضع كل ماله وبالنازل بهلديره واحنا السبب

شايفين اسعار كل شي فووووووق شدعوااا وين قاعدين بميلانو؟ ابتداءا من اسعار البيوت لي الاكل

يعني مو معقوله اطلب همبورقر وبطاط يطلع حسابي 10 دنانير!!! لازم كلنا نوقف وقفه وحده نغير هل شي

 

[حمام شاقني فنه]

الشكوى لله وحتى نوادي الشباب لج عليها يدخلون شزينهم يطلعون منفوخين هوا يبيلهم رقابه هالنوادي

 

[بنات حواء2]

اوافقكم الراي بكل كلمه
اما الشباب تتفخ علفاضي ولي طقيتيه طراق بجا

 

[Miss Cherry]

أنا معاج بنقطتين أولا ً بنسبة للنوادي موجودة بكثرة بس أسعارها حيل غالية مو الكل يقدر عليها صراحة و هيئة الشباب والرياضة المفروض يهتمون بالبنات أكثر

بس سالفة حمامات السباجة والملاعب المكشوفة تصير للبنات ماينقع هالحجي عندنا

أنا مابقى نادي ماجربته أحب السباحة وماعندي مكان بالبيت أخخخ بس لو عندي جان اربع وعشرين ساعة اسبح ماطلع من الماي ههههههههههههه أحس إني برمائية