الرياضه بعد الولاده

[al.zena]

بنات بسألكم بعد اشكثر بعد الولاده أقدر ألعب رياضه

 

[أم حمبوصة]

شوفي انا بالنسة لي بعد يوم بدأت برياضة خفيفة ، وبعد 20 يوم قمت العب رياضة لمدة ربع ساعة وبعد شهر نص ساعة .

بس انا ولادة طبيعية !!! مو قيصرية !!!

 

[da3doda]

انا ولادتي قيصرية متى اقدر ؟

 

[فتون علف]

شلون بعد يوم بديتي تلعبين رياضه ترى موزين حتى لو ولادتج طبيعية
ماعليكم من الاجانب بنات ترى موزين للظهر والرحم لازم ترتاحين
الحين انتي لما تييج الدورة يقولون لج مو زين تلعبين رياضة او تجهدين نفسج فما بالج بعد الولادة!
الدكاترة كلهم يقولون عقب 6 شهور
واذا تبين لياقه ممكن بعد الاربعين تمشين مشي عادي نص ساعه بس
وسألي الدكاترة وشوفي شيقولون لج
وترى الاعراض الجانبية ماتطلع الا بعدين شكثر اعرف حريم رحمهم نزل وسووا عمليات والسبه مايرتاحون بعد الولادة كل ما تكلمينهم يقولون لج شوفي الاجانب ماصار فيهم شي! ترى يصير فيهم من قال ما يتأثرون مو زين نصيحة وانتي كيفج

 

[Tulip81]

لا من قال 6 أشهر !!!!!!! وايد 6 شهور اشدعوه .... بعد الأربعين تقدر تلعب الوحده بس مو لعب عنيف يعني مشي وعده شغلات خفيفه

 

[frfr]

انا قريت وسالت انه بعد شهرين تقدر الوحده تلعب رياضه عدل يعني تشترك اب نادي مثلا

بس انا بعد الولاده على طول مستشفى المواساة عطوني كتيب فيه رياضه خفيفه اسويها من اول اسبوع من الولاده بس طبعا ما تعتبر رياضه رياضه لا تمارين بسيطه حق شد البطن والرحم

اما بنسبه للولاده القصيريه يبيلها وقت مو اقل من 6 اشهر على ما يلتام الجرح عدل

 

[zahraa]

انا ولادتي قيصريه
الولاده الي طافت لعبت بعد الاربعين
والحين توني والده شكلي الحين بكمل شهرين وابتدي لان الحمد الله ماصار شي ذيك المره
وحملت بسرعه

 

[zoba]

انا بعد قيصريه ناس تقول عقب الولاده ب6 شهور وناس تقول مو اقل من سنه

 

[^^ROSE^^]

انا مع فتون

 

[al.zena]

أنا صار لي شهرين والده وألحين أمشي بس يصير أسوي مساج ألحين ولاأنطر وإذا موزين المساج ألحين متى أسوي بعد الولاده.

 

[د.شريفة]

شوفوا بنات انا قيصرية قالت لي الدكتوره بعد ماتطلعين من الاربعين لعبي رياضة لشد البطن سويتها جم مره وهونت مع انه ترى ماتضر

 

[& مــشــايــخ &]

فوووووووق