الزهيويات الصغار

[الشقردية المزيونة]

السلام عليكم

بنات ولاعليكم امر

شنو الحل مع الزهيويات الصغار

بيتنا نظيف حده ولانشوف نقطة زهيوي بالبيت

بس المطبخ اللهم ياكافي هالزهيويا الصغار

اذتنا حدها جبنا شركات رشت مبيد

بس كم يوم بعدين ترد تطلع مره ثانيه

ماكو فايده كلش

حتى فكرنا نهد المطبخ ونسوي واحد جديد


الله لايحرمكم الجنه ساعونا

 

[BlueGirl]

جظج حلوووو لوووووول هذا اختصاصي

اتبعي هالطريقة و راح تختفون 100%
انا اشتقت لهم ههههههه
اشتري من الجمعيه العجينه الخاضه و وزعيها على اماكنهم بالمطبخ .. هذي الله يسلمج اهم يحبون ياكلونها و فيها سم قاتل من اول يوم راح تلاحظينهم يقلون و بعد ايام راح يختفون الا شوي منهم و بعد شهر تلاقينهم منقرضين


لا تستخدمين الفليت او البف باف ترا ما يفيد بالزهيويه الصغار

 

[الشقردية المزيونة]

هلا اختي ماقصرتي

شنو اسم العجينة

وبكل الجمعيات موجوده

عجينيه زهيويات يعني؟؟

 

[BlueGirl]

اي اهيا للزهيويات و جنه محطوط عليها صورة الزهيوي العود المقرف .. فيه انواع بس اغلبهم نفس المكونات انا شريتها من جمعيه قرطبة .. جيكي على الجمعيات الكبيرة مثل الشاميه او كارفور اتوقع موجوده
و مره قريب بمنتدى ثاني وحده مصريه اهيا تسوي نفس العجينه من الاكل و تضيف له السم يبيعونه بالصيدليه نسيت شسمه ..

 

[بنت العرب]

حبيبتي مالج إلا العجينه تلاقينها بالجمعيات

 

[عسولة ودلوعة]

لا والله مو العجينة
المشروب القاتل من ( بن نصف في الشويخ بشارع ايكيا اول )

تقولين له ابي الدوا ما اللزهيويات
والله مدتع من ست شهور غلى سنه
بلا شركات لا خرابيط وجدا امن يعني انا ارشة على القنفات والستاير والزل والله سحر


تخففينه مع الماي واخذي الرش اللي بجنبه عند الكاشيير

في شي لحشرات الحديقة والزهيويات و- و- و- و- و- \


ووداعا للزهيويات
اصلا انا نسيت شكلهم

 

[galaaa]

اختي عسوله ودلوعه هذا الي تقولين عنه ينفع للزهيويات الصغار ؟؟



انا كانو بالاول بس بالمطبخ واشتريت لهم العجينه الي من الصيدليه الي ازيد عليها حليب بودره وسكر وماي وانفعت فتره وردوا وقاموا مايتاثرون فيها وحطيت كلوركس ذبحهم فتره وردوا وكذلك القاز فتره وردوا زالحين انتشروا بالبيت كله يفشلون والله



طيب بن نصف وين بالظبط ؟؟ وعادي ارشه على القنفات والزل ماله ريحه ؟؟

 

[ام نواف123]

اي والله انا بعد دابحتني الزهيوبة الصغار ابي اي طريقة افتك منهم فيها.
الله يخليكم خواتي ساعدوني لانهم ملوعين جبدي.:0bee2e8d89::0bee2e8d89::0bee2e8d89::0bee2e8d89::0bee2e8d89:

 

[mun mun]

حبيباتى الدواء الى ينباع من النصف ريحته وايد قويه وتبط الراس انتبهى زين لما اتحطينه

 

[رنين]

اذا انكم من النوع الي تحطون كراتين او جرايد او ورق بالمطبخ او بالارفف شيلوهم كلهم بعدين رشي او حطي العجينه الي قالوا عنها البنات و شوفي الفرق لأن اكثر شي يجذبهم ها السوالف.

 

[رنين]

و خلي ليت المطبخ على طول مفتوح ما ييون الا بالظلمه

 

[أميره بأخلاقها]

حدهم مقرفين
بناات تصدووق انا اطق باب المطبخ قبل لا ادخل والله يخرعوون لا في هاليومين يطيروون

 

[لورا]

فيه بمشاتل الشويخ علبة للحشرات بدينارين ونص بس عجيبة ما راح تشوفين الحشرات نهائيا

 

[حناينq8]

حبيبتي

أأمن شي العجينه

هالزهيويه اثاري مسوين غزو على كل البيوت

 

[أحلى همبه كويتية]

اسمها العجينة السحرية
بالجمعيات وسعرها وايد رخيص
والكبت لا تفرشين فيه جرايد
لأن الريال لما طلبناه يحط لنا أياها قال الزهيوية يحبون الجرياد فشيليهم
وصج من يومها اختفو والحين باشتري من الجمعية وأوزع بالكبتات مالت المطبخ
العجينة لونها ابيض على سكري لأن مخلوط فيها حليب


والله يفكج منهم

 

[*الوهج*]

شوفي ياقلبي هذه الخلطة قريتها مدري بأي منتدى بس كثير جربوها حيييل يمدحونها...وهي:
مادة اسمها حمض الفوليك....عند الصيدلي قوليله مالت الصراصير....تخلطينها مع حليب بودرة وسكر وطحين وبطاط مهروس وتحطينها بكل البيت مو بس في المطبخ بكل مكان بكل مكان وخصوصا حوالين الخشب والورق وبالأماكن الدافئة بالأخص..هالخلطةيقولون تصير مثل حاجز ماتعبر منوراه الصراصير فأذا حطيتي بالمطبخ بس راح يروحون لباقي البيت فوزعي بكل البيت عشان ينحصرون يا يموتون ولا ياكلون الا منها وتلقينهم قلوا والله يفكج منهم...وادعيلي ...

 

[نداوي]

حبيبتي مالج إلا العجينه تلاقينها بالجمعيات
********
وايد انفعتني الصراحه

 

[ام بنتها]

شلون استخدم العينه ووين احطهاا ؟
حتى داخل الكبتات احط ؟
و الزهيوي يكون لازق فيها او شنوو ؟؟
وااااااااااي اف يأرفهم

 

[الفرفورة]

انا نفس الشي الزهيوية امأذيينا لا وصرت اقول نكت عنهم مسكينة الوالدة جا لها احباط لان البيت نظيف وما يطلعون الا بالمطبخ وصغار وفيهم ذكاء مو طبيعي شكلة هذول نوع جديد مهجن:dddds:

 

[شندوخه]

مطبخكم خشب ؟ وقطي سفنيك بكل مكان