الزوج الشمالي

[لاااايازمن]

شلونكم حبيباتي حبيت استشيركم بموضوع الحين وحده من رفيجاتي زوجها شمالي والمعروف ان الشمالي يحب زوجته تكون شخصيه ناجحه وعندها شهاده عاليه وجريئه بس اهي شهادتها دبلوم وكلمت زوجها عالاساس بتكمل الجامعه وتحصل على شهادة البكالريوس بس مو مؤيد انها تكمل دراستها يقول قابلي عيالج احسن واسالتني شتسوي وقلت حاولي تقنعينه مع ولاتنازلين عن رايج مع العلم انه قاعد يكمل دراسته وانتم شرايكم بالموضوع طبعا عقب مااخذت اذن منها ان اعرضه عليكم؟وابي رايكم؟

استغفر الله واتوب اليه،،،

 

[لاااايازمن]

وين الردود ؟؟؟؟؟

 

[انواروه]

وين الموضوع بصراحه مو جاايفه ان اكو موضوع جدير بالمناقشه

وشكو زوجها شمالي يعني ولا جنوبي شنو يعني ؟؟؟؟!!!!!!!!!!!!

وبعدين اهي عندها دبلوم يعني خلاص ماله داعي تكمل لأن ريلها ماايبيها تكمل اي صح كلامه

الا تبي بكالوريوس ؟؟؟؟؟؟؟؟؟؟؟؟؟

بصراحه موضوعج ...........

 

[غلا رشرشها]

خلاص هي عندهآآ شهآآدة و إذآآ مآآظنتي يكون عائق قدام مسيرة حبه لزوجته ؟؟؟

و هــي ماشاء الله عليها بادرت في انها تكمل دراستهآآ و هو رفض يعني ماله داعي انها تخاف من حاجة و الافضلية انها تسمع كلامه في مجابلة العياآآل و بــس

و تقبلي مرور اخيتج بحووره

 

[HER MAJSTY]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[alb7ranya17]

شالمطلوب يعني

 

[لاااايازمن]

بقولها الاراء وهي كيفها وانا كنت ايدها بالاول على الطموح بس شكلي بقولها ارائكم واتراجع عن راي لان خايفه تصير مشاكل بسببي اهو الموضوع تافه صح بس بالنسبه لها موتافه لانها حيل متاثره تقول كان ودي انه يشجعني

 

[الحلا^^مبتليني]

شنو يعني شمالي مافهمت؟
الكويت كلها ساعه تفرينها وطبعهم واحد تقريبا شدعوا امريكا الشماليه والجنوبيه لوووووووووووووووول

 

[NoNoFeTa]

شنو شمالي ؟ شنو مميزات الرجل الشمالي يعني مافهمنا
الموضوع منتهي بدون اراء احد اول وتالي هذي حياتها والاراء مراح تقدم او تاخر

 

[لاااايازمن]

يالغاليات جنوبي وشمالي وشرقي وغربي هذي بوصلة الشخصيه لوتقرون مواضيع الدكتوره ناعمه الهاشمي فهي قسمت الشخصيات على اساس حديث الرسول الشخصيه الاولى: وهوبطيء الغضب سريع الفيء والفيء هو الشخص سريع التسامح والتواصل وهو من الصفات وشخصيات المحموده اللي ذكرها الرسول وافضلها وصنفتها الدكتوره ناعمه انها(شخصيه جنوبيه)
الثانيه:سريع الغضب سريع الفيء وصنفتها الدكتوره ناعمه انها (شخصيه شماليه)
الثالثه:بطيء الغضب بطييء الفيء وصنفتها الدكتوره ناعمه انها (شخصيه شرقيه)
الرابعه: سريع الغضب وبطيء الفي وصفتها الدكتوره ناعمه انها(شخصيه غربيه) وهي الاسوء وعن طريق هالشخصيات تححدين شخصيتج وشخصية زوجك وتعرفين شلون تتعاملين مع شخصية زوجج على اساس كل شخصيه واهم مايميزه للمزيد اقروا بوصلة الشخصيه للدكتوره ناعمه الهاشمي للتفصيل اكثر ترى والله تفيدكم كثير يابنات صدقوني

 

[لاااايازمن]

