الزواج من طالب بالخارج؟ توافقين او لا؟

[دلوعة كويتيات]

مرحبا بنات

بستشيركم بشغله اتخص بنت خالتي

واهي تفكر ليل نهار في هالسالفه

اهي الحمدالله توه يايلها واحد بيخطبها الريال زين ومحترم ويبيها لان سمعة اهاها مشالله جدا ممتازه

المشكله انه اهي موظفه من 3 سنوات واهو للحينه يدرس بالخارج باقيليه 3 سنوات عالتخرج؟ لكن سمعت ان التعليم يمشون له فلوس وابوه الله يرحمه متوفي توه توفى قبل سنتين تقريبا

يعني يصفاله 700 او 650 دينار غير بدل اجار والزوجيه لما يملج عليها؟
شرايكم بنات اتوافق عليه ؟؟؟؟؟؟ والا ترفضه ووتشوفلها موظف احسن؟

علما بأنه دراسته برا تخصصه جدا ممتاز وحلو وقوي؟؟؟؟ شرايكم ؟؟؟؟؟بيتزوجها قبل لا يخلص دراسته لانه مستعيل بيتزوج واهله بيفرحون فيه لان ثاني واحد يتزوج بالعايله؟

 

[رزه مرتزه]

" من اتاكم ترضوووون بدينه وخلقه فزوجوووووه "

معنى حديث الرسول صلى الله عليه وسلم


اذا سألوا عنه ويمدحونه الناس خلي توووافق

ما تضمن الموظف يكون باخلاق الطالب

دعوااااتج .

 

[كرز حالي.]

رد : الزواج من طالب بالخارج؟ توافقين او لا؟

اي والله عااااااادي
وان شاء الله السنين بسرعه تروح ويتخرج بسرعه
ويتوظف احلى وظيفه ويمشيله احسن راتب
والله يوفقها

 

[rfrfx]

رد : الزواج من طالب بالخارج؟ توافقين او لا؟

تتزوجة ليش لا

 

[تنـــاســـانــي]

رد: رد : الزواج من طالب بالخارج؟ توافقين او لا؟

خل تستخير اول شي ،، و الله يجدملها اللي فيه الخير

و مافيها شي اذا يدرس برى بالعكس راح يتعرفون على بعض اكثر و يتعلقون ابعض اكثر لان اثنينهم بغربه و مالهم الا بعض

راح يخاف عليها و يحن عليها اكثر

 

[حرم_طيار]

رد : الزواج من طالب بالخارج؟ توافقين او لا؟

تستخير واللي في الخير يصير ان شألله

 

[أبله كويتيه]

اي اي حياتي خل تستخير وخل اتوكل على الله

وانا حااسه انه ريال زين

لانه بيحصن نفسه من الحريم الي هناك والي يشوفه من تفصخ وبيتزوج وياخذ مرته معاه

لو واحد ثاني يروح يخربط ولمن يتخرج يرد يتزوج

وحلو معاشه 600 زين واكيد اهله ماراح يقصرون معاهم

بيكفيهم وزود انشاءلله مع الزوجيه والبدل يوصل 800 ولا 900

وغير هذا لمن يتخرج انشاءلله ويرد ماراح ينسى انه مرته وقفت معاه وتحملت تاخذه واهو موظف وايد بتكبر بعينه

ومعاشه ماشاءلله وقتها بيصير احسن واحسن وبيعيشها اميره

قوليلها استخيري وتوكلي على الله

 

[Sweeta Girl]

رد : الزواج من طالب بالخارج؟ توافقين او لا؟

حبيبتي اذا الرياال اخلاق و سمعة نظيفة ليش ترفض ؟ اهو صج طالب يدرس برا بس عنده مصروف يعيشهم الحمدالله

ومارده بيتخرج و يتوظف وبس عادي يعني سهالات - اهم شي الاخلاق و السمعة و التعامل

 

[LuLiTa]

