الزهايمر +قلة أدب قطع

[ام خدود ورديه]

السلام عليكم

بنات واي واي واي
منو فيكم راحت فيلم زهايمر مال عادل امام

اليوم اول مره اروح السينما يوم الاثنين من قرادة حظي توني راده انا وريلي من الفيلم الفيلم مو ذاك الزود اللي يقهر فيه انه تمثل معاه رانيا يوسف يعني مرت ولده طبعا طول الفيلم تستعرض خلفيتها مادري مكبرتها مادري شسالفتها لوول متروسه سيلولايت بس جسمها الصراحه كان حلو بس ويها مخربته مادري شمسويه المهم مو هذا موضوعنا
بنات انا الحمدالله واثقه بريلي مو هذا اللي قاهرني
اللي قاهريني عقد قاعدين بالسينما صفتين تقريبا وكلمن اطلعت وطلعت صدرها ولا حطو على خلفيتها صفروو اللي يقول ياابوي واللي يقول اخييه واللي يقول 5 نجووم وكلمن سوت حركه صفقوو واي امبيه قلة ادب ويمي وحده مع بنتها شكلها استغفر الله مادري شلون على اي لقطه اتظحك ظحكت بصوت عالي وطقت على فخوذها وصوت فخوذها عالي لوول صج اليوم مصخره وريلي كل شوي يقول استغفر الله ناس مو متربيه قلة ادب كنا بنطل بس احنا قاعدين بالنص على مانطلع حوسه وانا حامل ماقدر امر بسرعه ويع ويع لاعت جبدنا مادري ليش عشان اليوم اثنين ولا عشاان الفيلم مصري والاغلبيه عقد مايعرفون حق الاجنبي ولا شالسالفه
بنات مريتو بهالمواقف انا ماكانت هامتني الممثله بس من تعليقات الشباب بغيت ازنط ريلي لوول

 

[مس لوتس]

اي شفت الفلم رانيا لبسها xxxxxx


شكلج رايحه سينما الكوت هههههههه عز الله هذي سوالفهم لارحت تصفير ومسخره ع اي لقطه

 

[الصواني]

رد : الزهايمر +قلة أدب قطع


up
up up
up up up
up up up up
up up up up up
up up up up up up
up up
up up
up up
up up

 

[ام خدود ورديه]

حده اكس بس االصراحه جسمها يهبل ماشاء الله بس كانت بالحج متولي وايد احلى وكيوت اكثر مادري شسوت بروحها
وانا كنت بالافنيوز بس الظاهر بو دينار ونص ماينفع حق المتزوجين لوول

 

[G!RLooNa]

ويع تكفا عادل امام لي الحين ما انقرض

والصبيان هذول اهما و هذول قله ادبهم بس تطلع وحده شوي صدرها طالع و لا اذا حطوا وحده تسبح بالبانيو مو مبين شي بس راسها طالع و رغوه يقعدون يصفرون و يصفقون و اقعاااااد و عددددل

لووول مره بفلم ماذكر اي فلم كان مليق حتى

و اخر شي الريال يودي امه الطبيب وامه عيوز و تحتضر مادري شفيها

و الدكتور طلع بقول حق الريال و موعارف شقوله

يقول " يور موذر .. "

جان اللي جدامنا يقول يور موذر از بريقنانت :dddds:

والله اهوا قال انا قمت اضحك امي تقول سكتي فشتينا خخخخ على ملاقتهم بس امبيه ساعات ما تقدرين تمسكين روحج

 

[بدوية بملامح كشميرية 86]

رد : الزهايمر +قلة أدب قطع

ماشفته ..

بقووول لزوجى نروح نشووووفه

 

[حلوه ولمآحه]

رد : الزهايمر +قلة أدب قطع

صج مسخره
بس المواقف مامرت علي

 

[منوة القلب]

رانيا يوسف من زمااااااان مخربتها .. شافت ماراح يشهرها الا هالحركاااااااااااات الوصخه


لا والله مامريت بهالموقف .. وان شاءالله ما امر فيه

 

[اشتياق]

اليوم رحنا انا وحماتي السينما مالقينا حجز زهايمر

حجزنا حق باجر اشوى اني مع حماتي خل يستعرضون اجسام ليمى يقولون بس لوووووووول

 

[Miss McDonald]

رد : الزهايمر +قلة أدب قطع

.

حتى انا كنت بالافنيو
بس ماكان في بوعقاد !!!


وجسسمهآ صج عجيب , ولبسهآ إزقرتي ,
وحركآتها ××× !!!
كلش ولا يوم لابسه البجامة الصفرآ يبوووووووووووووووي !!