يالغاليات جنوبي وشمالي وشرقي وغربي هذي بوصلة الشخصيه لوتقرون مواضيع الدكتوره ناعمه الهاشمي فهي قسمت الشخصيات على اساس حديث الرسول الشخصيه الاولى: وهوبطيء الغضب سريع الفيء والفيء هو الشخص سريع التسامح والتواصل وهو من الصفات وشخصيات المحموده اللي ذكرها الرسول وافضلها وصنفتها الدكتوره ناعمه انها(شخصيه جنوبيه)
الثانيه:سريع الغضب سريع الفيء وصنفتها الدكتوره ناعمه انها (شخصيه شماليه)
الثالثه:بطيء الغضب بطييء الفيء وصنفتها الدكتوره ناعمه انها (شخصيه شرقيه)
الرابعه: سريع الغضب وبطيء الفي وصفتها الدكتوره ناعمه انها(شخصيه غربيه) وهي الاسوء وعن طريق هالشخصيات تححدين شخصيتج وشخصية زوجك وتعرفين شلون تتعاملين مع شخصية زوجج على اساس كل شخصيه واهم مايميزه للمزيد اقروا بوصلة الشخصيه للدكتوره ناعمه الهاشمي للتفصيل اكثر ترى والله تفيدكم كثير يابنات صدقوني

 

[مزآجيه!]

امممممم


شكو؟



يعني هو رآفض تكمل ليش تدور عوآر الرآس..!


بس لو قآيل لهآ كملي كآن رفضت..!

 

[لؤلؤية]

ابصراحه انا مستغربة منج
اشلوون ريلها مو راضي انها تكمل...وانتي تقولين لها تمسكي برايج..؟؟؟!!!!!
ريلها مآآآخذها واهي عندها دبلوم...وراضي فيها
وبعدين قعدة البيت والله انها تعز المرة...ماتقلل قيمتها
فلو امكانيات زوجها المادية مرتاحة اشحقة تكمل وتشتغل واتعب عمرها...
خل تتعزز وترتاح في بيتها

وعموما اهي ابخص..وممكن كلشي ينحل بالتفاهم

 

[بدورة القمورة]

غرييبه اول مره اسمع في جي

 

[رعشة خفوق]

خلاص بعد زوجها موراضي ليش تكمل ..!

 

[نـ(المطيري)ـازكـ]

هذا نصيب ..

 

[شوشو الشقيه]

يسلمو بصراحه
بصراحه حلاه يكون الزوج هو من يدفع زوجته عشان تكمل دراستهاااااااااا
ويشجعها ويساعدهااااااااااااااااااا
فالزوج المثالي في نظري من يشجع زوجته انها تطور شخصيتهاااااااااااااااا تطور ثقافتهاااااا عشان تقدر تواصل معاه وتكون امراه كفو وامراه
يقدر يتفاهم معاهااااااا ويحاورها في مختلف امور الحياه
فالرجل يحتاج المراه من تقدر تكلم معاه ويحس بذكائهاااااااااااا وانها مناقشه جيده
تقدر تواصل معاه
تعرفين ان المراه كل ما زادت شهادتها زادت معرفتها بالامور وزادت ثقتها بنفسهاااااااا
لانها حققت نفسهااااااا
وبالتالي ينعكس في شخصيتها وتعاملها مع الاخرين ومعاهااااااااااااا
وتحس انهاااااااااااااااااااا كفوء لهذا الزوج
بس على فكره اقولها لج
واايد رجال يرفضون فكره ان المراه طور من نفسها في تعليم
ونادرا من الرجال الي يشجعون المراه على تطوير نفسها تعليمهااااااااااااا

اذا المراه درست بتكون واعيه وامراه مثقفه فالبتالي بتقدر تربي اطفاله احسن تربيه
بيكون عندها وعي كامل في تربيه الاطفال وكيف تعامل معاهم
وكيف تعامل مع زوجهاااااااااااااااااااا
وبتحس بقيمه العلم وبالتالي بتزرع قيمه العلم في قلوب ابناءهااااااااااا


