الرياضية تتفضل ... شلون نسوي تمارين الكرة الكبيرة حق البطن؟؟

[بوران]

هاي بنات
شلونكم
توني قارية موضوع حق وحدة من الخوات عن البطن و اذكرت وحدة تمرين الكرة الكبيرة حق البطن
ياليت اللي تعرف عن هالتمرين تذكر شلون نسوي و ياليت اذا معاه صور يكون احسن:eh_s(17):
هل لها استخدام غير رياضة البطن؟؟
جم سعرها؟؟

 

[بوران]

شدعوة 6 دخلوا و لا وحدة ردت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[أمواج البحر]

شوفي حبيبتي

تمرين الكرة لها اكثر من طريقة و تعتبر من افضل الرياضات حق شد المعدة

راح احاول اشرح لج وان شاء الله تفهمين علي

تسندين ظهرج على الكرة و ريلج تحطينها على الأرض بشكل زاوية و تسوين

تمرين المعده وانتي عليها

وشوفي هالصورة توضح لج اكثر

طريقتها سهله و بحاول ادور لج صور التمارين الثانية

 

[أمواج البحر]

حبيبتي شوفي هالتمارين

وان شاء الله تستفيدين منهم

 

[بوران]

مشكورة حبيبتي
انزين شنو الفرق اني اسوي التمرين فيها او بدونها؟؟
جنها تطيح اذا سويت فيها

 

[أمواج البحر]

الفرق يا حبيبتي انج لما تسوين تمرين المعده على الكرة تشد معدتج اكثر

وترى طريقتها سهلة و ما تطيحين اذا تعودتي عليها

لكن تقدرين تسوين تمارين المعده من غيرها

واي استفسار انا حاضرة

 

[بوران]

مشكورة و يعطيج العافية
وينكم بنات شدعوة ما في احد مجربها

 

[ورده كويتيه]

بوران وايد امدحوها انا شفت بحلقه من برنامج اوبرا كانت مستضيفه جانيت جاكسون اخت مايكل جاكسون
تخيلي يتها فتره امتنت صارت دبه والله تخرع وردت رشيقه في 4 شهور تخيلي جسمها مشدود والبطن الله وكيلج معضل من كثر الشد
تقول انها ما سوت عمليه شفط بس يابت لها مدرب خاص ورجيم خمس وجبات خفيفه باليوم
عاد حطو روبرتاج عن تمارينها ومن التمارين تمارين المعده على الكره والله حتى انا فكرت اني استخدمها
بس العيز ذابحني

 

[بوران]

مشكورة يا ورده كوتيه
احنا شنو ذا بحنا غير العيز و الا جان صرنا نهبل
انا بعد سامعة انه الاجانب يستخدمونها
يالله بنات منو مجربها؟؟

 

[* LOVE STORY *]

وين القى هالكره ؟

 

[بوران]

اتوقع موجودة عند المحلات الرياضية عند النصر