الزوآآآآج بالجامعة .. ~

[مـآلي شبيه~]

السلام عليكم و رحمة الله و بركاته

بدخل في الموضوع على طوووول
تزوجتي وانتي كنتي تدرسين بالجامعة ..؟ اي سنة ..؟
شلون كنتي عايشة مع زوجج ..؟ متقبل وعادي عنده والا كان يتضايق ..؟
شلون كانت حياتج معاه سعيدة والا تحسين بضغوط ..؟

ادري كثرت اسئلة بس ماعليه خل نسمع تجاربكم لان في بنات وااايد يحاتون هالشي وانا منهم :d

المايك لكم ..~

 

[*آسوومه*]

و الله انا احين اول سنه عرسي عقب شهرين قدني خلصت اول سنه
بصراحه خايفه
لان بكون ف بيت بروحي و يمكن احمل و و و
بس يا الله الله يعينا يا رب
و من اللي حولي
عمتي الله يذكرها بالخير تزوجت و هي بالجامعه صج كان ضغوط عليها و كانت عايشه ببيت اهل ريلها
بس الحمدلله قدرت تخرج
و وحده تصير لنا تزوجت صغيره يعني 19 كبري :$ و قدرت تخرج
صج مسؤوليه بس اهم شي شهادتج
و اذا على العيال امي تقول اهم شي تجيبين بيبي واحد عقب وقفي لين تخرجين
لان بيبي واحد بتقدرين عليه
الله يعينا يا رب :*

 

[*آسوومه*]

لان انا مب محاتيه الا سالفه البيبي لان احس مسؤوليته اكبر من الزوج
اايي تذكرت و بنت عمتي متزوجه من 2010 و بتخرج 2013
يعني تقريبا 3 سنين
صج اشوفها متغربله بس الحمدلله ممشيه حالها و ولدها تخليه عند امها
او عند يدته - ام ابوه - لما تروح الجامعه
و طبعا فكره ان تجيب بيبي 2 شايلتها لين تخرج
الله يعينا بس :**


سوري رديت مرتين بس مشتطه

 

[جـــواهر]

انا اول سنه دراسه بالكليه تزوجت وثاني سنه حملت وقفت قيدي كورس
لولادتي وبعد سنتين حملت وولدت بالميدااني وعلى فكره كلللل هالسنين ومااعندي خدامه
جتني خدامه بالميداني بس

والامور طيبه وبخير لاصار عندج طمووح تبين تخلصين كل شي يصير سهالات عندج

 

[سوبر ليدي]

انا متزوجة وانا بالسنه الأخير والحياه ماشية
وزجي يدري اني اخر سنه وخذاني ومراعي هالشي

 

[بيلسسان]

اهلي مع البنت تتخرج من الثانوي
عقب الجامعه
واذا توظفت والا ماتوظفت وجاها نصيب الله معاها
<<~~~~ احسسسن شي

بنت خالتي تزوجت وهي باولى جامعه
كلت تبن .. وهي شاطره الحين فاااااااشله

 

[بنوت بنوت]

عاد انا العكس تزوجت وانا بثالث سنه بالجامعه وحملت ع طول ولهيت مع البيت والياهل وتكيسلت وضيعت مستقبلي
بس الحمدالله ع كل حال يعتمد ع الوحده اذا لها خلق تجابل الاثنين بيت وزوج وعيال وهم دراسه انا صراحه ما قدرت
مه اني كنت من المتفوقين دايم بالثانويه

 

[مـآلي شبيه~]

توه ينزل الموضوع :eh_s(10):
حبايبي نورتوااا الموضوع
ياليت تكون في اراء ايجيابية اكثر للتفاؤل :eh_s(2):

 

[لمى الهاجري]

لوووووووول انا عزابية وماعندي وقت حق روحي هالدور عيال بس مافي مانع انها توفق بينهم بطريقة ذكية وترتب جدول

 

[Tom ♥ Jerry]

.