المشكله المراه قبل لاتزوج لازم تعرف فكره الرجل افكاره شنو معتقداته
دائما يقولج اخذي الرجل الي يشجعج على تطوير نفسج وتطوير من ثقافتج
تحسس النبض
المفروض قبل الزواج يكونوا متفاهمين على موضوع انها بتكمل دراستهااااااااااااااااااا
حاطين الخطوط الحمراء التي لا يجب اي احد يتعدها
شنو الخطوط المسموح اي احد من الزوجين يقدر يتخطهااااااااااااااااااااااا
المروض في عقد الزواج تكتب ان احد شروطهاااااااااا انها تكمل دراستهاااااااااااااااا
وهذا من حقها اذا كتبته في عقد الزواج
بصراحه انا عن نفسي
افضل في المستقبل احصل على الزوج يكون من يشجعني على تطوير نفسي وتحسين ثقافتي
والزوج الي يحسن من اخلاقي ويحسن من طباعي وينصحني ويشجعني
فبيكون اختياري للزوج عللى هذا الاساس
انا في مستقبل بكمل دراستي وبشتغل
بصراحه هي غلطانه المفروض لما تزوجته كتبت في عقد الزواج انها بتكمل دراستهااااااااااا
الصراحه راحه
الحين تبكي لانه ما يريدها تكمل دراستهااااااااااااا
قبل لا تزوجه كانت ما تعرف افكاره ما تعرف شلون رده فعله اذا قررت انها تكمل دراستهااااااااااااا

والله عن نفسي انا اذا بتزوج لازم واحد يكون مثقف واعي
يشجعني على تطوير نفسي وتحسين ثقافتي
ويرضي فيني اني اشتغل واني اكمل دراستي
اذا ما رضي
بصراحه لن اتزوجه

نصيحتي لها
من البدايه لازم يعرف انتي طموحاتج
والحين بعد ما في فايده
تهاوش معاه وتهدم حياته عشان
دراسه
لان شكله طباعه حاده وما يتناقش
اذا تناقشت معاه بيوصلون في طريق مسدود
بيؤدي العناد بينهم الي طلاق
فلازم واحد من الطرفين يتنازل
اكيد الرجل ما يتنازل يعني معروفه
يعني المراه لازم تنازل
اذا فكرت تكلمه لازم تكلمه بهدوء بدون عصبيه لان العصبيه تخرب كل شيء بينهم
تختار الوقت مناسب يكون الزوج مرتاح
مو اول ما ياتي من الشغل تطحن على راسه
وتجلس تقرقر على راسه انا ابي ادرس الي اخره
الي ما يعصب يقول لها ما في دراسه ويخليها بين نارين الطلاق او تنازل عن دراستهاااااااااااااااااا
يخيرهاااااااااااااا بين الحلين
من كذا تعامل معاه بهدوء بلطف
تره الزوج نفس الاب او الاخ
شوفي انا اذا ابي شيء من ابوي
مثلا اي يسوي لي شغله معينه تشوفين اختار وقت الي يكون مرتاح البال
بعدها اجلس معاه واسالف بهدوء
بعدها اجيب له كوب شاي عشان يهدىء اعصابه او عصير ليمون
بعدها افتح الموضوع له
بعدهااااااااااا اتكلم معاه بهدوء مختصر الكلام وباحترام وبحنان
اجلس اترجي فيه هههههههههههههههههه
بعدهااا يقولي اوكي حاضر من عيونيتره المراه الذكيه هي من تقدر تحصل على الي تريده باسلوبهااااااااااااااا
من اختج شوشو الشقيه
شنو اسوي اختار الوقت الي يكون مرتاح فيه

 

[لاااايازمن]

شلونكم يالغاليات حياتي لؤلؤيه انا ماشجعتها بقوه انا اسالتني بالاول وجاوبته حلو الطموح وقلت حاولي تقنعينه باسلوبج فلما شفت صارلها خلافات مع زوجه قلتلها تنازلي عن رايج وخلاص واهو مصر على رايه وانا ماودي ادمر بيته لاحشا والحين شكلها تنازلت عن ر ايه مع انه للحين متضايقه وانا ايد الاخت شوشو الشقيه بكلامها

 

[درة أهل الطولات]

لا تخربون بيت البنت

دام عندها شهادة وزوجها مو راضي تكمل معناته ان اهو مو شايفها اقل منه

مالا داعي تكمل دراسة بحجة انه اهو يحب هالشي

دام قالها ما ابي

طاعة زوجها اولى


لها

وانتي يا عسولة كوني له عون

 

[هاناا]

دام زوجها مو موافق خلاص لا تكمل دراسة