الزوجه تتغير بعد الوظيفه

[iLLuMinaTion]

السلام عليكم

هلا بنات

موضوعي اليوم عن تغير الزوجه بعد الوظيفه

يعني اذا الزوجه تزوجت وكانت تدرس او غير موظفه

يكون تعاملها مختلف بعد تخرجها وتوظفها

هذا الشي لاحظته من خلال المحيطين من حريم اخواني وقرايبنا

يا تري شنو الاسباب

هل التغيير بسبب الاحتكاك بزميلات العمل

ام التغيير يكون بسبب الشعور بالاستقلاليه

ومظاهر التغيير يكمن في عدم الاهتمام في الزوج
والاحساس بالتعالي والتكبر

شرايكم

 

[شادن33]

تكون نظرتها للحياه اوسع من قبل
بس في منهم للاسف تنتكس اخلاقهم يتاثرون برفيقات العمل

 

[iLLuMinaTion]

صح لسانج

 

[ام كوثر2007]

انا مع رائ شادن ..


وطبعا ما نقدر انعمم علي الكل .. لانه في ناس كثير واعيه وتدري انه صداقاات السوء والاستقلاليه مو اهي اللى راح تعمر بيتها وتعوضها عن حياتها الزوجيه .

انا بعد صراحه شفت وايد ناس تغيروا عقب ما داوموا وفي بعضهم توصل للطلاق والاعياذ بالله ..


عسى الله يهديهم ..

 

[~ بنت الهدى ~]

موفقه

شكرا

 

[aloooya]

مادري

 

[zaina alotibi]

برايي مو مسألة تعالي وتكبر كثر ما اهي مسألة احساسها بالاستقلالية واعتمادها على نفسها .....

الزوجة بهالايام صارت ماديا معتمدة على نفسها لوصار ما صار من مشاكل بينها وبين زوجها ماتتردد بالتفكير بالانفصال ...

غير عن ايام امي وامج كانو يخافون من عيشتهم بدون الزوج يدرون انهم بيضيعون .......

 

[هيفاء ksa]

مدري

 

[دلوعة صلوح]

صح انا اشوف وايد بنات اعرفهم عقب الوظيفة تغيرو وصارو نفسيات مادرى ليش ؟؟

 

[Mednight Rain]

لانها تدخل عالم اكبر وتكتسب مهارات اجتماعية اكثر وتعتمد على نفسهاواستقلاليتها من ناحية المادة
وممكن تنجرف مع بنات مو متزوجات ولاعندهم مسئولية بيت وريل وبترد عزوبية مثلهم

 

[الله كرريم]

تعتمد على نفسها وتظن انها خلاص ماراح تحتاج احد وانها ملكت الدنيا ،وممكن تتاثر بصديقاتها اذا كانت شخصيتها ضعيفه وتقعد تقارن وليش زوجي ماسوالي جذي وجذي فترجع البيت حاقده على زوجها .






*

 

[انا لحبيبي .]

مو شرط تتغير ،

 

[شرغوفة]

مووووووو كل وحده ترى على شخصية البنت نفسهااا يعني يمكن اشوي أتحس بستقلالية ومشكور يا الغالية على الموضوع

 

[iLLuMinaTion]

صح انا اشوف وايد بنات اعرفهم عقب الوظيفة تغيرو وصارو نفسيات مادرى ليش ؟؟

مادري ليش

 

[رقـة الاحسـآس]

الناس اللي تشتغل معاهم ممكن ياثرون عليها سواء سلبا او ايجابا
شي طبيعي ناس تعتبرين عايشه معاهم اغلب يومج معاهم
ضغط العمل و المسووليه بنظري ع المراه العامله اكبر لان حتى لو تشتغل بعد فالبيت وراها شغل ولازم تجابل الزوج و لازم تضغط ع نفسها ع شان ترضيه
مب نفس الزوج اذا مضايق او تعبان الحرمه بتخليه ع راحته و تراعيه
مثل ما قالو بعض البنات بعد تفكيرها يتغير
نظرتها لنفسها و لبعض الامور تتغير
لانها تستوي مستقله تعتمد ع نفسها من كل النواحي

في فئه بسيطه تشوف نفسها ع الناس و ع زوجها مع ان الشي ابدا ما يستاهل ها كله
بس ها يعتمد ع الشخصيه لول

 

[ماني من الناس]

انا رفيجتي تشتغل ودوامها بالخاص يعني ترد البيت ع ساعه ٦ وريلها يرد قبلها طبعا ترد منهكه نفسيا وجسديا ع طول استغرب منها اقول لها شحادج ع الشقا تقول وايد اشيا اذا ماساعدت زوجي الحين متا راح اساعده طبعا معاشها ميه دينار تعطي اهلها وباقي الفلوس رايحه ع عزايم اهل ريلها والباقي حق اثاث الشقه

صج ان الفلوس ماتسوا لانها رايحه رايحه بس حسافه الوقت وجو الضغط اللي تعيشهً بالشغل يأثر ع نفسيتها طول اليوم
يعني بختصار احس مايسوا عليها اذا دوامها جي

 

[Moim]

انا احس من تخرجت من الدراسه والمشاكل زايده والحين ناطره وظيفه وودي اشتغل بسرعه عشان اشتغل وقتي بدل القعده بالبيت والتفكير

 

[iLLuMinaTion]

الناس اللي تشتغل معاهم ممكن ياثرون عليها سواء سلبا او ايجابا
شي طبيعي ناس تعتبرين عايشه معاهم اغلب يومج معاهم
ضغط العمل و المسووليه بنظري ع المراه العامله اكبر لان حتى لو تشتغل بعد فالبيت وراها شغل ولازم تجابل الزوج و لازم تضغط ع نفسها ع شان ترضيه
مب نفس الزوج اذا مضايق او تعبان الحرمه بتخليه ع راحته و تراعيه
مثل ما قالو بعض البنات بعد تفكيرها يتغير
نظرتها لنفسها و لبعض الامور تتغير
لانها تستوي مستقله تعتمد ع نفسها من كل النواحي

في فئه بسيطه تشوف نفسها ع الناس و ع زوجها مع ان الشي ابدا ما يستاهل ها كله
بس ها يعتمد ع الشخصيه لول

مشاركه فعاله وبالصميم

 

[iLLuMinaTion]

تتغير يعني تتغير

 

[NODA 2]

اي اكيد