الزوجين سليمين شنو الحل

[قبيطه]

السلام عليكم

انا عندى سؤال محيرنى اذا كانو الزوجين سليمين وفحوصاتهم كلها زينه شنو الحل شنو الأنسب لهم أطفال أنابيب أو تلقيح أوشنو بالظبط سبحانه الله شى يحير

 

[بنت الارسنال]

الله كريم عليج بالدعاء حبيبتي

 

[ميلك شيك]

عليج بقراءة سوره البقرة + سورة مريم وعليج بالدعاء والله يرزقج

سألي دكتورتج إذا تعطيج كلوميد منشط لتبويض والله يرزقج ياااااااااااارب

 

[كويتيه مذهله 87]

لا تقولين شي يحير هذي كتبه ربج وصدقيني كل شي خيره
أذا صارلج من زمان متزوجه أختصري الطريج وسوي أنابيب إن شالله تحملين يارب

 

[ايمانو حلوة]

حبيبتي في اكثر من شغلة اول شي لازم اسوون لج تلقيح عن طريق الزوج يعني ياخذون من الريال ويغرزونه السائل المنوي في المرأة بدون بنج او شي اختي سوتها 3 مرات بس الله ماكتب وبعد هالتلقيح اذا ماصار حمل اكررونها 3 مرات واذا هم ماصار حمل يلجؤون الدكاترة لطفل الانبوب او الحقن المجهري وطبعا طفل الانبوب حق اللي ما انجبت من قبل والحقن المجهري اللي عندها اولاد وانشالله يارب اكون افدتج وماتشوفين شر

 

[-Bello-]

حبيتي انهم يتضرعون لرب العالمين لانه علاجهم بيده وحده سبحانه ..

 

[قبيطه]

مشكورين وماقصرتو على الرد بس والحمدلله أنا مااعترض على حكمة الله ولاشى بس من اللى فينى

 

[أغصان]

انصحج بالتلقيح الصناعي لحالتكم عسى الله يرزقكم ان شاءالله

 

[sweeta77]

حبيبتي انا كاتبه موضوع بحط لك الرابط واي سؤال تبين انا حاضره
http://q8yat.net/showthread.php?t=181780

 

[مدام سارا]

السلام عليكم
والله يا اختى انا مثل حالتج بضبط صارلى سنه و5 شهوور والله والله انى سليمه وزوجى سليم رحنا خذيت كلوميد وابره مفجره وسنار شفت حجم البويضاات حجم احسن من الطبيعى بووواااااجد بس ما صاااااار حمل
لا والحمدلله رحنا قرينا ورحت بعد لحريم لكن هذا رزق من لله ولا اعترااااض على امر الله

 

[Emanova]

لحل الانابيب و كل شيء بامر الله

الانابيب لما اخترعوها كانت علشان العقم اللي ماله سبب ( يعني الزواج سليمين بس ما في حمل )

عسى الله يرزفج يا رب

عليج بالاستغفار و لا تفكرين بالحمل لان التفكير يخرب

 

[خذاني الشوق]

يالغاليه داوومي انتى وزوجج عند مطووع وانشالله تحملين

 

[قليلة العذاريب]

نفس كلام البنات ماقصروااا ،، الله يرزقج يارب

 

[mama21]

لسلام عليكم
ياحلوات الحمل نفسي نصيحة لاتفكرى انسي الموضوع ادعى استغفرى استانسي مع زوجك هذا رزق وفجاة كذا بتلاقى نفسك حامل بس لاتفكرى ابى احمل وكذا ام ساره سنة وخمس شهور مو كثير هونى على نفسك ياربى الناس يبغو الوحده تحمل من اول يوم انتى خذى بالاسباب واستغفرى وادعى وخلالالاص

 

[<<لمار>>]

بذلى الاسباب وخليها على ربج وشوفى دكتورتج شتنصحج اهى اخبر بالاصلح لج

 

[عروسه 99]

الله يرزقج انشالله

 

[BNT_NAS]

انا اكبر مثال لج.....فينا عقم غير مفسر.....

اشكثر خذيت كلوميد وماكو فايدة مايصير حمل .....سويت تلقيح صناعي 4 مرات,,,,, وحقن مجهري مرة وحدة.....وماصار حمل

الله كريم ...ان شاء الله ربي بيرزقنا....

 

[Swan]

اختي انا كان عندي عقم غير مفسر لمده 6 سنوات
وتوني قبل جم شهر اكتشفت السبب ..
طلع عندي مناعه عاليه بالجسم واهيه اللي تسبب العقم والاجهاض من بدايه الحمل
اذا ما سويتي تحاليل المناعه انصحج تسوينها قبل لا تبدين بأي علاج
طلبيها من دكتورتج ..

 

[قبيطه]

مشكورين وماقصرتوا على الكلام الحلو واللى يشجع والأهم منه الدعوى والله يرزقنى ويرزقكم يارب انا الحين متابعه مع الدكتوره شيماء وانشاءالله خير

 

[sweeta77]

swan
صح حبيبتي مناعه الجسم الدكاتره مايفكرون فيها بس هي سبب اساسي في عدم الحمل