انا خليت الفلم وقعدت اطالعهآ لووول ,

 

[دانة بعين بحاري]

وااي من صجج تروحين يوم الاثنين امه محمد كلها بالسينما انا وزوجي مانروح الا بايام العاديه وايد ابرك وبصراحه انا ماصادفني الحمدالله لاني اختار اوقات حلوه وتكون السينما مو مزدحمه
وصج هالرانيا كان لبسها فاصخ بطت جبدي *وبغيت اذبح زوجي مسكين اهو ماله شغل لووووول

 

[بتبوتااا]

. اختي راحت ونفس الموقف الي صار معاكم صار معاهاا !
صدق ر يلي لي قال مصخره وما نروح الا الصبح عرض الساعه 10 :> , لازحمه ولا مصبنه ولا هم يحزنون , .

 

[ابدا يالغالي مانساك]

رد : الزهايمر +قلة أدب قطع

انا بالبيت والفلام المصريه مابلعه وخاااصة عااادل امام ويع
هالزود حضرتله فلم ومع ريللللللج عفيه قللب عليج

 

[* بنت المطر *]

هذا من اسمه مرض

شخباري سينما لووول اشتريه دي في دي ربع دينا او نص وفكي عمرج

 

[ام خدود ورديه]

وااي من صجج تروحين يوم الاثنين امه محمد كلها بالسينما انا وزوجي مانروح الا بايام العاديه وايد ابرك وبصراحه انا ماصادفني الحمدالله لاني اختار اوقات حلوه وتكون السينما مو مزدحمه
وصج هالرانيا كان لبسها فاصخ بطت جبدي *وبغيت اذبح زوجي مسكين اهو ماله شغل لووووول

احنا كان ظايق خلقنا وقلنا يلا انروح ماتوقعنا لي هالدرجه الناس زحمه

امبيه اي جيكتي بالبجامه اللي جدام كله طالع امبيه اشحلاتها كانت بالحاج متولي لووول
صج تووووووووووووووووووبه بعد اروح الاثنين


انا اول مره اروح فيلم حق عادل امام انا كلش مو مع الافلام العربيه بس احمد حلمي وافلامه محترمه
المفروض انجيك عالفيلم بعدين ناخذ رياييلنا خخخخخ

 

[بنت عز وما تنهز]

انا رايحــه للفلم

الفلم حلو والقصه احلا

رحنا الاثنين الي فات بسينما 360 وحجزنا vip لان يوم الاثنين كله شباب العادي

وصج رانيا لبسها شوي بس عادي كل الافلام جذي

والفلم حلو وعادل امام محليه

رايي:aha:

 

[ام خدود ورديه]

انزين حبيبتي اشفيج معصبه رايج على راسي انا كنت بسولف بس لوول فاضيه راده من السينما ومافيني نوم خلاص الفيلم يهبل ورانيها مافيها شي والشباب معاهم حق يعلقون ولا تزعلين يالغاليه :*

 

[طق يا مطر طق :)]

رد : الزهايمر +قلة أدب قطع

حاااااااااااااااااااااااااااسه فييييييييج

مره رحت مع ريلي سينما المارينا الساعه 12 بليل

ولما خلص الفلم كان متضاااااااااايق تعليقات الشباب السخيفه خربت الفلم

وما استانست لاني حسيت ان ريلي متضايق و اساسا الفلم كان مليق

كاناو على اقل شي يصفقون او يصفرون يعني ملااااقه و يوم طلع ريلي كان متضايق و يقول

حسافه ماكان لازم اقعد لو طالعين احسن بس شكلنا كان راح يصير غلط لان انا المره الوحيده الي بالسينما امبيه مو خوش موقف

 

[لمسه حزن]

رد : الزهايمر +قلة أدب قطع

حبيبتي

يوم الاثنين اغسلي ايدج

ماتلاقين مسخره

مادري شسالفه

يعني عشان تذاكر اقل

الناس تستخف

بس الاصح بوجود الشباب

اكثر

الله يعين

 

[krkosha]

حبيبتي ليش رايحين يوم الاثنين كله عققققققد وهيلق ويع ويع وزحمه جنه الناس مستفقرين ليش بدينار ونص
اذا طق براسي اروح السينما الاثنين ندخل vip فاااااضيه السينما ولاا طلبج يوصلج لي عندج لوووول

وصح النذله جسمها وايد فرق علي الله يرحم حالها قبل جنها طروح مر لوووووووووووووووول