انا تزوجت و بقالي سنتين و نص اخلص دراسه ..
الصراحة ضغط غير طبيعي لووول !
خصوصا الي بالجامعه و اذا كانت كليه صعبه بعد الله يعينج
بس اهم شي انه تتفقين مع ريلج على الاقل اذا يبي عيال
اتييبين بيبي واحد بس .. انا سنتين و نص و وقفت قيدي مرتين يعني سنه مرت علي عالفاضي
طبعا وقفت عشان الولادة و الحمل و التعب .. :$
و لو اتيييبين خدامه تساعدج في شغل البيت يكون احسن
عشان لما تردين البيت تكونين فاضيه حق نفسج و بيتج و ريلج ؛*

 

[كويتية خنوجة]

وانا عزابية كمان الله يكون في عون

 

[كويتية خنوجة]

لمى انا وياش عوانس ما في علينا مسوؤلية هههههههههههه ان شاء الله ولد حلال

 

[جِراحُ الغَرام]

حبيبتي الموضوع بالنهاية يعتمد على طموح الزوجة وتفهم الزوج ومساعدة الاهل
انا تزوجت بصيفي اول سنة بالجامعه كنت ساكنة بشقة بروحي ما اقولج سهل لكن مو صعب لان عارف ان دراستي وتخصصي فيه مختبرات لي ال٥ بالنسبة للحمل ربي ماكتب لي الا بعد سنتين ونص يعني بعد السنة الرابعه بالجامعه ووقفت قيدي سنه كامله ويبت خدامة بعد ولادتي حق شغل البيت لان صار عندي توأم ورجعت كملت سنتين دراسه لاني ما كنت ابي اضغط المواد على روحي وانا عندي مسؤوليات عيال وبيت وكنت انا اطبخ مو الخدامة عدا اليوم اللي عندي مختبر لي ٥ او ٨ فياخذ اليهال يروح عند امه اللي ما قصرت او ياخذ من عندها غدا ... والحمدلله تخرجت وتوظفت
وحده من خواتي تزوجت اخر سنة وحملت وداومت اخر سنة وهي حامل وتخرجت وكانت ساكنه عند اهل زوجها
الثانية تزوجت على السنة الثانية وحملت وحملت على الياهل الاول يعني ورا بعض وناعندها خدامه والصبح كانت اييبهم اثنينهم بيت امي بس زوجها ناكان متعاون ومتفهم فطلعت من الجامعه وراحت معهد والحمدلله انها تخرجت
وحده من الاوائل عالكويت تزوجت سنة اولى وهدت الدراسه من كيفها
وحده حماتي تزوجت سنة ثانية جامعه ويابت اول ياهل وكملت دراستها تخلي الياهل عند امها وتروح الجامعه وتخرجت وتوظفت وماشاء الله زوجها جدا متعاون
وحده تزوجت سنة ثالثة وزوجها كان طالب ولان تخصصها صعب فاتفقت مع زوجها انها ما تحمل وكانت ساكنه عند اهل زوجها يعني ماتحاتي غير غرفتها وتخرجت ماشاء الله و توظفت وعندها ياهل
مثل ماقلت لج بالنهاية الموضوع يعتمد عليج انتي عندج امكانية انج تتحملين المسؤولية مع الدراسة
واذا كان الزوج من النوع المتعاون اللي يعتمد عليه
واذا كان الاهل متعاونين مع عيالهم

 

[حآلية الذوق ~]

يعتمد علي الريال اذا يقدرر ولالا
انا الحين بالجامعه ومتزوجه ووايد متزوجين بالجامعه وحوامل

اشووف عادي تقدرين تنسقين وقتج طبعا اذا الزوج يساعد او يتقاضى عن امور بعض الاحيان

كله معتمد علي شخصيته وعلي قدرتج
يعني حاولي موادج كلها تكون ورا بعض مايكون بريك طويل
ومواعيد امتحان الفاينل مايكون امتحانين بيوم واحد

سهالات بس هم في تعب شوي مااقص عليج

 

[حآلية الذوق ~]

والف مبرووووك حبيبتي

 

[سفييره الكويت]

مافيه مشكله اذا كان الزوج متعاون وكنتي توفقين بين الحياه الزوجيه ودراستج

موفقه ياقلبي

 

[GofiSho]

بالتفاهم و التعاون و الاتفاق كل شيء يصير

و ربي يسهل لك و يوفقك

 

[Miss Eteket]

حتى انا هذا همي زواجي بيكون بنص الكورس الاول و الكليه و دراستي بكون ثالث سنه الحمدالله و ان شااء الله اقدر انسق وقتي

 

[مـآلي شبيه~]

حالية الذوق
الله يبـآآرك فيج ..~

الله يسهلهآ ان شآء الله
منورين الموضووع ...~

 

[qswa]

انا من رايي ماايد الوحده تتزوج واهي بالجامعه يبه عيشو حياتكم والله احلى سنين عمري كانت بالجامعه والحمدلله ماملجت الا اخر سنه وتزوجت عقب التخرج ع طول جذي عشت كل مراحل حياتي