رد: رد : الزواج من طالب بالخارج؟ توافقين او لا؟

خل تستخير اول شي ,,,

و ثاني شي شفيها اذا كان طالب ؟ بالعكس جذي بيحطها بعيوونه لانهم بغربة و اهوو لو ما كان محترم و حاصن نفسه جان ما فكر بالزواج الحين ,,,و غير هذا ان شالله بتكون حياتهم هنية لانهم بعيدين عن تدخل الحمولة و بيتقربون لبعض اكثر ,,, و وقته كله لها لانه بيكون لاهي بالدراسة و ما راح يكون في سوالف دواوين و مخيمات و طلعات و سفرات مع ربعه ,,,

و ترا معاشه يكفي مصاريفهم ,,, لانه معاش التعليم راح يزيد شويه لانه تزوج و بيكفي فواتيرهم و تذاكر السفر و اجارهم بره ,,, و معاش الوالد بيضل صاااافي لهم ,,,,

 

[دلوعة كويتيات]

رد : الزواج من طالب بالخارج؟ توافقين او لا؟

ابــــــــــــــــــــ

اب

اب:ada:

 

[noo7a]

رد: رد : الزواج من طالب بالخارج؟ توافقين او لا؟

دامها متخرجه و تشتغل ليش لان

انا يالي واحد و كنت اول سنه بالجامعه و على اساس انه ياخذني معاه اكمل دراستي بره و رفضت لاني يالله ادبر عمري بالدراسه هني شلون بره بالغربه بروحي

و هالسنه يا حق رفيجتي واحد يبيله بعد سنتين و يتخرج و رفيجتي كانت توها صايرلها شهر متخرجه انا الي اقنعتها توافق دام تخرجت و خذت شهادتها يعني ماعندها شي معلق بالكويت خل تروح بنصيبها والحين صارلها اسبوعين بامريكا الله يهنيها و يوفق ريلها و بتدخل معاهد تتعلم لغه

 

[<miss botamba>]

رد: رد : الزواج من طالب بالخارج؟ توافقين او لا؟

لو انا عن نفسي راح اوافق لان حلم حياتي اعيش بره الديره

ومدام تخصصه زين ويمشيله الحين معاش زين فليش لا

وبالعكس مثل ماقالوا اهيا ماعندها ارتباطات الكويت الا شغلها وهذي مقدور عليها فعادي

وبالعكس تروح اهناك وتاخذ دورات تطور نفسها او تكمل ماستر واذا رجعت تعوض الي فات

خل تتوكل على الله

 

[دلوعة كويتيات]

رد : الزواج من طالب بالخارج؟ توافقين او لا؟

اب ابببببببببببببببببببببببببببببببب

 

[شذى الحب]

اي توافق

 

[Ms_sWeeTaa]

خل تصلي استخارة والله يكتب لها الي فيه الخير انشالله

وبالعكس من كلامج مبين عليه خوش واحد وراتبه مشالله زين
هم وناسة تروح تعيش برا, صج شوي الغربة صعبة وتكون بعيدة عن اهلها بس اكيد راح تزورهم بين فرتة وفترة وريلها ماراح يقصر معاها وراح يعوضها انشالله


لو انا منها بوافق لوول
الله يوفقها انشالله

 

[الأميرة جوري]

اذا سمعته زينه ويصلي اكيييييييييد توافق

 

[DooLy88]

وليش ماتوافق بالله ؟؟ تتوكل على الله وربي يسعدهم

 

[أوكسجين]

مافيها شي عااادي
كلها 3 سنين ويتخرج والايام بسرعه تركض

 

[<<لمار>>]

اذا الريال زين ليش لا

 

[قفشـه]

رد : الزواج من طالب بالخارج؟ توافقين او لا؟

اتزوجه بدالها <برا

لول الحمدالله انا متزوجه

بس والله الريال لقطة انا اقول حق ريلي اخذ الماستر برا خل نعيش بدوله اوروبيا بس مايقدر يخلي شمسنا الحلوه لول

الله يوفقها اهم شي الاستخاره