الزوج المزاجي

[سمورة الشطورة]

شنو الحل مع الزوج المزاجي وسئ الخلق مع بيته
شتسوي الي زوجها مزاجي يوم زين ويوم شين ؟
وشلون تتأقلم على نفسيته المتقلبة يعني تجيه مستانسة وهو ضايجة فيه الدنيا على شنو ماتدري ولو يقول شفيه جان تهون

 

[سمورة الشطورة]

شدعوة وصل الموضوع الصفحة الثانية و19 مشاهدة ولا رد يعني ولا وحدة زوجها مزاجي ؟؟
أتمنى تساعدوني لأني مو قادرة أتحمل مزاجية زوجي مأذتني وايد

 

[ام شووووق]

رد : الزوج المزاجي

كل الرياييل اسم الله لهم الف عقل ومزاج

مالج الا التطنيش

 

[اشتياق]

والله لام الله اللي يلومج
كل يوم بحاله
تقولين اسهم بورصه مو ريـل!!!
يطلع بمزاج ويدش بثاني
ينام على مزاج ويقعد غيره
امس بالليل تهاوشت وياه على انه مايبيني اقعد بالصاله!
من صج فصله!!
قلت بذمتك هذي سالفه تصرخ عليها وتعصب؟
والصبح يضحك ويسولف والظهر مكشر والعصر مريض والمغرب بيطلع وبالليل يتشرط؟!
وانا اعصابي كل يوم مشدوده

 

[nora al]

رد : الزوج المزاجي

حبيبتي الشخصية المزاجيه احسن حل انج تسكتين

وترى اهوو موبيده يعني شي نفسي

المزاجي مزاجي لانه يفكر باشيااء سلبيه ويذكرها ويتعكر مزاجه واذا تهاوشتي بتزيد السالفه

نصيحتي ابتسمي وغيري جووو شفتي ماكووو فايده قعدي اقري مجله يمه وعطيه طااف او لعبي بالاب واهوو برد طبيعي

 

[سمورة الشطورة]

يعني شوفوا موقف اليوم اتصل فيني وانا بالدوام وكنت بحصة ييت ودقيت عليه وقمنا نسولف كان كلش عادي بعدها قال راح يروح لخالته سألته ليش قال ولدت قلت اشلون ماقلت لي قام يحلف الا غصب قال لي وزعل وسكر التلفون بذمتكم هالشي يستحق يسوي جذي

 

[الأميرة جوري]

رد : الزوج المزاجي

انتى صيري ذكيه لي صار اليوم الي موزين فيه سكتى عنه ليمن يهدا ولاتسالينه ومتى ماصار زين ساليه او ماله داعي اصلا تسالينه علشان تحاشين الهواش او الزف .........كلهم جذيه يوم اشحلاتهم يوم نفيسسسسسسسسسسسسه <<فجاه

 

[سوسن1980]

رد : الزوج المزاجي

اذا زوجك مدخن هذي من تاثير التدخين

 

[سمورة الشطورة]

اي مدخن للأسف بس تركه فترة وماتغير بعده على نفس الحال

 

[nora al]

رد : الزوج المزاجي

سمووره حبيبتي عقل الريال غييير عنااا تراا

البنت عقلها يجمع كل شي وتقدر تتكلم باكثر من موضوع بوقت واحد

بس الريال الله خلقه جذي اهو طبعه ينسى ومايعرف يتكلم الا بموضوع وااحد فاهوو من وجهة نظره مو غلطان وانتي غلطانه لانه بباله انه قالج

مفروض ماتتنرفزين ولا تغارنين عمرج فيه لان احنا غيير اهما جذي ينسون ومايثبتون وهالشي طبيعي

صج معاج حق يغث ويلوع الجبد وودج تكفخينه ساعات باكبر مااعندج بس ماتقدرين تغيرينه اهوو جذي

قوليله حبيبي يمكن كنت بتقول ونسيت او قتلي وانا نسيت انطرني نروح مع بعض

وريلج شكله حسااس اهما دايم جذي اللي عصبين ومزاجيين يكونون حييل حساااسيين عادي اهو يزف وينفس ويصرخ بس اي غلط منج بيجرحه


اناا اقوول طنشي وريحي بااالج وسوري رديت مره ثانيه وقرقت واايد لوول

 

[سمورة الشطورة]

بالعكس ردج وايد ريحني وهذاني احاول اني ارضيه بأي طريقة

 

[عروووق الغلا]

حبيبيتي اكيد زوجج برج السرطان الله يعينج لان انا نفس حالتج مالج الا الصبر عروووق الغلا